Eggslut 之前在日本新宿吃過，這次來香港店吃吃看。
餐廳在銅鑼灣Fashion Walk，要從地下上樓梯到1樓。
用餐位置不算很多，但下午茶時間過來要找位置不算很難。
買好餐便可以等部機響再去拎餐。都幾快，只是數分鐘時間便響機。🍔招牌滑蛋三文治 (HKD 78)
蛋量看起來沒我之前吃過的那麼澎湃，但一直吃還是有吃到蛋。
而且蛋夠嫩滑，再加上車打芝士、焦糖洋蔥等，味道更豐富。🥖招牌蛋薯蓉加法包 (HKD 64)
這個是第一次吃，見是「招牌」就決定試試看。
薯蓉非常夠熱，約半熟蛋混和在一起，入口順滑。
食的時候用香脆的法包蘸來吃，我覺得比前者好吃。

位於葵芳興芳路223號新都會廣場6樓601至610號舖的一鍋堂，主打性價比高火鍋放題。 筆者早前已訂枱，和朋友共二人於晚上六時多入座，點了套餐C （高級日本與極上安格斯牛小排套餐），每位$308。因為升級了鴛鴦湯鍋需要加$50，整頓飯加一後每人約$350。順便一提，餐廳的自助食物區比想像中多，長者或行動不便人士可能要稍為注意一下。 筆者想更能品嘗到食材的原味，所以選了相對清淡的芫茜皮蛋鍋及養生藥膳鍋。 就在等候湯底到達時，筆者和朋友分工合作，一人先去拿取前菜和小吃，另一人則負責在手機上點選火鍋配料。 冷盤有十多款，如烚蝦、涼拌海帶絲、涼拌土豆絲等，十分豐富。筆者最愛吃烚蝦，蝦肉爽口彈牙，先一次過將所有烚蝦剝殼，再愉快地享用。每張餐桌有一個小抽屜，抽屜內擺放了濕紙巾，供食客可需要取用。 今次獲安排坐在蔬菜櫃旁，可以自由拿取蔬菜，相當暢快。蔬菜的種類至少有十款，而且蔬菜新鮮，也清洗得頗為乾淨。 下單約十分鐘後，店員便陸續送上火鍋配料，效率頗為快速。 筆者最愛吃日本黑毛和牛與及極上安格斯牛小排，牛味十分濃郁，口感十分順滑，仿如在草原上和小牛愉悅地追逐及奔跑。 整體來說，其他火鍋食材的質素也是十分不錯。朋友愛吃新鮮彈牙的蟹籽手打蝦滑。 當晚餐廳爆滿，但火鍋配料上桌的效率仍然頗快速，筆者可以分多次按需要下單。 自助區還可以自由拿取十多款丸類及火鍋配料（芝士腸、炙燒芝心包、鮮冬菇）。 自助飲品區方面，除了有解渴的罐裝汽水，也有相對健康下火的飲品（如洛神花茶、薄荷烏龍茶等）。 最後，當然要吃甜品了。餐廳設有自助雪糕機，是日雪糕為紅豆口味。雪糕機旁邊還有少量雪糕配料可添加。

