何文田屬高尚住宅區，平時都好少特登過去，不過有朋友推介呢一間非去不可的cafe，一於過去會一會去，位何文田廣場3樓既cafe fresca，店面不算很大，枱亦都不是放了很多，不過有好多紅酒，糖果，朱古力放於架上，可供購買，亦很配合餐廳的格調 蟹肉意粉 意大利麵是餐廳手打製作，口感一流，蟹肉又香又甜，份量非常足夠，意大利麵可以掛到醬汁，冇得頂 西班牙特濃朱古力 朱古力愛好者一定要點，一定要點，一定要點，重要既要講三次。一入口口感已經好厚，朱古力味極之濃郁 原來大廚之前喺中環做開fine dining，唔怪得每一道菜味道配撘得非常細膩，賣相靚不特止，味道仲非常出色，但價錢就大眾化，好難得的一間好餐廳，性價比極高，一定要去~~

今晚同朋友慶祝生日，因為佢最鍾意食火鍋又喜歡環境坐得舒適，於是我就帶咗去一間乾淨企理嘅打邊爐度食。 呢度新開無耐，環境整整齊齊配料亦都乾乾淨淨，又有多款式酱料揀同埋飲品以供選擇。 入座前會先問你喜歡咩湯底，其他都係用iPad 點餐 真係好岩我地，完全吾需要行出行入。 湯底我哋叫咗莞茜皮蛋湯底， 而我比較鍾意就係較清既湯底， 同埋用料很豐富，有大量莞茜，食落相當下火，啱我口味。 海鮮拼盤: 我地一坐低店員即刻送上，好有驚喜，裏面有大蝦、帶子、斑塊以及蜆等。 個大蝦其實唔需要煮咁耐 ，象拔蚌好鮮甜，真係想encore！同埋我通常食海鮮都唔會點酱油， 才试到食物的鮮味，我覺得這店的海鮮食材十分新鮮而且鮮甜。 星班片：我最欣賞嘅就係佢啲星班片，大塊又厚肉，建議用一啲比較清嘅湯去配班片，因為咁你可以食到佢個鮮味，同埋肉質彈牙。 每一枱亦會送上一碟牛頸脊，牛肉幾高質好好食，雪花又多，覺得唔夠喉添呀。 金沙鹹蛋炸魚皮: 呢個炸魚皮 ，我自己覺得比較有新加坡風味， 而且佢個魚皮食落去都脆卜卜。 我相當recommend大家去食。 黑松露蝦蟹餃: 這個餃比較有特色，因為佢有黑松露嘅香味， 黑松露遍佈整個餃，而且佢入面啲餡料亦都鮮甜爽口 ，所以其實呢個用清湯煮已非常足夠，可以食到入面餡料嘅鮮味。 打邊爐 必點之一係呢個響鈴，仲要有包紫菜，平常好少會有，同埋新鮮炸 好脆卜卜。 基本上全晚 ，我同我朋友都覺得好享受。朋友生日十分盡興，食材、醬料足夠同豐富，又有多款飲品自助選擇，可以嚟試一試。

呢間餐廳喺天水圍黎講我都覺得非常高質素 而且價錢非常之實惠 完全係cp值超高。 入面周圍都掛住日本燈籠，又有啲壁畫，好有日本feel！ 見到有串燒就叫拖羅雞肉，都唔錯架，即叫即燒！另外我又點咗兩樣小吃，分別係鹽燒雞翼同埋粟米。拖羅雞肉啖啖肉入口即溶，味道非常好，份量算多。雞中翼係開邊既，鹽燒完全岩晒口味，至於粟米口感更加爽脆。 小丸子係好食過出面唔少街鋪 出面都賣$2x仲可能係凍 呢度有晒木魚絲 熱辣辣 有得坐係度食，我一向都好鍾意食小丸子 之前幾次無見到 今次食過愛上左。 壽喜燒鍋一拎上來已經嚇親，意思係份量成座山咁高🤣🤣。除左牛肉之外，仲有菜，粉絲，菇，秋葵等等...份量好足，係鋪到超高。牛肉切得薄薄地，令湯底充滿牛味，日式濃湯有加洋蔥，煲到最後撈飯食一流，啖啖肉爆晒出來。 壽司有好抵食既吉列炸蝦同埋軟殼蟹手卷。明顯係炸得好鬆脆，手工絕不馬虎，加上用料新鮮確實係水準之上。

