昨天是結婚周年可惜冇訂位，臨時想食お任せ，打電話去搏一搏點知竟然有兩個位立刻趕去。 地方不算大吧枱可坐11人，我剛好坐在吧枱中間可以看到廚師的製作，壽司師傅非常親切， 女侍應也不停幫我加茶，非常有禮貌。環境也算舒適，當天只有$580的套餐。最初有個前菜是刺身，之後是各款壽司，每款壽司都配合不同醬汁，非常美味有非常特色，喺日本和香港食過多次壽司，曾經聽日本朋友講過食壽司唔需要點咁多豉油，我當時覺得冇乜可能，今次第一次完全不用點醬汁已非常好味！ 食完壽司之後有一個飯，廚師分別製作給我們六個人，其中一碗特別大，初時唔知點解，後來攞到我哋面前，或恭祝我哋生日，但我哋話唔係生日係結婚周年，師傅立刻將生日嘅牌轉做結婚周年嘅牌，原來係隔離嗰兩位客人先至係有人生日，真不好意思，但師傅非常有心，特別在食甜品的時候在製作蠟燭和生日牌比隔離的客人，令到大家都非常開心 咁窩心又美味的一餐非常滿足，一定有下次！

住在元朗的朋友都知道要在元朗食宵夜選擇不多，特別想食粥！好似得海皇和元朗廣場對面！ 而家好啦，安寧路開左間粥舖，仲要好夜都唔收！平時夜晚十點後好難搵食，而家終於有野食啦！ 當然附近有好多外勞行行企企，但只要自己目標正確，自然不為所動！ 講返呢間舖： 食過艇仔粥好好味！齊料 炒都夠乾身！15元大大碟好低食！ 蝦米腸，炸腸 油器也好味！ 食過中午一次堂食 晚黑兩次外賣！ 安寧路終於有得食宵夜啦！ 唔使行咁遠去海皇！ 中午原來有好多人食牛腩飯，似乎都唔錯！

下午五點，幫襯買腸粉加腸仔，士頭婆一個睇檔，一向面黑，剛好無散紙，只有一百元，不是五百或一千元，好晦氣地說，無錢找，我話唔好意思，我得一百！跟住佢竟然無望我，剛剛有人幫襯，但對方買50元，我等佢整完在問佢是佢都無得找，佢再望都唔望我！果一刻我覺得一個大男人企喺度，好似當我乞兒！😡 從未受過呢D氣！ 終於我轉頭走，發誓永不再幫襯！ 行話對面，泛後甜品、B仔等..選擇多的是！ 唔怪得拍烏蠅，咁唔開心，報左仇先開檔啦，無謂獻世！

價錢公道，午餐廚師發辦450元位， 質素不算很高，但將貨就價，元朗之神還是可以的！驚喜欠奉，尚算滿足！ 預先訂了位，全院滿座，應可座25人左右吧！ 吧台約座八人，近門口坐了四位似是熟客，嘈喧巴閉！🤬 另兩個女仔也好似不甘示弱，鬥大聲，我其實唔係好想聽她們說什麼！😒 壽司定食200元，都幾抵！ 試過一次算了😏

新開的餐廳，平凡的名，懷著一試無妨的心態一試，一坐低見到隔鄰的雞扒，非常吸引，決定一試， 果然不負眾望，又香脆，又大又厚，仲好好味！ 非常滿足，沙爹牛肉也不錯，只是米粉麻麻！一定有下次！

從評語中講到炸雞肶如何天上有，地下無，一試之下完全失望，成隻肶淡而無味，大隻只因為將肉翻開感覺大隻，只有落鹽才勉強食哂，第九！另外叫了通粉亦非常一般，唔會再有下次，連我個仔都唔食！

初開張時朋友食過一次，表示完全不行，當時我不在場！我聖誕約了一大班朋友，試了一次覺得OK喎，今天和該朋友兩家人去完南生圍踏單車，晚上小朋友想食壽司，經過金川，和朋友重提，不如再一試龍與鳳，幸好有位，叫了一大枱壽司和刺身，孩子們特別喜歡三文魚和火炙三文魚，甜蝦，吞拿魚等....大家也非常滿意，朋友和老闆娘閒聊，原來換了廚房班底，朋友也另眼相看，今餐非常滿意，壽司和刺身也很新鮮。大人細路都覺得可以再來！特別推薦羊架，好味！
最後發覺忘記了叫軍艦壽司，只好下次再試！

經過多次,都因為對豬什無興趣而走人! 上星期六晚九時,全元朗都無位食飯,想起這間豬小姐,不如試一試!
行到去果然有位,雖然只得4張枱仔,但只有2人食緊,一個做煮,一個樓面,相當識做,立即為我們執位,一行5人,3 大兩小,一睇餐牌,嘩! 一D都唔平,豬什撈面,45元,再叫了豬什河粉和豬潤肉片米粉,份量適中,湯也熱騰騰,豬什味道新解,麵質也不錯, 豬油撈蝦子面28元,有豬油香味,香辣豬耳25元,味道也好就是份量太少,埋單170幾元,點講呢,不是不好吃,但可能比較愛濃味,可能牛什會給引D,加上價錢是牛什的一倍,對不起,沒有再來的衝動!

經常聽聞這店好味, 今次終於一試,
因為星期四才訂位,只得下場8:30
之前已搵定泊車地點,就在幾個店舖位側,時租25元,路邊有半小時咪錶,已 DOUBLE 泊, 原來有代客泊車,仲係20元,不過已經話都無位,
早了九個字到,預搵車位,結果等到8:15入座,
之前已唸定食咩,同搵齊10個人,7大3小,
招牌乳豬只叫半隻.因想食其他多D,
1.乳豬皮起了肥肉, 而且很脆, 連豬頭也吃掉, 但個人反覺完全無肥太寡,
2.老火粉葛例湯,無味精,要一大一例才夠分,好好味
3.鹵水乳鴿,兩只,一開7 件, 夠食,幾嫩,但不算出色,
4.君度香橙骨,味道不錯有骨有肉,有肥有廋,
5.枇杷豆腐,好正,炸得香口,但內裡鮮嫩讚
6.海晢頭,因小朋友愛食,夠爽口,但,無咩味道,
7.粟米斑塊,不過不失,兩碗粟米羹,夠汁
8.豉椒聖子王8隻,好鮮美惹味,,全場最貴$3XX
9.招牌唐生菜,很香,份量少好彩有帶較剪,才夠分\
10.手抓羊排,夠火辣,惹味
11.最後再加泥猛粥,
12.豉油王炒麵
汽水白飯都係10元,
埋單1915元
OK喇!

新開的餐廳,見到裝修幾有誠意,但選擇不多,午餐選擇更少,好彩早餐至11:30,先試佢d早餐,最欣賞沙嗲牛肉麵,湯底香濃,牛肉入味,手切雪菜肉絲米亦幾鮮味,下次再試其他野食,