北角新商場新餐廳，同家人黎試下，順便慶祝兩位家人生日。 由於住附件，收到單張，“星級推介” 北京片皮鴨同埋正宗古法鷄煲翅。好似好吸引！呢幾日又中秋，決定同家人食餐好！ 我地一行6個大人2個BB，去到問BB凳。死啦，得比大BB坐個只，冇harness，好唔secure。點算。。。諗住近近地叫老公返屋企拿自己私家凳。。。好彩個部長識做，去樓上酒樓借咗兩張BB 凳！ 北京片皮鴨 優惠價HK$398/只 加送兩食：涼瓜炆鴨身、生菜包鴨崧包、翡翠炒鴨絲（3選2） 呢個認真的，銷售手法有問題。唔止我地個台，隔離台都問，點解收pamphlet 就話3選2，但黎到就得3選1？大家都好疑惑。部長一味就話 廣告落錯！可以咁架咩？我地都黎到，車又拍好，BB 凳又幫我地攞咗。。。唯有就範。。。但我聽到隔離台都好不高興呢間餐廳咁樣做生意。 我地選擇咗既二食：生菜包鴨崧包 講返個片皮鴨。其實認真，好耐冇食過咁冇水準既片皮鴨。肉切得不夠薄，每一塊都切得毫無美感（好似我切咁既樣）。 啲皮厚到一個點-我拿一塊去包，食到一半，要unwrap我塊鴨，塊皮要切開一半，如果唔係，我應該飽到唔洗食其他野。 而且又冇話攞個小蠟燭盤去坐熱啲皮。 好失望。我地一家，對後面未上既菜，好擔心。 生菜包鴨崧包 好彩，呢個生菜包鴨崧包比較正常。冇啲咩挑剔，但都唔係特別出衆。（尤其是本身我地expect有得揀兩款二食） 古法鷄煲翅 優惠價HK$398/例煲 味道不錯，但偏油。因爲要喂bb關係，到我飲既時候，面層已經有一塊"油皮“。。。 不過味道ok。 頭抽香煎斑球 $298 呢個比較失望。我地一家比較喜歡重口味，所以點呢個煮法既斑球。但竟然頭抽香煎都蓋過唔到呢個魚既魚鍟味。。。不推介。 鮮鳳梨咕嚕肉 $198 呢個咕嚕肉ok。真係ok。好少地方咕嚕肉有呢個水準。外脆，唔多粉，裏面肉質都ok!呢個值得推介！ 大澳蝦醬唐生菜煲 $148 啫啫生菜煲好野味。好香，好吸引。好味道！ 豉汁帶子蒸豆腐 $218 呢碟好普通，覺得好似不值呢個價錢。豆腐大大舊，但帶子就冇出色，值情唔覺得有帶子既存在。 乾燒伊麵 同一班中價/大衆化酒樓既伊麵比，可能真係差唔多。。。但因爲有人生日，所以都要食伊麵。如果唔係，一定會叫其他野食。 總括黎講，試過，就算。冇回頭。 插曲：食飯中途，好大陣煙味傳出。可能因爲有private room關係。我地台有BB，我地即刻同侍應講。好彩佢處理得快，如果唔係我已經準備打比控烟辦。 插曲2：佢地應該請咗好多臨時工，啲姐姐非常缺乏經驗。不斷問我可唔可以收走我啲碗碟，但問題係，我啲碗碟都未用過？點解要重複問我？但當我地碗碟真係要換個時，啲姐姐又唔黎收走？我好亂啊！

好想食臺灣滷肉飯，但想試屋企附近嗰間星期日唔開，又唔想去到西灣。Mr.C 就帶住我去試銅鑼灣呢間。 呢樹裝潢好別緻，有種懷舊文青feel。 12點到，唔算多人，但唔知點解，定係我自己感覺怪怪，店員好似要形造個感覺好繁忙，都要我係出面等等。另外好多吉枱，但又要我地塔枱（塔枱個位好逼）- 其實到我離開既時候都仲係有好幾張吉枱。。。 好肚餓，唔理啦，叫野食先啦。 宜蘭鹽酥雞滷肉飯 $72 我覺得滷肉飯還可以，肥瘦方面稍稍偏肥，肉汁都夠，足夠撈飯食。 鹽酥雞肉質都OK，份量唔細，但味道偏淡，唔係特別香口，冇咩驚喜。 眷村紅燒牛肉麵 $78 牛肉麵湯底微辣，都既好味，但湯底唔係十分濃郁，比較清甜。 麵條Q彈，有煙煙韌韌感覺。 蘿蔔就好入味。
士林炸花枝丸 $38 呢個我覺得比較遜色。花枝丸太軟，冇口感，就算你話新鮮，都覺得好一般。唯一搭救就係椒鹽味香口。 黑糖珍珠奶茶  （凍） $36 / 珍珠奶茶 （熱）$26 黑糖珍珠奶茶相對出面珍珠奶茶店嗰啲，甜而不漏， 珍珠彈牙爽口。都唔錯。可惜呢杯係Mr. C。我叫咗好普通既珍珠奶茶（熱），就真係好普通，連珍珠都麻麻地。。。 總括黎講，呢度食物質素麻麻，而價錢又偏貴，我覺得有好多其他選擇。。。

