水門泰式海南雞飯專門店新開既分店， 改左新名叫“水門越過界”， 位於馬鞍山恆安邨街市，鋪仔細細有少量堂食坐位， 新開張好多人排隊買野食呀，所以今次唔堂食了， 就直接買一隻海南雞外賣返屋企食啦， 價錢好似係$170一隻，$85半隻， 一隻雞分兩盒裝，雞肉就起哂骨喇，雞肉超滑，雞皮夠脆，不過冇啫喱，同埋雞味就略嫌淡左DD，所以要加埋個醬汁辣辣地先夠惹味，送飯一流。 而且整體份量夠多。 值得推介，下次試埋佢個油飯同其他野食。

預早個幾月係網上訂位，早10分中去到報到等一陣就有得入座，見即場攞飛要等80分中 呢期做吞拿魚主題，咁就一定要試下先啦 赤身幾濃魚味，冇腥味 長鰭吞拿魚，較腍身但有魚油味 碎吞拿魚，加埋蔥花好香濃，紫菜都算脆口 中toro, 呢個真係不得了，魚味同油脂味都好濃，而且冇筋，性價比高 大toro, 食落魚味冇咁重但真係入口即溶，有少少筋但可以接受 另外特別推介幾件好味既 醬燒帆立貝超厚肉彈牙 赤蝦真係高質同日本食既冇分別 原條穴子勁豐富，鰻魚汁都好好味 和牛壽司，又係超大份量，值得一試 其實總括黎講樣樣水準都幾好，冇食到邊件係伏，而且真係抵食，就算食12蚊碟既都好多選擇。 同埋正值肺炎時期，門口都有消毒捽手液同埋濕紙巾提供 唯一要彈就係飯相對比較濕同埋師父握得唔夠實，同埋一個中食得真係有d趕。

今次介紹的是新開不久的店舖,
店舖地點遠離大街, 位於鰂魚涌街太就樓地下. 店面不大, 大約有二十個座位, 坐落都算寬敞.由於第一次黎, 當然詢問下老板有咩推介啦, 老板好熱情咁介紹好多美食, 仲講埋佢地既廚師都係泰國人,所以烹調出黎既口味一定正宗咁話添.
先黎兩款比較特別既野飲先係出面既泰菜館真係未見過 左邊個杯既味道甜甜地, 有D似冰糖咁既味, 飲落幾潤喉; 右邊個杯就有山楂既味道,酸酸地幾開胃.
之後要左個湯, 平時多數都飲冬蔭公, 今次叫個特別D既: 農村雞湯, 加左香茅, 蕃茄, 辣椒同埋南薑去煲,飲落好似燉雞湯加左少少酸辣味咁, 雞肉滑溜而且冇雪味. 接著黎個大拼盤啦! 岩哂一大班人食, 一次過食到好多款既小食. 上台時真係比個份量嚇一嚇全部野都新鮮熱辣, 沙嗲豬肉本身已經醃左, 幾入味而且肉質鬆軟, 可配沙嗲醬; 燒豬頸肉夠香脆但又唔會乾; 魚餅香料味十足; 春卷味道普通啦, 但餡料足夠; 泰式鳳瓜好惹味, 辣味十足; 最值得推介是手打蝦餅, 外表炸到金黃脆口但入面仲好JUICY, 仲食到一粒粒蝦肉!呢個烏頭真係不得了, 出面鋪食我諗起碼貴40%, 即叫即整, 等20分鐘先有得食架! 魚肉鮮甜得黎仲有少少黃油TIM, 而且充滿香茅同九層塔既味道, 真係食唔停口.(老板話佢每日都係街市簡魚架, 而且每日供應數量有限TIM)

