鍾意食串燒嘅話,一定要試下呢間串燒,佢每張枱都有個火爐俾你暖住啲嘢食。所有串燒都燒得剛剛好,調味適中唔會太咸,而且冇燒到過左火侯。串燒包羅萬有,蔬菜、肉類、丸類、海鮮、小食都有!仲有特色飲品！ 🍢渣男五花腩 燒得表面燒成金黃色,有光澤,肥瘦均匀.晒juicy！ 🍢燒雞軟骨🍢雞腎串 食落又軟又爽,細細粒酥脆有咬口感！送酒一流🍻 🍢霸王肥腸 燒豬大腸洗得好乾淨 冇異味,好香炭燒味！ 🍢手切肥牛串 牛味香濃又好多肉汁肉嫩,超多孜然粉,好惹味😋 🍢蒜香豆腐皮,皮薄香脆, 🍢金菇串,入哂味😋 🦪即開即燒生蠔 鮮嫩多汁好濃蒜香味👍 🍢鮮烤白鱔片 魚身夠爽實鮮甜,皮脆到好似薯片咁嘅魚皮,正👍 我每次燒烤必定叫嘅 🍆蒜蓉燒茄子(原條) 勁多蒜蓉,襯托得茄子肉好香甜又多汁😋 🍘紅糖爆漿糍粑 糍粑一食就愛上。呢到嘅糍粑皮薄軟綿綿,煙煙韌韌,,焗到好香脆,咬落去糖漿溢出好正,一定要試😋 🍢串燒加啤酒🍺簡直冇得輸🤣

食完宵夜,附近有間舊式糖水舖 當然要過去試下啦😋 🥄湯丸靈魂在於糖水夠唔夠薑味, 湯丸係大粒既,咬落皮煙韌唔太厚, 芝麻餡有芝麻香味,及做到流心效果,但糖水吾夠薑味😅 這間老店🥄合桃糊係三寶之一寶, 濃郁程度口感較「稠」,見到顏色比較淺, 應該米的份量較多,質感是滑溜的,甜度 啱啱好！😋 另外叫咗新產品嘅 🥄雙圓揶汁西米露 話說雙丸係台灣九份空運 芋圓地瓜圓確係Q彈, 西米份量比較小,有D稀到有啲似水, 沒有驚喜😅 總括嚟講,始終傳統的味道好😋