舊年有長輩做咗「Mira Plus」會員，為咗要享用其中一張優惠券，所以就組咗小團過海，一試「The Mira」酒店旗下嘅「Whisk」。網上訂座必先預繳訂金，流程相當簡易。上集「不歡時光」其實已經提過西餐廳位置刁鑽，不易到達，真係冇諗過室內問題仲多！用餐大堂雖則寬廣開揚，無奈四周嘅閃閃吊燈及地毯上嘅轉圈圖案令眼睛不太舒適，加上室內氣溫奇高，冷氣開盡兼開埋冷風機連一向怕凍嘅靚靚媽咪都話熱，大家未食已感暈陀陀！另外仲有一點好奇怪，就係服務生竟然幫契妹個哥哥拉櫈都唔幫更有需要嘅契妹拉，當真令人費解！每位席上都擺有齊備嘅餐牌、自用餐具及口罩套。埋位第一時間當然係先用券券換取指定餐酒啦！深知一樽酒一定唔夠飲，大肥爸爸早就備多咗樽紅酒，眼見開瓶費乃幫襯一枝免一枝，結果梗係加多樽汽酒啦，順便可解吓熱嘛。餐牌首頁所示，主廚William Lau先生嶄新嘅料理靈感源自節令嘅日本食材及其法式嘅廚藝。得知會員可以七五折享用六道菜（原價：$980/位）或十道菜（原價：$1,288/位）廚師發辦晚餐，大家就好迅速地揀選合心意嘅份量及主菜項目。話說大食會全員準七點入座，四個字內已點好菜，不過等咗成半個鐘都未有麵包食，中途哥哥仔已經加咗幾次冰，斟添咗幾次酒酒同水，細佬就多口問句隔離枱客食緊嗰啲麵包係咪要另點啦，點知哥哥仔嘅回應係麵包要等頭盤一齊上喎！大家有眼見，全店頂哂盡只坐咗兩成客，絕非繁忙，到咗八點鐘都未有提供任何食物，餐桌上只見花瓶擺設，連小食都冇，大肥終於忍唔住向經理投訴，驚嘆難以接受此為平均千多元嘅酒店晚餐！French Brioche：八點過後終於出場嘅法式麵包又真係好新鮮嘅，皮薄包鬆軟，話哂都係啱啱出爐嘛。哥哥仔背台詞式介紹伴配嘅自家製牛油混入咗麵豉、高菜、芝麻、乾蔥等，食落頭腦簡單嘅小肥口中，即化成咸咸地嘅惹味大集匯；真心覺得靚嘅麵包好多時淨食最正，就算要點都係點原味牛油方才可保留麵包嘅特質，個自家製牛油唔多夾得黎仲有啲喧賓奪主囉。Fleur d’Or：同麵包一齊上嘅頭盤個法文名聽落好似化妝品品牌咁，優雅尤甚，中文可譯作為「金花」就可能俗套咗少少。孖碟上以金箔點綴嘅靚花橙亮秀麗，花心嘅流心鵪鶉蛋蛋原來用咗麵豉醬醃過，芬芳香濃，配上日本大根砌出嘅花瓣極之清爽，剛巧造出中和作用，契合細膩得很！Gillardeau Oyster：第二道上枱之時已經係八點四十分，平均每八個字先出一道，叫咗十道菜咪即係要食到過十二點？！因深覺不妙即同經理哥哥反映，佢竟然答話餐廳其實收十點半，叫大家唔洗擔心，廚房都要收工，之後啲菜一定會出快好多喎。半生熟嘅法國生蠔縮咗少少水後被更為量多嘅提子啫喱、醃漬海藻、青瓜片、青瓜忌廉等配角覆蓋住，故相中唔係好睇得到。平心而論，菜式清新爽潤，但細小嘅生蠔就唔似係主角囉！Sea Garden：顧名思義，色澤彩艷嘅海洋花園由多款海洋生物組合而成，上枱後先斟上油甘魚清湯，閃出海光，睇頭十足。海園主材為肥美柔潤嘅油甘魚他他，混入Daurenki魚子醬、梳魚魚籽及海葡萄即添上鮮濃與爽脆。Hokkaido Scallop：接著嘅北海道帶子好神秘咁用個波波碗蓋住上。碗蓋一打開，即傳出濃濃嘅煙燻味，賣相好似一隻以意大利雲吞皮包住隻帶子，但就被斬開一半咁，同之前嗰幾道菜嘅精美度明顯相差好遠！半生熟嘅帶子質感軟嫩，可惜層餃皮厚嚡粗糙，濃罩著嘅煙燻味蓋過咗帶子應有嘅鮮甜，旁邊幾塊炭燒竹筍片都係一樣咁煙。Iceland Langoustine：橙白紋理分明嘅冰島海螯蝦經過低溫慢煮，肉質爽脆彈牙，連同頂面嘅日本白昆布絲及浴中嘅勝瓜汁混海藻油食落去，即有效地吊出鮮香。Seasonal Winter Black Truffle：明明七月乃夏天，小肥好唔怕羞咁問點解「冬季黑松露」會屬當做季節；哈，原來答案好簡單，黑松露出產地為澳洲！黑松露薄片下暗藏日本名蛋蘭王造出嘅溫泉蛋，蛋黃鮮明亮麗，中間仲夾入咗啲炒香咗嘅舞茸菇及雜菌忌廉，撈勻哂黎食尤其香濃滑溜，超正！Sakana：話名係法國大餐喎，中段當係要多道魚魚啦！碟上貌似三文魚嘅其實係炭燒鱒魚。另上嘅海鮮湯汁上枱後由專人斟上。鱒魚表皮焦脆酥化，魚肉都好軟熟。主菜共有三款可選，其中只有羊鞍「Lamb Saddle」唔洗加錢。契妹揀嘅法鴿「French Pigeon」（另加$168）份量比較少；如相所示，配菜好似大份過鴿肉。Wagyu Ribeye（另加$238）：厚切嘅和牛肉眼扒只係焦香咗個外皮，牛肉粉嫩紅潤，鬆潤軟腍，沾上帶甜嘅黑椒果製秘汁可一解油膩感，極易入口。Summer Oasis：甜品環節共有三部曲。最先登場嘅日本香印提子雪葩以靚提子肉及透明嘅海藻啫喱墊底，食前淋上秘製薄荷清酒汁，碟上嘅綠洲清秀、清涼、清新、仲好清爽，輕盈可口。Hojicha：第二款焙茶撻品好似廚房入面整唔夠咁多份所以夾硬一開為二咁，每人得半件，感覺唔係咁大方同完整。共有三層嘅撻撻由朱古力、羊𡙡、焙茶慕絲造出，甜得黎個茶味帶點苦澀；圍邊嘅蕨餅深色嘅為焙茶味、白色嘅為麻薯味；側旁再加球煙燻過嘅雲尼拿雪糕及紅豆蓉；請恕小弟直言，材料配搭欠缺和諧性之餘，個設計好似求其砌咗啲野出黎去填滿隻碟碟咁囉！Petits Fours：諗住煙燻雲尼拿雪糕已經唔掂當啦，點知結尾嘅小點仲恐怖，師傅好似廚魔上身咁用醬油造出雪糕，另加插咗啲咸咸嘅紫菜脆片同米通加以調味同裝飾！又咸又甜嘅雪糕甜品不倫不類，分子料理絕對唔係個個玩得起，最慘係十道菜餐單最後兩道都要食雪糕，係咪暗吋緊肥肥家族個個身形健碩先？！酒店西餐廳「Whisk」除咗空間感足之外，室內空調欠奉，空氣完全唔流通，部分服務生比較生手，但態度尚算正面，十道菜廚師發辦料理大部份還好算味佳，不過廚房就出哂事！上菜速度拿捏不準，頭幾道菜實在拖得太慢，有啲菜式仲好似俾人切開咗半份咁，唔食麵包根本唔夠飽，唯一最感安慰或許係可以十點半前食得完吧。

