因為Sogo Thankful Week, 所以同老公去咗銅鑼灣區, 先去揾地方吃嘢, 再去血拼, 記得之前朋友推介過謝菲道一間叫"家常便飯"菜館, 於是先去醫肚, 星期六晚去到, 等了大約3分鐘就安排到2人枱給我們 !
侍應熱情地帶飯我們入座, 介紹我們試試他們特色小菜: 
1) 火焰蕃茄  (賣相頗特別, 在別家菜館未曾見過), 侍應會先用火槍燒蕃茄皮, 外熱內凍, 口感不錯
2) 辣酒煮東風螺  (愛辣人士必試, 啱晒我啲食重口味之人), 汁調得惹味, 我一人都食咗10多粒, 而且洗得乾淨, 完全冇沙, 一讚 !
3) 酥炸茄子 - 這個也是炸得相當脆口, 作為餐前小食或佐餐一流
4) 生炸排骨 - 醬汁調得不錯, 排骨肉滑
5) 熱情果特飲 

另外, 叫咗紅米飯佐餐, 他們這間店推廣健康少油, 冇味精小菜, 所以也相應提供紅米飯這些健康之選, 總括而言, 今次用餐, 食物和環境質素都不錯, 價錢都是大眾化價錢, 下次過來香港區吃飯又多一個選擇 !

拍拖紀念日, 想起這間餐廳, 之前曾行街經過, 看到餐牌食物也不錯, 想住試下, 星期日晚上光顧, 侍應告知6:30入座, 8:00要交枱, 我們準時到達不用等, 便安排入座, 點了以下食物:

1) 菠菜芝士釀鮮蝦 - 好似$168
2) 露絲乜乜燒雞 - $198
3) 蕃茄醬蜆肉幼意粉- $138

每枱客人送上一籃面包2 塊連及2塊薄餅 ~ 有醋跟住上的 

食物很快便送上, 先送來 菠菜蓉芝士釀鮮蝦, 算是三款食物中最好吃 ~~ 之後來了燒雞, 嘩, 賣相不吸引, 燒雞還不是熱熱的送來, 伴碟薯仔十分硬, 唔好吃, 而雞肉十分鞋口~~ 之前看食評有人推介這個雞, 所以一試, 怎知中伏 !  好了, 再來蕃茄醬蜆肉幼意粉也是唔多好吃意粉, 比一般若euro xx spaghetti 還要差, 唔熱其一, 也食不到有蜆肉囉 , 結果我們對食物都大失所望, 也因為雞肉唔吸引, 2人無法吃得晒唯有叫侍應打包意粉和燒雞

總括而言, 這餐廳我覺得是名過於實, 食物質素有待改善, 我們再不會光顧這店了~~~

5-1 勞動節假期, 晚上7時到達, 不用等位已可入內, 點了以下食物:

1) 黑咖喱豬扖飯 + 25元跟餐 (餐飲及湯)
2) 日式照燒雞扖井

先來餐湯, 白汁忌廉湯, 個湯冇乜味, 有小小粟米,但唔好飲, 不久來了日式雞扖飯, 大大碗飯, 飯份量頗多, 但見沒有什麼燒汁, 幸好叫侍應幫我們拿回廚房加汁, 廚房大哥也幫我加多了燒汁, 但一試飯已經唔得, 白飯"散收收" , 不是日本米也不緊, 始終在i-square 內55元也不能要求太高 , 但啲飯加入汁也不好吃, 而且飯到已經不熱了, 只是小許暖....總之,

接著來了, 咖喱豬扖飯 , 炸豬扖也算ok , 但白飯也是唔掂 ....

總括而言, 這裡啲食品質素真是一般, 應該不會再光顧了 ~~~~

今日假期來這裡午餐, 因一段時間沒有來, 便打算再光顧, 一時到達不用等位便可入座, 我們叫了以下食品 :
1. 自家冷烏冬 : 一貫水準 , OK !!
2. 蕃茄湯底吉列豬扖烏冬 : 湯底朮朮, 好像是用金寶罐頭湯, 如果加入少許海鮮或其他材料弄湯底會鮮味啲, 有少許誠意欠奉囉 !! 因我也試過 別 家烏冬專門店的蕃茄湯底烏冬, 而湯底確有少許蝦鮮味囉.....
3. 芝士煙肉焗蠔 : 這個小吃之前也在這裡吃過, 煙肉份量几多, 配上芝士一起用錫紙焗蠔, 味道不錯, ......但今次完全失望, 那三小只蠔, 內裡啲"蠔屎"
都走出來, 賣相肉酸, 我們只好連芝士一齊放進口, 但那蠔實在唔掂, 好腥的味道, 要從口中吐出來.... 餐後唯有吃香口珠除腥 ...
4. 薯仔蛋沙律 : 不過不失, 都可以, 只是份量比之前少, 可能物價上漲, 唯有減少份量.... 尚可接受

