每年第一個星期日，如果你的公司都有參加百萬行，那麼這一日都是百萬行的日子。

年年如此，七點多就要在銅鑼灣出現，然後行去大球場，早上七點多，當然要先吃一下早餐，那麼，這麼早可以吃什麼呢。

基本上，呢幾年都係指定食丹麥餅店。

吃得丹麥餅店，一定係熱狗，男人大丈夫，一定要吃雙飛，來個孖腸熱狗。

早上手揸這個暖暖熱狗，不是求其整俾你，腸係新鮮煮熟的，飽會煎熱先俾你，再加上屈機的沙律醬，你點會覺得唔好食，就算咁早起身，食個咁美妙絕倫的早餐，成個朝早都會好滿足吧。

百萬行行左十年，食熱狗食左四年，唔知會唔會有下次，聽說這裡收購得七七八八，不知下年會不會再可以在這個百萬行指定早餐。

人生，通常是無常的，為了可以還健康地吃到熱狗，還可以參加每年百萬行，感恩。

每年，百萬行通常都見到一個老友，今年見不到他，因為經證實患上癌症，我在想，如果可以和你下年再吃熱狗和百萬行，多好，祝福你。

丹麥餅店

銅鑼灣禮頓道106號禮信大廈地下

近排食左呢個新鮮出爐嘅超像真嘅茶餐廳cupcake仔
細細杯的的色色咁 扮成唔同茶記飲品同食物 真係幾得意 靚到唔係幾捨得食呀總共就有八款：奶醬多、凍奶茶、好立克、凍檸茶、凍檸賓、紅豆冰同咸檸七

睇d造型都好易分得出邊杯打邊杯 重點係菠蘿油真係有牛油 凍檸茶又真係有檸檬我自己就鐘意菠蘿油、紅豆冰同凍檸賓呢三款啦

菠蘿油中間夾住左一大片牛油好震撼呀！咬落去外脆內軟 食到底層就係蛋糕

蛋糕有小小乾 不過有牛油mix埋一齊食就岩岩好啦另一個幾鐘意嘅口味就係凍檸賓 紫色嘅cream就係利賓納味 加埋上面塊檸檬酸酸地咁 又唔會太甜
成個look都好有心思仲有埋吸管同下面個個茶記紙杯 連相機都餵飽埋啦haha最後仲有紅豆冰都好正 食到蛋糕入面都仲有紅豆 真係唔係得個樣 味道同用料都食得出用心之作
雖然我自己平時就好少食cupcake 不過久唔久買黎俾同事/家人成班人一齊share

或者買黎tum下女朋友開心不係唔錯嘅選擇黎架！

都算係睇得又食得～打破左我對cupcake睇得唔食得嘅印象

早年曾在中港城內上班，經常跟同事在旁邊的酒店餐廳用膳，但事隔多年，到最近先有機會造訪沙爹軒。其實當年的Buffet只是一般，今次跟朋友飯聚，原來餐廳已經有長足的改善。
Seafood Station一入門口，就見到長蟹腳、藍貝、蜆隻、翡翠螺及熟蝦在迎接自己，真是令人食慾大增，各自取了一些試試，幾款海鮮都沒有討厭的雪味，解凍的過程相當好，肉質保持應有的彃性及鮮味，酒店貨色果然有保證。

Carving Station燒原條西冷牛肉跟朋友先後切了兩片，但質素及口感卻是截然不同，第一片過熟而且乏味，之後再來一片，效果好得多了。
刺身及壽司吧赤貝及蝾螺很少在buffet出現，果然有點新意，兩者同樣爽彈，加上三文魚，三扒兩撥便已經清碟。
壽司吧種類幾多，但最喜歡黑松露帆立貝壽司，肉質鮮嫩，再放上少許黑松露來增添香氣，又真的值得一試。灼料吧
近日多了吃菜，見蔬菜新鮮，即時灼了碗雜菜，加上自製馬來叻沙，把油麵混和米粉，再配搭鮮蝦、牛丸及魚片，呷一口湯，有陣陣椰香與及傳來一陣辛勁，但感覺上椰香味可以更濃郁一點。
熱葷在灼料吧旁邊，大家可以吃到熱辣辣的中式點心，蟹籽燒賣皇、海皇菜苗餃、咖哩魷魚及蝦餃，各選了一件試試，味道不錯。很少機會在自助餐內吃到花雕蛋白蒸法國羔蟹，而且蛋白蒸得夠嫩滑，不過蟹蓋又給前世同蟹有仇既朋友消滅晒。又試了黑蒜欖角蒸比目魚，是原條切了一截出來，肉質鬆軟。反而蛋黃醬焗帶子就過熟，咬落有點韌。好幾款肉中，香草扒羊排羶味不算重，女孩子易於接受。其實熱葷檯仲有脆奶伴京都骨、鮮菇扒時蔬、泰式辣椒膏炒青口、香煎三文魚伴忌廉菠菜、柚子芝麻大蝦、大千醬爆風沙雞、啤酒燴牛尾及韓式牛仔骨，的確夠豐富。望見朋友的囝囝吃燒烤醬雞翼倒是津津有味，但空間還是要留給甜品呀！

