阿媽提議去老字號”美利堅”食晚飯。於是一家五口就Book枱。
去到感覺上古色古香，好似回到80年代咁。Service亦同80年代一樣，冇招呼!全部waiter都係阿伯，一副”係咁架啦，一係你就食，一係你就走”既格!非常極之不耐煩既態度!
是晚叫左砂鍋雲吞雞，素菜餃，肉末豆腐，高力豆沙，份量極之大!想叫多幾樣都冇可能。除左肉末豆外，其他全部都好味，但再去就唔會lu!都係當今既新派餐廳好，有service有笑容。

近排好少出尖沙咀，但男友夜晚喺The One買咗戲飛，所以就上Openrice揾野食，見到呢間餐廳啲食物相唔錯，一於試吓！
怕傷腦筋，於是ordered二人晚餐，餐湯係忌廉蘑菇湯，好正！並非坊間嘅金寶湯加奶，飲得出係有鮮菇粒，好得！
頭盤係巴馬火腿沙律，呢個就冇乜特別值得講。
主菜要咗西冷牛扒同卡邦尼意粉，我本身對牛肉極之講究，一食就知好定差 (最憎嗰啲俾梳打粉 “嗱” 到軟晒冇晒牛味嘅港式牛扒) ，西冷本身帶啲 “UN” 同有筋 ，係可以接受，因為唔同牛柳，識食嘅人只會在乎嗰陣牛肉味，食得出呢塊係美國牛扒，好重牛味，都收貨喇！
至於卡邦尼意粉，就不過不失啦，有好香芝士同忌廉味，意粉都幾彈牙！
甜品加錢要咗魔鬼朱古力蛋糕， “正” ！肥就預咗喇，朱古力味最緊要夠濃！
食完呢個餐覺得好飽，去到戲院已經再食唔落Popcorn喇！

除左UCC同Pokka Cafe之外，日式西餐廳其實並唔係咁多選擇。偶然發現Kitchen-J，於是今晚決定同老公去試吓。餐牌好豐富，d相映得好靚，樣樣都想試，於是老公提議不如叫二人晚餐，乜都有。湯係純雞湯，難飲，雞粉溝水!沙律叫咗三文魚沙律，個汁好好味!檸檬醋汁，好清新!而且份量夠大!之後係拿坡里意粉，唔掂，炒得好淡同冇收汁，D汁索唔入D意粉，冇味。最後有炸豬扒飯，呢個就好味喇!至少佢唔會炒到好似坊間D日式餐廳咁用肉片黎炸，佢真係比塊豬扒你食!兼且好脆口!讚!甜品，個法式燉蛋做得唔錯，有水準。總評分比ok，希望能夠係炒意粉多下苦功。