今次去好燒式（元朗）醫肚，今次餐廳酒類選擇又多咗，同朋友先後點左幾杯Hoegarden 大杯 $68、細杯 $48，大大杯再嘆串燒，幾爽！ 肉類： 鹽燒牛舌串 $30
煙肉露筍卷 $22
牛丸 $18
雞中翼 $22 雞中翼、牛丸、煙肉露筍卷燒到岩岩好，唔會燒到乾柴
我哋仲要求要小辣，再嘆啤酒，感覺好開胃
鹽燒牛舌串，好Juicy又彈牙，又有少少油份，好滿足 海鮮：
蘇格蘭聖子王 120 白汁芝士燒蠔 49
鹽燒白膳 36
魷魚鬚 28 聖子王好大隻，加埋蒜蓉處理，好惹味又夠香
而且聖子肉幾厚，感覺好抵食！
白汁芝士燒蠔保持到水準，同樣都係肥美又蠔味十足
鹽燒白膳要趁熱食，同樣都係厚身又Juicy，肉質彈牙，而且魚皮仲係脆身！
魷魚鬚佐酒一流，加埋辣粉好爽身！ 其他：
厚燒玉子 22
串燒豆腐 22

玉子厚身又Juicy，蛋味十足；
串燒豆腐正常發揮，燒得乾身又唔會變鞋身！

最近去咗屯門姚姚酸菜魚再試香鍋，另外仲試咗片皮鴨、脆奶、無骨鳳爪等等！ 藤椒無骨鳳爪 微辣醬汁再配無骨鳳爪，一啖食哂好方便
而且醬汁好開胃又唔油，本身少少飽再食都無問題！ 
麻辣香鍋（雞軟骨、薯仔、四季豆、千葉豆腐、豬頸肉） 一大鍋香鍋再加上好多配料，例如有辣椒、花椒、花生、芫荽等 食配料已經夠開胃
雞軟骨同平時串燒果啲唔同，大大嚿又彈牙
薯仔夠惹味又乾身唔會太林
四季豆、千葉豆腐吸哂醬汁同配料香味，用黎伴飯一流
豬頸肉正常發揮，似港式果種豬頸肉，唔係泰式果種燒過 
姚姚脆奶
炸鮮奶好少見，呢款炸粉薄又炸得乾身，唔會有油膩感覺
口感脆卜卜，外脆內軟 

北京烤鴨（烤鴨半隻、川味鴨架）
片皮鴨鴨香十足，每塊皮都油脂十足，沾少少糖食已經好滋味
而片皮鴨肉質細嫩、肥瘦適中，包埋蔥花、青瓜配料再加上秘製醬汁，超滿足！
同套餐仲有川式鴨架，微辣又充滿鴨香，超開胃！ 原來而家做緊優惠，每日消費滿指定金額都會加送小食
星期四送豬手（價值$98），好軟稔又入味，即刻覺得抵食左！

跟朋友去朗屏站皊木叁食串燒，她話最近呢間餐廳進行啤酒推廣，SuntroySunset 380ml只需$30！而且呢到既串燒都幾高質，所以趁假日一於去試下！ 今次試咗Suntroy＋SuntroySunset啤酒，SuntroySunset呢款傳統金裝配上黑啤泡沫，比例7:3，啤酒苦味出啲，傳統果款就麥芽甜味出啲！中意飲酒一定要去chill下！ 雞皮 第一次見到咁樣撐起黎燒，超脆口，好似食薯片咁，完全唔油膩 燒右口魚邊飯卷 第一次試呢類型嘅飯卷，熱辣辣嘅飯加埋香脆紫菜 包埋一齊食好warm！冬天食真係一流！ 飯充滿右口魚油脂同香味，個飯幾惹味，唔太好飯嘅我都食到最後一啖！ 左邊：柚子胡椒燒豬肋肉 
味道特別，豬助肉好juicy，食到尾有柚子清香香味

中間：厚燒豬五花腩 超邪惡但好香口，油脂豐富又豚肉味香濃，如果有焦邊就更加正la

右邊：牛舌芯 牛舌幾厚，而且有韌性，口感彈牙，牛香味幾出 燒芝士炸蠔 炸蠔炸粉緊貼蠔形態，無咩雪味
加埋燒過嘅芝士幾開胃 街市白鱔 最期待嘅香膳，超惹味又唔腥，如果個皮再燒得再香脆d就更正！ 手作免治雞肉軟骨棒 沾蛋汁＋醬油食，香味完全提升
而且肉質夠軟滑，細軟骨幾有咬口