即烤菠蘿外層烤得微焦，甜度十足，比起當年Applegreen名物毫不遜色。

Cold-Cut Station在壽司吧旁邊是18個月熟成的西班牙白毛豬火腿 (Serrano Ham)、谷巴火腿 (Coppa Ham)、意大利風乾牛肉 (Bresaola)、莎樂美腸 (Salami) ，同時更有好幾款芝士，有著不同的配搭。
沙律吧而沙律吧有少見的小樽裝的西班牙凍湯 (Gazpacho Shooter) ，口感清新爽朗，至於自制肉批及海鮮批，雖然賣相不錯，但已經撐不下了。其實仲有扒迷你墨魚伴藜麥石榴子沙律、扒雜菜香菇伴黑醋、雜果鮮蝦沙律，以及野菌蕃茄乾沙律，還可以用羅馬生菜、凱撒沙律醬、芝士碎、麵包粒及或煙肉粒，自行泡製沙律，愛吃沙律類的朋友，總會找到喜歡的款色。還有小巧的荔枝大蝦白酒果凍及蟹肉沙律，前者放上湯匙上，份量恰到好處。
DessertMovenpick 雪糕專櫃，就放在餐廳入口處，相當吸睛的擺位，一共有十二款口味，真懷疑自己是去了Movenpick雪糕專門店，忍不住每款點上一小球，再隨意加上topping，又是一個大人小朋友都愛的活動。其實還有即製waffle及雞蛋仔，朋友就自製了甜品組合，的確係有得食有得玩。一向只有在酒店Buffet遇上的Chocolate Fountain當然不能缺少，大家可以用竹籤叉起水果，放入噴泉內，蘸滿了厚厚的一層朱古力漿，吸引力大增。在甜品吧可以找到原個水果、黃梅撻、焦糖燉蛋、士多啤梨芝士蛋糕、黑森林蛋糕、朱古力慕絲蛋糕、熱情果蛋糕、芒果啫喱、鮮雜果忌廉、香芒凍布甸、椰汁燉奶、Tiramisu、檸檬蛋糕、士多啤梨拿破侖、朱古力合桃餅，只可惜近日要減甜，只試了Tiramisu及香芒凍布甸，軟綿幼滑，足以令人吃過不停。餐廳又供應自製豆腐花，滑溜可口，又有豆香，加點糖漿就更美味。甜品位的另一角是涼粉吧，客人可以按自己喜好，隨意加入荔枝肉及QQ珠，在炎炎夏日當然受歡迎。由海鮮一口氣不間斷食到甜品，就連焚化爐級數的在下都支撐不住了！
P.S : 晚餐成人$548 / 小童 $348 起，網上預訂可享高達65折

今日相約舊同事食飯，尖沙咀棉登徑附近大多西餐廳及日本食肆林立。豚王對面有一間【焱丸水產】門外已充斥日本特色。店內擺設極具東瀛味道，設有小擺設以及很多明星到來光顧的相片。在天花上掛有日式燈籠等裝飾，立即想起在沖繩旅行的日子。木製的椅子滿滿日本風，可想餐廳極具心思。日本浜燒 浜 - 即是海浪中的沙石衝擊的岩石所發出的聲音.而浜燒亦表達在岸邊即捕即燒的原始風味。利用炭爐即燒即食，風味十足；但香港餐廳不能在室內用炭爐，取而代之便以小氣體爐。明火將海產燒熟，熱力又快又美味。

0

0

刺身5點盛$250
油甘魚刺身，厚切而且肉質結實有彈性，食落有口感而且好香的魚鮮味。生吞拿魚腩刺身，呑拿魚腩肥美甘香，入口即溶；沒有抗拒的理由。三文魚腩刺身，新鮮美味，沒咩雪味，而且沒根，咬落好滑。海膽，充斥無限鮮味並且沒有太腥的味道。帶子刺身，帶子肥美又厚身，食出鮮味。海葡萄$90
海葡萄令我憶起沖繩旅遊的回憶，爽口又滋味。三文魚中卷$78
看似平平無奇的三文角中卷，夾有甜蛋及青瓜絲在內；三文魚帶些少油份的魚香，配少面頭香氣滿溢的魚子，層次相當豐富。特上壽司盛合$338
壽司不同配料但飯量不算太多，有海膽、三文魚籽、松葉蟹等，材料豐富令客人口感滿足。大愛呑拿魚腩細細件完全滿足到我。焱丸蟹噌甲羅燒 $68
一人一人隻的蟹噌甲羅燒，利用蟹蓋上放入蟹肉皮鵪鶉蛋。首先將蟹蓋在爐上燒至約五分鐘，將所有材料拌勻然後可以進食。第一口滿滿蟹膏入口即溶，如果覺得太咸可以加上青瓜絲；青瓜清新感覺減低咸度。焱丸活貝大盛 $368
人氣海鮮拼盆包括生蠔、鮑魚、、白蜆、榮螺、帆立貝等等，即撈活海鮮仍在躍動。特別鮑魚燒到軟身及十字型剪開中間，真係新鮮海鮮可以配搭不同味道。店員會每樣食材一款一款的在你面前浜燒，將新鮮食材弄至熟透到你面前。太大件的食材，職員會幫我們剪成小件再烤。帶子可以選擇清酒味，而清酒亦不算太濃。帶子肉質鮮甜，十分好吃。此店主要是吃海鮮的鮮。海鮮勝在新鮮，所以都十分好吃。雲丹海苔芋天婦羅 $80
外層炸得鬆脆軟身香口而不膩。紫菜內包著新鮮海膽，外暖內涼，原來海膽天婦羅可以帶出另一番風味。飲品方面，有清酒、燒酎、梳打、乳酸等。我選了菠蘿燒酎，菠蘿不算太甜而且不是烈酒；非常適合女仕們飲用。