買左成份炸雞$198，結果咸到飛起，完全食唔到炸雞嘅香味，又超級油，咬落去成口都係油，都唔知廚師煮有冇試過味，我諗係無試過，根本都唔係人可以接受到嘅程度，本平時都已經食開川菜果d重口味，最後一齊三個人因為唔想浪費，勁辛苦去食，都食唔到一半，食完勁飲野，唔會再幫襯佢囉😡仲買咗一個玉米狗，都係好油，但係味道相比於炸雞來講，已經算係正常嘢了。如果只係一般難食，我都唔會咁樣評價，真係超級難食，食過最難食嘅炸雞！

食評呢家嘢真係見仁見智。我唔介意你睇返我之前嘅食評 再睇下我哋嘅口味一唔一樣 我按住自己嘅味蕾去寫食評，不喜勿插。 睇完上面幾個食評 好似比其他幾間做緊特價既酒店自助餐好，就決定上eshop買coupon黎食。埋單唔哂$500@ 包啤酒汽水。 聽上去真係好抵呢？ 黎到先見真章。。。 環境。。。嘩！ 大陸酒店咁 又暗又old school, d waiter 傾計多過做野。問佢有咩飲，佢反問我想飲咩... 之後我話，我就係唔知先問你麻... 佢話我都唔知你包唔包。。。 大佬 包唔包你咪去check lor... 唔包時, 你咪話我知加幾$咪得~  唔係咁講野既，同埋 餐廳sell drink package都有數丫.... 佢地可能要明白，香港服務業水平同佢地家鄉offer既差太遠。幾個後生d既就比較responsive同有禮貌，特別係個帶眼鏡既肥哥哥。 食物 揀呢度嘅目的係因為佢每晚都有唔同地方嘅生蠔。 平心而論呢個選擇好比其他酒店多，有紐西蘭，太平洋同法國生蠔。 重點黎啦 好可惜冇一隻生蠔仲喺郁嘅。唔係即時開， 一盤盤開哂係到，每款都食過2隻，冇一隻識郁....即係唔新鮮。 如果你ok唔郁既生蠔 咁呢到供應都算多架, 而且因為一早開哂既關係, 你行埋去就有。 唔介意既人應該可以食好多, 不過我就唔ok喇... 酒店生蠔唔郁wo...仲差過我自己去City super買一盒。 sor 紅磡某酒店之前promo平過呢到，每隻都係即order即開仲唔哂排隊送埋去你張檯。所以 呢到既生蠔... 我 佢既熟食個人覺得好一般 選擇唔算多。有燒味、三文魚魚頭、車仔麵 etc... sorry 我冇咩食到, 因為太唔吸引, 見到佢碟欖菜炒豆角. 我真係笑左... 龍蝦鉗。。。一出黎轉頭就冇哂。我拎左兩件，兩件都overcooked， 好乾。 右邊點咖喱既脆片，係脆既不過超鹹。 每到一段時間就會有鈴鈴，叫你出去排隊拎特別食物。聽到和牛，仲要係呢幾個月先助餐主題，當然要拎。 咪住，u joking me? 原來排咁長龍係拎一塊薄片😂  呢隻細碟有冇放大佢既效果？ 佢係ok既入口唔會話即融化，但不至於我想像中咁差。 第二輪時 我順手拎左壽司，出奇地，塊和牛係ok. d飯就凍到唔知點咁。其他壽司我一件都冇食, 都係o個句... 賣相唔吸引而且材料一般 龍蝦！！ oh well佢 其實係龍蝦沙律 你會見到個姐姐拎一個龍蝦殼再筆啲有龍蝦肉嘅沙律入去，面頭再加少少燕窩。 老實講佢真係好hea， 佢比你覺得佢好唔想整, 所以好多都整得好樣衰 放求其,  完全冇尊重過d食物。或者唔記得呢到係酒店既餐廳？ 同埋... 我明白主題係燕窩... 兩者唔太match, 即係可有可無, 硬要整d冇味既燕轎窩上去等你覺得好high class...sor....  not working at all. Salad:   唔係你生菜切哂絲放係到就係salad... 盤野既賣相同新鮮度, 如果係間西餐廳見到, 一定唔合格, 亦係我係香港食過咁多間buffet之中最差... 你應該去過D有唔同沙律菜、睇上去好fresh、青翠 既 buffet salad bar, 呢到絕對唔係呢個水平 刺身： 呢度嘅刺身 雪味好重水又多 。而且佢哋唔知係咪唔識用刀， 三件既刺身可以切唔開㗎, 叫左3款每款3件都係咁 。你一食就會連住其他兩件 ... 大佬連爭鮮都識切開d野啦.... 可想言之佢地對食物真係好求其 冷盤： 冇Parma ham 冇 salami，少量smoke salmon, 勁多cheap Cheap 火腿。 海鮮有蟹腳，青口，蝦，螺etc，賣相完全唔吸引 我試左一隻蟹腳...好水，冇咩肉....not fresh.佢仲整左d 睇落去就唔想食既冷盤, 一杯杯既，吞拿魚蟹子? 出哂水既帶子刺身？ 每杯賣相都好hea. 你望完係冇食慾要試...我試左牛肉他他... 佢出水出到下面擺盤既salad "林"哂.......... 芝士盤先經典，佢配埋d 好奇怪既香蔥餅乾... 勁老土 同唔夾.....。 三種芝士都難食 比我去灣仔百三蚊buffet lunch 既冷盤差n倍。芝士已經唔哂你煮, 點解可以咁差? 買D正常既cracker 啦唔該......仲要, 芝士盤把刀唔岩......... 麻煩你地check check cheese platter 用咩刀...... 我仲食左 鵝肝，大量供應架不過.. 有D 都幾燶~ 好好地一件食材..... 好似哂左咁。 不過想讚甜品師傅，由整cake到筆雪糕既。每個都好細心，好細膩， 你睇得出佢地既用心。試過既pancake, cheesecake, pudding 都好食。只係個心太軟overcooked. drinks: 我地個package 包左 雪碧，可樂，橙汁，蘋果汁同哈爾濱啤酒。 蘋果汁好難飲大家可以自己試下。 如果你冇嘢飲套餐其實檸檬茶檸檬水咖啡奶茶係免費同自助嘅  你冇睇錯係 "哈爾濱啤酒" 係唔係覺得自己去左大灣區食buffet? FYR: 二百蚊既放題都比hite架~ 總結: 呢間係一間感覺好 chinglish 既國際自助餐餐廳, 想扮下呢樣個樣,  好似北上2日美食團個D酒店咁。 食材應該係OK, 但冇heart, 只係想大量供應整飽你, 因此,  唔係overcooked 就賣相好hea...每樣野都below average。 對我個人黎講,  NO next time已經最基本。我最希望既係 廚師專重番食材。 500@左右 話平唔平, 話貴唔貴, 呢個價錢, 香港都仲有好多比佢高質素既buffet。

