適逢生日，一行六人到金碧食飯。
上次去係上年12月，第一次光顧後對杏汁豬肺湯念念不忘，仲有足料嘅炸蝦丸同皮脆肉嫩嘅蒜香雞。
經過上次經驗（所有炒菜都話賣哂), 我已經早一個月book定枱和菜式，唯去到，佢地留左一張大枱，但得四張靠背椅，我咁早訂左位六個人仲要兩個人坐圓木櫈仔？雖然我唔期望呢到有好服務，但其他枱嘅食客竟然可以一個又一個將自己手袋放係啲靠背椅到，真係有無搞錯。。。個侍應大嬸係咁e應酬下我搬左一張無人座嘅靠背椅俾我，我地唯有自己係老遠搬多張俾自己

講返正題，首先上嘅係炸蝦丸, 例牌$180有十粒，因為我六個人，我另加兩粒，每粒$18。今次蝦丸炸得唔靚唔金黃，而且重點係好細粒！！我好懷疑佢係咪將例牌蝦膠嘅份量分多左兩粒。。。味道可以，但價錢完全唔可以，勁唔抵食囉！

第二道菜係錦滷雲吞($80)，雲吞皮厚夠脆，個咕嚕汁有叉燒，尤魚，豬潤，菠蘿，青椒紅椒等，酸甜得宜，呢個價錢，我覺得還好啦。

第三道係八寶鴨($380)。手工菜唔係道道食到，我呢啲九十後都想久唔久試下呢啲傳統菜式。個鴨賣相還好，圍著的是芥菜，佢鴨皮太爛，隻鴨好肥，雖然偏咸左少少，但個入面嘅料好味，個幾條芥菜都不錯的。

食到呢到，上左啲咁濃味嘅菜式，個杏汁豬肺湯($100)先上。今次豬肺得個幾舊，最重要個湯無上次咁奶白色，杏味唔夠重，似普通瘦肉湯加左少少杏汁同豬肺，不潤不好喝，而且偏咸，我估係溝過多水用鹽去掩飾湯頭唔夠濃嘅味道，真差！

然後係蜜汁燒鱔球(時價)，都幾大碟咖。訂菜時話預三百零四百蚊，我覺得可以一試，點知呢盤野到最後埋單原來$480，係大碟嘅，個480呢個價我唔會試囉。鱔球似乎無腌過，炸完淹滿蜜汁。因為鱔好肥，啖啖肉，蜜汁又甜，只能食一舊超兩舊止，感覺好膩，想沾啲醋解濟，食唔哂最後只好打包返屋企。

上次蒜香雞有驚喜，今次唯有呢道菜水準依然。可惜一樣，唔熱嘅，如果熱啲就perfect。

最後，斑球西蘭花同麵醬油麥菜先到。西蘭花因斑球關係打得太多獻但個油麥菜好新鮮爽脆，加埋個麵醬有少少辣，好味！

好彩無訂壽包，得雞同油麥菜好食，其實都可以唔使試。今餐盛惠$1686，每人281，咁嘅價錢可以係其他地方食得更好的啦。本來對今餐好有期望，但金碧真令我失望，店內掛著張大字寫"第一次不來是你的錯"，我話我黎第二次先係大錯！ 話說，個待應大嬸拎走飲完嘅豬肺湯盅時，個底盤成灘水倒瀉係張枱到差啲整親我媽子，仲扮無野走人。雖然我住附近，但我以為唔會再黎，亦唔會推薦呢間店，甚少寫食評嘅我都忍唔住寫低我琴日同家人食生日飯的不愉快經歷。金碧已被我列入黑名單，拜拜！

2個人叫左個精選
我覺得$98好抵食!
中午時分實在好少人,,
間舖真係可以任你坐~
唔知點解無客都要等食物等咁耐,, 哈哈
慢功出細貨可能係咁解..
但趕時間就唔好叫精選了~!
焦糖布丁:
老實講無乜焦糖味, 但好有蛋香味(食到好重蛋黃嘅味道 哈)
幾滑, 但食得多會好快食濟
APPLE CRUMBLES:
士多啤梨汁拌蘋果片, 好酸甜開胃, 蘋果又帶點爽脆 I LIKE IT!
面頭嘅脆脆真係幾脆, 又幾香口, OK的~
心太軟配綠茶雪糕:
綠茶雪糕唔多掂, 無咩綠茶味, 又冇咩口感
但心太軟好掂好好食,
等得耐都值得嘅!
一黎份量幾大下, 一切開D幾濃味嘅朱古力好似LAVA咁慢慢FLOW出黎, 越FLOW越多...
食左好多流心會見到個心太軟中間嘅HOLLOW好大,
證明確實係有好多流心存在過, 哈哈

