喜吃中菜，但二人世界或三兩知己總是難以成事；早前家住荃灣的友人相約一衆好吃之徒飯聚，選了她居所附近的如粵滬中菜廳，乍看地點較隔涉，但其實鄰近「荃灣西」站，交通尚算方便。


小時候於酒樓常見的「福祿壽」至今已不多見，再遇難免多添幾分親切。


不遠處竟還有一套Q版的「福祿壽」，很是有趣。


先來幾個開胃前菜



醉雞～
經以花雕調成的醬汁滋潤過的雞肉嫩滑入味，溢出淡淡酒香，冰鎮後的肉質更有彈性；皮也脆脆的，絕對是人見人愛！


蔥油蜇花～
小時候喜歡用「橡筋」來稱呼被切成絲的海蜇皮，除了外型；口感亦有點相似吧(當然那是較為次等的貨色)；相比之下，我更愛海蜇頭的豐厚肉質及鬆脆彈滑口感，澆了以溫火熬出來的蔥油，好吃！


豬腳仔～
皮肉皆嫩、滑中帶爽，以白鹵水入味；既吃到汁料的甘香；卻不會蓋過食材本身的味道，配這妙齡豬腳最適合不過了。


素叉燒～
Fake Char Siu ? 又假得幾真噃！調味與真义燒無異，做到外脆內軟，大家也吃得開懷！


蜜汁叉燒～
有仿當然要有真；來個兩相比拼吧！鬆化富肉香，調以香甜的蜜糖，那能不好吃？


蟠龍燒大蝦～
油泡虎蝦配上酸酸甜甜的醬汁，爽彈香口。


上湯焗大蝦（伊麵）
蝦肉同樣爽口彈牙，且蝦背已用刀破開，免去拆蝦的繁鎖；伊麵索滿了湯汁的精華；鮮美好吃。



海皇酸辣羹～
添了海鮮的豪華版家常川菜湯品，集酸、辣、咸、鮮於一身，既能醒酒、又能打開胃囗，以迎接後後續的主菜。


經典話梅雞～
雞件保持鮮嫩，話梅汁酸而不膩；好吃非常，多吃兩件也不為過吧？


雲腿扒津白～
帶咸香的雲腿和清甜的津白一向都非常匹配，尾段吃這味最適合不過。


生果（西瓜、提子和蜜瓜）～
清甜爽口，味不作假。


腰果露湯丸～
腰果味香濃，然以蓮蓉作餡料的湯丸卻被腰果的香氣掩蓋，有點強弱懸殊之感。


荃灣的食肆向來給我的印象都較為草根，卻原來也有食物不錯而環境舒適的選擇呢。

如粵滬中菜廳
地址: 荃灣楊屋道8號香港如心海景酒店暨會議中心7樓
電話: 22802923

去了一個月旅行，實在好懷念中菜的味道，朋友建議到荃灣的如心海景酒店晚飯，這裡有間「如粵滬中菜廳」，good idea！

除大廳之外，餐廳亦設有廂房，我們這晚坐外面，開揚舒適。

乳豬雙併 ($208)

雙併是乳豬併叉燒，叉燒是這裡的名物，肉質軟嫰且肥瘦適中，果然不錯；乳豬皮烤得香脆，豬肉美味。

牛肝菌炒帶子 ($238)

牛肝菌香氣十足，令帶子更加惹味，不用蘸蠔油已經很好。

勁蒜安格斯牛柳粒 ($168)

沒有期望中的勁蒜味道，有點失望，不過牛柳粒仍然軟腍惹味。

黑松露千島蝦 ($188)

千島醬蝦球酸酸甜甜，很合胃口，基本上已無得輸，再加上矜貴的黑松露醬，好吃。

竹笙扒豆苗 ($148)

吃了幾道味濃的食物後，這碟豆苗來得正好，豆苗爽脆，十分清新。

鮮蝦水餃湯麵 ($168)

吃這個水餃湯麵時，一定要加餐廳自家製的XO醬，美味立時提升。水餃足料，木耳爽口，蝦仁鮮香。

馬荳糕 ($28.8)、柚子茶果凍 ($37)、杞子桂花糕 ($37)

