齊記開左係元朗啦，梗係要黎潮聖一下，地點近朗屏西鐵站，天橋一落就到好方便。 下午三點幾黎到，唔多餸揀，都正常嘅，啱啱過完lunch time，晚餐又未到無理由咁快出定下一輪嘅餸㗎嘛。 兩餸飯$36送飲品，真係好平。 本身想叫好出名嘅水蛋，但無晒，菜又賣晒，最後揀左咖哩雞配煎肉餅，飲品就揀左OOHA。 賣相都唔錯吖，仲超多飯，哈哈。 咖哩雞好入味，咖哩香口，撈飯一流。 肉餅厚身，加左馬碲好爽口，肉味鮮，唔怪得咁多人叫淨餸都揀呢樣啦。 兩樣餸都好好食，下次試下其他先餸，聽講咕嚕肉同黑醋骨都好正？但下午茶鐘數唔知有冇呢。

幫襯[Tanuki Coffee]果日係初開張嘅星期一Lunch Time
相信已經算少人但都係要排隊
我一到嘅位置唔算後 十個人左右
但條龍係唔係幾識郁 🦿
之後職員先分堂食同外賣兩條隊
我諗係organization上未夠成熟
都not really a problem黎😌
//
而Duh First Problem係去到落單發現小龍蝦沙律Egg Drop已經冇曬！🤯 Nani?
Croffle仲要話今日之前已經全部賣曬 Uwuwuuuu
係失望嘅 話曬兩個都係Hot Item 😢 👉🏻👈🏻
同埋其實冇Croffle都差唔多等於餐牌1/3嘅野冇得叫
成件事好似冇渠道得到通知咁
起碼排隊睇Menu果時 你話我知冇曬啊or 貼Label/Post IG Story😔
排隊都曬時間㗎嘛🥲
(後來食緊仲聽到唔知咩貨要復活節後先有貨🧐唔sure講緊野食定衫)
//
咁我地首先試左經典Egg Drop ($85) (圖一上方)
Egg嘅表現正常 好食嘅
煙肉就冇乜存在感 🫥
而個包就完全唔好食 唔係脆又唔係軟嘅Type
味道少似幼麥麥包 但又好似再unprocessed啲
牛油煎包嘅話應該會更好！
去到個底攝唔到餡嘅包頭包尾 完全唔想食埋佢 I'm so sorry 👾
//
咁照燒牛肉Egg Drop係Better嘅 (圖一下方)
因為上面咁講 主要伏位係包
咁啲照燒牛肉汁叫做索左入去個包到
感覺都冇咁寡
牛肉有啲sukiya嘅感覺嘅 炒洋蔥都不錯
But醬油蛋is a slight failure 🫢
上面啲番紅花(am I right?)仲有啲苦
(餐牌寫$88 唔知點解收$85)
//
Finally圖二 焙茶Latte ($55)
本身覺得少有所以都想試
但上到枱個杯邊啲焙茶粉漬都幾核突
可能係我唔識欣賞佢個design(?)
And凍飲飲落口攪完依然成口焙茶粉
冇奶味 冇層次 🫠 完
//
咁另外環境我都覺得值得一講嘅 👨🏻‍🏫
因為裝修確實幾有趣 有心思
我鐘意天花啲狸貓 🦝
但啲座位好逼 冇椅背
啲枱仔又好似幼稚園學生先用到咁細咁矮
又要坐住黎扭腰食野 望到都辛苦 🥴
餐廳仲起曬級 好易kick親
同埋白色瓷磚其實有啲似廁所裝修 Orz...😷
//
分數: 3/10 ✨
食完係0滿足感 仲唔太飽
未去到好難食 但真係唔鐘意個包
印花卡發現唔記得拎走果刻
都係0後悔 頭也不回 🥱
伏味: 7/10 💩
明星效應確實係大 所以個期望落差都大
仲要最貴$98 🤡 外國真Egg Drop都冇咁X貴
同埋其實土瓜灣依個位咁隔涉都肯黎
我真係好欣賞193啲老婆們 🥹
//
📌 Tanuki Coffee
土瓜灣馬頭圍道63號啟岸地下18號地舖
//
P.S. Google Map Location Tag唔準
大街行翻入後欄先岩 (see my red tag)
Yeah... and 平時歎開真咖啡嘅人
應該唔會想係後欄同咁逼嘅地方飲。。。
似乎都係打卡多 🤔
//

