Misu Seafood Cuisine 銀鱈魚西京燒 西班牙乳豬仔 前菜係泰式雞絲沙律, 雖然叫泰式但唔辣反而係甜甜地仲有d通粉. 湯係龍蝦味噌湯, 個湯幾唔錯, rich 龍蝦湯香, 口感帶微微稠身, 面而順滑. main 西京燒加入了味醂調味然後再燒過, 食落好出的甜味, 肉質嫩滑 而另一個main 西班牙乳豬仔皮好薄脆, 下面都重肉味, 唔會乾. 一碟份量都唔少 最後甜點係梅酒釀車厘茄, 車厘茄汲左酒口感更多水份, 帶點酒味 環境闊落都幾好坐

鮨政 之前去香港仔店食過幾次, 包括佢大大木筒裝住大碗二人SHARE sashimi飯. 可惜香港仔已關, 今次去上環店. 有日藉🇯🇵師傅主理 三文魚親子飯定食 $138 包麵豉湯, 三文魚肥美配有咸香三文魚籽 鰻魚飯 $148 熱騰騰, 珍珠米上仲有蛋絲, 鰻魚厚身. 火炙帶子/三文魚 $38/65 每款兩件, 帶子的表面微微燒烤, 肉質厚甜. 吞拿魚腩/牡丹蝦壽司$78/72 單件, 前者無想像中咁肥美. 牡丹蝦蝦頭會另外炸起, 或可加$20 熬湯. 選左炸, 蝦頭連蝦膏, 金黃香脆連蝦觸鬚都食得 鐵板燒魷魚 $188 好大條, 以鐵板上菜仲冒住煙. 肉質軟, 配上醬汁好惹味 每月有限定優惠, follow 有3色丸子

家家戶戶 想食韓國菜又唔想食燒肉, search 左Kimberly Road 呢間, 晚市要排隊 keep住都full house 牛肉鍋 $109 湯底好甜，入面超足料好多醃過牛肉、仲有年糕，粉絲等等, 配左一碗白飯. 湯底好好下飯.轉set 加$10 會有埋Kimchi 等配菜 牛肉海鮮辣湯麵 $109 帶點辣度好開胃, 個湯又係另一款鮮甜惹味, 個麵唔係韓式公仔麵幾有心. 海鮮有2隻青口、蝦. 兩個定食份量好足, 食完飽哂 甜品仲有韓式益力多 裝潢幾傳統韓國家庭, menu 仲有好多款其他配搭正宗韓國美食, 好食又唔貴唔怪得咁多人

橋本串燒 煙肉半熟蛋 $32 咬開中間係超流心嘅半熟蛋, 再配左燒香bacon, 係想像中味道, 好似all day breakfast 會見嘅組合😆但串埋一齊presentation 好吸睛 溫泉蛋牛油果沙律 $68 爽脆Lettuce 配上粟米、蕃茄, 仲有溫泉蛋同牛油果, salad dressing柚子醋好開胃 薄牛舌蔥卷/豚肉小蔥卷 $48 肉質嫩， 配搭蔥香吊香加埋肉汁更惹味 豚肉牛油果卷 $38 第一次食呢個組合, 薄薄豚肉中間包住入口即溶牛油果個口感更富層次 牛小排/雞翼 $68/34 前者牛肉味濃郁, 後者燒至外皮金黃香脆而肉嫩, 雞賢尖脆卜卜, 唔錯 雞皮餃子/珍寶吉烈炸蠔 $38 兩者都炸至金黃皮脆香口 辛辣炸雞鎚 $58 以竹籃裝住3隻🍗 少少辣辣地幾香口 雞腿肉 明太子醬 $34 個明太子sauce 岩岩好唔會過鹹, 同嫩滑雞髀肉絕配 黃花魚一夜干 $168 大大條對半切開, 主魚骨起左好方便食用. 魚皮燒得卜卜脆, 魚肉結實幾嫩, 加埋青檸汁提鮮再配上特調醬油調味剛好 桃酒/Asahi Sour $78 Asahi Sour 新出有氣果酒, 選左青檸味大大杯好清爽. 兩杯都好易入口 @hashimoto.hk 尖沙咀棉登徑13-15號棉登大廈地下A號舖

喬居酒屋 free前菜, 牛蒡牛脷同柚子蘿蔔都唔錯 免治雞肉串配日本初生蛋 $42 雞肉串帶有少少軟骨有咬口, 配上日本蛋汁更滑溜 美國牛小排/牛舌心 $68 牛小排軟腍而牛舌彈牙, 只簡單以鹽調味, 可配法國芥末籽醬 帶子 $68 大大粒, 配有濃味燒汁 手羽先 $38@ 雞翼皮燒得金黃外脆內嫩 燻煙五花腩 $68 因為煙燻過, 好有bacon 感覺. 本身已好有咸香 白鱔 $78 魚皮燒等脆略燒過耐, 有點乾 鹽燒雞肉串 $36 選汁燒雞肉蔥串, 燒錯了, 不過都唔錯, 頗為滑嫩 @kyou_izakaya 太子花園街239號嘉慶苑地下C號舖

