係附近食完飯，想食多個甜品，今次選了小方糖。

附近有幾間甜品店，早前的經驗令我已blacklist甜牙牙，嚐糖很有特色但坐得無咁舒服，御前上茶待我想吃綠茶才去吧！因此，選了看似簡單平凡的小方糖。

記得夏天在這裡吃過西瓜盅的甜品，已很有印象。今次一入到去就聞好香的焦糖味定焗酥皮味，令我好想食拿破崙，其實都無想過質素如何，只係好想食，但竟然很有驚喜！建議如果幾個人黎食，一定要叫一客來share，不過，雖然好似好大份，但有點似鬆化版的蝴蝶酥，不會很膩。

以後我突然想食拿破崙，都會來這裡！

平時我都有食開甜牙牙，但發現愈來愈差，咁o岩見到有團購，未食過佢地既千層蛋糕，所以買左兩張諗住做飯後甜品。

買團購我通常都會睇清楚條款免得買完先後悔，第一次我去兌換是平日的夜晚7點幾，特登去到，我拿著張coupon，個女侍應開頭好似唔知自己公司有做到團購咁，之後話無貨，一件都無，叫我過兩日再黎睇下有無貨，心諗如果咁缺貨就唔應該做團購吧！而且條款上無提過要book定先，咁唔緊要啦！下次再去吧！（如果大家有買到就記住要留意！）

跟住過兩日weekend 係開附近，今次就醒d, 打去問左先，男侍應聽就話而家仲有，遲d就唔知架啦！咁就即刻過去啦！見到無人排隊有空位太好了！但去到佢就話有貨，但你地要拎走食！唔可以堂食？我強調團購條款無講播！佢就好似施捨我咁話咁你地咪坐低食lo, 個下有點hard feeling, 算吧！就攞走食，但公司規則混亂，服務態度欠佳，其實真係無下次了！

講返蛋糕味道，團購價錢$30一件，其實都唔係好平，但諗住咁無去就試下啦，平心而論，真心唔太抵，綠茶味仲偏苦，不過食甜品係求開心，一肚氣食咩都無味啦！寧願去附近的甜品店再食啦！

因為慢煮牛而來，的確無令我們失望！

最近天氣無咁熱，所以怕熱的我覺得去下公園坐下，食lunch都ok！去到見到無咩人好開心，但其實都要等得幾耐下架，但值得既～

其實我見佢都係用生命麵包，我平日都很喜歡食，但估唔到可以烘到軟中帶脆，牛肉溫度肉汁keep得好好。另外，叫左三文魚蛋三明治，三文魚和蛋原來都好夾，沙律醬和菜的份量剛剛好，但太心急，很容易食到成手都係，要小心些。薯條是跟餐加點，份量都算多！

四十蚊左右一份，但有這樣的質素很不錯啊！

和朋友慶祝生日，聽說這間的carbonara 好出名，所以我們決定book位，地點其實不難找，逸東酒店方向沿西貢街行到最入就見到，上到去門口已經聽到結他聲，好有氣氛！

食物方面：有好多款生蠔選擇，我們都忍不住叫了一打，仲送紅酒/白酒一枝！carbonara真係有好香的芝士味，有點酒味，係其他地方好難食到。黑松露意大利粉不錯，無咩特別，沙律則一般，菜偏苦，可以唔叫! 因為朋友生日，見到有個裝蛋糕，所以問下仲有無，竟然仲可以即刻order+寫字，太好了！還有結他伴奏，侍應都和我們一起慶祝，我們傾下傾下不知不覺十一點，其他客人都走晒，但都無催促我們，最後埋單，還送free了個生日蛋糕，本來是要提前預訂才可，覺得餐廳的安排很窩心，抵讚！