香港嘅麻辣熱潮一直有增無減 搞到我唔食得辣都漸漸愛上😝 麻神絕對係好高質嘅台式火鍋 招牌嘅麻辣湯味道好香 而且麻而不辣 唔會辣得好辛苦 係可以齋飲都無問題!!😍 啱晒我唔食得好辣但又想食辣嘅麻煩友😂 本身未食過鴨血嘅我都試咗一小舊 用刀叉切開都唔會散開 口感好滑 絕對無任何奇怪腥味!! 今次去發現仲推岀嘅花膠湯 飲落十足似屋企老火湯 味道濃郁仲好重膠質 我都忍唔住飲咗好多碗😂 可以止辣癮又可以飲住家湯 麻辣拼花膠雞呢個配搭真心無得輸!!!🥰 . 特別推薦美國頂級牛小排 牛肉本身肉質軟嫩 店員仲好細心解釋呢款牛肉可以配三款食法 而且如果直接放落湯煮就會過熱 影響牛肉嘅質感 所以例一碗仔湯岀嚟輕輕煮熟就夠喇 我就覺得包粒蒜蕊一啖過係最正 爽口之餘仲有陣蒜味嘅餘香👍🏻 綜合丸子拼盤包括梅菜豬肉丸/鯪魚丸/墨魚丸/蝦丸/食神爆漿懶尿牛丸 款款都爽口好味!! 台灣直送嘅配料方便我至愛旗魚脆 食落似係魚皮餃咁 最後加個小王子麵作結就perfect池喇😝😝

擺花街嘅李好味隔離又開咗新鋪李好醒 裝修非常搶眼 大大個獅頭夠晒香港特色 食物係偏香港style嘅煎釀三寶/炒腸粉等等 中環區真係好少有呢類local food食 我嘅一人晚餐就叫咗份慢煮蛋XO撈粗😛 全間鋪只有我一位客人 大概等咗5-10分鐘先有得食 可能係即刻煮隻溫泉蛋啦 粗麵食落都幾彈牙 但口感就偏濕 第一啖都幾香XO醬味🌶 食落就甜豉油味偏重 食到底仲見到好似豉油浸麵咁 有啲扣分🤢 但隻蛋嘅半熟就真係整得剛剛好！👍🏻 另外餐廳擺咗幾個中國鼓當枱比客人食野 但係開業無耐已經有啲污糟😅

鰂魚涌對我嚟講係個充滿回憶嘅地方以前都唔覺得有咁多好嘢食
今次番去真係間間都想試!!
.
今次揀咗呢間由一對日本夫婦開嘅餐廳
以木系裝修為主 牆身有啲油畫都幾靚
之前都睇過啲資料話好有北海道風味
我就未去過北海道 唔知係咪同北海道一樣味道
不過又真係好好味
.
第一次見到西京燒會用左口魚
食落好重油香 味道帶甜 入口即溶
小朋友必定喜歡!!!! (條魚好味到唔記得影相)
湯咖哩係香港並唔多人食
始終大家都習慣食稠身嘅咖哩汁
但係食落其實有啲似湯飯
仲配咗好多蔬菜 非常健康
而且隻雞脾離哂骨 肉質好腍 好滿意呀!!

