每晚都會嗌外賣宵夜，喺foodpanda 睇到就諗住試下呢間，睇到個app啲相都幾吸引，就落柯打啦。啲食物一黎到，仲滿心歡喜諗住開餐，一打開盒直頭x左出聲，火都黎埋！美國特級牛小排，佢老味隻牛肌肉萎縮症咁，個盒就大呀，得果4片仔 食剩打包都冇咁衰，好似廚餘咁。鵝肝多士果件鵝肝同5豪子一樣大，最勁係塊所謂鵝肝，只係厚過A4紙少少，睇落似肥牛碎，果隻燒原隻鮮魷仲巴閉，我打開盒果陣都諗左陣係咩黎，可能佢有靈性驚比我x，嚇到縮埋一注，個樣衰到我都唔識形容！其他都廢事講。串燒王呢間垃圾，以後不了，喺度奉勸各位幫襯前諗清楚！！

當晚叫左三個小菜，每碟都好大份，感覺經濟實惠。 芝士魚柳扒西蘭花 大大舊魚柳，成碟有起碼7件！魚柳唔會好乾，無炸過火，我覺得調味適中但母親覺得偏鹹左啲。 椒鹽鮮魷 呢個係三款小菜中最好，炸粉唔算厚，魷魚唔會味如嚼蠟亦唔韌，不錯。 豆腐斑腩煲 $68 食到呢個餸個時我已經好飽，所以無食到，不過呀媽話正常水準，唔同既就係比其他餐廳更大碟 啲飯都幾大碗 奶茶紅豆冰 (+$12) 紅豆既甜同埋茶味幾balanced，甜度適中，幾好飲吖 杏仁霜（加＄6) 呢杯就同其他茶餐廳差唔多啦，無乜特別。

住北角的友人帶我來這間串燒店，平日傍晚六時多來到，我們是第一枱入座的客人。 燒物種類很多，而且還有烏冬、飯和甜品可選擇。 牆上小黑板寫著是日精選和特價燒物 老闆說羊皮串不是每天也有供應，鹽燒口味跟羊皮很搭，羊皮焦脆又帶點油脂，吃後帶餘香。 蒜蓉燒生蠔幾厚身，入口多汁。 鹽燒黃花魚一夜干很嫩滑，一夜干的鹹味也沒有太強烈，很適合佐酒。 車打芝士翠肉瓜燒得恰到好處 日式蒲燒鰻魚飯抵食又美味，$68有這麼大件的鰻魚，下面還有一些蛋絲和酸蘿蔔。 是日特價的汁燒白蘑菇（$10）夠juicy 老闆的服務很好，介紹了多款招牌菜給我們，又會不斷主動加水。小店位置不顯眼，但平日晚上也有八成滿，看來很多是街坊客，又是一間以食物質素吸客的用心餐廳。

今晚去左荃灣搵朋友借note, 之後佢帶我黎左皇茶冰室食晚飯~ 落雨天咁凍，好想食雞煲，於是叫左個小辣，雞肉份量好多，而且都好嫩滑，成個煲都係hkd 138, 超抵!! 之後我地仲一人一個KING 餐hkd 46，有特濃番茄薯仔豬軟骨通粉，配黃金3.6牛乳炒蛋＋牛角酥，番茄湯底味道濃郁，豬軟骨啖啖肉，而個炒蛋真係無得頂，好滑！而另外一個KING 餐就係懷舊公仔麵，有勁多料，eg. 香腸、午餐肉、煎蛋、火腿、沙嗲牛肉。。。好正，將所以想食既野放左一起！！個餐配咖啡/茶，加hk3 有凍飲/ or hk6 有特飲. 最後叫左碟菜心, 健健康康 =]

網上有人話過希望女朋友有劉心悠嘅面孔、陳法拉嘅笑容、雷凱欣嘅身材、何家淑女嘅後台......而我家嘅A姐當然就有齊以上嘅所有嘢喇，雖然後台就無何家咁勁，但都叫做有我M佬幫佢撐腰架！而更好嘅係去邊食飯佢都無所謂，就算叫佢陪我食茶餐廳快餐店大排檔，佢食嘢個樣都好滿足架（當然我就知佢最鍾意日韓菜啦），而今日我哋就去咗荃灣食皇茶冰室，試吓久違嘅港式味道。

