千期唔好去食🤬😡🤬😡🤬😡 話說琴日突然收到朋友約食飯，係無book檯既情況下，又適逢係星期五（假期前夕） 已經6點半出到旺角想睇下walk in有無位， 有幾間食開既第一輪都無位 咁唯有是但一間，行到兆萬樓下有一大堆哥哥仔係度派傳單，咁就接曬上手，萬中挑選咗第一個比單張我既餐廳去試一試 上到去已經覺得有少少伏，原因係樓下話$238起/位，食三個鐘，👩門口入坐就話$309/位，只可食1.5小時，咁我就話咁我要諗諗，得1.5小時太少，同朋友主要想坐底傾下計，咁佢話比2小時你地啦 。我地話其實而家都7點多d入坐，堂食只能到10點，你都開唔到多一場架啦，佢就答我，如無人可以比你坐😒😒 我同朋友都覺得周圍都無位，所以都照食啦🧐 入到去迫到成個雞咁，同隔離檯差不多一齊食咁制 一坐底有個好熱心既侍應👦🏻叫我盡快填左張紙點刺身，佢話人多呀，會盡快上比你食住先，其他野用QR點，跟手仲話送份特別野比我地食，叫我點埋，我選了鵝肝多士 QR code 點完，唔洗10分鍾內天婦羅🍤、炸物全部到曬，全部都係預先炸定，油淋淋既食物，軍艦壽司紫菜全部淋曬，食曬呢一輪食物咁我專心等我既刺身，因為其他野真係難食。 🍣🍱刺身我追左4次，等了又等。。足足一小時先到，仲要唔係我原先點既野，到食完為止，我入鵝肝多士都係無出現過。 最嬲係等埋單都等左好耐，我地上黎時有樓下哥哥仔比既傳單話有95折，咁單黎到check單係無問題，309x2+10%服務費再95折=656，放底張卡比佢碌，佢竟然行出去碌702，返黎只比返張卡及單我就算 叫佢返黎問清楚，佢竟然回覆我話同隔離調轉張單喎 嬲上加嬲，你呢度唔係放題黎架咩？同一個收費大家都應該一樣，佢又係兩個，我又係兩個點解我要再貴d ,佢話隔離檯係熟客，我話我有coupon,佢先話咁我比返你 正常任何一個消費，你比我睇完張單都碌卡時，你要更改我銀碼係咪點都要同我解釋返呀？ 我唔check就比你地蒙混過關，太唔老實 食物質數：劣 環境：劣 員工態度：係有禮貌，不過唔老實 又唔好食又唔老實，一齊搭lift嘅食客都係不約而同都係講緊價錢既問題。😡😡😡😤

激動在食物激動在食物質素低到不能夠！ 響令：差😡（約$55）非新鮮炸，係現成一盒盒果啲質素！呢間都叫高檔（價錢）啲食店，不能接受！ 湯底，差😡（128+$30）單一個沙爹湯要$128 ，雙拼個蕃茄薯仔湯，加$30 ！湯底一啲沙爹香味也沒有，淡！蕃茄薯仔湯也是冇味！真係好過份！收成百幾蚊呢啲湯！其他特色湯也不吸引！所以才叫普通，本想安全，點知也差！ 芝士丸，滾極也是硬，兼芝士亦不好吃 小食：錦鹵雲吞，果個餡細到冇影，朋友食完也問，究竟有冇餡。 椒鹽豆腐：一啲椒鹽味也沒有。 唉😓冇氣逐個寫，整體食物質素差，又細碟又貴過外邊10-15%本來朋友生日，打無數邊爐，想食好啲，價錢也無所謂，但唔好食！大家睇清楚才好去食！ 可取之處，環境叫舒適，可能少人，打完個人冇邊爐味，但衞生👉🏻個碗未用時，有塊洋蔥囉！🧐 全晚連杯水供應也沒有⋯⋯ 係好在切蛋糕不收費！ 5大人食了$2333🙄 ，都唔知食咗啲乜！冇下次！我唔明點解其他食評話高質！

實在太過份，太子的海記都不是如此差勁

和朋友去吃飯後甜品，耐冇很過喳咋，叫了一碗吃，外形居然成碗白色，好像西米露，豆非常少，又硬，最慘是一點椰汁味也沒有的湯，似加水又加水，無味，什麼味也沒有！太過份！