位於銅鑼灣告士打道311號皇室堡三樓313至314號舖的Royal Inn，主打精緻西餐。餐廳位於銅鑼灣核心地帶，地理位置相當方便。 餐廳的環境浪漫又有情調，適合情侶來約會及用餐。 當晚，店舖採用傳統點菜方式。整體來說，職員的態度也友善而有禮。 下單後約十分鐘，兩客熱湯陸續上桌了。 。 📌Lobster Bisque - $88 （法式龍蝦濃湯） Crispy cornbread, cognac cream, chives 開動前可以輕輕攪拌，將面頭的忌廉攪拌均勻，口感會更加滑溜。龍蝦味道濃厚，濃稠適中。下班後帶著疲憊的身軀與知己用餐，喝一口熱湯，感覺暖胃又幸福。玉米麵包的質感也相當脆口。 📌French onion Soup - $88 （法式芝士焗洋蔥湯） gruyere cheese, parsley 這款法式洋蔥湯頗為飽肚，男士享用也夠飽。大廚在湯中加入了少許白醋，整體更為開胃。洋蔥絲煮得腍身，洋蔥清甜的味道完美地融入到湯中。 📌Chicken Fricassee - $238 （法式大蒜蘑菇忌廉烤雞） Potatoes, leek, mushroom, creamy mustard sauce 這款菜式是餐廳的招牌菜，餐廳經理說不少食客都因為這道菜而回頭再次光顧。 。 烤春雞熟度剛剛好，質感不會嚡口，可見廚師的廚藝頗為精湛。其他配菜如薯仔、蘑菇的份量也頗為充足。今次筆者和朋友共二人來用餐（筆者和朋友食量適中），點一份烤雞，份量剛剛好。 這份主菜還配有一客鬆軟的麵包，香濃的忌廉汁配上麵包，整體味道相當合襯，筆者和朋友都吃得不亦樂乎。 。 📌Truffle tortelloni - $158 （香脆豬面頰肉 - 意大利松露小雲吞） guanciale, baby spinach, creamy sauce 這款主菜也是餐廳的推介菜式。豬面頰肉炸得十分香脆，感覺有點像吃薯片，口感十分香脆。小雲吞熟度適中，一口一個，女孩子們能夠優雅斯文地用餐。小雲吞外皮仍能保持少許韌性，裡面則是飽滿濃郁的松露餡料。 餐廳也有一個小包廂位置，適合十多人的團體一起來用餐。