甜品方面，最特別的是柚子茶果凍，大廚將柚子啫喱釀回果皮上，造型精緻，啫喱內有粒粒柚子肉，清新又涼快，滿足。

早幾年的新春日子，都會帶囝囝到契爺契媽家中拜年，晚餐多數會在如心酒店內的如粵滬中菜廳用膳，說起來，自少光顧了五六次。




餐廳裝潢走的是傳統路線，顧客多是附近的住客，所以酒樓經理隨口已經說得出客人的姓氏，對於街坊客而言會幾窩心。

是晚約了幾位新舊朋友飯聚，朋友Y小姐轉工後，倒是初次可以靜靜地吃過飯，談談近況，而菜色亦由朋友發板。



醉雞

選用了髀翼位，滲出陣陣花雕味，翼位肉質較爽，而髀位則較嫩，可說是各有捧場客。




蔥油蜇花

超爽脆，賣相討好，若果蔥油味能更強一點更好。




素叉

非常出色，外層微溫之餘，竟然有種脆口的感覺，甜甜地好惹味。




豬腳仔

滷得夠稔，豬皮位帶爽口，一咬就已經骨肉分離，用來佐酒一流。




叉燒

以往食過幾次，都覺得有水準，今次打孖上，再加碗白飯，叉燒帶少許冰肉位，蜜味啱啱好，配上熱辣辣既白飯，大滿足。




盤龍燒大蝦

原隻泰國大虎蝦，褪去中間的蝦殼，剖開中間，穿成盤龍的外型，泡油後再澆上燒汁，不單香口，而且好入味，肉質爽彈，好味。








上湯焗大蝦（伊麵底）

海蝦及不上虎蝦的體形，但吃得出的新鮮，伊麵沾滿了上湯好惹味，略嫌芡汁太多，有點放湯的感覺。




海皇酸辣羹

埋芡恰到好處，不會一舊舊，每口都是蝦仁、魚肉及筍絲等饀料，酸辣度拿捏得汁，比起上海館子，絲毫不落下風。




經典話梅雞

雞肉沾滿了話梅的甜酸，食落好開胃，而且肉質嫩滑，可說是全晚最佳菜色。




雲腿扒津白

又是一道上海菜，雲腿的咸香混和在芡汁內，其實味道不錯，但津白似乎未夠稔，加上個人比較喜歡奶油津白，所以只試過便算。






腰果素湯圓

腰果磨得幼細，質感比較稀，加入湯圓是常見的事，但湯圓餡料是蓮蓉，味道上都給腰果的香氣蓋過，單簡一點，湯圓是黑芝麻餡會更啱心意。

菜色整體紮實，沒太多賣弄花巧，跟酒店的風格很相似，幾適合一家人或朋友的聚會。
 
 
 
  
  
  

好友個多月後開始到外地工作一年，一於預早同佢食個farewell dinner，諗起早前喺如心海景酒店食嘅自助餐高質抵食，那裡嘅中菜都應該一定出色，就決定喺「如粵滬中菜廳 」訂定位，兩個人嘆返餐啦！ 果然係smart選擇，一到步服務員禮貌招待，餐廳環境非常舒適，儘管當時差不多已有八成入座，一啲都唔會覺得嘈吵，而且枱與枱之間闊落，真真正正可以慢慢傾、慢慢嘆中菜，喺荃灣區的確係難得一見如此好環境嘅中菜餐廳！ 食物方面，粵菜、滬菜、京川菜選擇都真係好多，價錢亦非常合理、豐儉由人。除了單點菜式，仲有好多唔同種類套餐，今晚我哋兩個一於散點菜式，盡情食+傾過飽。 《花生木瓜煲雞腳》 今日嘅煲煲靚例湯，以瓦壺每位盛上，既特別又可保熱。濃濃嘅例湯真材實料，花生木瓜差不多溶於湯中，超級滋潤好味！ 《花雕醉雞》 花雕酒香濃，醉雞香滑入味，作為頭盤凍食，即令胃口大開！ 《蔥燒煎銀鱈魚》 銀鱈魚煎得非常香口，魚肉本身亦超滑嫩，配以蔥燒醬汁，特別相夾惹味，令我評食三件⋯⋯哈哈！ 《草莓牛柳粒》 草莓入饌特別又清新，配上牛柳粒，酸酸甜甜，超級醒胃。 《瑤柱花膠絲浸翠苗》 瑤柱花膠絲非常鮮甜，翠苗完全無平時常見嘅青草味，簡簡單單的一道菜，已經非常滿足好味。 《鮑汁章魚雞粒炒飯》 炒飯充滿著鮮甜嘅鮑汁，章魚蝦粒又爽口，整個炒飯異常惹味，超級超級讚！ 《生磨腰果露 & 杏仁露》 一餐豐富嘅晚餐當然要以甜品為總結，中式糖水吸引之處係滋潤暖胃。兩款糖水都食得出真材實料、精心炮製，最重要係唔會太甜，非常適合我哋嘅口味。 今晚我揀到一間食物美味、環境舒適、服務優質、價錢合理嘅中菜餐廳，一餐超級滿足滿意嘅farewell晚餐，我哋兩個都食得傾得非常盡情！發現到荃灣區有如此出色嘅中菜餐廳，「如粵滬」已成為我gathering必選中菜之一啦！

今日有事慶祝當然食餐好，朋友介紹咗間荃灣酒店自助餐就訂座去試試，去到都幾舒服而待應換碟都好快，相當不錯會再來。亞太海鮮盛宴自助餐 $478用信用咭仲有折添。整體以 自助餐 嚟講係抵食，因為每款水準都平均好食而且多選擇。 每位有 半隻龍蝦 鵝肝多士 配脆脆， 鵝肝堅味道吾錯而燒得剛好，龍蝦肉啖啖肉勁滿足。 其實海鮮款式都不少 燒生蠔 勁大隻，成隻手咁大，而且蠔肉鮮甜， 龍蝦 面，龍蝦勁舊口感吾錯。 海鮮串 都新鮮而配醬汁惹味。自助晚餐 點會冇壽司刺身，味道可以而刺身都新鮮。 驚喜海鮮意粉 勁好食，白汁同海鮮煮得十分好而意粉都彈牙，臨走再拿多一次。仲有 咖喱羊肉味都十分吾錯帶微辣，羊肉口感軟熟 加酥酥的 酥餅一齊食不錯。薄餅海鮮味配千島醬帶點甜份量剛好。 燒味义燒係朋友推介，帶點肥好香，而我喜歡瘦义，而且吾硬身幾軟熟，仲有燒肉添。食吾少凍食後當然食返個火鍋暖胃，菜都新鮮有二款湯選擇。 熱食一行過，西蘭花入味又保持到口感，魚鮮甜 ，選擇都有不少。前菜都有五六款再沙律，每款食咗少少都幾開胃。 飲品有鮮榨橙汁和檸檬汁或檸檬加水或茶和咖啡。而 甜品 每款都吾錯，士多啤梨乳酪蛋糕，什果撻，芒果椰子蛋糕，粟子撻，而且仲有任食haagen-dazs雪糕，仲有咗杯未食過的香蕉好味道。見有勁大塊肉眼扒行嚟行去，原來訂座8位或以上仲有份一公斤的肉眼扒添。下次再約朋友嚟先得。