尖沙咀韓國街一向以韓國美食多而聞名，今天來到其中一間OPPA coffee bar & restaurant, 試一試這裏的招牌菜——火山蛋槳熔岩炒飯。 我和朋友第一時間選中了同一個kimchi volcano, 泡菜蛋槳熔岩炒飯，韓國餐廳當然要吃泡菜啦！ 說韓文的店員會先將熱辣辣的泡菜炒飯送上，然後在你面前即場炒飯！首先會將蛋液倒上，形成熔岩在火山上流出，再將芝士鋪在炒飯之上，然後用火槍將芝士溶化，光是看着就已經垂涎三尺！ 芝士溶化後，店員再用匙羹將芝士、蛋及泡菜炒飯拌勻，芝士的份量多到足以拉到一米多的芝士拉絲！炒好飯後，我們都急不及待要試吃。芝士香味濃郁而且好滑溜，泡菜獨特的辣勁亦相當出眾，但唔算好辣，兩者平衡得剛好，真的非常好吃！ 我們之後叫咗份人蔘雞湯，成隻雞，啲肉柔嫩，食落口係超好咬口，非常足料有齊紅棗同地道人蔘，令個湯就充滿人蔘濃味，原隻雞內仲有糯米人蔘等食材，雞肉嫩滑，呷口湯淡淡人蔘味，建議就咁飲，好補身。 韓國果肉桃汁，飲到粒粒果肉，桃汁比較重甜，梳打酒就清甜又refreshing，炎熱的天氣底下喝一瓶，簡直是透心涼！

位於太和的medium rare steak ，揸車去的話可以泊喺附近路邊，都不算太難揾位，遠望已經見到有人排隊，好彩條隊唔係好長，呢間餐廳係先排隊點餐，再等入座，所以我地都跟從指示，先排隊點餐，有3種牛扒選擇：肉眼/牛柳/西冷，每種扒都會切開再磅，以每克計，最少300克，即揀即切切磅即磅水；同時有3種味㨂：蔥油/洋蔥油/蒜油，加$25有埋套餐，有1:飯2:沙律3.味噌湯4.汽水/烏龍茶，其中4樣揀3樣，非常抵食 即點即磅即煮牛扒 肉眼扒非常之juicy，好多汁，牛肉味又好香濃，煎到啱啱好，medium 真係medium，生熟啱啱好，好正。配上蒜蓉汁，又香又有淡淡蒜香味，正。 肉質很好，而且價錢好抵，唔怪得之咁多人排隊食，一定要去試下

放工想搵個無限時食飯既地方食飯放鬆下 黎到赫徳道飲野食野都多選擇 朋友推薦就選擇左呢間有live band,又有情調既酒吧餐廳👏🏻 環境氣氛都好正。 坐低後就揀野飲野食 我地揀左Signature mocktail Oolong with cheese 烏龍茶底上面鋪左層芝士 仲有少少蘋果味同乳酪 飲落夠清新又夠香 北海道鮮帶子扁意粉，味道不錯，蒜片辣汁自家製意大利粉伴鮮帶子，意粉真係好幼又彈牙，麵如其名。重點北海道帶子煎的熟度適中軟棉棉，味道夾得好好，仲好有鮮味加上乾車厘茄同埋勝瓜，味道一試難忘。 烤原隻魷魚筒，全隻大大條燒魷魚上碟，燒得恰到好處，魷魚入面仲夾住蝦膠同辣肉腸，彈牙得黎又帶點泡菜辣，加上泰式辣汁，辣得黎醒胃，做法特別彷如置身泰國熱騰騰既感覺。 黑松露菌醬野菌Pizza 由於係薄身pizza，所以餅底食落勁脆口卜卜聲，加上超香既芝士同埋黑松露醬與野菌味道很合適，非常香口，配上火箭菜成個package 係好食得黎又健康。 整體而言，侍應們服務態度良好。食物大大份的，味道不錯，都是可預想到的，餐廳氣氛也好，除左地方夠大之外，仲有k房，波枱同埋適合大伙兒聚會的睇波地方，下次要約大班fds黎至得。

聽講尖沙咀開左間台灣黎既臭臭鍋，一直不明白為什麼他叫臭臭鍋！這次是妹子相約我在尖沙咀晚飯順便拿手信，她選了這一家，她的想法跟我一樣！一樣想為什麼這家店叫做臭臭鍋！ 來到門口，看到很多位置便直接進去！ 店鋪位置很大，可以容納40－50人。 原來這邊吃的都是一人一鍋！ 總共有9個鍋可供選擇！ 有不同的調味料可任由個人喜好配搭！ 而我便跟足了他們餐牌上寫的完美比例，是3匙豆瓣醬／沙茶醬，我選了豆辮，2匙豉油加1匙蒜蓉。 台灣腸（蜜味） 蜜味腸這個份量比較多，我們基本上一邊在吃鍋子內的食物也吃不完。 由於每一件份量很小，放入口中有很大口感，味道不錯，肉味濃且帶點蜜糖味。 香蒜牛肉鍋 主角來了，其實一人一鍋來說，這個份量，這個湯底是真的算是化算了！ 這次我點了香蒜牛肉鍋（其實也是妹子想吃的），份量有很多，有娃娃菜、牛肉片、蟹籽丸、甜不辣、牛丸、凍豆腐、栗米、金針菇、炸枝竹、沙白、鳴門卷、魚豆腐及蕃茄。 份量是真的真的很多，香蒜牛肉鍋湯底看似比較清，但味道卻很濃。非常適合我呢個火鍋控，而且香蒜味真的蠻香呢。 安格斯牛肉片，非常軟滑，脂肪雪花非常均勻，滑溜到不得了。 滷肉飯，一聽個名字便知道有幾肥美吧！ 當然這是妹子要求的喔，這個真的有她喜歡吃的材料！滷肉肥而香，非常正宗，飯香味濃，正到不可開交。 奶蓋綠茶，奶味濃郁，與綠茶味道完全成強烈對比，妹子也力讚。

