Non Kitchen是一間佔地約五千呎的西餐廳，逢星期五六晚都是任食牛扒之夜，$298/位可以90分鐘內任食，非常吸引。不過即使平日晚上沒有任食牛扒，但價錢同樣大眾化，晚餐最便宜$198已經包括前菜、主菜、甜品和餐茶，見佢幾抵食，評價都不錯，今次就跟朋友在這裡聚會。 店內天花掛上星星燈飾，帶點小浪漫。 場內還有桌球。 如果套餐不合胃口，任何主菜或麵類加$48都可以轉套餐，靈活性幾大。 餐前麵包 上枱時仍有暖意，麵包軟熟。份量比想像中多，如果飲埋湯，都已經有半飽。 因為套餐餐飲只可選普通咖啡或茶，前菜或甜品款式也較普通，所以我們就決定單點。 美人魚($48) 由橙汁、芒果汁和七喜調成的特飲，圓形杯子內加了一夥燈泡，有點像水晶球一樣感覺迷幻，味道以芒果甜酸味為主，味道不錯。 綠油油($48) 由奇異果、青檸和橙汁調成的特飲，味道內甜，非常大杯，足夠二人飲用。 BBQ雞翼($88) 一客有10隻單骨雞翼，建議二至四人分吃。雞翼烘得香脆，BBQ醬甜而不辣。 炸魚薯條($98) 這道菜雖然歸類為前菜，但份量和飽肚度其實可當作主菜。面層有五條炸魚，下面再有大量薯條墊底，建議二至四人分吃。 炸魚香脆炸皮不過厚，薯條帶點咬口。 瑪格麉特薄餅($108) 直徑約8吋，分成六件，兩三個人分吃剛剛好。餅底口感像餅乾，脆而不硬，上面鋪上很多芝士、番茄和火箭菜，味道清新。 香辣茄汁虎蝦天使麵($158) 天使麵內夾雜很多車厘茄和茄蓉，旁邊伴以三大隻虎蝦，賣相對版。 天使麵酸酸辣辣幾醒胃，虎蝦就略縑肉質不夠結實，但整體都很惹味。 意大利檸檬雪糕球($88) 相對起前荐和主菜，這裡的甜品定價則較進取，不過這個檸檬雪糕卻沒有令人失望，酸甜度剛剛好，非常開胃消濟卻不會過酸，下面還有藍莓和士多啤梨。 總結，食物不俗，前菜份量偏大，定價亦非常大眾化，適合一大班朋友聚會。

On Time Coffee & Kitchen是上環區一間走小品路線的咖啡店，店內除了有多款咖啡外，也有主食和蛋糕提供，晚餐人均百多元已經有齊沙律、主菜、蛋糕和飲品，而且還不設加一，性價比非常高。 食店採自助形式，食客到櫃枱點餐並結帳後，侍應會把餐點送上。餐具、紙巾、開水和調味料可以在旁邊的櫃自取。 法式羊架配有機蘋果藜麥沙律($178)

份量不算太多，每樣有啲，但食完都夠飽的。 羊架點了五成熟，還帶一回肥膏，軟嫩得來沒有筋。 薯條熱辣辣，份量不算太多，如果喜歡吃薯條的可以另加$48升級任食薯條。 藜麥健康得來又有咬口，加上蘋果多了一股酸甜味，味道清新討喜。 沙律菜有足夠沙律醋，酸香十足。 照燒雞扒配日式蕎麥冷麵沙律($168)
照燒雞扒醬汁濃郁惹味，雞肉不會太鞋。 蕎麥麵有足夠醬汁，味道不會太寡。 熱朱古力

熱朱有貓貓拉花，賣相可愛，朱古力味超濃郁，朱迷一定不會失望。凍朱古力(跟餐加$3)
凍朱因為加了冰塊關係，朱味比熱朱淡，如果不是一定要飲凍飲，還是建議喝熱的。 晚餐內的蛋糕可以在廚櫃內任選一款，全部不用加錢，每晚款式稍有不同。 檸檬撻