前幾日同朋友去食呢間**飲茶**， 好易揾到，The One斜對面周生生隔離三樓

入到去覺得好特別，見到每張枱都有order 一籠鳥籠，原來係呢間野嘅特色食物，咁一場黎到，我地緊係都一樣要order 啦

除左鳥籠之外，其實佢啲點心名都好特別，咁我地一同六人，大概order左14樣野，因三點前有啲點心可以有A+B優惠，所以我地都早小小去

先講最多人order嘅鳥籠，籠內有三隻雀仔，咬落去，原來係鳳梨酥，都幾好味，但真係細左小小咁

之後叉燒包，佢地將我地平時食嘅叉燒包變成一隻豬仔樣嘅包，好開心見到隻豬仔樣嘅包，但一咬落去，嘩，好似無餡一樣，有點失望

然後奶油包，個樣都好得意，一咬落去，佢啲流沙好好味，各位值得一試

其後其他食物都唔算差，好特別

早於7月，老婆為祝賀朋友個仔完成文憑試，請佢嚟協奏坊食番次自助餐，請得人無理由唔請埋我架，掹住佢衫尾嘆番次自助晚餐，以三百鬆啲個價位，有海鮮，有生蠔，有魚生，有伯伯加奴雪糕，款式唔算好多好多，但有一定質素，覺得真喺幾抵食，所以，之後再約朋友嚟食過，一同味遊四方 。餐廳位處大角咀九龍珀麗酒店2/F，可能你會覺得位置有少少吊腳，不過識行由奧運站過嚟都只不過10分鐘左右。餐廳佔2/F全層，一室光猛潔白，裝修摩登，天花嘅葉形燈飾幾得意；雖然是晚喺閒日，都有八、九成滿，不過，可能樓底都夠高，枱椅都排得唔算好密，所以，整個場都唔覺好嘈炒，感覺唔錯，慢慢嘆食足3粒鐘。題外話，近入口位右邊有全場唯一一張圓枱，可坐8個人，仲設計成半開放式，雖然講唔上有咩私隱度，但多少有自成一角嘅感覺，修飾又再別緻啲，大吊燈令環境更高雅，更方便一家人或一班朋友共聚暢談，夠人多不妨要求預留依張枱 。協奏坊作為酒店嘅西餐廳，主要都喺供應不同時段嘅自助餐，相對好多尖沙咀、銅鑼灣四五星酒店，佢各項自助餐都定價非常吸引，但抵唔抵都仲要講質素，不過，見得小弟翻兜就知唔差得去邊。雖話佢個自助餐提供多國美食，但而最近依次去就做緊「瀛．朝．鮮味海鮮自助晚餐」主題，即喺有多少少日韓式美食，喺時候跟大家分享美食。 自助沙律、冷盆小碟
小弟慣性先食啲沙律開開胃，再搏剎。沙律吧枱就晌近門口位置，除3款已預製好嘅沙律之外（火腿青瓜沙律、華都夫沙律、三色椒沙律），仲有幾盆沙律菜及多款配料如車厘茄、煙肉碎……，並配以5款醬汁（千島汁、凱撒沙律汁、法汁、芝麻醬、油醋汁）。我就喜歡樣樣有啲，再加少少油醋汁，而沙律後方一個金字塔形層架，放有多款冷盆小碟，揀咗其中兩款：泡菜凍豆腐、芝麻醬茄子，擺靚少少個沙律頭盆，令人食都食得開心啲，況且，啲沙律菜冰涼爽脆，預製嘅沙律調味又做得唔錯，冷盆小碟嘅凍豆腐既滑又帶點辛辣，茄子沾滿芝麻醬，濃鮮好食 。 海鮮
凍海鮮就晌入門口位，7盆冰鎮海鮮不時補貨，幾時出去都有足夠供應，種類有甜蝦、翡翠螺、長蟹腳、魷魚、青口、帶子及3款凍蟹（北海道活毛蟹、加拿大石蟹、英國麵包蟹），一碟過要晒咁多款，成為一碟美味嘅海鮮拼盆，未食睇見都爽呀。論到海鮮質素，確喺唔差，個人較欣賞喺甜蝦、翡翠螺、加拿大石蟹，鮮甜味突出 。 即開生蠔
除咗冰凍海鮮，唔少得生蠔，由於生蠔由專人即洗即開，故放咗晌刺身、壽司吧那邊，排吓隊在所難免，難得秩序良好。見一大盆生蠔，有唔同大細及外型，多口問問師傅嚟自何方，回答有紐西蘭、澳洲、蘇格蘭貨色。由於即開，感覺總喺新鮮啲，生蠔外觀厚肉，滴啲檸汁、雞尾辣汁，入口鹹鮮爽滑，滿口海水鮮味，就算唔喺為要翻本，都值得多食一碟 。 餐湯、麵包、凍肉腸
食咗咁多凍嘢，都喺時候搵啲熱嘢暖暖個胃，夠晒熱嘅就梗喺飲碗熱湯。好可惜，依度無燉湯飲，但都有一中一西兩款湯品，朋友揀咗芥菜鹹蛋湯，講話湯料十足，鹹香有住家風味；小弟就揀碗西湯，粟米湯？唔喺家常嗰隻，喺以粟米打爛加「麵撈」做出嚟嘅粟米忌廉湯，粟米味清甜濃郁，柔滑度OK，小弟再加多少少牛奶撞落去（如果有忌廉就仲正），令佢稀身啲，再滑啲。凈飲湯有啲寡，配個粗麥歐陸小包（不過有啲硬），加片煙三文、雞肉凍切腸，食得悠閒輕鬆。加多一小碗日本蒸蛋配帶子，變為西日組合，估唔到啲蒸蛋幾滑，帶子醬油煮過，挺濃香。 熱盤
