大埔想食喇沙，就會嚟近太和果子，幾鍾意呢間小店，坐得好舒服，唔噪吵，可以傾吓偈；而且嘢食真心唔錯，老闆要繼續努力啊～ 香茅豬扒喇沙摻摻 呢度喇沙幾啱口味，湯底濃郁得嚟，帶少少香辣，所以忍不住趁熱飲幾啖湯先～哈！ 香茅豬扒好軟淋，又香脆，仲好厚肉，讚。 鍾意喇沙摻摻有麵同米粉，呢種配搭一齊食，個感覺幾得意，又夾！ 海南雞喇沙摻摻 睇見都靚仔，海南雞真心抵食，大大碟，仲啖啖肉～而且雞肉爽滑～堅滑一滑果隻。呢度仲好好，將海南雞另上，唔會撈埋喇沙湯。 南乳雞翼 叫set 可以加$15多個小食，我哋兩個都係雞翼控，見呢度係南乳雞翼，隔離枱都有叫，好好味咁，忍唔住試埋。果然熱辣辣上枱，陣陣香味～同南乳味幾夾，估唔到呢個效果咁好味架！ 香辣魚餅 魚餅係朋友推介，似炸魚蛋咁，但裏面多d料，有d咬口，煎得香脆，仲大大塊👍🏻 凍鮮草奶茶 想介紹大家試呢杯鮮草奶茶，本身奶茶滑又香，已經好飲；呢度加埋鮮草，似涼粉嘅粒粒，比珍珠奶茶還好味啊～

Orion $60/pint 夜晚嚟食漢堡，梗要配啤酒～銅鑼灣店有2款🍺六點後$60，我揀咗Orion，鍾意它夠清新爽口，唔覺帶有🍺嘅苦澀味。 而且支裝唔夠飲，一pint啱啱好，邊食漢堡薯條邊飲啤，加上舒適輕鬆嘅環境，暢飲！ 田園沙律$60 嚟呢度一定食漢堡之餘，沙律都要食丫！它大大碟，份量夠2-3人食；d沙律菜好新鮮清甜，加上酸酸甜甜嘅沙律醬汁，好夾，令到整個沙律更美味。 大烤菇鱈魚柳漢堡 $110 加菠蘿$12 呢度d包好誇張，餡料豐富，真係好大份！塊魚柳又厚、又大大件、又外脆內軟、又熱辣辣、又滑…. 菠蘿好好好甜，而且會再燒過，帶點烤香味得嚟仲好多汁，所以一定要加！👍🏻 鱈魚手指配他他醬$55 友人想食魚手指，叫咗一份～個自家製他他醬好食，同魚係絕配，可以幾條魚手指點哂一碟🤣🤣魚手指唔油膩，仲幾大條，啖啖魚肉，可以encore😊 直薯條$30 原來想食旋風薯條，點知無～食番直薯條🍟偏粗嘅薯條，叫完即整，唔使講咁多都feel到，夠新鮮，太好食。

餐廳的裝潢以暖色為主調，環境氣氛很輕鬆，空間感不錯，坐得很舒服。 服務員很細心為我們介紹食物。首先要讚一讚，這裡的印度菜可以走洋蔥走蒜，對不吃五辛的素食者更方便！Like呀！ 印式客家炒飯 這個雖然是齋炒飯，落單時服務員介紹係印度中式炒飯，即fusion飯，有辣與不辦揀，我們點了辣的一試。 炒飯上枱時香氣四溢，而且算是中辣級數，驚喜地齋炒飯竟然帶點蝦乾味，飯也是粒粒分明，喜歡辣的一定要試試。 原味薄餅/烤餅/麥餅 食印度餐，薄餅走唔甩～這裏有各式其色的種類、味道；我們喜歡傳統原味，食一口不覺油膩，香口好味；還挺大塊，必食。 芒果奶昔 芒果奶昔配有茴香子，奶昔味道甜中帶酸，啖啖芒果香味，口感濃稠，和咖哩一起吃啱哂！ 小插曲想説，點了芒果奶昔，喝了幾啖有茴香，飲不慣，服務員見狀向我們查詢，隨即十分願意給我們換沒加茴香的芒果奶昔，服務態度一流！👏🏻👏🏻

