又係Happy Friday， 中環坐港鐵去尖沙咀快過打針， 又多野食。 今日去左亞士厘道鬼金棒牛骨辣麻拉麵。 拉麵店用qr code 落單， 簡單方便。 特上A4和牛辣麻牛骨沾麵 - 沾麵湯底熱辣辣， 濃度足夠， 做到掛麵效果。 A4 和牛勁大塊， 牛味香濃， 入口溶化， 肉質非常嫩滑， 油脂分布得均勻， 輕輕煎左一面就已經足夠。 味玉辣麻牛骨拉麵， 小麻小辣牛骨湯底肉味帶鮮甜， 唔會太濃， 可以食得開心d, 唔洗食到滿頭大汗， 牛肉亦都好嫩滑。

今日約左同事食Lunch， 去左中環德己立街霸嗎拉麵。 辛辣灸燒豚肉味玉拉麵 - 湯味香濃， 辛辣度都十足， 燒豚肉燒得惹味而且非常夠份量。 燒豚肉入口啖啖肉， 肉質煙韌。 雞义燒味玉辛辣雞白湯拉麵 - 雞湯味好有膠質好濃味， 雞肉超級嫩滑， 直頭好似用slow coke 咁煮一樣。 2款麵硬度都煮得剛剛好， 唔會太林太軟， 有硬度， 啱哂我呢d鍾意食硬麵的人士。 沙拉唐揚炸雞， 勁多肉汁， 熱辣辣， 第一口差d 比熱辣辣嘅肉汁燙親。 辛辣唐揚炸雞 辛辣味勁度十足， 連我食得辣都差d 頂唔住。 不過個辣味係出色的。 辛苦燒餃子 - 脆卜卜幾得意， 餃子材料勁足夠， 入口啖啖餃子肉。

Happy Friday 同同事去左中環善慶街食好野. 餐廳分上下2層, 裝修得幾優雅, 好有外國Feel.

Lunch Set

栗米龍蝦湯配爆谷， 粟米味道夠哂香濃， 湯底綿綿， 入口又有少少粟米粒粒口感。

炸布爾芝士, 合桃, 水耕菜沙律, 無花果醬油醋, 炸布爾芝士香濃可口, 沙律菜新鮮爽口. 

西冷牛扒有9安士 ， 份量十足， 5成熟， 肉質鮮嫩， 牛肉味香濃， 配上芝麻清醬清新可口， 估唔到同牛味香濃嘅西冷又幾配合。

湛江雞 超級香滑肉嫩， 估計係用慢煮方法黎烹調。 因為雞肉滑到一個點， 肉質綿綿， 重超多肉汁。

復活節過後, 肚仔都要復一復活, 今晚二人行去左跑馬地黃泥涌食好西. 餐廳由師傅精心主理, 為客人製作新鮮的刺身配搭。餐廳環境優雅, 坐於吧枱可以睇下師傅手勢同新鮮精美食材. Omakase 前菜有四款，有魷魚、鯛魚漬、黑豆同烏魚子，每款都新鮮可口, 由其魷魚, 非常鮮味. 蜆湯, 大蜆鮮甜肉厚, 師傅話完全無調味, 用大蜆鮮甜煮就夠哂味道. 刺身, 好似去左日本咁, 每一款都新鮮, 香甜同埋從未食過架, 今日喺香港可以食到纓鲷, 富山縣海老, 縞鰺, 真係大滿足. 縞鰺好爽口, 有口慼. 沙甸魚魚苗, 脆到好似薯片咁, 一D油益味都無. 八爪魚刺身 + 吸盤: 配特製wasabi 醬汁，有少少攻鼻，但好有Feel. 赤貝同白沙貝：爽口, 清甜, 基本上唔洗沾任何醬料. 因為鮮甜味以經好足夠. 昆布醬油燒白子：入口綿綿, 但味道香濃. 白海老真丈, 師傅話即係炸魚蛋, 但呢個炸魚蛋爽口彈牙度, 真係無得頂, 熱到差D燙傷條利, 加少少檸檬汁, 更加帶出清新感覺. 壽司十貫, 太多好食嘅款式, 真係食到都唔記得啦, 有中, 大吞拿, 魚油甘香, 櫻鱒望落似三文魚但高級同鮮味好多. 魷魚一絲一絲, 爽脆彃牙. 海膽手卷, 成條海膽做手卷, 海膽甘甜味, 充滿口腔, Mamamia. 最後麵豉湯同甜品作結, 今晚超大滿足, 師傅健談, 風趣, 天南地北都可以傾到計, 一個人主理10位食客, 個個都招呼周到, 咁嘅服務態度同熱誠先可以留住客人個心.

長假期後又有同事升職, 於是賀一賀佢, 揀左中環PMQ 元創方 BKK 食泰國菜. 餐廳主打正宗泰國烹飪技術, 確保每道菜都係新鮮同當地食材 Lunch Set 泰式炭燒烤牛排沙律 – 呢度前菜非常開胃醒神, 酸辣味道豐富. 炭燒烤牛排厚切, 烤熟程度剛剛好, 帶點微粉紅. 泰北咖哩全蛋麵 – 第一次食呢一款麵, 咖哩湯底非常香濃, 全蛋麵有脆麵同粗麵2款 ,有軟有硬, 口感層次分明. 虎蝦金邊粉 – 麵身非常軟綿綿, 同食開嘅金邊粉好唔同, 材料多元化, 非常可口. 薑汁黑芝麻湯丸 – 非常Q彈, 配上香味豐富薑汁, 作為甜品作結.

