本身想食壽司郎但又有排等，行過兩步睇下Eaton food court有乜啱食，見到唔少人叫呢間pho諗住試下，點知d牛鞋過鞋底仲要勁un, 點咬呀！從未食過咁差嘅牛坑腩，份量就ok但我食唔夠一半，唔想浪費但係無理由虐待自己，而且職員嘅態度亦麻麻，真係好後悔揀咗食呢間，去附近是但食碗牛腩河仲好！

十幾年前好中意食新記，湯底香辣得有層次餸又入味，可惜近年一次比一次差，加價貴咗都算點解完全保持唔到水準？好似轉咗手咁？！唔怪得以前迫到搭晒枱都有人等位，而家冇人都唔見有人入去，買外賣都冇唔關疫情事唉只能回味

夜晚九點幾凍凍地原本想行去食碗粥，點知想食嘅都已經落閘，見呢間寫有手轆魚麵就坐低試下，舊式小店衞生唔好要求太多，但老伙記態度幾好，似做街坊生意多。 餐牌都有唔少選擇，招牌當然係手唧魚蛋，牛腩都多人嗌，仲有豬手不過咁夜想食清d, 揀咗魚麵所以就冇再叫魚蛋而配咗雲吞.. 魚麵係粗身未試過呢種口感幾特別，味道幾鮮有魚味，唔覺有落好多胡椒粉或味精調味，但係一試雲吞就好失望，多肥肉而且有陣“益”味(蝦唔新鮮？!) 好在個湯底幾清甜又加咗d菜，食完都冇覺得好口渴加返少少分 最後雲吞冇食曬(而且仲有d厚皮痴埋一舊).. 下次如果再經過附近可能會試返魚蛋粉拼牛腩之類。

附近做完gym，經過見到呢間有羊腩，叫咗個羊腩湯米線試吓點知勁油又咸，
明明個舖貼晒相同介紹係好似好養生，
懶sell健康? 但真係好難說服人! 仲要唔算特別平，冇下次😖

見到唔少好評，本身對雲吞麵情有獨鍾尤其係蝦多而豬肉比例少，所以特登坐車過去太子試下。店比想像中細入去到時五點有八成客，待應急落單咁我見餐牌有下午茶就口快快叫個招牌雲吞麵跟熱飲。 不過點完先發覺下午茶$43，碗麵單嗌只係$33，加十蚊一杯熱飲，oh 睇返原來仲有個牌其實任何時間叫粥麵加杯熱飲都一樣加十蚊，咁寫咩下午茶餐呢根本冇比平時抵咗🙄..情願揀加碟菜抵d囉不過杯嘢飲已經迅速送到 碗雲吞麵嚟到湯同麵好夠熱，啖湯好濃有蝦子香味，雲吞size適中，比較傳統唔係乒乓波咁大粒嗰啲，蝦夠鮮亦爽甜，真係冇乜豬肉啱我心水，如果多一粒就更好了，麵色澤黃食落夠爽，雖然未去到麥奀記咁幼嘅銀絲細麵但份量比麥奀記抵食(麥奀真係太奀了) 總括如果去開附近可能會再去食，仲有醃蘿蔔加分，但係下午茶價錢取巧唔會再嗌，唔怪得之後見待應枱枱都sell下午茶啦，加碟菜還可以但係十蚊加杯普通質素熱飲，唔算什麼特價下午茶餐囉又唔係坐得舒服仲感覺催人快d食完走人，$43同區可以有好多其他坐得耐嘅食tea選擇

值得一試的小店，約了朋友去中環食晚飯，見下午有空檔時間就特登去試下呢間麵檔，冇嚟錯下午茶更加抵食，墨丸沒有失望牛腩亦有水準，河粉扣底加埋杯奶茶，非常滿足的一個悠閒下午

油尖旺少有坐得舒服又價錢相宜嘅雲吞麵店，不時經過見到小蓉麵家個招牌但一直未試過，今次下午茶時間冇乜人就坐低品嘗下招牌鮮蝦雲吞， 睇食評都多人讚應該唔差得去邊， 麵睇相就似乎唔太爽口所以揀咗河粉。 嚟到都幾大碗，河粉好多但湯唔係好夠，影張快相已經索晒咁滯， 可能“扣底”會好d😕 首先試啖湯，湯底同舗頭装修一樣咁清雅⋯ 意思係非常之淡！代表冇味精？但真係清到一個點🙃 雲吞係唔錯冇拆到招牌，都幾多蝦🦐ok鮮，豬肉亦唔太肥， 魚蛋就好一般同包裝買返屋企打邊爐嘅貨色相近， 因為湯河冇乜味就比平時加更多醋同辣椒油， 不過辣椒油竟然一d都唔覺得辣！(本身唔係超食得辣)  色水亦麻麻地偏黑色咁，亦唔夠香，辣椒油味道對麵檔嚟講都好重要， 有時貴d食池記係為咗佢唔止辣油仲有埋余均益辣椒醬.. 所以最後冇辦法食剩了一半河粉，平時係盡量唔嘥嘢， 可惜，可能“加色”會好味d? 不過呢度牛腩同牛筋係冇得拼雲吞， 或者牛筋腩同豬手味道會濃一些吧。 總括嚟講$34一碗雙拼加上個室內環境，今時今日係幾抵食， 但係味道真係非常一般，要特別讚係有懷舊酸蘿蔔提供👍

午餐用外賣app試下呢間開咗冇耐嘅麵店，首先已經提醒要多些辣椒油，但最後完全沒有，平時買魚蛋粉麵唔洗問都至少比一細盒/包啦👎 
叫咗牛筋拼魚蛋撈麵，因為唔想食湯粉麵如果唔分湯會浸到淋曬。牛筋正常，麵都可以，但係魚蛋加九蚊雙拼竟然得兩粒仔，睇落以為大粒其實係一片咁嘅形狀，有魚味唔係算彈牙味道可以接受(因為自己本身喜歡食淋d口感，太彈嘅感覺反而好似唔知加咗d乜咁) 但賣$4.5一粒份量係少得可憐🥺 標題寫10% off好優惠咁但實際係取巧囉⋯

唔明點解咁多人讚，見好多好評位置咁啱就腳就試吓，點知d飯咸到一個點！同朋友都要不停飲茶😩魚唔係特別鮮d位又唔係特別舒服，仲要件牛油果睇相都覺得硬啦😪走咗之後一路都口乾懷疑係咪豉油定wasabi好多味精？！冇下次👎

今日想食四川嘢又見經過呢間冇乜人所以試下，叫咗個雞絲湯麵，加錢轉麻辣湯底，夠辣味但係超級油，都算，重點係明明比咗豬肉，反映完竟然係都話係雞肉！😠其實肉絲份量唔多，最多唔食就算你認比錯咗我亦冇打算換，問題係違反商品說明條例😡(唯一係麵質尚可接受)