熱盤分佈幾個位置，由於地方所限，陳列出嘅款式比一般大酒店為少，但不時見佢有轉款，算得上貴精不貴多，一邊長枱款式包括：鹵水雞腳、鹹酸菜豬肚、照燒汁比目魚柳、香草忌廉汁比目魚柳、日本蒸蛋配帶子、冬蔭公海鮮、照燒牛舌、泰式豬頸肉、烤羊腿、煙鴨胸炒蜜糖豆、蒜蓉炒小棠菜……等等，而另一邊長枱款式包括：鰻魚炒飯、意大利千層闊麵、德國鹹豬手、韓式炸雞、越南春卷、泡菜煎蠔餅。記得之前嗰次仲有牛油焗田螺、鹵水鴨脾、紅酒燴牛尾、意大利雲吞、日式天婦羅……等等。聽侍應講，佢哋仲有其他款式如日式海鮮烏冬、吉列炸蠔、海鮮芝士年糕……等等，每晚輪流供應。逐樣講有點累贅，但整體做得水準中上，尤以香草忌廉汁比目魚柳、照燒牛舌、烤羊腿、鰻魚炒飯依幾樣最得小弟歡心 。此外，食物樣樣都細細碟製作，務求食物清得快，唔夠再出，保持新鮮度。 即切烤肉、粉麵
依兩類食物晌餐廳另一面（入門口右邊），粉麵唔算好有睇頭，所以，都唔多介紹，然而，個即切烤肉睇樣幾得咁，雖然個名牌寫住「日本照燒和牛」，但師傅話轉咗為「澳洲和牛」，不過，質素一啲唔差，和牛燒得外層焦脆，內裡仍然粉嫩軟腍，肉味濃郁，入口無渣，又喺翻兜之選 。 刺身、壽司
食到依度都近尾聲，因為啱啱病咗幾日，未喺十足狀態，所以都唔敢食得太盡，反而想留肚食甜品，故此，刺身、壽司就收晒手，不過，都想略略介紹吓，等大家考慮嚟食嘅時候都多個參考。刺身分別有三文魚、八爪魚、希靈魚及劍魚腩，而壽司則有甜蝦、腐皮、蟹棒、三文魚及墨魚，此外，蟹籽軍艦，幾款壽司卷或反卷，相信應該滿足到大部食客。 甜品
仲記得第一次嚟見到甜品得咁少款式，而啲款式又咁大路之時，確喺有少少失望，不過，眼見未必一定喺事實，試過先知有幾真。除個蘋果金寶及雜果涼粉外，全部甜品都做得細細件、細細杯（篩走一啲個裝蛋糕），小巧精緻，款式計有藍莓芝士餅、柚子芒果蛋糕、意大利芝士餅、日式麻糬、鮮果拿破崙、朱古力泡芙條、木槺布甸、燕窩人參桂花糕、芒果布甸、法式焦糖燉蛋及伯伯加奴雪糕（雲呢拿雪糕、朱古力雪糕及韓式柚子雪葩），一共十多款 。最後精揀咗6款件裝甜品，都喺心水之選 ，上次試過佢嘅鮮果拿破崙覺得有質素，所以今次兩款（雜莓及蜜梨）都要晒，酥餅底做得好鬆脆，富牛油香，雜莓酸香，蜜梨清甜，各具特色；柚子芒果蛋糕嘅芒果慕絲打得軟滑，而中間薄薄一層柚子果醬好清新；意大利芝士餅無論下層咖啡酒餅底，抑或上層馬卡風芝士漿，都合格有餘；朱古力泡芙條咬落鬆化，最有心思喺中間吉士以雲呢拿條做，點點雲呢拿籽就喺最好證明，真喺做得唔馬虎；晶瑩嘅燕窩人參桂花糕，加燕窩已升高幾個檔次，食落一朕朕人參甘味，創意十足好特別，當然唔喜歡參味就咪試啦，盞嘥嘢！伯伯加奴雪糕3款味都試晒，加少少生果，再加啲杏仁片、朱古力碎碎，實在冰涼透心，滋味滿fun。柚子雪葩最特別，唔太酸，有種柚子嘅甜蜜，雪葩內兼有粒粒柚子肉，正 ！怪不得朋友要再次添食。 自助啡茶
紅茶、熱水、檸檬片、牛奶，想沖乜就自行搞掂，小弟就愛甜品配咖啡，自助咖啡機只提供一般即磨咖啡，味道一般般啫。 生果
甜品前端，放置一大碟生果盤，有新鮮菠蘿、西瓜、火龍果、蜜瓜及哈蜜瓜。隨意揀幾款作飯後果，一邊繼續跟朋友聊天講飲講食，一邊食點生果幫助清化，喺不錯嘅結尾。還好嘅喺餐廳唔會趕你走，大可以慢慢食！環境、食物都好稱心，而服務又幾到位，招呼、收碟、食物補充……等等都做到足，店員都禮貌周周。逢星期一至四成人每位都只喺收$308 +10%（五、六、日及公眾假期收$338），OpenRice仲有8折優惠券 ，折咗真喺唔使三舊水一位。雖則唔及啲高級酒店多嘢食到琳瑯滿目、目不暇給咁，但俾你食盡又食得幾多吖，以前後兩次晌協奏坊食到嘅質素，跟時下閒閒哋五、六 百蚊一餐自助晚餐相比，確喺相對親民、抵食 。