下次都會點心太軟食

今日打完波肚餓見對面點心排好耐, 所以入左黎溏苑..
間野入面好細, 冷氣又唔夠,好鬼焗!
有兩個女待應服務態度都麻麻地..
好似成日想收走人地d menu咁,
而且對dessert 同d set都唔太熟悉 (好似新黎咁, 態度又怪怪的)

我同朋友點左個饅魚炒飯($39)同埋南瓜忌廉意粉餐($35)
個portion都比較小, 如果係男士/大食少少嘅女士都唔會夠食

饅魚炒飯: 個味其實ok, 饅魚粒唔係特別多, 份量又少所以唔係幾抵食
南瓜忌廉意粉餐: 南瓜味一般, 食到少少南瓜蓉咁啦, 但d 意粉好鬼難食!!!!
唔知係我唔好彩定係咩, d意粉過熟, 超級"林"! 好似俾bb食咁..
我本身好鐘意食南瓜味嘅野, 奈何佢煮d意粉煮得咁難食,搞到我好唔開心

好在佢上意粉時俾埋支tabasco同芝士粉過我, 所以cum一cum 意粉嘅不足,
好又一餐唔好又一餐, 但呢個價食碟咁嘅野就唔抵喇!
下次都係食返佢d甜品好過-.-

係OPENRICE睇到食評d相唔錯, 特登去搵黎食..
入面環境不錯, d牆好似整到幼稚園咁可愛
我同表姐兩個人點左蜜瓜冰同朱古力心太軟
蜜瓜冰($48)係賣相幾靚, 但味道一般, 食唔出有牛奶味, 好淡...
仲有個蜜瓜底嘅肉好難刮出黎
(費事食剩野呀嘛!)

食件心太軟反而整得無咁靚, 會流心的, 朱古力唔夠濃, 個size ok細, 可惜唔可以揀雪糕, 得vanilla味(唔係太鍾意呢隻味)..
但$35 都食得過嘅~

前幾日去完沙灘出黎搵野食,
太肚餓所以入左黎食野..

叫左個雜菜拉麵($29)其實都ok
我問可唔可以加辣個staff話唔可以,, 只能俾碟辣椒醬過我
d 麵都ok 彈牙,
而且d 菜都ok 新鮮

朋友要左個牛肉煱飯45)
無咩味道, 得個辣字同個熱字

仲要左個半生熟牛肉sushi,
無咩咁特別, d牛肉仲幾難咬斷tim
如果唔你做15蚊推廣價都唔會試,,
咁細隻sushi只夠人"zip牙喇"咋~! 哈哈

overall 下次就當然唔會再黎啦
試過一次就夠lu

前日為搵地方睇世界杯, 就坐左係呢間野點野食~

首先點左個水煮牛,
佢個底有d粉皮索哂d汁嘅精華好好味..
d牛ok嫩滑, 有d茹同粟米仔都幾好味~

雪菜炒年糕好似炒得太耐,
年糕熟左少少無咁有咬口,
我嫌佢落d雪菜太少了~
但落左嘅bacon令成碟年糕炒得好香好甜(有d煙燻味quite good!)

叫左杯野飲($68)唔記得叫咩野,
有d果味同alcohol ge 滑冰..
整野飲d人手勢同落份量比例唔同
叫左同一款兩杯嘅質素好參差,
第一杯果味酒味都好淡, 第二杯濃味好飲好多~!
俾成70叫杯野飲唔該俾心機整好少少喇...

埋單朋友有85折卡 折左total$248
有得睇波, 野食環境都唔錯, overall quite good!

芒果糯米磁超正
個人認為比許留山，，金滿堂更好味

個皮好chewable,, d芒果我中2酸酸甜甜, 內有少少汁唔太乾 又夠凍!!!
都係3蚊,,,,,,,, 十分抵

學校係大角咀都會放學行過去窩打路道食芒果糯米磁
雖然行得好鬼遠!~