 最近朋友介紹咗一間打卡able嘅高質酒樓「莫云 Mokone」，侍應招呼好、中菜創意度高又擺盤精緻，估唔到連裝修優雅又有格調！呢到試到好多創意中菜，味道都好有水準。 我先揀咗鐵觀音，精緻器皿加上有蠟燭台保持茶溫，全程都品嚐到濃郁、清香茶底！而前菜三寶包括蕎頭 、合桃 、XO醬，賣相精緻又美味，超開胃！ 
#蟹粉小籠包/隻 $38 初時以為係傳統式好細粒，一上枱真係有少少嚇親。皮薄多汁，蟹粉爆餡，蟹粉鮮甜、鮮味十足，完全做到齒頰留香感覺！ #魚子醬賽螃蟹餃 $68

開口造型、煙韌十足嘅橙色餃子，表面鋪滿蛋白蝦仁、矜貴魚子醬，內裡有爽口彈牙豬肉蝦膠，香滑蛋白味賽螃蟹肉，原粒食用味道混合鹹香、口感豐富。 #網油牛肉 $68 好考功夫嘅網油牛肉終於試到！一層豬網油包著牛肉球，蒸煮方式鎖著肉汁，牛肉球超多汁又軟稔。估唔到網油咁香，再加軟滑牛肉都幾夾。 #高湯海參灌湯餃 $88 灌湯餃皮薄餡靚，爽彈蝦肉內餡加上高湯已經夠鮮甜滿足，估唔到仲有海參，超有咬口。 #伊利比亞叉燒腸粉 $ 68 腸粉必次飲茶必點，估唔到腸粉款式都多，今次揀咗呢款。皮薄香滑，估唔到伊利比亞豬幾肥美爽口！ 
 #芥末美國石蠔卷 $68
一咬食落去就石蠔夠新鮮、蠔味濃郁又多汁，加埋酥化脆皮，真係好好食！食到一半感覺到芥末味，唔算太辣，但滿口蠔味又浸出芥末味，感覺好特別！

有日好想食泰國野，於是放工同frd子去咗荃新天地既ASOK THAI GARDEN！主菜同甜品味道唔錯，酒類款式多，成間鋪頭裝修好靚，絕對係打卡一流。 

泰式生蝦刺身 $98 一碟8隻生蝦，生蝦算係中size，少少厚身、夠新鮮無雪味，而且爽口彈牙；配秘製醬汁配辣椒蒜片，呢道前菜好開胃！
 
飛天小椰菜 $88
小椰菜好爽口又惹味，小小微辣，少少似蒜茸炒椰菜，好香好開胃！ 果木露瑪利絲煙燻無骨雞 $198 店員一開蓋已經聞到煙燻味，無骨雞好大份又多汁，切開嗰陣肉汁都流哂出黎，雞皮微脆帶有煙燻味。無骨雞醃製得好平均，味道均勻，而同碟配菜如粟米、蔬菜、薯仔等都好香，相信係吸收咗雞的精華！ 烤虎蝦黑松露蟹肉炒飯 $168 蝦肉夠脆又大塊，唔會好油；虎蝦夠鮮又彈牙，而且好容易拆肉；成碟既黑松露味道唔算突出，不過每啖都食到黑松露味。而蟹肉方面，份量好多，唔會係飯多蟹肉少！整體炒飯飯粒係粒粒分明，唔會太油或太濕，鑊氣十足！ Tiramisu 巴斯克芝士蛋糕 $68 蛋糕口感濕潤、味道好濃郁，食到咖啡苦甜再加芝士濃香味，整體嚟講唔算太甜、亦唔算好飽滯。

近葵芳地鐵站商場上一層就見到呢間燒肉，午餐時間人流好多，學生佔大多數！

燒肉有多款套餐，基本款有牛、雞、豚肉，另外仲可以追加蔬菜、海鮮，另外仲有超大杯梳打特飲！ 今次揀咗牛胸腹及牛舌套餐，牛胸腹油脂豐富，食落幾嫩口。牛舌雖然細塊啲，不過都係多汁又嫩口。另外再嗌多個雞腿肉及豚五花套餐，豚肉都幾大塊，而且爐夠猛迫出好多油，食豚肉都減低到罪惡感。 後尾追加翠玉瓜、扇貝、吉列蠔，扇貝幾大粒又幾鮮味。蠔正正常常，炸得幾乾身，有蠔味；其實呢到小食都唔錯，我有次黎都係叫勁多小食！ 印象中第一次黎呢間，個夾好難拎同要好用力夾，今次輕鬆好多。燒網已經無咁輕，記得第一次黎好容易夾起個網令到d肉走位，今次完全無事發生！