元朗附近有好多的餐廳進駐，今天到了這間吃西餐的餐廳，餐廳位於大厦地面，但是裝修有格調，環境放鬆。 我們點了個餐，有一個非常豐富的前菜，蒜蓉包及磨菇湯。賣相非常漂亮。其中蒜蓉包金黃色，而且香蒜味濃，非常適合做前菜，至於磨菇湯就味道香滑，磨菇味道濃，係唔錯既開胃之選。 主菜係西班牙黑毛豬鞍架配意粉，賣相好吸引，黑毛豬鞍經調味後夠晒入味，用料豐富，口感軟滑，啖啖黑毛豬味，西班牙進口果然不同，加上燒汁與其非常合襯，仲有裡面既黑毛豬肉汁精華流左落去意粉度，實在美味。 意粉煮得非常彈牙，我不喜歡吃港式軟林林的意粉，而且香草同肉汁非常掛麵，整個意粉都非常好吃，加上旁邊的沙律菜，與車厘茄及洋蔥混合之後仲好入味，性價比10分高，令人越食越開胃呀。

鳥山名係商場，位置不算明顯，不過仍然很旺場，估不到都有咁多人既餐廳。 餐廳的食物選擇實在太多，多到諗唔到食乜，最後決定點佢地出名既串燒，仲有壽司，同埋炒飯。 火炙左口魚背壽司，火炙蟹棒壽司，鏗魚壽司，魚生很新鮮，左口魚背超級肥美，火炙後更香，蟹棒加上芝士後火炙，非常入味。鏗魚肥大肉厚。壽司飯偏軟，食落一啖過，細細舊易入口。 串燒走地雞胸三角軟骨 有質素的串燒，醬汁非常香濃，雞胸軟骨夠爽脆，正。 薄燒牛舌 超薄的牛舌串成一大串，燒至很香口，一點油膩感也沒有！調味亦恰當。 燒菠蘿 菠蘿非常惹味和juicy！師傅將切開黎燒，唔影響賣相之餘，又能減少燒烤時間，亦令菠蘿燒得更均勻，推介！ 櫻花蝦海鮮炒飯 炒飯充滿海鮮香，櫻花蝦炒至香脆，非常可口。配上海鮮如三文魚及各種魚類，果然真材實料，絕無欺場。 甜品最後係抺茶拿破倫，入口即溶之外，拿破倫超鬆脆，加上餡料抺茶幼滑，仲好有茶香添，為晚餐作完美句號。

公司近排好忙，可能由於年尾啦，要搵返餐好西食先，做完公司野，試下搵間日式居酒屋，位置較為隱蔽，不過仍然很旺場，估不到小小的街道都有咁多人既餐廳。 餐廳的食物選擇實在太多，多到諗唔到食乜，最後決定點佢地出名既串燒，仲有壽司，同埋其他定食。 拖羅壽司同帆立貝壽司，魚生很新鮮，拖羅超級肥美，脂肪分佈同油分剛剛好，無需鼔油已經非常美味。原隻帆立貝肥大肉厚。壽司飯偏軟，食落一啖過，細細舊易入口。兩個字，高質。 牛胸腹串燒，牛舌串燒，免治雞肉軟骨棒串燒 多汁肉厚的牛肉，燒至很香口，一點油膩感也沒有！牛舌的調味亦恰當，咬落就更滋味。免治雞肉軟骨棒串燒係有質素的串燒，醬汁非常香濃，雞軟骨夠爽脆，正。 露荀苗牛肉薄燒 呢個組合非常惹味和juicy！師傅將佢卷起黎燒，唔影響賣相之餘，又能減少燒烤時間，亦令牛肉得更均勻，推介！ 鰻魚炒飯 整個炒飯充滿鰻魚香，鰻魚燒至香脆加上醬汁香濃，非常可口。至於炒飯口感非常夠彈牙，果然真材實料。 燒飯團 師傅燒得非常甘香，飯團粒粒皆脆，擁有飯焦香，裡面既梅子非常清新，感覺同飯焦形成強烈對比。 鱈魚乾 用黎做飯後小食一流，非常香脆可口，引到人越食越想食。