復活節後返工公司無乜人, 專登走黎尖沙咀鬼金棒食個Lunch. 因為同事最Like 就食麵, 所以搵間日本拉麵店食下. 特製麻辣味噌拉麵 – 先飲頭啖湯, 叫左中辣, 小麻, 辣道適中, 但下次可以叫大辣試下, 反而麻道就夠, 食到個口好似比蟻咬咁, 幾正. 麵身似中華麵 - 扁扁地, 煮得唔太林, 咬度夠, 有咬口, 都幾彈牙. 溫泉蛋煮得剛剛好, 蛋王深紅色, 蛋味好出. 正. 义燒煮到好林好軟, 唔洗太大力咬就溶哂入, 口, 肥瘦適中. 炒豆芽菜麻辣味噌拉麵, 豆芽菜超多, 炒得好香口, 入口索索聲. 煎餃 – 煎得香口, 皮簿餡靚, 好食.

測試完後， 又係食好西嘅時候， 今晚去左尖沙咀中心Ruen Thai & Vietnamese 食晚飯 假期前夕， 餐廳座無虛席。 越式軟殻蟹米紙卷 - 凍前菜， 紙米卷皮夠薄， 軟殻蟹夠脆口， 前菜一流。 串燒沙爹 - 豬牛雞各2串， 材料夠份量， 沾上沙爹醬超級惹味， 雞肉串最軟最滑最好味。 炭燒香茅西冷牛肉 - 呢個超級好食， 西冷牛肉煎得剛剛好， 帶點微粉紅， 牛肉味香濃， 配上酸辣醬汁更加好味。 泰式黃咖哩蟹肉配蒜蓉包 - 頂頂邪惡， 黃咖哩帶點甜味， 加上大量蟹肉， 用黎點蒜蓉包， 真係食到無停口。 Virgin Lemongrass Mojito - 青檸梳打咁Feel， 味道清新， 悶熱天氣最啱飲。 Pineapple Sky - 甜甜地， 加上粉紅色， 女仕專享。

今日又同朋友打邊爐飯聚, 餐廳位於尖沙咀赫德道4號地庫, 餐廳空間唔算太大, 但放置左一個大電視同卡拉OK, 啱哂三五知己一齊食飯唱K. 湯底 – 台式麻辣鍋, 台式麻辣同廣東麻辣分別在於個濃度, 麻辣味非常香濃, 惹味又暖身, 啱哂呢期悶熱天氣, 出身汗, 十分醒神. 鮮墨魚丸 - 墨魚丸爽滑彈牙, 真係好似醒神咁用黎打乒乓球 黑毛肚 – 滾一滾就可以入口, 亦都係好爽口, 脂肪含量非常低，適合減肥人仕食用 韭菜餃 – 皮簿餡靚, 韭菜多到爆哂出黎同好爽甜. 海蝦 - 新鮮海蝦無得輸, 隻隻彈牙爽口. 麻辣鴨血 – 打邊爐必叫鴨血, 質地口, 唔會一夾就散, 非常滑, 入口小心D, 唔係好易滑落喉嚨. 美國Prime 牛小排 – 牛味香濃, 脂肪分布適中, 好軟好林, 超好食.

朋友飯聚最簡單唔洗諗， 一定係日式放題。 揀左間銅鑼灣瀛豐放題料理， 可以慢慢食慢慢傾計。

日式放題最緊要食材新鮮， 而家升級重可食到極品海鮮拼盤， （ 有松葉蟹腳， 凍鮑魚， 凍青口等）.

三文魚刺身肥美鮮甜厚切， 油甘魚香甜， 魚油十足， 入口魚油香味豐富。

蟹腳天婦羅， 熱辣辣非常脆口， 簿簿的天婦羅粉包住蟹腳， 唔會食到成口都係粉， 亦都無油益味。

海膽壽司， 飯團小小但海膽多多， 十分抵食，。 海膽甘香， 一餅一餅舖滿哂壽司飯上。

今日有朋自遠方來, 搵間食得又坐得嘅酒店餐廳嘆下. 餐廳位於香港銅鑼灣皇冠假日酒店一樓 - Carver

叫左個$268元, 3 Courses 嘅Weekday Set Lunch. 
前菜: 希臘沙律 (包括紅洋蔥, 車厘茄, 橄欖及青瓜), 沙律新鮮爽甜, 車厘茄非常多汁, 醒神開胃

主菜: 澳洲和牛腹脇肉 M6 (220克) 雖然額外收費HK$98, 但餐廳出名牛排, 絕對物超所值。 配啤酒薯條, 田園蔬菜及松露肉汁 - 和牛腹脇肉質鮮嫩, 牛味香濃, 油脂分布適中, 唔會太肥膩. 松露肉汁味道濃烈, 但唔會搶左和牛嘅牛香味

朱古力啤梨蛋糕 – 朱古力味夠濃並帶甘香, 入口充滿朱古力同啤梨嘅芳香, 唔太甜, 食完肉味香濃嘅和牛, 再食返個朱古力啤梨蛋糕中和一下味蕾, 正.

另外仲額外點了杯熱咖啡，味道香濃，令人滿足

店裡面設有乾式熟成櫃, 鍾意食Dry Age 嘅朋友不妨到CARVER一嚐，絕對令你驚喜