去過晒三間分店..幾年前去大角咀第一次試感覺OK..之後去過荃灣又去埋銅鑼灣..真係間間服務態度都越嚟越差..特別係荃灣分店…今日喺銅鑼灣分店雖然服務態度冇荃灣咁惡劣..可惜佢哋收錯錢..又冇俾單我..之後冇得追究..食物方面蛋餅OK..之前試過嗌外賣..堂食相比之下好好多..不過油益味依然非常重..滷肉飯太肥..滷肉應該係切到細細件容易連飯一齊食..但嚿肥膏成半舊東坡肉咁大..完全唔係嗰回事..

第一次住Hari Hotel，酒店走英倫風，裝修新淨及有品味，類近Rosewood的風格，不過地段不同及酒店整體面積比較小，當然沒有那麼堂皇。 酒店住宿包括雙人早餐，在Lucciola意大利餐廳享用Semi-Buffet，先從A La Carte Menu選擇一份熱食，包括一杯飲品，再出去Buffet Table享用其他冷盤。 今次點了一般的Egg Benedit 及Egg White Omelette，不過不失，Egg Benedit的火腿比較油；咖啡亦較一般，比較酸及沒有香味，但相信純屬個人口味。Buffet位置在餐廳的Bar 枱，選擇不算多，有大概三四款生果、一款芝士、兩款cold cut、乳酪、粟米片及四五款包點。以staycation package包早餐來說，沒有什麼特別需要挑剔，但以正價來說就太過少選擇了。 可惜餐廳明顯不夠座位，連大堂近Check-in Counter Lounge的茶几也要放置餐具，作餐枱之用。而餐廳入邊的沙發座位，多作二人枱用，枱與枱之間的距離大概一把間尺之隔，出入不但有困難，最離譜是這麼近但沒有膠板隔開，連隔離枱的對話也聽得十分清楚，疫情期間感到不太舒適，所以一吃完就走。

記得立鮨剛開幕時十分興奮！香港當時對於立食還不普及，可說是相當新的概念！ 這次我點了珍寶赤蝦壽司、蟹肉蟹膏軍艦、碎蔥吞拿魚腩軍艦、火灸三文魚壽司、原隻活赤貝刺身 、胡麻冰菜、三文魚籽軍艦。總共$250左右。 可惜經過三年後，立鮨不再驚喜，食物質數亦有所下降，感覺食材不夠新鮮，吃不出刺身的甜味，紫菜很快軟身，壽司飯還可以接受。最失望是三文魚籽軍艦的變化，曾經這裡的三文魚籽是用心的經過柚子醬油醃製，沒有腥味，令我這個從來不吃三文魚籽的也點了兩件！現在雖然還吃得出三文魚籽是有經過處理，份量也是十分充足，但就不再是同一回事了。 現在下單是用手機掃QR Code，疫情時期算是衛生做足👍可惜壽司師傅上壽司時並沒有交流，欠缺到壽司餐廳用餐時的互動 以速食或者午餐來說這個地方當然可以，價錢在尖沙咁區也算合理，不過就別再慕名而來了

平時行The One覺得大部份餐廳都係連鎖式，冇咩特別。直到有一次係Deliver🦘無意中嗌到呢間嘅外賣，先開始留意🙂 經過呢間餐廳，覺得佢係普通嘅日式Cafe，冇咩特別，但原來佢出邊有好大個Outdoor Seating！比起商場人來人往，坐出邊更加覺得寧靜闊落，不過夏天就未必會再坐😅 食物方面都有好多選擇，日式嘅丼飯、咖喱飯、Pizza、意粉同小食；好多時仲可以俾你加日本溫泉蛋！酒類都好多選擇，日本餐有清酒，連紅白酒都有！雖然係小店，但食物質素普遍都中上，店員都好有禮貌，價錢係尖沙咀亦都唔算貴！唯獨係甜品覺得麻麻地😂 呢度啱同朋友來Casual 食飯，坐出邊飲杯酒傾吓計都幾好👍

I visit here quite often as the location is very convinient to me. I like the outdoor seats as it is at a quiet corner of the busy civic square. It was all good until we visit again with a new staff serving our table. I am not sure if that is a new manager, but if that’s the case, it’s terrible and I might not come here again. I was trying to order a cake and apart from the a la carte, the menu wrote something like “ask our staff for the special selection”. Out of interest, i asked what kind of cake they serve for today, and he just reply “it is all shown here” and turn away very quickly. He didn’t even have the patience to wait for my order. I tried to call him back several times until he finally hears me when I raised my voice. What’s even worse is that we were being seated very close to the bar and we could hear the staff’s conversation very clearly. We felt really uncomfortable that every time this staff finished taking order of one table, he keeps returning to the bar and start chatting again. The service here used to be very friendly and energetic! We really liked the manager who left last year. Food & drinks are great as usual. Pet-friendly seatings. Just dropping service level. What a shame!