同事介紹呢間餐廳，睇落好吸引，好簡潔，有muji個種日式風格。 黎之前都有睇過大家既食評，好似個和王牛漢堡丼都幾吸引，但當我哋坐低睇menu發覺都冇得揀既？原來呢度lunch係自選三主菜定食。 1. 白飯/十穀飯 2.胡麻五目沙律/葱花吞拿魚蓉陪日本蛋黃/南瓜高野豆腐醬油煮 3.香燒冲繩豬手/牛油雜箘燒帶子/季節野菜天婦羅 4.大根牛尾煮/白湯關東煮/季節野菜鍋 5.餐湯+沙律  +  甜品 $128 作爲一個一定要吃肉既人，我選擇了 1.十穀飯 2.葱花吞拿魚蓉陪日本蛋黃 3.牛油雜箘燒帶子 4.大根牛尾煮 5.餐湯+沙律  +  甜品
十穀飯 - 我覺得幾好，令我自我感覺良好，好似特別健康咁！

葱花吞拿魚蓉陪日本蛋黃 - 蛋黃好靚，賣相好別致，但係希望越大失望都越大！葱花吞拿魚蓉冇味，而且望落好似分量幾多，其實蛋下面冇野架！諗住整穿個蛋黃可以撈埋食，但真係淡而無味。衹好放落飯撈飯啦。。。

牛油雜箘燒帶子 - 帶子衹有三片薄薄的，我估計三片加埋都唔知有冇一整粒帶子。而且煎得好乾，好唔新鮮既感覺。真心覺得自己揀錯咗！

大根牛尾煮 - 三個選擇裏面，肉既衹有呢個可以揀。。。得過且過，肉偏淡味，有啲似煲湯既牛尾咁。。。

餐湯+沙律  - 正常
甜品 - 唯有形容為好特別。沒有奶既雪糕。茶味好重。好苦。有點兒曬quota。
另外同行友人點： 豬手+關東煮，好似都OK，但係肉既分量僅得豬手既個碟。。。 另外又有友人點：南瓜豆腐+豬手+關東煮。。。豆腐就一般啦。。。但係呢個價錢食呢啲好似不成正比。 呢個就係好苦冇香味超重茶味既雪糕。。。 我唔會再試呢間餐廳。。。$128再加一收費，食呢個餐我覺得出面有好多其他選擇，尤其是我覺得如果揀關東煮更加不值得。。。 唯一就係個環境好舒服，好悠閑的感覺。

同朋友聚會，選擇了呢間中餐。覺得人隨年齡增長，就會想揾一個舒適既地方，一張圓檯，圍埋，enjoy晚餐之餘可以暢談！ 我哋一行5個女仔，野食叫得唔算多，但in general 都好味！ 脆焗蝦多士 $138 好味道！配沙律醬，好肥仔。炸得好脆。 蝦膠釀係脆卜卜的多士，彈牙鮮味！ 百合鳳梨咕嚕肉$228 咕嚕肉炒得好脆囗，唔多粉，甜酸度適中！ 脆皮燒腩仔 $138 呢個燒腩仔就有少少失望。皮係脆，但唔係特別出息。。。 者者生菜煲$158 呢個煲都幾野味！好香。 xo醬黃金淮山麵 $168 雖然唔係好知淮山麵係suppose 點樣，但覺得淮山應該係健康野，同埋佢唔係好油，炒得好香，XO醬味道一流！ 椒鹽九肚魚 $138 炸的好正！好野味，好香，好脆口！ 紅棗糕 $48 好清甜，質感QQ！ 桂花五色糕 $58 好特別，五層，有生果肉增加口感，非常有果香！好味！