Mashi No Mashi係二月尾先正式開業由超難book位嘅和牛專門店Wagyumafia老闆所開
可以話係姊妹餐廳
就連david beckham嚟香港都要去食
你就知呢間餐應真係近期必試!!!
. .
餐廳位於灣仔愛群街 係禮頓道行過去係最近
餐廳門口嘅霓霓虹燈好搶眼  一入門口就可以自助點餐 只收八達通同信用卡
裡面係open kitchen 有12個座位
. .
沾麵有分三款 ($80/$130$160) 我同男朋友就點咗:
特制和牛沾麵$160, 和牛飯$180, 和牛餃子六件$120 . 麵條係粗身但好彈牙 和牛係同wagyumafia嘅質素一模一樣🤩 都有4-5片大大塊好薄身嘅和牛🐮 牛味重 口感鮮嫩 沾麵湯係非常濃味嘅和牛湯帶微微魚介味 鹹得嚟又好鮮味 食完仲可以加dashi中和翻個湯然後飲晒佢!!😋😋 . 和牛丼係有8-10片和牛 底下嘅飯係有味飯 夾雜少少牛肉碎 由於本身個飯已經有調味 加埋蛋汁已經好夠味 和牛就無特別重嘅調味 整個配搭好夾 份量唔算大碗 但都夠飽😊 . 和牛餃子六件承惠$120 平均$20一隻 眼見廚師係即刻將肉碎放入機器包 即叫即造 皮脆肉嫩 個肉餡好食就唔使講 特別在於個餃子汁係新鮮黑椒醋 酸酸辣辣嘅味道特別又過癮

呢間餐廳未開張之前 已經有留意佢塊圍板 大大隻字寫明係美國三藩市嘅餐廳~ 又估唔到食拉麵嘅地方竟然仲有串燒同關東煮 仲有得叫枝清酒一邊食一邊歎😝👍🏻👍🏻 . 餐廳嘅開放廚房好搶眼 一邊燒串燒 另一邊有一大鍋關東煮 關東煮有好多選擇 配搭好鮮但係唔會九唔搭八😂 同一般關東煮只有蘿蔔薯仔等材料好唔同 我特別推介原個洋蔥釀豬肉同芝士煙肉福袋 . 另外 拉麵嘅湯頭用上大量雞肉同雞骨熬煮至少八個鐘🐣 雞味香濃 質感偏濃稠 招牌嘅醬油味拉麵配上慢煮雞髀 雞肉已經完全離骨 啖啖肉超正👍🏻 偏好海鮮湯嘅我就揀咗味噌蝦湯 味道比醬油湯更濃更鮮 個人覺得麵條同一般拉麵好大分別 蛋味重但依然彈牙 鍾意雞湯底嘅朋友值得一試啊！

Steak Bar嘅吉列牛岀名好食 今次終於有機會嚟到登龍街嘅分店 鋪頭細細但乾淨企理👍🏻👍🏻 睇睇菜單 大部分主食都係牛肉 有薄切又有牛扒仲有和牛同肉眼 都幾多選擇 非牛肉類嘅就只有羊架同煎魚柳 每份主食套餐都包括前菜、沙律、白飯(有我最愛嘅飯素😍) . . 店員介紹話”板腱”係稀少部位✨ 每隻牛只有四份 所以限量供應 板腱其實係喺牛嘅肩胛部 痴住肩胛骨 油花比較多 而且肉質軟嫩 雖然有筋 但只係軟筋 所以煎/燒烤會特別香 我就即管試試佢！😝😝 五成熟嘅板腱一上枱真係嚇親我 又大又厚份量十足 成舊石頭咁😂 外面好似好熟 但切開見到裡面仲係粉紅色 肉質係超級超級超級腍！！😱 非常驚喜 煎得到咁嘅效果真係好靠技術 點醬汁就比較惹味 點蒜鹽就會食多啲牛肉本身嘅味道 偏好食牛肉嘅朋友必試！！ . . 另外仲點咗份香煎魚柳 賣相同menu相差好遠😅😅 由一舊厚身嘅魚變咗兩片似喺新鮮魚劏岀嚟咁 而且都幾多骨 但係無可否認佢又煎得幾香 皮脆肉嫩 .