上一次行街經過見佢門面唔錯又坐滿人，決定今日去試新菜。 入到去，餐牌多，花款多。溫書（睇餐牌）10分鐘後叫了數款壽司，一個玉子燒，一個鐵板牛柳粒及一個蟹肉釜飯。 先講壽司，每舊壽司嘅飯大細，形狀各有不同，不過有著一樣嘅特徵⋯⋯冇醋味，醋都慳番... 啲飯鬆泡泡一夾就散。 赤貝壽司有三件... 不過三件嘅size加埋等於一舊爭鮮壽司！ 馬刀貝未發育就放上枱... 好殘忍！ 玉子蛋似 叮food... 罐頭味，冇特色... 鐵板牛正名應該係... 汁煮營養不良牛... 汁好多好咸，牛好鞋... 釜飯唔係喺個‘釜’入面煮，係炒完放入個釜入面，咁你不如碟上喇.... 埋單總數 444... 同呢間舖嘅前景完全一樣！

程班長無開，見呢間無人，所以求其試下。 首先我地等左半個鐘先有野食.. 佢話佢地試業中。 蝦寶味道真係好一般，薯條淋既，仲要$45唔包野飲... 真系好劣，我成個麵包皮掉左佢算 食左中間個蝦餅食飽就走。 我地返工lunch time, 攪咁耐先有野食，仲要啲味道好似以前啲旺角cafe咁。旺角cafe坐系度傾計玩遊戲，食物預左一般，但呢度主要人流應該for返工人士，味道咁樣真系不堪入目 順帶一提，枱面仲要污糟黏既。 食完都心情唔好，唔會再幫襯

話說細佬我最近失戀，八年既女朋友轉眼間比人搶走左😭

當然要借酒消愁啦，平日好少落酒吧既小弟就問同事有咩好去處。

為左唔比人知自己其實傷心到死，就同同事講係約左新女朋友，想搵個靜靜地既地方飲野。

就係咁，小弟就黎左呢度喇。

室內有將桌球枱，但要借酒消愁既我，當然要食煙啦。

好彩有室外位，最低消費好似係$300。

最後小弟開左兩支酒，叫左杯mojito，食左大量既蝦條。

埋單好似係$1600，最貴應該係d蝦條😂

Btw，帶女仔黎靜靜地真係唔錯，可惜我已經無女朋友😔