對於自助餐真是又愛又恨, 三愛三恨……愛它讓人盡情品嚐美食的氣氛、愛它一次過能滿足我多個願意、愛它令我味蕾得到很多享受; 恨它令我暴肥、恨它令我全晚失控失儀、恨它令我小胃子痛得要命! 但人總是愛恨難分, 我郤常常想去, 對它還滿有熱衷, 究竟今次自助餐一戰是愛多還是恨多呢?有朋友竟提議前來位於大角咀珀麗酒店的Sonata 協奏坊西餐廳吃自助餐, 週圍食經驗尚淺的我, 慚愧地說真的未聽過, 對其食物質素半信半疑, 但見到七至九月主題為「瀛．朝．鮮味海鮮自助晚餐」, 是日式、韓式和海鮮的匯聚, 吸引極了, 去吧!一進入珀麗酒店二樓的Sonata，感覺與一向去開的四五星級酒店自助餐餐廳完全不同, 它以純白色為主調, 環境光猛, 天花以葉子形狀作裝飾, 設計簡約優雅, 場地雖不大, 但勝在整整齊齊, 拿取食物集中, 相當方便, 加上服務員細心周到, 令食客可在舒適環境下享受一番。
這裏還有一處以雕花鏡圍着一張大枱, 簡單造出一間開放式的小房, 還配上一盞閃爍的大型吊燈, 比外面環境略為高貴和有氣派, 若然大夥兒前來想有較多的相聚空間, 可考慮預訂這位置。

