之前都幫襯過好多次，但今次給我有史以來最不能接受的經曆。洗手間無人清潔，本身使用的人又好自私，用到個洗手間超級污糟。有一格成地水，唔知係乜嘢水再加一堆紙巾在地上，有一格有堆屎在馬桶內，又不沖乾淨才離開，咁大個人自己啲屎都唔沖走，好心啦，另外有一間亦非常污糟，坐板位全部係XX跡，另外有三格係封咗的。當天全部都係本地人，不是旅客。好心食店知道本地人而家質素咁差，就安排一個清潔工人清潔洗手間啦，而家國內啲食店洗手間乾淨過香港不知幾多倍。淨係識話人返去大陸食嘢，又唔諗吓自己管理有幾差。 冇晒某款飲料，原來職員私下收埋，只供給某一兩枱客，可能係熟客，呢一啲係好差嘅服務。 另外全晚某一廳房一打開門就聞到強烈的煙味，已經見有人反映比酒樓經理知，但仍然整晚一打開門都有煙味。。。。。。。。。

來過很多次，但一直未有在openrice 留言讚賞，只在另一平台留言。本來係食午市及飲茶先，之後多數食晚餐。喜歡呢度的食品質素非常好，味道穩定，不會有”驚慌”的事情發生。 今天在酒店住宿，沒有吃早餐，所以即興食早場午餐，慶幸仍有位置。對上一次在這裏吃午餐已經大半年前，點心質素同味道與之前冇分別，一樣都係好好食，特別有驚喜係鹹水角，鹹水角換咗新款，仍然非常好吃，沒有太硬，炸皮軟硬適中。少有食店會有得賣，錦鹵雲吞，酸汁惹味，餡料非常好吃，亦有蝦仁在內。XO醬炒腸粉好好食，夠乾身，啲腸粉有彈性，唔會濕爹爹。小籠包皮薄餡靚，超多肉汁，好香。金錢肚夠淋，冇多餘食物谷碟，份量算多。蝦餃有四粒，細細粒，但好好食，裏面有肉汁，原粒蝦仁，夠爽。最後當然唔少得貴妃香，仍然保持質素，內涵豐富，又香又滑。椒鹽鮮魷炸皮香脆，內裏的魷魚非常香滑。 多謝各位員工的熱情款待，亦經常加茶加水，特別多謝Samuel及Kimmy。 朋友已約定同事下次再來飲茶了。

整體食物質素一般，廚藝比之前好左，如炸子雞，好Juice，但冇雞味。 醬爆銀鱈魚，熱辣辣食幾好食，但炸皮太厚，同埋有油”抑”味，沒想過一碟4百幾蚊嘅小菜，居然用萬年油來炸，浪費咗甘靚的銀鱈魚。 炸蟹鉗夠大隻，足料，但蝦膠唔夠彈牙，有些死實實的感覺。 炸蟹蓋足料，蟹肉都算多，洋蔥比例略嫌多咗些。 當天客人比較多，因為樓底比較矮，所以好嘈吵。 整體服務可以，但點菜很難找人，職員比較忙。 總結半年過後重臨食晚餐嘅評價，係比之前好咗，可能廚師人手穩定番，但希望之後可以再有改善

一直有幫襯開， 以前喜歡佢雞湯湯底好入味，好甜，米線不會索湯，不太淋，有咬口。口水雞真的好好食，夠麻，夠香，入味。可惜店舖收銀態度很差，疫情期間員工逼人同其他陌生人坐埋一齊，但係明明其他地方仲有位。眼見店內客人越來越少，我由以前堂食改為寧願叫外賣程式，俾貴啲，都不想堂食被迫同陌生人坐埋一枱，及不想看到收銀哥哥的嘴臉。都只是希望可以食一樣味道嘅米線及口水雞。怎料，今天再次光顧，今次外賣自取，見到店內空無一人，收銀哥哥服務態度突然好起來，老闆唔見咗，多了個後生仔在煮麵，老闆娘仍在。叫了一個口水雞，以及一個兩餸米線，5分鐘內打開來食，嘩，好多米線，但我最喜歡嘅雞湯底，居然縮咗水，好似變咗撈米線嘅汁，千辛萬苦，掘到最底，撥開淋晒嘅米線，得返少少嘅雞湯，味道與以前完全不同，完全沒有以前雞湯嘅味道，淡得可憐，又唔夠辣度，以前嘅辣度，而家已經沒有了。口水雞係幸存者，味道依然，同事仲話隻雞靚仔左。