Ruên Thai & Vietnamese 尖東新開, 環境闊落, 天花用植物點綴幾休閒 Grilled Beef Sirloin $138 炭燒香茅西冷牛肉由多層肥牛卷係香茅上,外層富炭燒味, 配合香茅香蒜, 內層嫩紅. 一邊仲有3片爽彈越式特色濱海(米粉), 再配有酸汁 Grilled Satay $88 豬牛雞各兩串.每串肉質都有厚度,同樣炭烤 味濃, 配Satay sauce 個味ok, 不過稀稀地又凍. Stir-Fried Morning Glory $98 飛天通菜炒得有氣. 即叫即炒仲冒住熱煙, 叫左加辣通菜嫩得黎夠惹味 Squid Clear Broth $118 其實想叫冬蔭辣湯, 但落錯左呢個. 有d 菜滚湯加左魷魚中間釀有肉. 覺得似中式湯清清地普通 Nasi Goreng $158 印尼炒飯仲有2片蝦片, 配有雞串燒同蛋. 飯炒得乾身, 不過就唔辣, sauce 無想像中咁香濃 尖沙咀麼地道66號尖沙咀中心地下G38-G39 及 G45-G48號舖

神木日本料理 Kamiki Japanese Restaurant 觀塘APM對面工廈, 除indoor, 室外有空中花園, 地方寬敞 牛肉他他 $88 同食開既tartare 唔同, 呢道用左切薄片牛肉. 牛肉軟嫩, 搭上酸甜sauce、蒜蓉、香蔥同底下洋蔥, 味道都好豐富 唔少得中間一隻蛋黃增加了滑溜口感 神之特上刺身（6點盛）$198 有赤身、赤蝦、油甘魚、帶子、三文魚腩和炙燒左口魚邊. 炙燒左口魚邊焦香魚脂豐厚 雞五味盛 $118 包括雞全翼，雞肝，雞胸軟骨，雞頸肉，雞心 雞胸軟骨有咬口，雞翼外金黃咸香內嫩 鍋燒烏冬 $78 有件蝦天婦羅浸在湯中好快會淋曬 , 烏冬唔會太腍 藍柑乳酸梳打 $28 草莓乳酸梳打 $28 @kamiki_kt 觀塘巧明街114號迅達工業大廈4樓A室

OXY CHEUNG CHAU 又去長洲玩, 今次大班人去左呢間特色Coffee shop, 整塊牆掛滿鹿角蕨仲有鹿角蕨workshop. 陳皮Coffee Tonic $65 signature, 拎到靜待30秒等陳皮粉慢慢溶掉可以飲, 陳皮香味好甘濃, 同爽口espresso tonic 出奇地夾 蜜漬檸梳 /柚子梳打$55 前者自家製蜂蜜漬檸檬, 甘香refreshing 配合蜂蜜天然甜味好清爽消暑, 覺得比起柚子梳打更有特色更值得一試 CocoCold Brew $60 Cold Brew 帶椰青水淡淡清香 Matcha Affogato $60 本來好想試的Coconut Panna Cotta sold out, 而LAVA Tiramisu唔再出🥲. 所以同FD share 呢個 affogato 夠抹🍵配上vanilla ice cream 正

二八火鍋 任飲任食 $228 真係超抵, 仲要野食有水準, 唔知呢個任食價會做到幾時, 有興趣就快D Bookmark 打電話預約試下啦. 因為當日去都爆場. 手切本地吊龍肉/安格斯牛小排/安格斯封門柳 牛肉用左新鮮本地牛肉, 個人最喜歡吊龍, 厚切軟滑, 肉味牛脂香味最濃. 有部份就會較多白肉 安格斯牛小排帶大理石油花紋脂肪分佈均勻, 快快一涮就食得, 軟嫩多汁 安格斯封門柳脂肪少, 切成薄片口感細嫩肉味濃 鹿兒島黑豚肉 橡果黑毛豬肉 除左牛, 豚肉都好得. 鹿兒島黑豚肉質緊緻多汁, 口感柔軟有彈性不膩. 橡果黑毛豬肉都好食 四寶丸、蝦滑、墨魚滑 四寶丸有蝦、牛、鯪魚、豬肉丸. 當中蝦、墨魚丸較好食. 式者可直接叫蝦滑、墨魚滑其實都差不多, 幾彈牙扎實肉質 鮮蝦雲吞 餃無肚試哂, 叫左個煎手工韮菜餃, 皮脆卜卜, 餡飽滿香口. 另外個雲吞都係必食, 大大粒包有兩隻爽彈蝦肉. 脆鯇片 脆鯇片口感爽脆香滑 , 仲有香脆魚皮、日本豆腐、新鮮嘅蔬菜等 湯底揀咗鴛鴦鍋, 馬來沙爹湯拚芫荽皮蛋湯, 沙爹湯聞落都幾香, 不過食落沙爹味唔算好出, 芫荽皮蛋就好清香, 有不少皮蛋同豆腐 呢個價雪花啤酒和汽水任飲, 個人喜歡佢自製竹茅根糖水感覺無咁熱氣又唔會太甜

There are many authentic Korean restaurants located in TST Kimberly Road, Ssal Bori Ssal is one of them, whereas not only local, but also Korean visited. They served 3 starters for each table with unlimited refill, their kimchi were one of the best Kimchi I tried in Hong Kong, spicy and the sourness was just right. There were wide variety of Korean wine for selection, we saw some table ordered Makgeolli with traditional golden pot contained. All of these make me feel like I was being in Korea. There were many stew, good for cold weather. We had ordered the braised pork knuckle and pork belly. The knuckle absorbed all the soy sauce, the pork belly was so tender, served with fresh lettuce. Perfect match. We also ordered the fried chicken, crispy and flavorful. The meat was not dry. The last one we ordered was seafood noodles, but there was actually not much seafood. This was rather average when compared to the others two dishes. Overall a nice Korean restaurant in Hong Kong for authentic Korean dishes and wine