說回自助餐, 坊間有很多教吃自助餐先後次序的攻略, 又話先吃沙律、又話先吃水果; 亦有吃自助餐回本攻略, 先盡吃生蠔, 再戰龍蝦等等…..五花八門的說法, 但我通通都不會理會, 還是按自己的喜好而行, 隨心是最美好的, 不是嗎?故先進攻我最愛的海鮮類, 馬上到即開即食生蠔區。一盤疊得高高未開的生蠔放在吧枱上, 當有食客需要便有專員即清洗即開, 確保將最新鮮的送到食客手上, 果然細心! 有紐西蘭的rock oyster和澳洲coffin bay oyster, 兩款都肉厚肥美, 鮮味十足, 但澳洲 coffin bay oyster海水較重, 口感帶黏性, 吃時唧入一些檸檬汁, 令其清新一點。而紐西蘭 rock oyster則嫩而鮮, 淨食或蘸上辣茄醬, 同樣美味。我認識一位友人, 她能在自助餐一次過食23隻生蠔, 還食其他食物, 而我吃了多少隻呢? 只有3隻, 雖然美味, 但凡事適可而止, 皆因還有很多美食需要逐一擊破。 除了生蠔, 這裏還有七款海鮮類, 全部均以銀色的大鐵盆盛載着, 以冰鎮方式擺放。遇上我這個海鮮痴, 七款海鮮無一幸免, 全部都被我試齊, 放在正中央高其他海鮮一等就是三款品種的蟹, 包括北海道活毛蟹、加拿大石蟹及英國麵包蟹, 品嚐了其中兩款, 它們均多膏多肉, 肉質雪白而柔軟, 還有鮮橙色的蟹膏, 鮮味十足。而圍繞着蟹的海鮮則有爽口清新的翡翠螺、彈牙而鮮甜的鮮蝦、肉厚多膏的帆立貝、以燒汁製作的嫩口魷魚圈、略鹹的長腳蟹及肉質幼嫩的青口, 這碟七色海鮮真的令我滋味無窮!接着便是第二喜愛的刺身壽司類, 刺身共有四款, 包括三文魚、鱆紅魚、希靈魚及八爪魚, 特別一提三文魚刺身, 肉質光澤而嫩滑, 魚油脂分佈平均, 肉厚而肥美, 鮮味十足, 正! 另外, 亦有多款壽司供食客選擇, 但由於容易飽肚, 故只選了我最喜愛的腐皮壽司, 甜甜地的腐皮配上帶有黏性的壽司飯, 挺不錯!大部份自助餐均有即切的燒烤肉類, 雖然這裏只有一款澳洲燒和牛, 但其質素高, 所以已令我相當滿足。外層燒至深啡且香口, 吃出輕微的黑胡椒味, 而內肉呈鮮紅帶少少血水, 入口極之腍嫩, 吃時可蘸上燒汁或芥末, 但個人認為不用添加更能突顯牛的味道, 推介!今個主題有不少韓流美食, 愛吃韓國菜的我當然不能錯過, 除了有韓式豬骨麵豉湯煮韓國粉絲外, 還有三款小吃, 包括韓式餃子、泡菜蠔餅, 還有不少得現時大熱的韓式炸雞。圓碌碌脹卜卜的韓式餃子內饀是辣辣地的泡菜肉碎, 味道不錯, 可惜略嫌餃子皮厚而乾硬。最特色是結合了韓國泡菜和潮州蠔餅的泡菜蠔餅, 配搭創新。一小件的煎餅內已混入不少肥美的蠔仔、菜絲及微辣的泡菜, 外層煎至稍稍焦燶, 內饀豐富, 估不到泡菜與蠔仔挺相襯, 驚喜之作。
湊巧出場的韓式炸雞, 熱辣辣香噴噴, 外層炸至脆身香口, 把它切開時還霧着熱煙, 內裏肉質白滑嫩口, 必定要蘸上酸甜醬汁同食, 味道匹配之餘, 亦有助減除炸雞的油膩感。吃過肉類和炸物後, 是時候吃清新一點, 走回沙律區和凍食區吧! 這裏有三款已製成的沙律, 及八款沙律配料供食客自行配搭, 再備有五款醬汁, 包括千島汁、凱撒沙律汁、法汁、芝麻醬及油醋汁, 不論配料和醬料均選揀不少, 總有數款合大家心水。三款已製成的沙律包括有紅青蘋果提子乾沙律、火腿青瓜沙律及彩椒黑橄欖沙律, 當中最美味是爽甜多汁的紅青蘋果配上微酸的提子乾沙律, 已拌入的沙律醬剛好黏着各材料, 不會過多而令人感漏滯。還有自行挑選了一些沙律配料, 清新爽脆的沙律菜、鮮紅多汁的車厘茄混入芝麻醬及油醋汁, 不錯之配搭!凍食區有多款凍火腿、煙三文魚、芝麻醬茄子、凍豆腐泡菜及吞拿魚蕃茄。最喜歡是芝麻醬茄子, 茄子不會弄得過腍或過硬, 質感適中, 拌上份量剛好的芝麻醬, 再灑上少許黃金芝麻粒, 芝麻香味突出, 兩者配合起來相當不錯!湯水當然不少得, 中西湯各一款, 中式是芥菜鹹蛋湯, 西湯則是粟米湯。當然挑選了平時很少飲的芥菜鹹蛋湯, 湯料份量十足, 煲至腍滑的芥菜令人容易入口, 還有鹹香而腍嫩的豬骨, 雖加入鹹蛋, 但整體味道不會過鹹, 家庭式的味道。熱葷款式雖然不多, 但「貴精不貴多」, 最有心思是一個熱煱內分兩小長方格, 每格所放的食物份量不多, 既不會浪費食物, 而且食物去流量較快, 酒店職員便經常換上熱騰騰的食物出來, 故食客時常可吃到熱辣辣或即製的食物, 以確保食物有一定質素, 不像大酒店食物是很多、份量是很多, 的確很有排場, 但多款食物往往放至只是微暖, 味道和賣相都不太可取……
說回是日熱葷款式, 數數看共有大約十一款, 包括瑞士汁雞腳、比目魚柳、日式蒸蛋配帶子、冬蔭功海鮮、照燒牛舌、泰式豬頸肉、烤羊肉、時菜兩款、意大利千層闊麵及鰻魚炒飯, 當然不可能樣樣試齊, 那便選擇了......件件比目魚柳滑白而嫩滑, 以甜甜地的照燒汁烹調或以香煎再配鹹香的芝士製作同樣極之美味。而方形的照燒牛舌粒更美味, 粉紅的肉質超級腍嫩, 以照燒方式炮製, 相當惹味! 還有, 日式蒸蛋配帶子亦是推介之選, 雞蛋蒸得時間剛好, 滑溜而滿有蛋香, 其實除了有鮮甜肉厚的帶子外, 還有日式魚片和蟹柳在內, 令整碗蒸蛋都充滿鮮味!
至於泰式豬頸肉雖充滿泰式香料的味道, 但肉略為硬實, 不夠爽口, 而烤羊肉則略為乾身, 而且有羊羶味, 蘸上薄荷醬才較易入口, 此兩款熱葷略為遜色。要停手吧! 否則難以進攻甜品類……細細件細細杯, 最適合我, 因為可試多幾款, 太好了! 有蘋果金寶、鮮果丹麥酥、日式麻糬、藍莓芝士餅 、意大利芝士餅、柚子芒果蛋糕、朱古力吉士泡夫條、木槺布甸、雜果涼粉、焦糖燉蛋、芒果布甸及燕窩人參桂花糕, 非常豐富, 而且款款精緻吸引, 散發着甜品的魔力。鮮黃色的焦糖燉蛋糖面燒得香脆帶稍稍焦燶, 燉蛋奶香蛋香, 入口幼滑, 加上甜度適中, 令人再三回味! 而共有六層的柚子芒果蛋糕也不輸蝕, 送上多重口感, 酸咪咪的柚子配上香甜的芒果, 挺不錯! 但最愛郤是那款創意十足燕窩人參桂花糕, 平時看到杞子桂花糕都很少吃, 皆因欠新意而自己又懂得整, 但這個加入了人參, 真的想一試其味。晶瑩剔透的燕窩人參桂花糕內有桂花碎和杞子, 面層放了一些燕窩, 身價大大提升, 其質感柔軟, 味道清甜中帶有淡淡的人參甘香, 美味得令人難以忍口, 不禁與友人研究一下製作方法, 妙極!
可惜……蘋果金寶略為失色, 蘋果略大粒且不夠香甜, 面層金寶粒亦不夠香脆, 相當普通。當然不少得雪糕配鮮果, 選用了意大利 Pappagallo雪糕, 有雲尼拿味、朱古力味及韓式柚子雪芭, 若然有多些選擇就更好!! 一球香濃甜美的朱古力蛋糕搭上一球酸咪咪帶粒粒柚子肉的柚子雪芭, 再灑上香脆的杏仁片和朱古力脆粒, 旁邊拌上鮮甜多汁的菠蘿和爽甜的哈蜜瓜, 是否絶配而極之吸引呢? 無錯! 這是本人的自由創作, 相當美味, 想一試嗎?最後到飲品區自行沖一杯開胃消滯的檸檬茶, 片片鮮黃色的檸檬片, 多汁而清新, 酸咪咪有助消化, 作為結尾的最佳之選。
------------------------------