原隻魷魚拉麵 估唔到霸吧拉麵出左 #灸燒魷魚墨汁雞白湯拉麵 ，仲要期間限定，即刻試一試！本身以試伏心態try try，點知又幾驚喜。
 大隻灸燒魷魚，件件厚肉又嫩滑，照燒醬汁好入味，近似居酒屋果種風味。墨汁雞白湯拉麵，湯頭有柴魚香氣＋雞湯鮮甜，雞湯濃味而不膩，開頭都少驚墨汁，驚整到件衫，好彩店員早有準備，即刻問我「要唔要圍裙」，要！！ #濃厚豬骨豚肉玉子拉麵 當然係先試豚肉，灸燒豚肉勁香油脂味。半肥瘦豚肉軟稔又大塊，好滿足。 最後仲叫埋毛豆、札幌啤酒同蜜瓜酒，成餐飯好滿足、好舒服。

為酒而黎！
一入黎已經見到Banner上面有好多款酒，初時都唔知揀邊隻好，職員就話可以試酒，仲細心問我中意咩味（苦、甜、果味？），最後揀咗5號Reminisce ABV5.2%，味道算係清清地，麥味唔算太重，係易入口類型！ 店員先送上一碟香脆、鹽味蠶豆，真係令人食唔停！然後第一道菜特濃芝士莎莎墨西哥脆餅，超香脆又夠熱，沾芝士醬又係食唔停。 焗田螺配薯泥荷蘭醬
其實幾中意田螺配薯蓉，因為焗完成道菜又香口又夠熱、薯蓉香滑、田螺夠滑又彈牙。而呢間餐廳好細心，整走埋田螺殼，食嗰陣就更加方便！
 脆煎濃香西班牙橡果厚切黑豚扒 黑豚扒好大塊，表面焦香、肉汁豐富，黑豚扒仲有橡果香味。同碟仲有蘑菇，細粒再配埋炸蒜片，食落都幾好食，其實我好怕大塊蘑菇又太多汁，呢碟細粒粒岩心水啲！
薯條幾幼不過唔夠熱，如果粗身啲再加啲鹽會吸引好多！

第一次坐吧檯！
直望廚房做嘢、bartender調酒，見人講預早book都有機會坐吧檯。而我今次係二人入座，咁岩無哂2人位就坐底咗！ 
#燒美國安格斯西冷扒配黑松露薯蓉 12oz西冷好大塊、坑紋勁靚
呢塊扒肉感重、好少筋同脂肪
牛味濃郁又夠嫩，一路切不斷有肉汁滲出黎！
同碟有兩款醬汁，分別係意大利香草汁同燒汁，兩個汁帶出牛扒味道都好大分別，大家記得兩款都試
伴碟薯蓉黑松露味好重、夠香滑 #鹽味焦糖汁燒豬腩肉配青蘋果沙律 一上枱已經聞到好香
一碟六件豬腩肉件件份量十足，半肥瘦肉感，一層香脆豬腩皮、中間係肥膏、最底係豬腩肉。少少怕肥嘅我，都忍唔住三層一齊放入口，口感好豐富。
不過豬腩肉未算去到入口即融，但整體評分都好高
而且豬腩肉仲有肉汁滲出黎，點埋伴碟焦糖汁，成個味道又唔同咗，中和左豬腩肉嘅油膩感
 
想credit番今次杯酒Hendrick’s(G)
口感好滑又夠light，好易入口，配牛扒、豬腩肉可以減輕膩感！


厚福街恐龍餐廳
行完街搵間餐廳醫肚，見呢間幾特別就上左去 正正常常有薄餅、沙律、水果茶、炸物，特別地方在於成間餐廳都有恐龍擺設，例如牆上恐龍頭、周圍都有恐龍玩具、board game等等，同朋友食野玩game都唔錯 #烤安格斯牛肉藜麥穀物碗
牛肉份量適中、熟度岩岩好容易咬開
有肉香與肉汁，食開沙律朋友都話ok
再配藜麥、新鮮沙律菜＋酸甜黑醋汁幾開胃 #香煎西班牙黑毛豬配西京長通粉 黑毛豬味道幾濃郁，不過有時畀辣醬汁少少搶左味道，醬汁味好似韓燒果款醬汁，加上煎過嘅半肥瘦黑毛豬，個感覺似食緊韓燒； 黑毛豬半肥瘦、好夠腍、有一定肉汁，幾易咬開，入口充滿油香與肉味，中意食豬肉人士可試！ 

另外嗌左兩壺花茶 #貴妃荔枝茉莉茶 #玫瑰烏龍茶，底座一直有蠟燭烘住，全程飯局都有熱茶嘆，都唔錯！ 餐廳上菜速度都快、樣樣野都好夠熱
家庭式客人比較多，因為實在太多玩具，對於爸媽黎講係一個可以畀自己靜一靜的地方，由小朋友專注前面嘅玩具！