歌賦街呢間係Sukiyaki Mori第三間分店，位置有啲隱蔽，要行到落石梯底先會隱約見到入口。 新店係連住隔離間燒肉店，不過絕對唔會覺得油煙，店舖唔算好大，大概八至九個counter 位，亦都有卡位。 對比起前兩間分店，呢度個氣氛感覺冇咁急促，由訂位開始店員已經好有禮貌，亦唔會硬推貴d嘅Omakase Menu，建議第一次嚟可以食普通sukiyaki/shabushabu就可以，因為份量都唔少。 Menu其實好簡單，除咗Set Menu，仲會有單點俾你加，當日亦可能會有季節性嘅item推介，而我哋就加咗隻生蠔🦪 如果同行唔食牛肉，佢哋亦都有豬肉揀。 呢度嘅服務同埋食物質素都好好！除咗頭盤，蒸蛋同甜品之外，師傅全程都係我哋面前即場烹調，師傅亦好有耐性咁等我哋影完相先開始😂 我哋今次試Set Menu牛肉有四款，野菜，最尾仲會有滑蛋牛肉飯😋上第一款牛嘅時候店員會提供白飯，但份量大概係一兩啖左右。店員話因為唔想客人係等待師傅烹調後食到凍嘅白飯，所以唔會一次過上一大碗，客人可因應自己胃口添加，好細心！我初初見到得一碟牛肉上枱都好有信心，仲諗緊之後嗌多碟乜好，最後食到第2塊牛肉已經覺得好飽！ 今次用餐成個過程都好愉快！可以喺香港食到咁正宗嘅壽喜燒，服務又咁好，我覺得超值！

依家越來越多人茹素，所以亦都多咗好多素食嘅餐廳！ VEDA係喺一間酒店入面，通常素食餐廳都係走清新路線或者中菜，但呢度配合返酒店比較年輕嘅branding，餐廳入面仲有個酒吧！ 入面sofa位比較迫，所以我哋坐咗近門口嘅高枱，環境都係比較輕鬆，朝頭早應該係食早餐嘅地方。 餐牌選擇算多，同埋每樣嘢都係好colourful！喺呢度食素菜一定唔會係全部沙律呢啲凍冰冰或者淡茂茂嘅嘢！我哋嗌左momos （尼泊爾式嘅餃子），Aloo Gobi （入面有椰菜花薯仔同葡式汁），truffle ball，最後仲有個芝士蛋糕！樣樣都好好食！

冇食一排辣野又想過來食😋今次係第二次來，嗌左鴛鴦湯底（美人鍋同麻辣鴨血） 可以先嗌湯底再慢慢點食物，我地成枱都係野食都等左3個字先有湯😅 美人鍋入面入半隻雞，店員會先上左枱再幫你剪開。其實就咁嗌個湯底已經好多料食！ 野食大部分都好大碟，午餐肉、台灣腸同d丸好食😋 醬同配料都係自己出去拎，多選擇同算乾淨 唯一唔好就係有個店員服務唔係幾友善，經過嗌佢真係擰轉面走，差唔多要企起身停底佢先問你咩事，仲要問返我地咩枱號😅

如果想食法國菜又唔想太formal要去到fine dining，今時今日真係多咗好多選擇！ LPM算係係fine dining 同bistro嘅中間，夜晚氣氛會浪漫啲，晏晝就比較輕鬆！適合情侶，或者同朋友嘅各種聚會 今次我哋lunch食咗Restaurant Week嘅special menu，頭盤我哋揀咗petit farcis nicois 同Octopus！八爪魚keep住水準都係好refreshing同擺盤好靚！第一次試farcis nicois，茄醬味道好濃郁，細細粒唔會太濟！ 主菜我哋嗌咗羊架同gnocchi！我唔食羊但一上菜都聞到好香！嗌medium一切開入面係粉紅色👍Gnocchi我覺得全香港喺呢度最好食！除咗麵粉呢度會加薯仔令到佢好鬆軟，食哂一碟都覺得唔夠😋 最後甜品我哋嗌左Apple Tart 同Cassata。好味但同呢度嘅French Toast真係冇得比！😍

唔知係咪因為假期所以餐廳特別忙，感覺到佢哋嘅員工好亂 原先已經一早訂好位，去到佢哋好似先發現仲有客但冇留枱...好彩咁岩室外有枱客走咗佢哋先即刻執位，等咗一陣終於坐低，坐得少少迫但ok 總括嚟講餐廳價錢唔算貴，晚餐每人食咗$200（可能冇嗌酒），如果閒日/日頭入嚟坐室外應該幾舒服，但服務質素同食物質素就唔好要求太多，真係一般般，主打意粉嘅餐廳但意粉一啲都唔出色...反而頭盤同甜品唔錯 如果真係再嚟可能淨係去飲嘢Happy Hour，但其實周圍都有好多更好嘅選擇