其實此店的餐牌有很多款食物都加了價, 此也是正常, 但它某些食品的質素比我們感覺好像每況愈下, 我想"自家烏冬"實在要檢討一下, 改善改善 !

因海港城之前做推廣原故, 有一張100元現金劵, 於31/12 到期, 故趕快用埋佢不想浪費, 昨晚上呢到睇啲食評, 很多好評, 於是親自來\看下walk in有冇位, 因昨晚打電話己知道訂位滿座 我們7點到達, 幸好時間早, 稍等數分鐘都有位....
我們叫了以下的食物:

1. 火炙吞拿魚沙律 - $88 (不錯,有7款沙律醬汁)
2. 雞肉蛋包飯 - $78 (好好味, 蛋佷滑溜, 雞肉飯可飯, 伴有茄汁)
3. 咖啡黑團肉比薩 - $88 (出奇的超好吃, 強力推介, 雖然我們沒有吃出咖啡味)
4 藍苺特飲 - $48 半價= $24 (好似用藍梅打造的特飲, 再放一串藍苺, 別緻)
5. 玫瑰花茶西柚特飲 - $48 半價= $24 (清新怡人特飲, 單看也非常吸引)

(如點選主菜2 款可以半價叫飲品)....

埋單237元, (扣減100元現金美食劵), 在海港城這佪地方也算非常抵 ; 另外, 女侍應招待很好, 不時幫我們添加暖水, 又會推介什麼菜式或甜品....
總括而言, 發掘多一個好地方用餐, 下次一定再來 !

雖然冇訂位, 但我們二人6點半到, 時間早, 一去到不用等已有枱給我們,
我們點了以後食品:
黑糖麵包 -- > 送的, 熱的..好好味,...個忌廉醬點來吃很好味
豬肋骨拼薯條 --> 豬肋骨燒得的賣相麻麻地,唔多吸引, 啲肉都有小小"鞋"
爆谷蝦--> 都好食...不過係熱氣d...多人食好d..
芝士煙肉薯條-->必食, 之前一試愛上 , 芝士味重, 配搭出色

我們還點了一客凍檸茶 ($32) , 是免費添飲....

最後埋單, 二人$340 ...價錢都合理, 但覺得款式選擇不太多

今日去旺角找地方吃飯, 6點半到達, 不用等位已可入, 這間食店之前都光顧了數次, 覺得水準不錯, 價錢又便宜;

今晚叫了一份薄燒豬扖燒汁套餐, 一份豬肩胛燒汁套餐, 套餐只是加多6元, 包一客小小凍豆付沙律和面豉湯, 很抵吃 ! 我們落單時特別叫侍應多汁, 果然真啲幫我們加汁, 啲燒汁吃到飯底還有 ! 我們交換試了豬扖和豬肩胛, 都不錯...... 豬肩胛其中一端就有小小肥 ..但水準都依然和之前光顧一樣, 侍應也會替我們加茶, 服務不錯 ! 加上價廉物美, 相信我但再光顧啦 !! 二人埋單加一都是84元 !