今日咁難得放假，決定自己去食幸福pancake。以為一個人容易入座啲。點知都係等、等、等、等、等。 一心興致勃勃嘅諗住去尋找幸福，點知嚟到嘅時候見到條隊，個心已經沉一沉，唔知要等幾耐呢。問店員，個店員話應該都唔使一個鐘嘅。 算啦難得放假又行到過嚟，等啦。 我估我大約等左40分鐘啦，好開心呀同幸福嘅距離越嚟越接近！ 到我入座嘅時候，見到枱上面有張紙寫住「即點即做」，等候時間大約要等20分鐘；如繁忙時間可能要等40分鐘！咁我即刻落order啦！店員都好nice，服務態度OK！ 落完order時，聽到隔離嗰台不斷喺度講，「嘩咁耐嘅」。我開始有啲擔心。我繼續自己一個等、等、等、等、等。 我嘅幸福到未？我嘅幸福去咗邊？就好似呢篇文章咁等咗咁耐都未見我講食物。。。 Anyways，最後大概等左35分鐘，我嘅幸福終於上枱喇！ 我點左最original 嘅幸福pancake加雪糕。 自己一個人食，又未到晚飯時間，好似好罪惡咁。 因為等得太耐，前後都成一個幾鐘，好肚餓！ 每一啖都好鬆化，我個人覺得唔算係十分空氣感，都算有層次，有口感。兩邊烹調得啱啱好，個面金黃色，內裏軟綿綿。 我另外叫咗個雪糕因為我唔係咁中意食cream。同埋覺得排咗咁耐隊，冇理由唔食自己最鍾意食嘅嘢。雖然價錢比較貴，但係！呢個cream原來好好味！佢三大塊pancake，一球雪糕，其實係唔夠嘅！所以我都了「撩」咗啲cream嚟食。食下食下，發覺原來好好味好rich，好正！完全比得上個雪糕，所以其實唔需要一定叫雪糕。 一啖雪糕一啖pancake，或者一啖cream一啖pancake。我嘅幸福終於來臨了。 話咁快我一個人K.O.左三大塊pancake。正如歡樂今宵所講，「幸福」嘅時間過得特別快，又係時候同大家講拜拜！ 總括嚟講¾嘅時間係等待，只有四份一嘅時間係享受。 我估要幸福嘅話係需要付出嘅。。。

嗰日行開中環，同MR. C經過見食家蔡瀾開既越南pho，雖然都有人排隊，但眼見都是大約10多個人左右，唔算太誇張，就決定試下啦！ 其實佢哋安排得唔錯，孕婦小朋友都可以優先入座。而我同Mr. C都等咗不用20分鐘便可以進場。 入面有兩層，環境裝修簡潔，感覺都算舒適。 店內自製河粉，玻璃窗/half open kitchen 可以睇到師傅們係裏面努力整野食。 我叫咗生牛肉+牛腩越南牛肉河、Mr.C 就叫咗生牛肉+金錢腱牛肉河粉。另外再叫咗個炸春卷。 生牛肉+牛腩越南牛肉河 HK$68 （唔好意思，我全走葱。。。） 食越南粉，最緊要個湯。雖然我全走葱類既，本身都預咗個賣相會好“dry”咁樣。但當呢碗pho上檯嗰時，個人真係有點質疑，因爲同出面其他pho比較，真係好清。 先試試味道，湯清甜帶點牛骨香，又唔錯喔！生牛肉不肥而且夠軟嫩，而牛腩切法比較特別，肥瘦適中，好有口感！ 河粉份量大小適中， 餐廳好大方，大食量既人可以免費添粉。不過唯一唔滿足既係佢serve河粉而唔係金邊粉。 生牛肉+金錢腱牛肉河粉 HK$68 金錢腱都好好味！不過我自己都係中意牛腩多啲。 炸春卷 Hk$48 越南春卷外脆內軟，熱辣辣！用生菜包住食加魚露食好正。
我覺得中環呢到呢個價錢算抵食，especially 男人大食既話可以免費加粉！真係唔錯！
唯一係呢個pho唔算十分authentic越南粉，不過就幾適合香港人口味。