麵尊一向岀名好食 連周潤發都係坐上客 絕對係中上環區車仔麵首選🔥 . 平日嘅食lunch時間同朋友去食都預咗要等 12:30去到門口攞飛 一早已經畫定吃咩餸交比店員 等到12:45左右就可以入座 但係眼見佢地係咁岀外賣單 呆坐到13:30先有嘢食 中間都追過幾次 真係安排得好差🙅🏻‍♀️🙅🏻‍♀️ 遲過我入座嘅客都已經食飽走埋🤬🤬🤬 . 不過平心而論 講翻食物質素 由麵底到每款餸都真係好好味 魚皮餃來貨高質 一食就食得岀 炸魚皮大塊而且香脆唔油 蘿白夠腍略嫌唔夠甜 建議大家都係揀啲人少時間去食

Pici係Pirata Group旗下餐廳 主打手製意粉 價錢合理而且無加一收費👍🏻👍🏻 不接受訂枱但一樣好多人願意等位去食 平日晚上七點半左右去到中環嘅分店 等咗五分鐘就有位 同朋友一行四人叫咗Tasting Menu ($290/person) 可以喺menu揀4個前菜6個意粉同4個甜品😱 一次過可以試好多款食物勁開心😝😝 不過一嚟份量多 二嚟大部分菜式都有芝士 食到第二碟意粉已經開始飽😅 . 四款前菜: 另外仲叫咗meatballs同beef tartare無影相🤣 . 六款意粉: 個人特別鍾意Orecchiette 口感煙韌 又帶少少辣味非常惹味！🌶 第二鍾意就係有青口嗰款意粉 好香蒜味 比起其他幾款意粉特別濃味！🤩 但略嫌青口唔夠新鮮 . 最後仲有每人一款甜品 只有兩款選擇 兩個都好味不過完全食唔落😂

位於中環砵甸乍街嘅新落成大廈有好多新嘢食 9/F嘅Birdie係同中環另外兩間日本餐廳Porker同298NikuyaRoom同一集團 質素有保證👍🏻 餐廳主要係食日式串燒 即叫即燒 仲要係全港唯一用備長炭燒🔥 食落真係有陣炭火燒嘅香味！🤩 餐廳面積唔大 除咗一般四人枱之外 最吸睛就係半圓形嘅bar枱圍住師傅喺中間 而且食客大多數係日本人 真係置身日本咁 超好feel😝😝 . 餐廳嘅食物選擇算多 雖然主打雞肉串燒 但都有少量和牛同豬肉嘅選擇 其中雞脾肉係非常嫩口 咬落去係雞油同雞汁一齊爆岀嚟！ 雞肝醬配麵包亦都超好食 幼滑嘅雞肝加咗香草調味好易入口 本身唔食內臟嘅我都清咗好多件 麵包仲可以refill添㗎 同朋友share就正喇 免治雞肉就無得點蛋汁 但個醬汁又好驚喜 唔會好甜 雞肉唔算扎實但絕對無散開👍🏻 另外特別推薦燒雞柳 佢配上酸酸嘅梅醬同紫蘇葉絲 好香而且味道好夾！ 整體食物質素高！材料靚！ 只係略嫌偏油 但整個過程都好享受 仲可以自己帶酒免開瓶費 🍷 女廁係比較大煙 啲抽氣喉喺晒入面 但有齊mouth wash/牙線/棉花棒/衣物除臭噴霧都幾細心🥰

天天海南雞係新加坡三大名店之一 也是遊客必到的餐廳之一🤓 舊年天天喺銅鑼灣開咗第一間分店 話咁快 今年已經喺尖沙咀開埋第二間分店🎉 新加坡嘅天天係比較簡陋 香港嘅天天 裝潢有華麗有格調 餐具用咗神秘的藍色調 睇落已經覺得好靚💙 . . 佢哋嘅海南雞同新加坡總店做法一模一樣 只會用皮下脂肪少的白羽肉雞🐣 所以雞皮會比較爽滑 而雞肉就既厚身又無脂肪 口感仲好嫩滑！ 上枱嘅時候keep住暖暖哋 唔可以太熱 而雞油飯都超好食👍🏻👍🏻 佢哋係先將生米同調味炒過先再蒸 口感就唔會過腍 每粒飯都吸收湯汁 煮雞嘅精華喺晒碗飯到 必食啊😝！