凍冰冰硬係要打邊爐食雞煲，所以今日就黎到旺角二鍋頭嘆任食雞煲同邊爐。 惹味雞煲果然係冇改錯名，店員一開爐，煮下煮下，香噴噴既味道就不斷湧上黎，凍冰冰又肚餓既我，急不及待要食啦！！話明任食，硬係食完一煲又一煲，再一煲。 貪心又餵食既我，硬係唔會淨係食雞煲咁簡單，食完仲要轉返個邊爐，再暖下胃啦。 任食火鍋料都有唔少選擇，真係樣樣都encore再encore

今日lunch想食下茶餐廳既美食，黎到K11 Musea，就去左foodcurt既船塢冰室，睇佢既廣告牌見到雞髀撈公仔麵好吸引，當然唔可以錯過。公仔麵夠煙韌，而且啲汁夠多，可以撈到每條麵都沾上滷水汁，唔會好乾，撈到一啲有汁一啲冇汁。隻雞髀都算大隻，不過個人就認為雞髀肉唔夠嫩滑，雞髀方面就遜色少少。不過整體都唔差，好食！都要比隻手指佢～

今日就叫左個文華海南雞飯，有湯又有野飲，正！海南雞飯既重點梗係雞同油飯啦，但其實個人而言都幾重視的醬汁架^^，首先講下啲雞先，冇骨又夠嫩滑，亦都唔算好肥好流，雞皮雞肉都好平均。至於個油飯呢，真係正啦，飯粒軟硬適中，真係食多碗都得呀！頭先講到個人都重視啲醬汁，有齊3款汁，而且又好味，有辣有唔辣，任均選擇，撈晒又得，唔點醬亦得，得左。誠意推介～

$30食得啲乜嘢？如果喺旺角銅鑼灣，食碗粥都$30啦，食個冇餸嘅麵都差唔多呢個價。但係慈雲山大大份有米粉有多士有炒蛋仲要有杯嘢飲都係廿零蚊， $30有找，去邊度搵呀？嘢食質素仲要幾好，睇嚟慈雲山係好適合食早餐嘅地方。

今日去到慈雲山時代冰室，食咗佢好出名嘅三眼仔豬扒蔥油飯同埋焗豬扒飯，兩樣野直情係男人的浪漫，大大份食完好飽，埋單$100都唔使超值。味道又好食，鍾意食肉嘅你必定要食呢款。食完之後如果你夜晚如果好早食飯，千祈唔好唔做運動，因為你會飽到九點

英式早午餐～必食之選 蘑菇juice，切開啲汁就流晒出黎，香濃蘑菇味蕃茄仔唔會好酸 煙肉煎得岩岩好，唔會硬崩崩，又唔會太咸，容易入口，好好食 香噴噴既黑松露炒滑蛋，蛋炒得剛剛好，唔會太老，仲有啲蛋汁係到 最鐘意食佢個奇亞籽甜品，細細杯就已經好夠，奇亞籽都飽肚既，香濃椰汁，甜甜既芒果醬，食埋個甜品就滿足晒

餐廳環境舒服整潔，少高級feel，返工咁辛苦，梗係要係個咁好既環境，食返啲好野黎慰勞下自己啦！ 今日揀左紅燒鮑魚拌麵，賣相吸引，鮑魚入味，口感柔軟有彈性，而且麵質煙韌彈牙，拌麵醬汁拌得均勻，唔怕味道有偏差。 同場仲有麵豉湯附送，味道唔會太濃，反而清清地配返拌麵就好夾。

難得放假梗係要享受一下，係觀塘行完海濱長廊，黎到Flames見到環境幾靚，就決定留低食晚餐。除左環境舒服之外，當然唔少得係美食，晚餐食左兩個Mains，覺得好好食，要介紹比大家。 蟹肉香草忌廉蕃茄汁扁意粉：滿滿蟹肉，而且香濃既蕃茄汁仲掛滿係意粉到，材料落足，唔會慳皮，一啖接住一啖，即使大大碟既意粉都轉眼被KO 燒肉眼牛扒配大蝦薯條：大大塊肉眼扒，而且肉質鮮嫩，能夠鎖住肉汁。大蝦亦夠新鮮，蝦肉都爽口，薯條都夠晒脆，正～

餐廳細細又唔係好起眼既門面，但裡面竟然隱藏住美食！！ 餐廳係以麻辣小食同麵食為主，本人好鐘意食辣野，每次黎到黃大仙都會想起佢。每次坐低都必定會叫既「麻辣土豆絲」、「蒸餃」、「干撈麻辣豬耳麵」。 我好享受食辣野嘅過程，但絕對唔會挑戰辣度，只會揀自己鐘意既辣度，所以每次都會叫小辣或BB辣，其實BB辣都已經幾辣架啦，所以如果唔食得辣既你，就要諗清楚先啦！ 麻辣土豆絲：土豆絲爽口，容易入口，要小辣既辣度剛剛好，香得黎唔會太辣 蒸餃：配埋土豆絲一齊食就最正，因為蒸餃係比較清淡，但如果已經食到個口好辣，可以食蒸餃中和返一下 干撈麻辣豬耳麵：麵質幼細但唔會好淋，食落依然有咬口，撈麵本身已經撈好左，唔洗擔心味道唔平均