今日約左係旺角食晚餐，朋友話想食西餐，我就揀左呢間試試佢。

Menu上嘅食物都幾有心思，同一般西餐廳嘅食物有啲唔同，因為唔算係全西餐，似fusion菜多啲。我地揀左1個頭盤，1個小食，1個主菜。

芒果軟殼蟹卷
見到好多人都有叫呢個菜，芒果份量少，味道亦都唔會搶左軟殼蟹嘅味道。由於軟殻蟹係油炸，配上生果同蔬菜，油膩感即時少左，感覺fresh左。加上少許沙律醬，整體感覺做得唔錯。煎蠔餅
味道唔錯，料亦都唔少，建議用黎送飯，不過一夾起見到成個鐵板都係油，食油都覺得油左少少，呢點可以改善一下。芝士鰻魚飯
好多芝士，啖啖飯都沾滿芝士，一啲都唔慳皮。鰻魚有2塊，2個人食就剛剛好，不過由於啖啖都有芝士，食完都真係有啲膩。總括黎講，呢間餐廳都有啲驚喜，而且菜式都有啲心思。呢個價錢對比旺角嘅餐廳黎講係貴少少嘅，不過可以一試。呢間餐廳都算係有情調嘅，不過好坐程度就一般啦。