而家唔洗飛日本台灣都可以享受😎視覺同🤤味覺於一身既2D 餐廳，位於灣仔既 @uluru.hk ULURU 2D特色餐廳，全間餐廳都以🖤🤍黑白色、2D風格手繪畫作牆壁🎨，每個角落都係打卡點📸

除咗可以欣賞牆壁上嘅畫作🖼️，🍲食物及🍹飲品都係色香味俱全✨ ，而當中🧁特色甜品更係非常出色，價錢仲好合理，CP 值高🔝。

🥗柚子鮮蝦沙律
沙律嘅菜菜同已去殼嘅蝦仁都好爽脆，混入嘅柚子肉配埋沙律汁，入口清新開胃！

🧆脆皮焗田螺
每件熱辣辣嘅焗田螺一口一件，皮層酥脆香口，入面嘅田螺肉軟潤彈牙，份量恰到好處！

🦐阿根廷紅蝦刺身配蕃茄沙沙多士
紅蝦大隻且口感軟糯，蝦身既黑松露令奢華感提升。一啖咬落去有齊蕃茄碎、洋蔥碎、蝦刺身、多士，口感豐富，酸味都幾出，作為開胃菜岩晒！

🍝流心溫泉蛋卡邦尼意粉
份量十足，入口非常Creamy，帶有淡淡芝士味道，唔會太鹹，啱哂小朋友食！

🗻富士芝櫻祭
富士山形嘅抹茶味Tiramisu外表吸睛，山頂面座鳥居非常可愛，微甜嘅糕身軟綿且夠潤，抹茶味芳香怡神，混埋綑邊嘅朱古力泥直令口感更有層次！

🍄夢-森の家
蘑菇造型實在逼真，外層以脆脆嘅白朱古力，包住香軟嘅士多啤梨慕絲蛋糕，菇柄竟然塞滿士多啤梨果蓉同果醬，連同紅莓同朱古力泥，食落鮮甜唔覺溜，賣相非常精緻！

唔知有冇人同我一樣好鍾意去K11 musea，感覺呢個係一個好有設計感嘅商場😛今次就去入面嘅藝術cafe感受個種藝術氣息🎨 呢到嘅菜式除咗擺盤有心思，味道都有驚喜🤣 香煎慢煮三文魚扒($198)魚皮煎到好脆，三文魚生熟啱啱好，入面嘅油脂香好正，而配菜嘅菠菜用蒜蓉炒過，加埋大量三文魚籽都幾香🤪 橄欖油炒墨魚汁意粉配帶子($208) 都唔錯，大大粒嘅帶子有5大件，而且件件都煎得啱啱好，幾嫩口，意粉都用蒜茸炒香過，整體嚟講都唔錯🤍 嚟到當然要叫返杯最iconic嘅藝術打印咖啡 ($98)☕️今次揀咗梵高嘅星夜，base揀咗朱古力，個造型真係啱晒打卡🍫甜品嘅Tiramisu ($88)都唔錯，朱古力味較重，餘韻帶淡淡酒香，手指餅唔會太淋，overall都唔會太甜😆 呢到環境都算舒服，以地段嚟講定價算合理，而且食物質素唔錯，擺盤真心幾靚，想打卡嘅朋友可以一試～另外舖頭入面仲有啲其他藝術品出售，有興趣都可以留意下🖼️

你話係一碗湯，我梗係當湯咁飲啦！點知啲味精多到，叫佢做汁都嫌佢太濃味。食到一半已經口渴到飲咗幾杯水。史上最後悔一次！第一次係到寫野，就係希望大家唔好中伏。亦希望做飲食生意嘅攞番少少良心出嚟。

經過大圍，其實好多小店，但朋友揀左湯加，我唯有照食，點知真係難食。 佢地餐牌有好多好多選擇，友人揀左個豬潤牛肉米線，湯底係魚湯底，但味精重，偏咸，份量夠多，但豬潤偏硬唔諗。 另一個叫左個唐芹老媽干排骨，配藜麥飯或三色飯，懶健康，但又話無藜麥飯，硬嚟三色飯，但最搞笑係砵仔上，白飯加5粒紅米就見三色飯，令人啼笑偕非。上菜時一大個鍋上，好多排骨，表面顏色係橙色但一啲都唔辣，但味道唔惹味，賣相好油，令人無咩心機食。