[內有珍珠奶茶曱甴照] 呢一間位於希慎廣場11樓food court，原本朋友幫襯過幾次，以為都乾淨，今次朋友去食時仲有大贈送!!  聽人講百芳池上便當佢地嘅珍珠口感很Q軟，台式便當價錢大約$50多至$60多一個，有食評更話呢度有台灣餐廳文青生活嘅體驗，仲話食物非常正宗!

當時朋友叫咗香酥炸雞腿便當+1杯珍珠奶茶，飲到一大半啜咗隻曱甴上嚟，佢嚇到話想沖入廁所嘔，之後佢成日都唔敢再食嘢衛生問題令人擔憂，唔通呢D就係所謂嘅"非常正宗"? 去過嘅食客你又啜過幾多"珍珠"落肚呢?

遠在天邊近在眼前，要數美景其實香港一點都不輸蝕。由圓方上電梯不消一分鐘就到一百樓高空，難得人潮未算多，可以獨覇一扇落地玻璃看風景。人在高處，看到的果然和平地看的不一樣，又如人生，不努力向上爬那有好風光？ 有好風光又有好朋友，怎可以少了美食。點了一set二人份的下午茶，碰巧快到農歷新年，變成新春限量版，$598兩位，包天際100標準門票2張 ，和飲品每位一杯，價位不過份，而且班底正是The Ritz-Carlton名廚主理，酒店級水準，絶對物有所值。 中式三層架，8款鹹甜美點，賣相精緻，引來途人拍照（笑） 迷你粟米雞肉沙拉軟包和藍蟹肉胡桃南瓜歐芹雜穀包，前者鬆軟，後者芝士味濃（但餐牌沒提及有芝士），第一次吃雜穀包，口感特別。 迷你松露忌廉雞肉酥，松露味出眾，可惜就是有點冷，酥皮要熱的才好吃嘛（點頭） 金元寶椰撻，好可愛，上面的椰絲微微烤過，特別香！ 草莓芝士蛋糕，甜酸度剛好，非常出色！我不算是cheese cake fan，因為通常太甜膩，但這一件讓我感驚喜！ 朱古力控發瘋了～～ 意大利芝士蛋糕，小小的一杯但所有elements都很齊全。朱古力控對上面的黑朱古力片非常滿意，朱古力脆脆也很棒～Mascarpone和expresso兩者配合得很不錯，味蕾遊走於甜苦之間。 最後有英式鬆餅配奶油忌廉及自家製果醬，我略嫌鬆餅不夠乾，不過口感是很個人的，我覺得濕潤的鬆餅有點黏口。一定要讚一下自家製果醬，內裡超多士多啤梨果肉，正！ 最後來一杯靚咖啡解膩，我很少吃三層架下午茶，發現也挺充實的（笑）總括而言，甜點遠勝鹹點，可能鹹點不是熱食始終有點不習慣。當中紅桑子朱古力蛋糕是我最愛！在100樓的夕陽下聊天，喝咖啡，吃甜品，不亦樂乎，過年不想打麻雀唱k打mon hunt，約家人朋友過來感受一下不一樣的春節吧，新春版下午茶到月尾only！

