今日同細佬去銅鑼灣sony睇耳機，甘遠來到決定食埋野先歸家。起SOGO對面的黃金廣場見到呢間串串香店，之前聽過起大陸有好多間分店，決定一試。 時間尚早，仲有好多吉位。 先點了個酸菜鴛鴦鍋 ($168)，等湯底的時候就去凍櫃攞定野食同醬料。 串串係$75 100g，蔬菜果d就一支竹籤一串，有d肉類就2-3支竹籤一串，買單的時候先一次過磅再計數。 本身個湯底已經好夠味，所以可以唔使點醬，如果太辣可以點d麻醬。 我地唔算太餓所以都係攞少少試試。其中有幾款特別推介: 小郡肝，餐廳招牌雞腎，爽口好味。 香菜牛肉，牛肉包住芫荽醃得好入味。 土豆片，個人好喜歡食土豆，記住唔好煮到淋哂先食，會溶左夾唔番。 湯底方面，酸菜果邊唔太辣，酸味可中和個辣味，麻辣果邊就好麻好惹味，唔食得辣可以叫少辣。煮完唔好即刻食，放上碟到等凍少少會無甘辣。 重慶炸酥肉($58)，炸粉加左花椒，麻而不太辣。 紅糖糍粑($68)，呢個炸左的糯米外脆內軟好好食，值得一試。 紅糖冰粉($28)，食完辣野食透心涼，唔太甜，略嫌有點淡。 如果唔方便成日番大陸，都可以近近地起香港食到串串香。

友人建議食台式火鍋，最後選擇了多間分店的101涮涮鍋。 我們6點便到了位於尖沙嘴的分店，剛剛開門🙈我們是第一台客。店員好有禮貌地帶位，和介紹餐版： 我們叫了卜卜蜆湯底，小辣 先落醬料，然後會收起。 湯底已經超足料，有墨丸，菜，鴨血，少量海鮮等等。餓餓的已經可以先吃 牛頸脊肥牛片，好好食，只有一碟，但兩個女生還是超夠吃的。後面是手工火鍋拼盆，手打芝士黑松露墨丸等等，好特別！味道還是真的吃得出來，驚喜 超級巨大珍珠奶茶，還好 人頭運海鮮，挺新鮮喲 我們都吃光了，還有叫任叫的配料，好飽呀！！！ 響零是自家很，又是超巨大！脆脆的！珍珠奶茶喝光了！再叫茶消滯 最後還有甜品哦～可以照片只能放12張😂😂🙈🙈🙈

生日月真係食左好多好野，作為一個中女覺得個胃已經飽和了，要keep fit返😂對食物既要求更加高了！究竟the market 既tea buffet仲吸唔吸引到我？！ 第三次黎到the market食buffet,前兩次已經一兩年前，都係食夜晚，食到胃漲都要食佢既甜品！超級正 我地book左3點半，3點3去到見到條龍仔，一路排隊一路安排入座。不用5分鐘已入座了，已經見好多人好有技巧咁拎左一大盤長腳蟹有無咁好食？！ 水果吧種類唔多，哈蜜瓜好硬，奇異果，柑，芒果想食要用自己去皮，比較唔細心。 沙律吧餐可以，三文治多士超唔得，又凍又硬，唔脆口，浪費左quota . 咖咉多士好食，好脆口鬆軟 刺身種類少，但新鮮，食左三轉 長腳蟹好新鮮，肉嫩，清清海水味，正終於明白d人點鮮一開波拎成一大盤，好食又回本！ 友人最愛北京片皮鴨，估唔到咁好味！新解現場即片即做一條好大條，胃小的人建議share食。 鮮蝦都食左兩轉，每人食左6-7隻，好大隻又爽口 fried fish層皮好厚，但入面既肉唔錯，沙律醬好match. 叫左杯越南咖啡，幾好，唔太甜，真有越南咖啡味。 榴連甜品無得輸，入面有大量榴連榕吸引我選擇hotel icon既主要原因movenpick 雪糕任食 綠茶布丁好滑，唔會好水，綠茶味十足，不會太甜綠茶方形蛋糕就好粉好難食了 每間酒店buffet都有好食同唔好食既～ 但overall黎講the market係最吸引到我既～ $3xx tea buffet我覺得慢慢咁食，又有好食既甜品，海鮮，有唔錯既熟食都幾正