聼同事講開咗間野，決定過去試下。差唔多到門口，見到好長龍，嚇親！但好彩原來啲人係排一蘭！ 入到去，唔係好多人，坐位都寬濶舒服。 睇佢個lunch menu，好多選擇！ 我好耐冇食魚生飯啦，點咗個黑門令三色丼 $168 三色丼里面有吞拿魚、葱吞拿魚蓉、三文魚子、海膽、蟹柳絲、蟹子、蟹肉、蟹膏。超豐富！另外中有沙律，腌蘿蔔，蒸蛋，味噌湯。 望住碗飯，真係唔知應該從何開始！
我就先食吞拿魚，魚都好新鮮。然後我發現啲壽司飯好深色，原來係赤酢飯，好好味！
吞拿魚蓉、海膽、等等既份量全都好夠睇頭，我將全碗清曬，好有罪惡感！
我覺得呢個價錢，有咁多野食咁豐富，我下次一定會再黎食！

Been thinking of coming because of all the hype about this new burger joint from NYC!!
So excited but when we got up from the elevator, saw the line, we're like. omg. Lets just hope it lives up to the hype!!
So! there we go. Thank god that day the weather wasn't too bad!We were so excited after we ordered. But we had to wait for another 20 mins for the food to be ready... The classic ShackBurger - single $50  Cheeseburger with lettuce, tomato, ShackSauce The bun is quite soft. But it's doens't have the volume. Feels like any other fast food chain less expensive burger buns... The patty was alright. Quite juicy and meaty. But i can't really categorize it as a fast food chain burger patty or a gourmet burger (at this price) kinda patty. I guess somewhere in between. The sauce, however, was quite amazing. Melted cheese sauce. I love cheese sauce.  SmokeShack - single $62 Cheeseburger with all-natural smoked Niman Ranch bacon, chopped cherry pepper, ShackSauce The difference between the ShackBurger and the SmokeShack is that the SmokeShack  has smoked bacon and no lettuce/tomato. Mr. C felt like it was missing the greens. He didn't feel like the burger is worth $62 bucks. For me, I thought it was a bit salty. Probably becuase of the smoked bacon.  Classic Hand-Spun Shakes - black and white - $42 To be honest, i haven't had a milk shake for a long time! This one was prefect for summer time. Thick and creamy. Very soothing and chill. And of course, super evil.  Cheese Fries $36 Classic crinkle cut fries, with lots and lots of cheese sauce on it. But i find it a bit stale the fries. Not as fresh as i expected them to be. and the sauce makes it very heavy. I guess if you were to order the cheese fries, it would go best with beer or coke! 
Overall speaking, I think the food was decent, but its quite pricey as what you’re getting is pretty standard. Also, after the long wait in line, you still gotta wait for another 20 mins for the burger... I wonder how long the hype will last...

On a sunny hot weekend morning, walking around causeway, when you want to find a chill cosy place to just sit and relax, this is where i thought of going. The Brunch Club. Haven't been here for quite a while actually. Been more into HK style cha chan tang breakfast recently. And this day Mr. C craved for English style breakfast.  Eggs Benedict - Avocado $96 With Extra Pork Sausage $20 I know. I was greedy. I wanted avocado. But i also felt like some meat. Asked the waiter if Pork Sausage goes better or Chicken Breast. Pork Sausage was definitely the better choice.  The hot buttered toasted English muffins, a bit crispy on the outside, soft in the inside;
Avocado were nicely riped, thinly sliced, placed evenly on the muffins;
Eggs were poached perfectly with runny yolks; and
The hollandaise sauce. Perfect. Not too heavy not too salty. Just right. 
And of course, the pork sausage goes nicely with the eggs benedict also.
The hashbrown was nicely fried, very cripsy. But i would say it's just a bit too cripsy. Making it feel like a bit too oily. 
Clubber's Hash $88 Not too sure why Mr. C ordered this. I've never tried this kind of Hash. I would think its super oily and rather heavy.
Anyways, i had to see what's in it! Diced hashbrown pieces, mixed with some ham  together with some onion, served in a cast iron skillet. Covered in cheese and on top with a sunny side up egg plus a rather large piece of bacon! Mr. C said it wasn't what he expected. But he digged in anyways!
The hashbrown was very cripsy. Its crunchy crunchy each bite you take in.  It's well flavoured as it has tomato paste in it.  Quite interesting, but it just looks super fattening and feels rather heavy...

Hot Chocolate $38
Apple Juice $36
I would say the eggs benedict was very nice, but the clubber's hash was just average.  But definitely, it's a good place to just sit and relax on a lazy weekend.