食肉系食草系都一樣照顧到！日本過江龍Meat King漢堡扒專門店有得食啦！以為過江龍一定貴？非也，我覺得好抵食，吃過一次感覺良好，覺得絕對有下次！我覺得餐牌有少少難明的（可能我太少吃年輕食店吧！）首先看到有很多不同口味的漢堡扒，正常180g價錢約$150左右，可加大。然後可選醬汁，有正常燒汁，柚子，照燒等等，這醬汁是用來上桌後灑上的，所以即使你本身點了的什麼口味也好都可以再加汁，目的就是為了「炸炸聲」嘛！加$58可變full set，而我強烈建議加！因為是buffet形式享用外面的食物！有什麼呢？ 沙律菜超新鮮，有一款日式粉絲昆布沙律我覺得必食！ 其他沙律配料，食草系不愁寂莫！而沙律dressing真是不得了！超多選擇，款款都好好味！說特別一定是紫蘇和柚子胡椒，日式微辣好爽！經典胡麻和黑醋當然棒！而且最重要的一定是衛生，日式食店衛生不會差，大家自律就好（你懂的！） 還有蛋沙律薯蓉和明太子意粉，單吃這些感覺已回本！（後來看懂餐牌，原來可以單吃自助吧buffet $98一位，自問非食肉獸的人可以只點buffet餐！！） 飲品bar無敵多款，有汽飲品，冰茶果汁，熱西茶日茶（名牌靚茶包啊～）朱古力粉，咖啡機，和是日特飲pink lemonade和紫蘇檸檬汁，胃得一個，真想全部一試！不得不提，紫蘇檸檬汁好好味，甜酸有點像藍莓汁，因為它是today special，如果有幸碰到，必試！ 甜品櫃，不停refill，自家製芝士撻朱古力撻，布丁啫喱，新鮮水果，又來了，胃得一個，怎麼辦啊！ 朱古力撻濕潤味濃，朱古力控不會覺得失望！芝士撻都OK，只是個人喜歡熱食，而這個是冷甜點。另外還有一款焗蕃薯蓉（冷甜點），有驚喜！感覺是沒添加大多糖，還吃到纖維，感覺罪惡感減半（苦笑） 而第一次光顧，因為不知道份量所以點了每人一份主菜。老公的蒜片漢堡，一看就知道是食肉獸的天堂！ 扒厚厚的足180g，有肉汁，漢堡肉（牛豬混）比例不俗，不太油膩亦不太鬆散！ 我的照燒漢堡，上面有一隻半熟蛋，好像大阪燒一樣！ 蛋黃仍流心，不錯！ 個人覺得不須額外加醬汁，除非你追求「炸炸聲」（笑）不過加了醬汁再炒一炒的話，配菜會更好吃，因為配菜胡蘿蔔西蘭花等等質素有點像大家樂，白烚沒調味的。 加$58 full set包括任添白飯和餐包，真心要推一推，白飯是真日本米，極具飯香，大胃王肯定會添飯的（很久沒吃過有飯香的米了，真是說起來就懷念小時候媽媽煮的飯…）而餐包更是不。得。之。了！！ 牛油味極香，鬆軟，上桌會加熱，熱到燙手啊～質素直迫山崎，太棒了，所以吃了兩個（笑）肥也忍不住口！ 餐桌有不織布圍巾，濕紙巾等等，盡顯細心。還有一杯我本來以為是order紙，原來是餐後意見書！填寫後有機會抽中Meat King $200 coupon啊！神啊，希望抽中我吧！我已經約了朋友再來，因為實在太太太太抵食（而又好好味不是吃垃圾！）人均消費二百多（90分鐘），豐儉由人，或許跟任食日式shabu shabu價錢差不多，就當是試一試別的類型餐廳嘛～

一人一鍋的概念傳到北美，而生意卻又傳回來香港(笑)煮道原來是美國過江龍！不過餐廳的所有東西感覺其實很地道香港。最特別的必數這個送餐機械人啊，逗得全場很高興呢。有海鮮，雜錦，韓部隊鍋，日式涮涮鍋和一個叫全丸滿座的一人一鍋set。心裡十五十六，一方面好想試所有不同丸類的全丸鍋，但又想吃辣的部隊鍋，一輪爭扎後，始終被牛肉吸引過去。