作為一個就黎變中女既中女，食炸野，仲要出名浸曬芝士醬咁肥咁熱氣既野真係好抗拒，但觀塘我都食到厭，又要就腳真係選擇唔多，加上朋友建議，「事但啦，頂硬上」咁就答應左食。 見有食評話要排隊，我地都book左位。6點去到無咩人，7點幾開始就接近坐滿了～ 去到都無咩期望，食咩我都無意見，最後就叫左三樣菜，三杯飲品。質素居然喜出望外！ 其實唔差，好味過school xxxx既水冷麵，更大碗麵更多材料。分四個碗都無問題！可能我食唔慣有冰水浸住，所以比3/5。 $128一個沙律都唔便宜，但咁大碟，又勁靚！個芝士氣球超吸睛，少女心大發味道居然好食，簡直色香味區全💕 超出預期！本身見佢咁平，以為d雞又炸得老，點知幾嫩喔，仲有其他炸物，包括紫菜粉絲，餅乾仔，仲有少少沙律添！ 講返個芝士麵包，芝士唔係好濃好「結」果隻，淡淡既芝士味反而唔會咁膩。重點！麵包控既我，超中意食個包！外面食到尾仲係好脆！入面吸左芝士醬無變到好濕，反而吸左佢既味，食到好掙我地都盡力食曬個包！ 大杯到傻左！由頭飲到尾都係咁濃既綠茶味，飲到尾沒有變淡。最重要係佢沒有超甜，甜度適中，仲有紅豆溶 朋友說太甜，只飲了1/3。 waitress說要搞勻個底先好飲，搞左都好甜。 不過甜唔甜就見人見智啦～我三個女人都唔好甜🙈 最後埋單$526 食到好掙，又幾好味，好抵哦

係OpenRice search到呢間隱世小店 我地就直接去揾食了 六點半左右到 穿過小店既門口 就入到黎呢個秘密後花園 一個個小木屋頂嘅卡位感覺好有風味好chill 不過可能我哋太早 基本上都冇乜人 我哋一坐低就叫咗個$398嘅精選蒸氣石鍋套餐 因為我哋就係俾呢個二人套餐吸引黎既 套餐仲送埋沙律前菜同埋可以即食嘅冷烏冬 正當我地想開始食前菜既時候 店員就陸續送上一碟又一碟新鮮既海鮮 我地就即刻放d野食落去個鍋度蒸 當然都不忘影番一個大合照 淨係望都覺得好豐富 每張枱上面都有個計時器同一張烹調時間參考表俾我地跟住黎整 其實店員都有好熱情咁問我地駛唔駛幫手 但係男朋友同我都係比較中意自己落手落腳咁又有得玩又有得食 一人半邊既龍蝦 唔係淨係得個樣 蒸熟左之後都仲有好多肉食 因為夠新鮮 唔駛加芝士或者其他調味料都覺得好食 海蝦都好有份量 用枝竹簽篤住就可以容易d剝殼 個套餐仲包括蟶子 扇貝 花甲同唔同種類既蜆 除左最細隻個種蜆之外 其他全部都無沙 我地另外叫咗一支烏龍茶同一杯啤酒 食晒d海鮮先發現蒸鍋下面仲有一鍋粥 原來可以問店員拎免費既生菜絲煮埋一齊食 最後我地一人食左2碗之後仲淨低好多

