在某生蠔谷到見到有人食呢間餐廳,未算係好出名既,但見到$398任食生蠔.唔似係酒店個D細細隻,都幾大隻下,所以就膽粗粗試一試.
去完海洋公園仲要特登番元朗食,好彩都係值得架!!!!
一去到個格局根本就係酒吧既格局  我估前身係酒吧?
$398 任食生蠔 + 餐湯 + 湯包 + MAIN
$38 生啤
埋單連加一 $960 > 其實同去有生蠔任食酒店既價差唔得遠 但呢到生蠔真係大隻又厚肉 好好食 仲要唔洗排餐死先拎得兩隻 坐低之後馬上叫杯生啤 解一解渴!!
$38蚊 大大杯 好抵飲 係hogarden rosee
甜甜地, 當汽水飲 之後店員會遞上南瓜湯同脆卜卜既蒜片脆片.
餐湯唔好飲 好咸 包就正常啦
然後員工遞上第一盤生蠔拼盤
係個牌仔後面開始 逆時鍾食 愛爾蘭蠔同韓國蠔.
其實兩者都好鮮甜同creamy 但係愛爾蘭就大隻D厚肉D
凍螺就大小適中 咬落爽身唔會UN 好似咬香口膠咁 幾好
凍蝦亦都好爽口 易剥殼 好食 第二盤 我地唔食螺 所以淨係上蝦同埋蠔第三盤 淨係上蠔 其實仲有第四盤架 但無影到了 因為一樣都係咁好
之後我地就奇怪點解無上到MAIN 原來係食夠凍盤 先會上MAIN
上左MAIN後就唔可以再點冷盤~~
但係我地都食夠 所以同員店講上MAIN
佢地係咁問 食夠啦? 唔洗再REFILL啦? 夠唔夠架?
好好笑 好似驚死我地食唔飽咁 比D CLOSE UP蠔大家望下啦
真心話 我睇OPENRICE相片個陣,都見到MAIN既賣相真係好鬼差
但食落 都唔係個回事

牛柳粒 望落黑蚊蚊 好似好乾身 但食落都好淋 同埋個面上面有蜜糖
所以粒粒都甜甜地 幾好食 豬柳 我簡直係喜出望外!!! 佢個樣白雪雪 勁唔討好
但佢係好厚身 好夠淋 無鬆肉粉既味道
仲要好JUICY!!!!!
最後我見到隔離台有段小插曲 就係佢地向員工反映 差唔中會有一隻半隻蠔係壞
唔知係老闆娘定係負責人呢. 即刻走出黎 了解情況 又係咁SAY SORRY
又表示每隻蠔都係即開即刻拎出黎 師傅會望聞問切先出黎
不過可能間唔中走溜眼
覺得呢間店舖好有心做好.

其實要喺香港食好食嘅西餐，係真心嘅難。好多時好食嘅西餐廳都係又貴又唔好食，嚟到觀塘，經朋友介紹都係指定要食呢間西餐廳。我本人就好鍾意鹿，自由奔放同埋溫馴，有種與世無爭嘅感覺。雖然間餐廳係以鹿為主題，入到門口啲裝飾都唔錯嘅，環境氣氛都幾浪漫，但係見到個鹿頭掛住咗喺埲牆度，就有種怪怪嘅感覺，變左標本咁🤣一入到門口，有一個店長同侍應，啱啱坐低嘅時候個女侍應已經拎咗香草甜包俾我哋做前菜，又有禮貌，係唔錯嘅。講真係一間唔係專門食蠔廳入邊，你叫生蠔黎食，一般都冇咩期望，因為好食嘅生蠔根本唔需要落檸檬汁同埋蕃茄辣椒醬，就咁食落肚已經係好鮮好甜。見呢間餐廳做緊生蠔優惠，就叫咗半打黎食。生蠔嘅味道係驚喜嘅，因為佢冇乜腥味而係有種鮮甜嘅味道，相對於自助餐來講，生蠔都算係肥美嘅！於是食完第一盤之後又叫多半打黎食。呢餐真係驚喜不斷，叫咗個小食拼盤嚟食，有雞翼有雞軟骨牛柳魚柳薯角洋蔥圈，雞軟骨好食唔再講，牛柳嘅肉質夠Juice唔會乾近近，我老婆仲話洋蔥圈都真係勁好食。之後又叫咗清酒煮蜆嘅意大利粉同埋海膽明太子意粉，蜆肉雖然係雪藏但係都好大好肥美，海膽就咁食都覺得好甜好鮮，仲以為會食唔飽，點知碟碟餸都咁好食，下次一定會再嚟。侍應同店長非常好，今次冇叫嘢飲，個女侍應仲係咁埋黎倒水俾我哋。真心滿意。