因母親有事不在家, 所以特意推遅一個星期日一家人慶祝下. 平時同媽咪來來去去唔係飲茶就係叫外賣, 既然係母親節, 當然要帶佢去下D平時唔去嘅地方啦!今次就一齊去試新嘢,細佬選址呢間位於大坑嘅西餐廳. 去到嘅時侯,只有一枱couple 客, 環境清靜,係有D暗, 不過都幾適合傾計. 亦可能weekend 較少客人啦, 我只見到一位侍應姐姐. 好啦, 坐低, 睇MENU... 咦?好似唔多選擇咁喎...不過睇真D,我地5個人, 可以每人揀一款SHARE下, 試下唔同嘅菜式都OK 啦~ 就係咁,我地揀咗: 1 個dinner set menu (包沙律, 主菜 同甜品) @ 378, 同埋其他 a-la-carte 款. 侍應姐姐都好細心講解同推薦有咩菜式好食. 我地原本諗住叫半隻 roasted suckling pig (燒乳豬),佢就反建議1/4隻已足夠 (我地見到1/4 隻嘅時候感激佢, 好彩係1/4 喳...如果唔係我就會變咗隻乳豬...) 同媽咪傾下計食個前菜先: Home made bread 麵包到, 暖暖地,有5-6個,portion 啱啱好,唔會太填肚, 我嗰舊有蕃茄,小小酸,絕對開胃~ Garden Salad (from the set dinner) 個Salad 就一般, 新鮮,但正常 食下就到主菜.我地叫咗個羊架.我自己就唔'好'羊, 就切俾Mr. C 同其他人食: Rack of Lamb $288 屋企人嘅comment 係: "咦!冇騷味喎!你可以試下!" "不過如果嘅冇騷味..就唔食羊啦!" 我食咗個mash potato 就一般 我齋睇賣相都起碼俾3分佢啦 - 嗰2分就no comment Grilled US Angus Striploin (from the dinner set) $378 呢個係SET 嘅主菜- 一個字得!!! 話說我地叫呢個striploin時, 姐姐問要幾成熟,我地話medium rare, 佢就話'咁生唔係咁好喎...叫medium好D'. 嗰一刻我心有DD奇怪 - 想食生D 啫... 不過當切完,見到入面pink meat 就知道medium 火侯恰到好處; 入口有chargrilled 嘅味道但唔反感, 肉質鮮嫩多汁, 盬就重手咗DDDDDD但我接受到, 而且都唔太搶個牛肉味!我會用balanced嚟形容佢! 個擺盤就爭D, 但係牛肉我就俾滿分! Tiger Prawns Angel Hair $198 虎蝦天使麵... 我幾like個tomato herb sauce, 唔太多汁,俾angelhair吸收咗; 虎蝦俾想像中細但係新鮮同多(有6-7隻)嘅, 配上cheese 喺面, 有tomato 中和, 我覺得又唔太'溜', angelhair 又唔太腍有'趙口', 幾好! Duck Confit (Special and not in menu) $328 呢道法國菜係油鴨, 同我第一次食嘅有D唔同(原隻肶同切條同煮法有分別)~ 不過呢個都好食, 唔乾,juicy, 配vinegrette sauce 同mashed potato, 唔錯! 當大家開始食上面食物嘅時候, 侍應姐姐話漏咗個suckling pig, 而一般製作時間要45分鐘. 咁我地又唔趕時間嘅,都冇乜所謂,但建議姐姐下次寫低或者repeat 個order啦. 1/4 Roasted Spanish Suckling Pig $288 食完哂上面嘅菜式, 傾咗一陣就見到最後1/4 隻suckling pig 上枱啦! 原來1/4隻一D都唔細,有6塊. 食落去個下, 皮薄且脆而肉嫩兼 juicy 又唔太咸, 係值得等嘅! 食完就到甜品, by the way, 我地有帶蛋糕, 而呢度係唔會收切餅費所以對celebration 嚟講係一大優點!!! (當然係要自己切,但佢哋幫我地PACK番盒架) 所以我哋就一人一啖個甜品~ Dark Chocolate Mousse (from the set dinner) 個chocolate mousse 係用dark chocolate, 唔太甜, 有D脆脆, 不過我淨係食咗雪糕, 媽咪冇俾mousse 我 T_T, 有埋Happy Mothers Day, 意境啫! Overall 嚟講我幾enjoy 今次嘅belated mothers day celebration, 呢間餐廳唔係冇缺點,而且食物嘅選擇唔係話好特別, 但係無論環境,食物質素,服務都俾到一個合適嘅空間我哋同媽咪傾下計, 又可以一齊食好西. 而且 價錢都算相宜. 將來如有機會三五知己出嚟食飯, catch up 下, socialhouse 係一個 nice place to social!