來到俗稱韓國街的金巴利街，沿路盡是韓國店舖、韓文招牌，不時有oppa經過，頗有首爾街頭的感覺。 餐廳門口有不少人等候，幸好我們早已訂座。 餐廳不算大，勝在環境整潔，裝修簡約。 章魚流心小丸子 $198 自製韓式章魚燒！跟日式的不同，以炒飯取代粉漿。材料有章魚粒、泡菜炒飯、 芝士、牛奶蛋漿和紫菜，工具只須小丸子烤爐和竹籤。侍應妹妹細心地示範了一次，先把所有材料（除了蛋漿）拌勻，放進預熱了的烤爐上，待滋滋作響時倒入蛋漿。 隔一會用竹籤圍著小丸子刮一圈，輕輕翻轉半熟的小丸子，待整顆熟透後便可食用！簡單快捷～ 即燒即吃的小丸子新鮮熱辣，外層微脆，飯粒軟熟，內有流心芝士，鹹香可口；略嫌章魚粒不夠，如有燒汁及木魚片的話更有fusion的感覺。 海鮮蛋漿熔岩炒飯 $168海鮮泡菜炒飯配滿溢的芝士和牛奶蛋漿，真的有如火山爆發一樣！ 有oppa親自替我們用火槍燒溶芝士。 待芝士溶化後加以攪拌。 港女至愛的芝士拉絲！芝士略帶鹹香，泡菜炒飯微辣惹味，加入牛奶蛋漿更添香滑，三至四人吃剛剛好，不會很膩；如能增加海鮮份量更佳。 蒜香無骨炸雞 (半份) $198除了泡菜、人參雞、炸醬麵，炸雞也是最受歡迎的韓國菜之一，當然要試。 無骨炸雞啖啖肉，不用拆骨；蒜香醬汁蠻香濃，適合重口味的我；早吃早享受，不然醬汁會令雞皮沒那麼香脆。 原來炸雞底下藏有薯條！驚喜！！可蘸蒜香醬來吃。 Jumbo芝士蛋卷 $158大大份蛋卷鋪滿椰菜絲、蕃茄汁和沙律醬，清新解膩。 蛋卷軟熟而帶蛋香，內有流心芝士和紫菜，口感豐富，不知不覺吃了一件又一件。 我們還把多出來的椰菜絲拿來製作素菜小丸子。 紫菜包飯 $92平常對日式壽司卷興趣不大，卻對韓式紫菜包飯情有獨鍾；飯卷份量十足，餡料有午餐肉粒、紅蘿蔔絲、蛋絲，青瓜及醃蘿蔔，多菜少飯，健康清新；蘿蔔絲也被我們拿來製作素菜小丸子，絕不浪費食物。 雖然晚市頗繁忙，門外長期有客人輸候，但侍應服務態度佳，值得一讚！ 餐牌

就黎去旅行，諗住要唱定D錢，黎到中環唱完錢，順便叫埋係附近返工既朋友落老蘭。之前見到去完日本既朋友出哂post講到吉烈牛有幾咁好味，搞到我都好想去試下。
上次經過蘭桂芳見到呢間Steak Bar有得食吉烈牛，即刻好心動！
正所謂心動不如行動，所以今次個目的地就係Steak Bar~約咗六點半，黎到門口都已經見到有D人係門口等緊，睇黎真係幾出名喎！ 餐廳入面沿用高枱高凳，可以見到師傅係到預備食物中。 我地入去坐低之後，因為七點半就要交枱，所以即刻落單。 唔駛諗一定係點set D吉列炸牛扒。套餐包前菜、沙律同埋飯。前菜有白滑豆腐，清清地，開個胃先。沙律就有新鮮蔬菜、車厘茄伴著柚子汁，食落清新，為吉烈牛展開序幕！一塊被炸至金黃既牛扒，切成件，先放係鐵網上。 爐上面有少許牛油，下面有火熱住，因為擺得太近，朋友覺得有D熱，所以要拎遠少少先可以慢慢燒D吉列牛。 夾起一件睇睇，就發現牛扒只係表面炸至金黃，裏面仍然係嫩紅色，等待被放係爐上面燒。 當煎到表面轉色，就夾起一舊試試。食過就知點解吉列牛咁好味！牛扒經過係爐上面煎一陣之後，表面變得香脆之餘，仲可以將肉汁鎖係入面，再配合外面唔會太厚既吉列皮，無論係口感定係味道都係一流！ 另外一個set係店員推介既set B安格斯西冷牛扒。 size都唔細，而且仲好厚身tim~ 表面煎香，切開內裏仲係粉紅。食落就知生熟程度啱啱好，慢慢咀嚼，口腔立時充滿肉汁，好香牛味，而且香口得黎唔韌，果然冇介紹錯！ 因為個主食太好味，平時唔鍾意食飯既我都食咗成碗飯！ 飲品方面就叫咗熱柚子檸檬同埋Ginger Lemon。 兩杯望落都幾似，但係各有優點。飲落唔甜，感覺健康！ 整體黎講，如果係要好似法國人進餐咁慢慢食，就黎錯地方啦！不過以香港人既節奏黎講，一個鐘食一餐飯係絕對冇問題。 地埋位置方便之餘，仲要食物質素極佳，尤其係吉列牛，除咗食，仲可以自己落手燒，係絕對值得encore！ MENU