檸檬撻酸甜味調較得剛剛好，清新得來又不會過酸。 珍寶朱古力夾心鬆餅
鬆餅上枱前會先烘過，所以入口是暖的，鬆餅口感鬆軟。切開中間有朱古力醬，朱味濃郁帶點花生醬味，都幾好食。 總結，晚上上環區食客不多，店內環境夠靜幾舒服，食物有質素性價比亦高，絕對值得支持。

旺角top商場人流越來越多，很多店也是target年輕人，這間salad cafe 也是打卡勝地。
花花勝超級少女心，夏天叫杯凍飲坐底打下卡慢慢飲，也很chill。

座位不多，但星5晚收工去也有位坐，叫了一杯柴犬抺茶，因為覺得柴犬超級可愛呢！價錢為HK＄48一杯，相對珍珠奶茶價錢會高一點，但cafe形式來說，價錢也不錯呢。

原來柴犬是棉花糖，抺茶會加入鮮奶，調得味道剛剛好，茶味不是苦澀，但也不會回甘。飲完整杯感覺充滿電！
柴犬棉花糖也有幾款不同，看到其他人是棕啡色柴犬，下次也要再飲！看看能不能相片集齊不同柴犬哈
吸睛一流，很適合拍照打片！也可以旺角行街行到攰時，叫杯野品慢慢抖下。
店員服務也不錯，供生活添加了力量！

🌸花花Cafe打卡嘅好地方🌸 高質台式茶環境好舒適仲有個花花牆可以俾我哋影相打卡最好嘅位置 店員好細心講解飲品 除有台式茶之外仲有花茶我比杯萌犬抹茶吸引住 1.萌犬抹茶🐶 白雪雪嘅鮮奶有隻狗仔係用棉花糖做成再配埋個抹茶味道兩者好香濃大少少甜 聽店員講原來每日只限10杯咋 2.紫心願意🍠 裏面加咗紫心番薯蓉再配鮮奶好creamy 一啖食落去有紫薯嘅口感味道好濃郁

經過見新開張，終於今日試，反正平時lunch見都多學生，點知唔黎呢度睇睇就試，真係會易中伏，想必言學生都係貪方便夠近又新開張就入去，不過日久見餐心首先見餐牌話係湯飯專家就一於試飯，點知黎到係碗清湯到無任何附料既湯飯，菜是送的，但係就有一條唔蚊乾淨d黄左既根，我就唔食個忽了，再黎d湯係毫無特別，d豬頸肉就4,5舊又係好一般，正正常常，尤魚鬚就3粒仔咸咸地，整體都唔知佢點稱得上專家，通街識著打邊爐既人都係專家啦咁 佢係用個盤托過黎，中間有隻碟仔唔知做乜，到我走埋單出左去上埋車走左先醒起我仲有一樣送係炸醬，佢無比到我囉，吉碟應該係裝個d, 但係吉，我又攰攰地無乜記性就咁中左伏，洩左6元，總之誠意推介想驚喜一定無，驚嚇就有！

行過幾次幾有興趣今日同老公一起去試，叫佐個豬粉腸+豬肚中辣米線，另外一個D餐豬頸肉雞翼飯。 老公話雞翼好乾唔好食，我個米線湯底就好淡，中辣又唔麻又唔辣。 豬肚和粉腸應該係壓力鍋煲的，口感完全唔爽滑彈牙！最離譜係食到豬肚苦的，即刻吐出來，再睇其它豬肚，完全未洗乾淨，裡面全是核突嘢！！ 粉腸一咬落去好多沙，根本食唔落。 第一次去都係最後一次去了，味道唔好係小問題，食物唔搞乾淨賣比人，老闆，難道你的良心不會痛嗎？？

食過第一第二次亦沒有什麼問題，味道也是可以的， 但店員態度一般 ，第三次食的時候 ，店員竟然對自己店舖價錢模糊不清， 還對我們說 :我在這裏工作我還清楚過你很多 ，態度不知所謂 ！！又不是十分好吃， 不會再光臨！！