希望大家唔好嫌長，我喺上年年尾時去過銅鑼灣呢間分店，當時叫咗最貴既海鮮餐，落單後就話生蠔龍蝦唔夠貨（有個帶眼鏡既女人），搵其他野代替，見佢都有禮貌既，是旦啦，求其一餐半餐。埋單時我哋下7個人total 3千零蚊，佢就sell我哋買啲現金卷，話隨時都可以嚟，用幾多都得。直至都今年2月6號，約好朋友一行4人，Book咗今晚17號旺角店食飯聚舊，即係11日前已book好，已講明會用現金卷，到今日中午收到旺角店電話confirm, 到下晝5點幾，旺角店又打嚟，話收多咗booking,問我可唔可以改去銅鑼灣店，咁當時咁急，我話問問朋友先再覆，後來朋友都就到，咁咪覆返話OK，電話裡面仲話會俾Discount 我，到咗銅鑼灣店，我book7點半，去到見返嗰位四眼亞姐，佢話旺角店有通知，但只有姓葉既4位，話我個訂位無confirm, 但佢明明有枱，寧願接咗單6位既walkin 都唔俾枱我，我打去旺角店個女人，同佢講返佢又話講咗，呢邊呢個四眼亞姐又唔肯聽電話，兩個喺度扯貓尾，我再打去旺角店問，個手提電話已經俾咗個男人聽，最後四眼女人同我講最快要等到8點半先有枱，咁樣既態度，你唔想收現金卷咪直接講囉，walkin既你可以同佢講無枱，咁book枱有咩意義！我同朋友都係住天水圍屯門荃灣，特登過嚟銅鑼灣仲要受你哋氣，旺角店亦從來無打過電話嚟跟進，結果無喺度食落樓下兩層食其他野

適逢母親節，帶媽媽慶祝。見呢間「家嫂」食評唔錯，打電話去問餐廳自助午餐同晚餐有咩唔同，餐廳話晚餐有紅白酒，午餐冇提供，其他一樣。我再問有咩海鮮提供，餐廳話蝦啊、蟹啊之類的。由於驚晚餐多人，我和媽媽都鍾意食海鮮，便帶媽媽來食午餐自助。
入座之後，驚覺中伏！用餐限時2小時，差不多半個鐘都在等上菜！而且餐廳極孤寒，咁小家難怪叫「家嫂」。 首先，頭半個鐘係一定要客人食曬佢啲cheap cheap 小菜，除了蝦多士好味之外，其他是菜脯花生、炸唔知咩瓜來塞爆客人個胃先。 刺身拼盤嘅刺身係按人頭上，我地三人，便上3塊魚生、蝦生等，多一塊都唔會有。
等左半個鐘，終於肯上雞煲。說好的花膠雞煲，實際係豬皮雞煲，大佬，花膠同豬皮，太大分別了吧！左等右盼，一直催店員上海鮮火鍋，店員話要食曬雞煲先可以上火鍋。前一個鐘就要在店員監督下，食曬cheap cheap 小菜同雞煲，先可以上火鍋。店員仲會反覆問你要唔要加雞煲。啲雞又鹹又飽肚，咪玩啦，點加得落啊？ 明白的，塞爆顧客個肚咪可以食少啲海鮮咯😅 過左一個鐘，等到頸都長，終於上火鍋。說好嘅蟹呢？我問店員。店員話今日冇返蟹。我話：我打電話黎book位時話有蟹架！店員話：今日冇返蟹！ OK。已經冇左一個鐘，我地本想打開蓋放定啲海鮮落去“綠”定先，店員即刻閃出來喝止，話湯未滾唔可以開蓋住（竟然有咁嘅規定？？）。（大佬，我地想encore又唔見你地咁helpful?🥲） 好啦，又等多10分鐘，終於開始重頭戲。原來，果個出名嘅哈密瓜咩湯底係冇的！
原來豬肉同牛肉只可以揀一樣！ 原來encore時給的份量按人頭計！我地3個人，肥牛就上6薄塊（基本一個人一啖就冇啦）、蝦就上3隻🥲 。 encore 鮑魚時，店員仲會特意留難，反覆問：鮑魚啊？仲有冇其它？我話冇，佢就不停問，其他呢？有冇其他？其實我都知你想dum 波鐘，拖延時間之餘睇下有冇機會令我食其他嘢唔食鮑魚啊嘛😂 encore 時，店員仲會令客人有負罪感，各種拖延及不耐煩。好似encore 係客人的錯咁。我媽媽見到如此，都叫我唔好再encore，已經被店員嘅態度餵飽左。 最後，說好的唯一的一人一個雪糕都是沒有的！半自助餐區是沒有的！全部只能叫店員落單，一落單店員就黑面、拖延。 我地距離完餐時間前15分鐘已經埋單，我媽媽老人家食飽坐多10分鐘都唔夠，店員已經過黎趕客：你地食完就好走了wor! 我地收場啦！（並且我地坐左一個鐘多啲，店員已經趕我地走，話夠鐘。後來佢地先知道自己搞錯😒） 本來好好的母親節慶祝，搞到唔愉快收場。太失望！希望餐廳改善下啦！雖然我都唔會有下次