在Openrice上網見到很多食評都唔錯, 一於生日試下呢個半自助晚餐, 當然最想試啲還是"石在燒"啦 ! 訂咗位原故, 故不用等侯, 可能這間餐廳不多人認識, 而是在酒店內, 而樓下又沒有放置任何宣傳banner, 如果多啲好口啤, 相信會多些人光臨 ; 國慶日光臨, 坐位只是一半滿座 !
我們分別點了一客羊扖$258+10%, 另一客是鮑魚及大蝦 $308+10% , 這個主菜便是自己石燒 ; 接住便可以拿自助吧枱的食物, 食物水準不錯, 包括 "青口, 凍蝦, 煙三文魚, 煙火腿等, 還有數款不同的沙律供應, 另外, 每位送二塊算蓉飽 (很美味) ; 又有不同水果 (西瓜, 蜜瓜, 菠蘿 等)..... 餐廳職員會讓我們先吃自助吧枱食物, 然後徵詢我們才起石燒主菜...
主菜來了, 大蝦和鮑魚不負所望, 經理會過來細心教我們石燒技巧, 包括羊扖和蝦, 鮑魚最佳煑好品嚐的時間, 也會介紹枱上的黑胡椒和鹽, 牛油及其他調味料什麼時間添加會最美味, 又會介紹我們可隨意選擇醬汁, 包括薄荷醬, 蘑菇醬, 薯菜配搭 等等... 我們叫了紅酒和白酒一杯, 作為品嚐海鮮和肉類點綴 ! 我覺得大蝦最美味, 很Juicy感覺 ! 羊扖經石燒後, 立即吃也份外美味 !
飲品方面, 每人會有三杯飲品, 分別餐前飲品, 紅/白酒一杯 及餐後酒品一杯; 最後, 也有不少蛋糕, 布甸mousse, 焦糖布甸 等, 只是我們因太飽沒有吃蛋糕, 反而試了不同的甜品 !
總括而言, 服務態度不錯, 如客人有相機在枱, 經理也會主動替客人拍照, 經理也會細心介紹石燒方法, 值得讚許, 食物質素不錯 ! 有機會可以再試試

今日在旺角因為冇訂住原故, 在朗豪坊找地方落腳吃飯啦, 等咗約20分鐘有位, 一入去, 侍應已講明只限1.5小時, 心諗算啦, 都夠時間吃 ; 揭開餐牌, 內有二人餐$238 加一, 見都有是日餐湯吞拿魚櫻花蝦沙律, 餐前小食加咗20元upgrade轉咗五色併盤；主菜和甜品, 便諗住試下啦, 因為散叫都80多元一碟意粉; 先來湯和沙律, 不過不失啦, 個五色併盤還可以啦　！

接住我們選了"脆炸生蠔野菌南瓜汁意粉"; 另外又選了"香草烤雞伴田園雜菜及香甜蕃薯" ! 先來了烤雞那款先, 賣相完全唔掂, 雞完全不是"烤"過, 兩隻所謂烤雞伴著荷蘭豆, 一棵菜和番薯, 當然番薯也不是"香甜:啦, 完全冇誠意; 接著又來了"脆炸生蠔野菌南瓜汁意粉", 這個也完全唔得啦, 意粉雖然瓜汁, 但啲意粉冇味架, 差點兒要問集應拿tabasco, 生蠔炸得過燶, 咬落一陣怪味, 臭臭地架, 可能係死蠔, 我們都沒有吃炸蠔, 只是吃意粉 !

飯後啲雪糕伴expresso coffee算是較好的一款 ! 另外加咗28元叫咗一款蘆薈花茶熱飲; 餐牌甚少熱飲可以選擇, 連檸茶這是大路飲品都冇架 ! 另外, 呢間餐廳唔供應水給客人架, 枱面放咗一樽礦泉水, 但要收錢的, 真係唔明佢點可以收客人加一服務費, 水都沒有一杯 ; 迫客人一定要order 飲品啦 !

全餐飯, 加咗嘢飲同埋upgrade咗餐前小吃為五色併盤, 埋單315元 ! 服務唔算好, 這個價錢真係吃到一肚氣, 真不明為何會全場滿座, 可能佢在旺角區啦, 我見過尖沙咀LCX分店, 沒有咁多人光顧的 ! 總之, 呢間"鈴木咖啡館"完全唔得, 而我亦不會再光顧啦, 我會加佢入黑名單 ! 所以今晚吃後即刻上來打份食訐出來比第二啲客人參考 !!

很久沒有光顧了, 便再來試試, 5點9到達, 等到6點開始派飛仔, 再次光顧, 食物水準仍非常好, 我們二人叫了一份吉列海鮮雜會, 一份吉列豬柳, 海鮮十分鮮味, 而豬柳也不錯 (豬柳比豬扖好吃, 沒有鞋口的感覺) !

而侍應也很細心, 為我們添加了三次椰菜司, 再點埋特有的紫菜汁很是美味, 白飯也是用日本珍珠米, 也是任添 ! 只是我們都沒有添加白飯, 因為己很飽很滿足了, 最後再上西瓜, 十分甜 !
唯一美中不足的是, 炸物和飯好像沒有銅鑼灣分店的好, 那個的食物好似較熱 !