位於旺角彌敦道577號高氏大樓3樓A室的貓啡 （Catfe），主打不限時貓貓咖啡廳。 筆者曾經光顧過其他貓貓餐廳，大部分都限時，又要吃飯，又要和貓貓互動，時間上有點趕急。但在這間Cafe，則可以自由放鬆地安排用餐時間。另外，這間貓Cafe也歡迎家庭攜同小朋友過來用餐。 順便一提，餐廳內的椅子大部分都較為矮小，如果有脊椎不適的食客可能要稍為注意。 首先要在咖啡廳門口脫鞋。接著，職員會為客人先消毒雙手，再安排客人入座。Cafe採用手機自助下單，可以慢慢考慮。順便一提，餐廳的最低消費為每位$100。 咖啡廳內有不少空曠的位置，有不少年輕的貓貓會在食客身邊互相追逐，相當可愛。大部分的貓貓也不抗拒食客的撫摸。筆者晚上來到這貓Cafe，工作壓力全消，心情也變好。 📌Meowの套餐 - Catfe Set - $138 主食：喵全日早餐 +$28升級 ～配是日小食/是日沙律 飲品：草莓牛奶冰沙 +$8 升級 下單後約十五分鐘，食物便陸續上桌了。喵全日早餐（All Day Breakfast）的賣相十分精緻，配料有煙三文魚、雞肉腸、炒滑蛋、大啡菇、新鮮蕃茄、貓貓造型麵包及沙律菜。 整體來說，這份主食份量充足而豐富，是用心之作。貓貓造型麵包賣相精緻，輕輕咬一口，質感鬆軟，而且抹茶味也比想像中濃厚。 是日小食為炸薯角，炸得香脆可口又乾身。 草莓牛奶冰沙的味道也頗為不錯，草莓味道頗為香甜，喝一口，冰爽醒神。 📌忌廉蟹肉餅 - $68 Creamy Crab Croquettes 這款炸物的外皮炸得香脆又可口，而且質感乾身，吃起來不會十分油膩。中間包裹着滿滿的蟹肉忌廉，質感頗為香甜幼滑。另外，還可以沾少許泰式甜辣醬，令炸物的味道更為豐富。 📌髒髒貓伴香草雪糕 - $78 Chocolate bread with Movenpick ice cream 這款甜品的造型也是頗為精緻可愛。上層為幼滑的Movenpick香草雪糕。下層為鬆軟的巧克力麵包，巧克力的味道頗為濃郁。職員細心地提供了一份甜品用的餐具，可以將甜品切成小份，和朋友享用。 。 貓貓Cafe內也貼了幾幅海報，簡單介紹不同貓貓的名稱和性格。店內也有幾隻貓貓是可領養的。

趁天氣唔錯，同老婆行咗轉短山，美孚起步就咁上馬騮山，終點就落番石籬一帶，嚟到石籬商場，見到「銀龍冰室」仲有下午茶餐（供應到6:30pm），就食個早鳥晚飯先。唔好單睇門面，裡面原來都幾大，屈個彎仲有一大截用餐區，夠光猛，啲位又唔算逼，加上喺茶市尾，又未到晚飯時間，所以，客人唔多，感覺更靜侷。下午茶有好多選擇，豐儉由人，而因為我哋當晚餐咁食，所以，揀咗啲碟頭嘢。美極乾炒牛河 $49 雖然個菜式名冠以美極，但好老實講，食落我就真喺唔喺好覺有美極嗰種味道，但整體嚟講味道喺唔錯嘅，都幾有鑊氣，不過，第一就喺炒得比較油，第二牛肉嘅份量偏少，都喺大概3、5嚿左右，而且，無乜牛味。鮮茄焗豬扒意 $51 老婆嘅焗豬扒意粉睇外觀幾唔錯，初頭望落去仲以為啲意粉會有過腍嘅情況，但食落又OK喎，而啲豬扒都幾鬆化，但就較為薄身咗，至於個湯底
佢就話喺鮮茄，見唔到一嚿嚿嘅蕃茄肉之餘，少咗份鮮活感，感覺只喺用啲茄醬、茄膏打成。熱奶茶、熱檸水 嚟到茶記，嚟嚟去去都喺飲嗰啲啦，小弟嘅慣性就喺奶茶，今次呢杯色澤比較淡，其實入口茶味喺OK嘅，只喺覺得落奶多咗，奶味略嫌重咗少少。嘅感覺就喺質素普普通通，只喺地方相對好坐。唔介意行多少少落去和宜合道嗰邊，仲多個性小店茶記選擇，相信味道會仲好啲。