食自助餐的次數不多, 故沒有資格當Openrice的自助餐達人, 但在數次經驗中, 眾多朋友只會選擇四或五星級的酒店, 愛它們夠派場、夠氣氛、夠多款式和夠份量, 但我郤不太喜好, 皆因太多食客, 嘈吵得難以享受, 而且往往好像打仗一樣, 排大隊之餘又把食物弄至亂糟糟, 賣相已被扣分, 部份食客還一開始就先搶一堆甜品, 擔心不會再出, 的確一些貴價甜品只出場一次……最不安是相信每晚浪費不少食品, 反而今次友人帶我來到珀麗酒店的「Sonata 協奏坊」, 令我體驗到在輕鬆寧靜的環境下, 享受一頓質素良好而充滿創新的自助餐, 今次自助餐愛多還是恨多? 聰明的你應該估到答案!

每次約朋友飯敍，經常為吃甚麼而煩惱，揀西餐好吖，定還是日本菜、韓國菜好呢？今次友人提議不如試試位於大角嘴珀麗酒店的「Sonata 協奏坊」，因知道餐廳近排正推出以日、韓及海鮮為主題的「瀛．朝．鮮味海鮮自助晚餐」。嗯，這建議也不錯喎，反正已很久沒吃過 dinner buffet。其實早前也曾聽住奧海城的同事提過，這酒店的自助晚餐水準不俗，晚市更有海鮮大會，而且價錢幾抵，星期一至四，每位只需 $308，五、六、日及公眾假期亦只是 $338，而且列印 OpenRice coupon，更可享 8 折優惠，就算一家大細去幫襯也不用擔心荷包越縮越小。好，就一於卜鎚。座落於 Rosedale 二樓的「協奏坊」，地方不大，甫進餐廳已一眼見曬，而且檯與檯之間更有點逼狹，可幸裝潢以一室純白為主調，看起來清亮雅緻，既簡潔又時尚，給人一份舒適悠閒之感。安頓後先出外遊走一圈，由生蠔區、海鮮凍盤，以至一系列的熱食、甜品，樣樣有齊，而且還有燒日本和牛、韓式炸雞等供應，嘩，好吸引呀，一於相機先食。一向對生蠔的興趣都唔算大，不過一場嚟到，加上這裡生蠔是新鮮即開的，當然沒有不吃的理由，先拿兩隻埋位品嚐。分別試了來自紐西蘭的 Rock Oyster 及澳洲的 Coffin Bay，前者味道鮮明、入口 creamy、帶海洋鮮味；而後者則有較多層次感，入口先是海水的鹹味，然後是生蠔的肉味和鮮甜味，味道較多變化。至於海鮮區方面，單是蟹已經有好幾款，當中包括有肉質絲滑細緻的北海道活毛蟹、蟹肉吃起來又爽又脆的加拿大石蟹、蟹膏滿載的英國麵包蟹、及蟹肉甜味較重，但蟹味卻又毫不霸道，帶原始甘甜的長腳蟹。此外，見爽甜的鮮蝦、肉質厚身的翡翠螺、口感軟嫩的帶子、咬落帶點煙韌的魷魚圈等，全部都 refill 得頗快，幾有效率，而且款款鮮甜味美，屬水準之內。轉戰海鮮區旁邊的沙律吧，不過其實這裡的沙律款式唔多，已預製的就只得三款，分別為火腿沙律、雜果沙律、及以三色椒製作的田園沙律。講真幾款沙律，用料一般， 反而對幾款爽口的沙律菜、車厘茄及提子乾等更有興趣，既可以自己動手 DIY，更可以用來配唔同嘅 salad dressing，如千島汁、凱撒沙律汁、法汁、芝麻醬或油醋汁等。中西湯方面，有芥菜鹹蛋湯及粟米湯，前者消暑清熱、有降火功效，不過由於芥菜較寒涼，故不適宜多喝。至於粟米湯，雖然筆者因要留力而沒試，但據友人說這湯質感幼滑濃稠，而且味道清甜得來更帶粟米香，水準不俗。