間唔中都會過嚟觀塘區搵好嘢食，今次就揀呢間極尚放題，因為朋友食過番尋味，我地當然要試試。




入到嚟即時O哂咀，點可以咁大咁grand，地方好寬闊，d位好舒服，未食都暗暗歡喜。



嘢食多得不能盡錄：由大家歡喜嘅各式刺身、到熟食、甜品、飲品。。。連外面大堂都擺滿嘢食，真係大滿足👍🏻👍🏻

實在太滿意嘅一餐，樣樣都好味道，唯有重點介紹下食過d乜：

刺身類：最鍾意北寄背，夠大塊，又爽身；三文魚好厚，食落啖啖肉咁；帶子必食，size剛好，兩啖食一件，好鮮！

北海黃金醬燒海蝦：點解d黃金醬可以咁美味！鋪滿成隻蝦，絕不手軟👏🏻👏🏻👏🏻加埋黃金醬燒，好match🤩🤩

燒鯖魚：堅燒唔係焗，香噴噴魚油味，而且無魚骨，啱哂我呢d懶人食🤣

勁似花膠嘅湯羹，飲完好膠🤣🤣膠質重👏🏻👏🏻感覺似一碗用料上乘嘅花膠碗仔翅，正。


燒菠蘿同粟米係無論幾飽都要食，因為太好食，點解d菠蘿可以咁甜！燒完仲正。粟米又係甜靚正，加埋牛油香，必encore🥳🥳

台灣嘢一向都受香港人歡迎，皆因味道有濃有淡，但係上水好少見台式餐廳，一見呢間「九份。十分」打正台灣口味旗號嘅餐廳開，即刻要嚟試一試。 晚市有套餐，抵食架。 我地叫了三個小菜，分別為：水煮牛肉/干扁四季豆/鹽酥三兄弟。 牛肉正到不得了，首先雖說水煮，它並不太辣，而各種配料混合一齊就好香辣。牛肉仲keep到嫩，同d香辣湯一齊食，正！ 干扁四季豆，睇到d四季豆漲卜卜，就知它用料上乘！肉碎西季豆，香氣撲鼻，調味正宗，唔太鹹，好食。 鹽酥三兄弟，即係鹽酥豬粒/炸魷魚鬚/炸菇，最緊要d炸粉唔厚，食材新鮮，炸完食一口唔覺油，三樣之中，魷魚鬚至愛，因為家下係香港買少見少，仲要大大條，好有兒時食果種感覺，like! 炸菇都好得，原來炸完唔乾，而且加上調味，有另一種好味道。 係台式餐廳，點都要叫番杯珍珠，今次叫朱古力珍珠/香芋珍珠。呢度嘅珍珠good，軟硬適中，啱我地口味。朱古力同香芋都好飲，唔過甜，掂。

今日同老公入左上水搵親戚拜年，離開個時都已經入夜，所以就同老公係附近搵間餐廳食埋飯先走，行下行下見到有間叫竹島水產，當初以為係食海鮮，原來係食放題架，而且仲有火鍋Tim,所以就決定食哩間，我同老公由7:00食到9:00。店內環境都好舒適丫，簡潔得黎又幾有日本feel 都好多選擇丫 飲品係自取架，仲有清酒飲 先點左個刺身拼盤，食材好新鮮丫三文魚夠哂肥，超正 熟食我最愛就係有台灣腸，雞軟骨，雞肉串，醃製得好好味每一樣野 老公最愛既清酒蜆，清洗得好乾淨，無沙，粒粒都好夠鮮味 即叫即炸既炸蝦天婦羅，好脆丫，蝦又好新鮮，我食左成8隻 哩塊羊架醃製得好入味好正丫真係，要點多幾塊黎食 我最愛一口牛，牛肉粒好嫩滑，好味 清酒好夠味，飲左兩支 食完生野再熟野再點火鍋食，肥牛同豬肉片都好新鮮 再加埋哩個海鮮水產拼盆，有鮑魚丫，好正丫。

臨近聖誕節，緊係要同老公出去食飯慶祝啦，但我地唔係正日慶祝，係提前幾日就慶祝啦，左簡右簡，簡左大圍哩間M3西餐廳，環境真係好有情調，再加上有聖誕裝飾佈置，聖誕氣氛更加濃厚，食物與素都好有水準丫，同老公食得好開心。 好彩一早Book左位，我6:30pm就到啦，店內環境好靚丫 仲會有個黑板寫左廚師推介食物 老公點左杯雞尾酒飲，佢表示酒精濃度好夠，仲調製得好味道 黑松露芝士炸薯條，薯條再加黑松露真係好正丫，味道好夾，我最愛黑松露既味好香濃，食到唔識停口丫真係。 點左個辣肉腸Pizza,我最鍾意食pizza係薄批，好足料丫，仲有一層厚芝士係面，好惹味丫 蟹肉意粉，有少少微辣，真係好好味，材料都好充足，份量岩哂兩個人食， 綠茶心太軟。我平時食都係朱古力味心太軟，而哩個綠茶心太軟真係超正，好香濃既綠茶味，再加上有朱古力味，簡直絕配，一定要點。 門面都好靚架。