元朗近年興起高級日本料理，這次來到開業七個月，位於車房街安良里的鮨一心。很低調的門面，差點找不到。 一心來吃廚師發辦，當然要坐吧枱，欣賞師傅的功架。桌上有不少日本酒，包括全國金賞級的鍋島大吟釀。 除此之外還有一大個酒櫃，有日本啤酒如Sapporo。 跟一般木材色系裝潢的日本食店不同，此店用炭黑色為主調，別樹一格。 有個小木牌提示大家此店選用新瀉米～ 店內的歌曲全是日文版的廣東歌，如喜氣洋洋、李香蘭、海闊天空等，很有親切感。 此店主打江戶前握壽司，食材及餐具均由日本進口，食材由相熟買手從東京築地市場挑選，款式不定，每天凌晨下訂，黃昏送到店中。廚師發辦的精髓，正正在於由廚師揀選最新鮮當造的時令食材供客人食用。 廚師發辦 Omakase $1300 廚師發辦包括先付、刺身、燒物、一品料理、壽司及汁物。說起廚師發辦，大家都會想起各式精緻手握壽司，其實廚師發辦不止於此，還包含各種和食料理，正合平常少吃生冷食物的我心意。 先付前菜包括BB粒貝、八爪魚醋物、瀨尿蝦配昆布卷及海膽醬配日本野菜。用雅緻田燒器皿盛載，擺盤美輪美奐。 BB粒貝即響螺，肉質鮮美，清甜多汁，連插著粒貝的竹籤也別有特色；八爪魚醋物，有點嚼勁，帶淡淡醋味；青瓜也能切成花，盡顯師傅功架。 海膽醬配日本野菜「菜之花」 海膽醬以北海道海膽製成，鮮甜幼滑，菜之心清新爽口；去殼瀨尿蝦啖啖肉，鹹香鮮美，伴以爽脆昆布卷。 老闆建議先吃粒貝，再吃瀨尿蝦和八爪魚，味道由淡至濃，充滿層次。 刺身又一精緻用心擺盤刺身拼盤包括拖羅、九繪魚、鰤魚、赤貝配黑魚子醬及牡丹蝦。 鰤魚為成年油甘魚，新加坡稱為琥珀魚，肉質鮮嫩，配清甜蘿蔔蓉。 九繪魚，又稱夢幻之魚，來自本州島，為深海石斑中最貴最肥的一種，口感油潤軟滑。 赤貝配合黑魚子醬一起吃，更能帶出鮮味。 牡丹蝦為深海蝦，產量少，色澤鮮紅，甜美爽滑。 來到重點－藍鰭拖羅！！從來不吃吞拿魚刺身，怕魚腥味，而這件拖羅只有鮮味，沒有丁點腥味！霜降般的油脂分佈平均，肉質幼滑無筋，肥美豐腴，入口融化，油甘香在口腔久久不散，一試難忘！幸好師傅堅持讓我吃刺身，不然我的人生實在錯過太多了～ 我們還留意到師傅會刨新鮮柚子皮碎於刺身上，添淡淡清香，並以南天葉伴碟，別緻優雅。 燒物燒赤魚以用秘製豉油調味，不用再加鹽，更能帶出赤魚鮮美；燒得外脆內嫩，洋溢魚油甘香，配清甜蘿蔔花。 一品料理北海道毛蟹 日本對毛蟹的捕撈量有嚴格規定，更見珍貴。 師傅用心的把毛蟹拆肉成絲，看起來份量不算多，卻是整隻蟹的精華；醬汁是加了薑的日本醋，酸甜醒胃，師傅解釋薑能平衝蟹的寒涼，女生也不怕吃～非常細心！ 釜飯 師傅知道我少吃生冷食物，特地把廚師發辦中的壽司轉成懷石料理中釜飯，即日本煲仔飯。材料有米、上湯、北海道海膽、帶子、三文魚籽，還有剛才那隻毛蟹的蟹膏！ 師傅以猛火加細火慢煮，等至沒有水蒸氣飄出時，蓋上木蓋以真空原理燜煮十多分鐘，讓木香均勻滲進飯中。 師傅用火槍輕輕炙燒帶子，香味四溢，同時能保持肉質鮮嫩。 米飯粒粒圓潤軟糯，飯焦微脆可口；師傅選用了北海道馬糞海膽，體積比加拿大海膽小，但勝在北海道水質天然乾淨，令海膽味道更濃郁鮮甜，當造期為11月至3月，現在吃剛剛好！三文魚籽大大粒圓碌碌，晶瑩剔透，輕輕咬開汁液迸出，為釜飯添上鹹香；拌以香濃毛蟹蟹膏，口感味道豐富，非常滿足！！如果午市也能推出釜飯便好了~ 汁物赤味子蝦濃湯配鰤魚肉，啖啖精華，濃得化不開。 加入鰤魚肉熬煮，原來鰤魚不止刺身好吃，煮熟後也不賴。 甜品日本產朱古力雪糕配白玉，以金箔點綴。雪糕軟滑，朱古力味香濃，底下有大大粒白玉，略硬。 朋友的甜品是我最愛的抹茶蕨餅！！忍不住偷吃抹茶粉甘香而不澀，蕨餅煙韌軟糯，黑蜜更添香甜。 鄰桌有自家製紀州梅酒啫喱，好像也不錯。 老闆跟大家聊開了，請我們喝自家釀製紀州梅酒。 雖然沒有吃壽司，但坐在吧枱，看著日本師傅認真地製作每一件壽司，也是一種享受。師傳待客人差不多吃完一件再製作下一件，逐件上桌，新鮮製作。 先用火槍炙燒一下魚生，再用廚房紙印走多餘的魚油。師傅以嫻熟手勢握壽司，用黏性強口感佳的新瀉米，上桌前已調好味和加了wasabi，食用時不用再蘸豉油。 千多元一頓飯著實不便宜，但觀乎食物質素、環境及服務等，絕對值回票價。值得一讚是洗手間非常整潔乾爽！ 老闆說一月一日為日本新年，未能空運新鮮食材，會改提供多點熟食，正合我意！屆時還會提供日本賀年御節料理，期待～想吃烤年糕紅豆湯～