0

刺身方面，其實選擇唔多，只得四款，都是一些較大路的貨色，如：三文魚、八爪魚等，另加五、六款卷物和壽司，包括腐皮、蟹柳、三文魚、蟹籽等；不過筆者自知食力有限，唔想浪費 quota 於一舊飯上，決定點到即止，先做一陣子食肉獸，再攻甜品。分了友人一小片燒日本和牛來吃，原來肉質都幾幼嫩，肉味濃郁，雖然不是入口即溶，但吃起來仍帶著肉汁，配自家製醬汁及芥末同吃，啖啖滋味。係喎，今晚的自助餐不是以「瀛．朝．鮮味海鮮」為主題的嗎？怎麼完全沒察覺到有韓式美食供應的呢？哈哈，原來只是自己眼大睇過龍，在燒和牛餐車旁的桌子，不就是放了碟韓式煎餃子，側邊還有以韓式粉絲為主打的車仔麵檔嗎？ 若果自問愛吃辣的話，仲可以著廚師替你加點韓式辣醬及韓式辣粉，再配埋旁邊那窩香味濃郁的韓式黑麵豉湯，齊齊《朝》番晚。

0

0

0

0

0

熱食方面，話多唔多，話少唔少，都有成 10 款咁多，瑞士汁雞腳最吸引，可惜筆者手腳太慢，只能望煲輕嘆，幸好照燒比目魚柳，入口厚身得來又夠細滑，充滿魚香。至於其餘熱吃，就包括有冬蔭公海鮮，照燒牛舌、泰式豬頸肉、烤羊腿、日式蒸蛋配帶子、時蔬等，當中又以燜得軟腍入味的照燒牛舌及滑不溜口的日式蒸蛋配帶子最教人回味。若想飽肚一點，大可以整番碗鰻魚炒飯，雖則飯裡鰻魚塊稀少，且油脂不豐，但由於飯粒炒得顆顆分明，食味仍算不俗。如果還是不滿足的話，不妨試埋旁邊那款焗至色澤金黃的意大利千層闊麵。

0

0

炸物方面，包括有豬手、炸雞、春卷，雖然種類唔多，不過勝在款款都咁脆口，而且德國鹹豬手皮脆肉厚、韓式炸雞亦炸得外脆內嫩、加埋的骰嘅越南春卷，開胃惹味。講真旁邊的自家製泡菜煎蠔餅，食味更令人驚喜，餡料除咗蠔肉外，竟然還加入了酸酸辣辣的泡菜，吃起來香口煙韌，滿是韓國 style。來到尾聲的甜品時間，其實場內的甜品款式雖然唔算好多，不過整體水準亦頗不俗，如用上味道濃郁爽口的蘋果炮製而成嘅 Apple Crumble，入口微酸醒胃，甜度亦恰到好處。至於其它蛋糕甜點就包括有口感酥脆的芒果及雜莓拿破崙，以菊花瓣點綴的三色日式麻糬、造型小巧的藍莓蛋糕、插上巧克力薄片的 tiramisu、加咗層朱古力脆皮的泡芙、用上小茶杯盛載的木糠布甸、放咗勁多雜果的涼粉、芒果布甸、焦糖燉蛋、人參桂花糕等，全部也各試了一點點。當中以 Crème Brûlée 及人參桂花糕最令人回味，皆因前者層焦糖勁薄脆、燉蛋亦做得夠幼滑；而放咗燕窩於頂頭的桂花糕，入口帶人參的回甘，配上桂花的清香，既矜貴又養顏，非常適合女士享用。。如果仍嫌意猶未盡的話，記得試埋場內的意大利 Pappagallo 雪糕，分別有雲呢拿、朱古力及柚子雪芭，前兩款質感夠幼滑，味道都幾 light，不過筆者還是更愛味道酸香、入口清新怡人的柚子雪芭多一點呢！

以前夜返屋企，屋企附近都會有小販檔賣狗仔粉，但係宜家有時太早返到屋企d小販檔未開，或者已經食到好飽食唔到，所以好耐無食過! 見到Openrice既餐廳排行榜成日都榜上有名，所以趁今日星期六拉埋媽媽去試下!

其實鋪頭非常易搵，就喺佐敦永安百貨後面街，我就喺白加士街一路直行，過左寧波街但點解仲未見到間鋪!? 後來見到有條長龍，原來戈度就係!

全間鋪得六張枱(可搭枱)，因為鋪仔細細，所以d枱都係擺鋪頭出面，我地都等左15分鐘先有位坐。

今次叫左招牌火鴨翅同埋狗仔粉...

招牌火鴨翅 - 果然係招牌! 第一次食火鴨翅，非常濃郁既鴨味，比較似羹，因為有好多木耳同鴨絲，所以好杰身，份量十足，啖啖都有料! 個人覺得比碗仔翅好味!

狗仔粉 - 入面有冬菇、蝦米、菜甫同大量蒜蓉，一擺落黎已經好香! 因為我驚d辣菜甫好辣，所以食到最後幾啖先敢擺落去，果然，食到標汗!

雖然呢度坐得唔舒服，不過如果我喺附近的話，一定會再黎食! 下次叫火鴨脾試下先!