我同老公都好鍾意食泰菜，有時仲會專登出去九龍城食或者去大尾督食。之前係facebook見到有人介紹大埔有間新開食泰菜，所以就決定等老公放假去食，果然有驚喜喎真係，裝潢得又舒適，食物質素都好高質喎！ 當日大約七點左右都已經好多人啦。等左一陣就有位 哩杯個名堂勁丫，叫爆脆芒果園，好大杯丫😍佢係將芒果打成沙冰，上邊再放Cream，再散爆谷，好濃郁既mango味我最愛。 哩個椰青叫夏日芭東沙灘🏖️將椰肉打成冰沙再加椰汁，好香濃既椰汁味丫，又係我大愛既味道。 食泰菜點少得串燒。分別有豬、牛、雞。我最鍾意係牛，再加埋個醬汁真係好惹味丫 點左個泰式炒蜆，一碟都好多丫，最緊要既係洗得好乾淨個醬汁辣辣地好正丫，材料又新鮮。 見好多人點哩個食，我地又點黎食，個賣相都好靚丫，出面食菠蘿炒飯都只係比一半個菠蘿上碟，佢哩度有成個上，仲要有大量肉鬆，炒飯味道一流又多料。下次黎都要再食番 仲有個開胃小菜就係青木瓜沙律。味道酸酸地食完真係好開胃，木瓜又爽口。 搵到間近近地食泰菜既地方啦下次叫埋班朋友一齊黎食先。點多d唔同款式食物。

同老公搵餐廳慶祝結婚一週年食飯，就係番大埔搵下睇下有咩有情調既餐廳，朋友介紹下去左一間酒吧食晚餐，第一次去酒吧食飯，感覺真係好特別，環境暗暗地，又播歌又真係幾有情調啊，仲要食物都唔錯丫朋友無介紹錯正丫 到門口啦！ 酒餐牌 飲品餐牌 飲品餐牌 叫左安格斯肉眼扒，快扒好大塊又好味，肉質好嫩，超新鮮，老公都大讚好味 叫左個炸物摩天輪，黎到仲熱辣辣有幾款不同口味的炸物，我最鍾意係炸魚，好新鮮的魚柳，好味道 黑松露雜菌意粉又係我最愛意粉的熟度真係岩岩好，因為有時係出面食有d會好硬，加埋個黑松露醬汁真係好香口又夠惹味大愛佢哩個意粉。 店內環境都好舒服。同老公談談心好開心😃 叫左大啤，啤啤佢啤酒夠凍先正 食物都有好多選擇，下次叫埋班姊妹一齊黎食先。價錢又合理

今日放假就黎到尖沙咀行下街,中午約左老公食lunch,就係附近睇下有咩好食啦,行到棉登徑附近見到有間餐廳好有情調,環境又好似好舒適咁,就決定同老公入去食哩間啦,餐廳名字叫Dabyida Restaurant and Bar位於尖沙咀棉登徑5-6號舖地下,見到佢個lunch set都幾抵,仲有個沙律bar可以任夾,最緊要係環境舒服,食得開心又坐得舒適. 環境好舒服丫 我都覺得有時餐牌唔洗太多選擇,因為太多選擇,真係會有選擇困難症,哈哈! 點好餐後就可以先去夾沙律同甜品食住先啦,正丫,我最愛就係沙律菜. HAM好好味丫,沙律菜都好新鮮丫,蛋糕又係我最我!先黎個餐湯,好好飲丫,係椰菜花湯,味道好濃郁,大愛!個餐包唔知係咪自家制,口感好特別丫,麵包好軟熟丫我叫左個巴馬火腿磨茹意大利飯,個醬汁調製得好入味,又唔會太過濃郁,味道剛剛好,我覺得食意大利飯就主要係個飯,要軟硬度適中真係好難,但哩個飯真係剛剛好,連老公都大讚好味! 老公就點左個酥炸黑毛豬,我都係第一次食黑毛豬,口感有D似雞排咁,個醬汁好特別,好味咖啡好香濃丫。