朋友叫其他就正常，是我自己錯？！
走時才見門囗仲貼喳咋優惠，超中伏

突然想食飯後雪糕，睇完holly brown 唔岩feel
醒起想試分子雪糕，特地行去！
勁多人，好正常，由大坑紅到尖咀，就腳一定多人試，包括自己！

揀食奶醬西多士，見到佢放粒粒多士⋯⋯一齊打，終於有得食，味道普通，毫無特別，甜得滯，三人吃完都超囗喝！

四十四蚊一啲也唔抵

今次堅持等位，終於食到宏！
價錢偏貴，但味道不錯！
盡試抹茶甜品！

試了不同抹茶甜品，最愛抹茶芭菲，多層的不同口感，唔算甜，但非常飽！一個人有機會吃不掉

另外，抹茶雪糕拿破倫，也好好味呀！

如果大家愛抹茶就值得等下位！

真係一入「豪門深似海」貨色質量偏低同差！五個人，肉類主要係三碟，其他也是一般邊爐料，沒有海鮮，沒有飲品，我們一向唔點計住叫，因為次次叫差不多嘢也是千幾蚊，今次成二千蚊，叫梭欏魚湯，ok la，材料有海參「相信半條」同發水花膠、桶蠔同三碟肉之外，其他准山、竹笙、響聆、雜菌、菜藍、 烏冬、凍豆腐、鮮付竹⋯份量少，質素差，啲菜簡直乾乾皺皺的好似放左好耐咁！
我地發誓一定不會幫襯，差到死，呃對面間酒店自由行就差不多，門面好靚咁，Facebook. 一Post 即有人回應呢間嘢又差又貴，本年中伏之作！同條街食高流灣好過！

每人成四百蚊食呢啲野？一定冇下次！萬 

一晚要寫兩食評仲要係差，真係令人 沮喪，但目的不想大家中 伏
四人叫了六個甜品，有兩樣也差，一個變壞另一個難食，雖然6樣只不過157 蚊，但 令人超失望，榴蓮糯米卷，此乃落錯單之作， 我朋友們照收吧，一食原來「叔」左，又酸埋，想問放左幾耐呀？可以變到咁都冇人理，收銀個疑似老細年青人一句對唔住 道歉也沒有，一手拿走，雖想換，但我地也不要了，佢成個未訓醒樣，如果成是老細，間野等摺埋！
個黑糖香蕉窩夫雪糕，又係極差！個窩夫個粉漿開得好差，又唔脆又唔熱，死實實，似翻熱之作，千祈唔好試⋯

睇啲佈置似啲年青人開，估計咋， 但咁既質素，一定冇回頭，有人入去，係條街其他出名要等位，唔等就入左去就中伏！冇Heart 之作！

整體食物質素不錯，雖然價錢唔平，1300幾，四位女士，但仲食浄！
坐位濶落，四人坐六人枱！仲多間房間可 選擇，最低消費1200蚊，三五之己夠坐！亦都達到最低消費!
最值得欣賞是服務！而家間間食店也缺人，冇邊啲會貼身服務！呢間卻很殷勤，連湯底啲泡也自動幫我地飛走，又會幫我地倒庶水，整體態度很好！值得讚！會有再去的意欲!

食物水準，湯底正常，唔算特別選擇!蕃茄湯底正常，有落茄膏，少少羅宋湯feel
響鈴超脆，即叫即做，好脆，但如果少啲油會更完美!
薯粉幾好味！
和牛也幾好，夠牛味，同事話好過肥牛！
蔗汁也不錯!

重要，同事話手打四寶丸不好吃！大家叫前考慮下啦！

飲食雜誌介紹冇好野！
Book了！未夠七點到現場！居然六人迫在四人枱！要求 轉枱！肥妹侍應話全場full，冇得轉！😡兩位坐冇椅背椅！全塲keep住吉到八點半才有啲客！隔離張枱到9 點都冇人坐！1500蚊也不是平啦！坐足成晚硬木圓椅！搞錯！多人不要去！一啲都唔會識做！

海龍王湯底係好多海鮮，也足料！看似好濃！但啖湯居然一啲味也不鮮，冇乜味！好奇怪！

呢間嘢係響鈴同芝士餃不錯！其他真是一般到一般！

地方太迫！位置超離涉！係冇需要！專登去試！

公道句，唯一係冇收我地切餅費！但前因，我地嘈佢坐左成晚圓椅，初時，負責人仲好強硬咁話一定要收！唉，簡直係奇怪！