接住黎既係金柚蝦沙律, 採用泰國金柚, 果肉清甜而多汁, 冇苦澀味, 唯一不足既係蝦淡而無味, 所以都係主攻金柚好了. 泰式生菜包真係每次食泰國野都必叫, 呢度整既冇平時既咁辣, 但香料味都好足, 而且特別在加左D豬皮落去, 口感豐富左!之後一連送上泰式豬手同埋"噴靚"咖哩牛肋條. 泰式豬手睇落好似好肥膩, 但食落就冇呢個感覺, 鹵水入味得黎肉質入口即溶, 極速比人掃哂. 至於"噴靚"咖哩牛肋條, 睇返英文先知即係檳城既意思. 咖哩種類是紅咖哩, 加入左椰奶, 味道濃滑而帶微辣, 後追加左一客燒餅黎沾汁, 真係一流.去到尾聲, 叫個炒飯做結尾啦, 見到MENU上面有個叫"地獄式炒飯", 又整左3個辣椒ICON落去咁招積, 就即叩返一碟黎試下啦! 一食原來發覺用左辣椒乾碎同辣蝦乾碎黎炒, 所以每嗒都辣味十足, 飯身炒得夠乾而且粒粒分明,真係一個好炒飯!真係食到好飽喇!老板仲好好人咁送左紅豆糕比我地食添食到咁好味既野食又有老板熱情既招呼, 下次一定要再黎ENCORE!

大部分放題都係星期六日先有午市，咁岩見到呢間新開有平日午市放題，即刻就要黎試下。雖然未有食評，但以"滿屋"牌頭做得既應該有番咁上下。 上到去地方都算大，台同台之間未見太迫。 野飲係以自助形式去攞，除一般大路汽水，韓國飲品，烏龍茶外，最驚喜的是有原支橙汁同蘋果汁 野食方面，以刺身和特色壽司居多。



刺身分別有三文，油甘，劍魚腩，帶子，玉子，赤貝，甘蝦，生蝦，希靈魚和北寄貝，以冰鎮形式上，樣樣都好新鮮，而且比足分量。

壽司叫左幾款試下，推企黑松露赤蝦同海膽玻璃蝦。

炸物都有好多選擇，上圖係炸蠔，芝麻雞翼和坊間少見的魷魚圈。



串燒同平時既鋪差唔多，但推介既有燒大蝦，同埋回本位既串燒鰻魚，肉質非常肥美。

炸蝦天婦羅味道正常，最起碼唔係超厚漿。



熟食方面其實都有好多款，影左相既有羊架同雞煲，羊架燒得夠香，有肉汁，但雞煲就冇咩味

甜品都有幾款，但味道只算不過不失，唯一特別的是金莎味蛋糕。

最後每人一杯m字頭雪糕，有3隻味簡(士多啤梨冇影到), 真係超正。想要多杯都冇。 晚市和午市menu應該係一樣的，但午市時間由12點食到3點，價錢又平d, 實在值得推介。

兆萬又開了一間新放題，又膽粗粗試下，6點半入座159加一

兩人以上會送一個龍蝦鍋, 有半隻龍蝦, 肉質都唔錯而且有膏 燒生蠔都係送既, 個味道唔錯, 如果有得任叫就好小食夠凍, 青瓜絲都夠新鮮跟住就食刺身啦, 都有成11款選擇, 值得推介係馬刀貝同埋貝柱, 新鮮爽口火炙壽司有5款, 試了醬油三文魚和三文魚腩, 油分豐富熟食其實同平時放題差唔多, 有驚喜的反而係中式的炒蜆和炒通菜, 炒得好惹味

最後有影相就係火鍋配料, 質素同平時任食既差唔多飲品啤酒汽水都有, 甜品就得布甸, 泡芙同雪米糰

總括黎講都係中規中矩, 睇黎想繼續係旺角立足, 就要係味道或者價錢上改善下了.