星期日收工走左架巴士，打算食d小食暖胃打發時間。巴士站附近有間日船章魚小丸子🐙，已經好耐無食，就買一盒毒食下 $24一盒有六粒，價錢算係中等，比某d小丸子店可能貴$4-6，但味道同質素就高好多呢間我去深圳老街都會經常買來食，大陸始終平d。 呢間可能多人買，所以新鮮整起熱辣辣，入面好多菜，唔會一大舊粉，章魚就一粒仔啦，個皮就仲好脆，配上蛋黃同芥末醬，仲有木魚絲好味到停唔到口，一口氣食哂6粒日船應該係暫時最岩我口味ge日式小丸子。

今日約左個好耐無見的朋友食晚飯，為左方便佢所以相約起尖沙咀食，行經厚福街見到開左唔少新食肆，見呢間套餐放題幾吸引就入去試試。 我地六點鐘左右入座，揀左個特選手工火鍋拼盤 （$288）。 主菜就揀左冬瓜卜卜蜆海鮮鍋 。 等待上菜時店員就比配料我地整定醬油先，有辣椒、蒜蓉、芫荽、麻醬等等。 我整完個醬已經比個friend 食哂d前菜 有個麻醬手撕雞同麻辣木耳，食完好開胃，好彩有得無限refill 話甘快就上個卜卜蜆鍋，有好多蔬菜配料，果片冬瓜煲淋左好入味，d蜆要盡快食，如果唔係會煮到越來越細粒😂 安格斯肥牛片同牛肉粒，煮一陣就食得，肥瘦適中。 手工餃每款都有一粒，我最鐘意個黑松露餃子，係超勁黑松露味，仲有個芝士蝦丸同墨魚丸都幾特別 即炸響鈴卷有手掌甘長，好誇張，但其實最有驚喜係個即炸魚皮，好鬆脆，可惜encore要加錢，如果唔係一定係甘點 食完唔夠飽可以無限追加火鍋配料，最後半小時會提你last order。 另一個回本位係台式飲品任飲，平時餐廳飲杯水果茶都要幾十蚊，就算街邊外賣珍珠奶茶要要十幾廿蚊。推介愛文芒果水果冰茶，開頭飲有d甜，但d冰溶左後就剛剛好，另外個珍珠奶茶都好飲，唔太甜。