今日去Outlet 行下，特意再訪這特式餐廳。其實日本餐廳喺日本過江龍餐廳。在日本長期要排長龍。 或許今日天氣比較差，即使是週末時分午餐用膳嘅人唔多。 松$238 試吓呢個松嘅魚生飯。送上兩片芝麻醬嘅魚生，可以揀三文魚或油甘魚。 油甘魚刺身非常新鮮，表面充滿光澤，口感柔軟，配上芝麻醬惹味可口。 魚生飯堆積一如小山，鋪滿飯面。魚生10分新鮮，味道鮮美，配上特製醬油芥末，惹味可口，加上魚生有各種刺身，有加拿大海膽、紅雪蟹、鮭魚籽、赤蝦、鯡魚籽、象拔蚌、螺肉、魷魚、金槍魚、金槍魚蓉等，用料豐富，口感比一般嘅魚生飯更加豐富，飯是微暖的，所以入口溫度剛剛好。吃到一半，店員加上魚湯，令魚生飯又別有一番風味。魚湯十分鮮美，加上魚籽芝麻，十分香口，再配上油甘魚，充滿日式風味，滿滿暖胃嘅感覺，好幸福哦。

在香港如果說得上有少少歷史的火鍋店，應該會數到這一間。
滾得棧已經開業20週年，最近為了慶祝亦推出週年優惠活動。 這間火鍋店除了在深井、天后有店外，還有我這天去的尖沙咀店。
會營業到凌晨兩點半，能夠滿足夜生活的朋友，可以由晚餐吃到宵夜。
而且惠顧這分店只要有8位或以上就可以升級獨立房間。 另外滾得棧時不時會有新菜式，可以說是甚有創意。
火焰雞煲 會加三種酒落去煮，45度的酒精在火焰下蒸發掉，剩下了酒香。
一打開蓋便有香味撲鼻，還看到非常足料。不止有雞，還有蝦、豬膶等。
雞肉很嫩滑，吃落會帶有一種甜味，原來是有加到蔗一起煮。
吃完雞煲後就可以加蔗水來打邊爐囉。 食材新鮮也是這間火鍋店的賣點之一，招牌的手切牛一定要試試。
看到牛肉上均勻分布的雪花紋理，肉味濃得來很軟腍。
或者想吃比較有嚼勁的牛這裡都有，或者不吃牛的話，黑豚也是不錯的選擇。 還有這裡的丸類和餃子會是手打和自家製。
梅菜餃的梅菜均勻分佈在肉餡中，鹹香味十足，可以說是皮薄餡靚。
牛肉丸不止很彈牙，吃落會有油香，非常邪惡。也可以點爽口的竹笙和蔬菜籃。 這裡亦有時令刺身，吃完之後更可以做成椒鹽魚骨。

雖然今日係週末，但係都有午餐供應。午餐價格由$168-$308。 今日試吓蒲燒鰻魚定食$208。 燒鰻魚大大份，而且十分厚肉，燒到表面脆香，魚肉比較軟身，但帶一點厚度，有少少碎骨。鰻魚汁嘅味道唔錯，甜度剛剛好，亦都唔會好鹹，配上醃菜，味道不錯。面鼓湯也十分順喉，唔鹹，有少少面鼓香。再吃一口白飯，很滿足。

今日試吓台式午餐。這間店沒有午餐供應，只有散點。 半筋半肉蕃茄牛肉麵 半斤半肉牛肉麵嘅牛肉，基本上係牛腱和牛筋，牛腱切得夠厚身，口感唔錯，而且炆得軟腍入味；牛筋口感軟滑，充滿滿滿嘅骨膠原，同樣相當入味。加上厚切麵條，口感Q彈和充滿蕃茄味嘅湯汁，惹味可口，幾ok. 鐵觀音奶茶 這款奶茶係台式奶茶，茶底有幽幽嘅鐵觀音香氣，質地唔會稠厚，輕輕的甜，唔會澀口，係淡口嘅台式奶茶。