兆萬不嬲都多放題，但大部分都麻麻地，今日去到，發覺新開左幾間，咁就膽粗粗試下呢間啦。
價錢就6點半至7點入座，169一位，樓下有coupon免加一

一入去就發覺d餐具同格局有d同座既太x味，唔理咁多叫野食先佢刺身都算多選擇，有三文，八爪，墨魚，甜蝦，虎蝦，針魚，玉子，榮螺，貝柱，鮑片，蟹柳，馬刀貝
數量都算比得足，有冰鎮住，最好食虎蝦同馬刀貝，鮮甜爽口

壽司都有好多款，簡幾樣特別既黎食芝士蟹籽花之戀，燒沙律三文魚，鰻魚軍艦，海膽赤蝦
味道唔錯，最值得讚係d紫菜夠脆沙律係即整既，唔係一早撈定既，青瓜同生菜幾新鮮蜜糖芝士腸同雞翼真係亮點，唔會乾爭爭之餘仲有好香蜜糖味天婦羅就麻麻地喇，燒物就一般般啦佢地都有好多款炸物，有咸有甜，咸既味道一般，反而朱古力棒棒幾好食

有某d食物係只可以叫一件，就係焗扇貝同蠔個pizza汁真係好難食，同海鮮完全唔夾人參雞鍋都係限定既，幾足料，飲落人參味冇乜反而有好濃既紅棗味最後甜品都係每人限兩件的，除左個啫哩之外，其他味道都正常

其實佢仲有好多韓式野食同埋火鍋料，不過試唔到咁多喇
之於野飲，有多款汽水和康師父既飲料，同埋啤酒

總括黎講，咁既價錢，我覺得係旺角黎講係算性價比高，值得一試。

觀塘區以往都係得一間老牌韓燒店，質素麻麻，難得今次開左間新野，就立刻打去訂位，去到好多人等緊位，我地就等5分中就入得





個場好大，生熟食物都多，放得都算整齊而且乾淨， 普遍野食都入味，推介西冷肉同埋雞脾肉，肉味濃而且嫩滑





熟食都有好多選擇，炸薯條，炸三文魚，炒粉絲，春卷，餃子，各式泡菜，沙律等等 仲有碗仔翅同人蔘雞湯 最正就係三文魚刺身同壽司源源不絕供應



當然唔少得仲有甜品同埋雪糕，除啫喱糖外，其他都唔錯。 總括黎講 咁既價錢絕對抵食，不過限時個半中，而且現場極嘈，絕對唔岩想一路食一路傾既朋友

天氣轉冷，放學後想搵d熱野食下，就諗住黎食煲仔飯，點知見到有即煲靚粥叫，立刻叫多個黎試下

即叫即做，要等大約15分中，煲仔飯用料十足，潤腸入口甘香豐腴，送飯一流，臘腸質感偏硬，但味道都不錯。 大大煲既蠔仔粥，入面有極多蠔仔，隻隻都漲卜卜，加上肉碎冬菇薑絲荽茜一齊煮，成煲粥都鮮味十足，而且啖啖都係蠔仔，真係好味到停唔到口天氣凍黎食真係冇得頂

今次黎到家樂地庫食lunch,見冇咩人就食呢間 叫左lunch set既吉列白豚定食

即磨芝麻加埋特製既醬汁，用黎點椰菜同豬扒係幾夾既，不過食得多就略嫌甜少少 豬扒一客六件，厚切，肉質都算鬆化而且有肉汁 唔會太乾 不過係唔係白豚就真係唔知了 定食連一件蛋糕仔 連埋野飲差唔多80 感覺上唔係幾抵食

放左學夜媽媽，行過見仲未收鋪就黎幫襯下



要左個清湯米線加墨丸腩肉大腸 份量十足，有好多腐竹同芽菜 個湯佢地標榜係鮮雞煲既，飲落雞味又唔多濃，不過總好過味精湯底 墨丸夠彈牙，而米線就比較腍，吸湯多d 食落都唔錯 豉油雞翼都幾入味，不過可能臨緊收鋪，肉質有少少乾 總括黎講，我覺得呢度好過連鎖米線好多，份量又足，價錢又唔貴，員工態度都好d，支持小店製作