鮮茄焗豬扒飯

焗豬扒飯可以話係港式餐廳必有嘅名菜，即叫即焗，上枱熱辣辣，而份量一啲都唔少，豬扒夠腍又唔會焗到乾晒，而茄汁味夠開胃，唔錯！
法蘭西多士

除咗焗豬扒飯，西多士都可以話係港式餐廳嘅另一代表作，又係即叫即炸，食落好香口又唔會話油淋淋，正！
椒鹽雞翼

雞翼表面好脆口，椒鹽味夠晒，不過，肉質就相對較淡，可能要醃耐啲喇。
龍鳳檸樂

以前去冰室茶記都離不開奶茶、咖啡同鴛鴦，但近年就多咗好多花款，好似龍鳳檸樂，酸酸甜甜，係我的最愛。
熱奶茶

呀爸教落，冰室茶記留唔留得住客人，最重要就係杯奶茶，鍾意茶味夠濃嘅我，呢間絕對留得住我！

同朋友行過中環伊利近街soho區發現有好多特色餐廳，見到呢間Uncle Pizza, Pasta & Grill好似唔錯價錢又ok，就比佢吸引行左入去啦。 Lobster Bisque with Jumping Prawns 湯好惹味，龍蝦味非常濃郁而又唔會過鹹，飲得出係落足料去煲。湯入面仲有粒珍寶帶子，size非常巨型。帶子有微微煎過，味道亦調得啱啱好，咬落去肉質非常彈牙。 Creamy Wild Mushroom Risotto with Truffle Paste & Goose-Liver 大廚好細心咁提醒我地要將啲油撈埋啲意大利飯到食，話咁樣會好食啲。果然，risotto既汁真係非常creamy香濃，撈埋鵝肝油食入口有陣陣油香。上面既鵝肝份量好多，足足有兩大塊呀。鵝肝煎得好有水準，表面好香脆，入口即溶，唔錯。 Uncle Ken (Parma Ham, Sliced Fig & Arugula) 話明叫Uncle Pizza，呢到每款pizza都係以唔同既Uncle黎命名，幾得意。呢到既Pizza係用石爐焗，皮薄餡多。Pizza皮既邊位焗得好香脆，中間就好軟熟，有好香麵粉味，面頭仲鋪滿芝士。另外Parma Ham同無花果味道出奇地好夾，值得一試。 順帶一提，呢到既大廚仲好有heart，閒時會過黎同我地傾計，又會推介菜式比我地試。仲會問我地想上左Pizza先定Risotto先，見我地掛住影相仲會提我地要趁熱食，真係非常細心。呢到既野食性價比都相當高，下次會再帶朋友黎食！

崇光百貨地庫經過大型裝修之後，新貌增加了不少快食小吃攤位，而且不乏新奇有趣的，例如和牛肉餅、法式蛋餅、乳酪雪糕等等，正好方便極愛購物無暇吃飯的客人醫肚。 突然見到，既時興而又是我喜愛的龍蝦包，仲要是六吋長的巨無霸，已經令我滿心歡喜，再看清楚，原來更是一家主打健康食品的店，名叫 Helfit Deli ，對於既愛吃亦注重健康的我，正中下懷。 現代人愈來愈講究高質及健康美食，也許這是迎合市場需求而誕生的。 走近仔細硏究一下，龍蝦包以外，尚有精緻三包選，迷你可愛，方便立吃，口味分別是龍蝦包、凱撒三文魚包及鴨肝醬天多利雞包，適合多心的人，但今晩我非常專一，因為不可能放過8时龍蝦包。 玻璃廚櫃內見有四款沙律，$29/100克，適宜輕食。芒果火龍果似乎最美味，雅枝竹三式豆最新，日式海帶最富纖維，我卻選了地中海式藜麥，因為這道最考廚藝，粗糧最難煮得好吃。 健康冰沙正是炎炎夏日之選，紫薯、豆腐薑蜜、牛油果香蕉及紅菜頭乳酪，各有抗氧、消暑、有酵素及益生菌之清腸功效，今日實在太悶熱，我揀了消暑的。 皇牌龍蝦包  採用軟身法包及自家製醬汁，龍蝦份量十足啖啖肉。 特色在於自製的三低沙律濃郁醬汁，調味相當出色，口感滑溜豐富，鹹甜平衡，沒有過多忌廉的感覺，與龍蝦肉非常合拍，吃到鮮甜滋味；稍嫌法包不夠鬆軟，有改善空間，又或者如果能先烤一下內心，層次會更佳。 地中海式藜麥 外型其實不算吸引，染紅了的藜麥相信是紅菜頭汁做成。 藜麥始終是粗糧，第一口不沾汁吃沒有味道，原來袐缺在配備之醬汁，自家製巴西莓紅菜頭汁酸香甜美，即時令味道昇華，粒粒藜麥增添脆脆口感，吃起來真的不錯。 100克份量不多，有作零食的細份安排富心思。 豆腐薑蜜冰沙 沒有想像中甜美，可能被豆腐混淡了，冰涼是亮點，味道不過不失。 吃得出烹調有心得，估計是素食廚師出身，妙同醬汁提昇食味，而自製醬汁確是出色，值得買回家自煮。 真高興，今時今日已經不用犧牲味蕾享受而勉強吃健康的了，美味龍蝦、出色沙律醬，我的心水推薦。