先來幾杯凍飲降降溫！蠻不錯的。

正常人都會覺得食部隊鍋很不符合經濟效益，我覺得整個餐牌價錢差不多的時候，點一個自己喜歡吃的也沒太大問題吧。你說是否正宗？午餐肉，芝士，泡菜，香腸，韓國年糕，蛋，辛辣麵，牛肉（約有六七片）都齊全，說真的我覺得還挺似模似樣的！湯底夠辣，而且一邊加熱，很刺激的！

還有一顆泡菜丸子，很特別呢！

至於作為主角的安格斯肥牛，品質和日式涮涮鍋類同，肯定好過中式火鍋就是了。

如果依然覺得食部隊鍋太傻，日式涮涮鍋會是好選擇(同價)。肉類都一樣，配料換上了比較有日本風的豆腐，獅子狗卷，烏東等等，湯底是甜鼓油，甜度高，比牛一牛陣的甜，我覺得還好的，老公就覺得太甜了（但又怕我的太辣。）

日式鍋有一粒芥末丸子，非常好味～發覺這裡的丸類實在挺有心思！自選湯底的話選擇超級多，有好幾款都好吸引！無辣系列的南瓜和蕃茄更標榜沒味精！吃得健康貼近現代人生活態度，有機會會再來試試全丸滿座的！

同朋友黎左呢度打邊爐，一人一鍋，可自選口味同湯底，唔夠食亦可以加配料，都幾多款的。細閱一下餐牌，原來主店在美國，現在回流香港開分店，店內所選的肉類都主要來自美國的。簡單餐具枱上醬料有辣椒豉油等，基本上個鍋已經夠味，個人沒有再點醬料了。鍋不包飲品，散點了青檸疏打同珍珠奶茶（$22ea），青檸疏打酸酸的又夠凍，好解渴，珍珠奶茶味道偏淡，個人認為茶味可再濃一點。星級精選鍋（$98）配黃金南瓜湯同安格斯牛肉，朋友點的鍋，滿滿一盤呢，好豐富呀，南瓜湯清甜，牛肉有咬口，不錯啊。自己亦是點星級鍋，但選了泰式冬蔭功湯配黑豚肉，賣相有點隨意。

上枱時湯底極香，濃郁的香茅味，酸酸辣辣十分惹味，食到中途可是辣勁十足，唔講得笑。鍋可選配飯或薯粉，半濕狀態的薯粉，放湯裏一陣子已熟透，即使放久了亦不會過淋。豚肉有嚼勁。湯底好好味，飲了不少。甜蛋可印有餐廳名字。鍋內有數粒丸，黃金魚子丸是芝士包魚子，滾瀜了的芝士真的十分美味，仲有粒薑汁皮蛋貢丸最特別，豬肉丸包著皮蛋，仲有淡淡薑味，實在令人回味。店內有講國語的送餐機械人，好得意吖～

又是【我的青春系列】嚕～想當年乳酪是那麼受歡迎的年代，我最愛最愛的只有Crumbs，因為它最抵食，超大杯，不計重量，配料會塞到滿滿的！當世界的乳酪是五顏六色的時候，Crumbs依然只有原味。多年後Crumbs回來了，回憶也就就湧出來。我最關心的是，能不能吃到當年的味道？

事隔多年Crumbs已經不只有原味，加入綠茶亦是無可厚非，綠茶是個勇不可擋的催勢嘛（笑）我要了Regular size，配料是綠茶MOCHI和朱古力醬。綠茶粉灑在頂，甘苦味濃，乳酪本身綠茶味一般，不算特出。MOCHI一向都沒太大味道，口感煙韌。

第二次來就和老公Share一杯玫瑰戀人這個「限定版」，賣相超討好，代價當然是貴一點啦。原味乳酪味道酸中帶甜，這杯共有朱古力玫瑰花，士多啤梨，macaron和玫瑰mochi，加上士多啤梨醬，真正甜入心。情人節來一點甜放縱一下吧。

和當年最不同的是，現在店子大了，bakery種類也不局限於scone，大量麵包，晚上8點後有8折，路過買來當明天早餐不錯吧？

當然Scone仍然保留著，當天只有提子和芝士兩款，朱古力是售罄還是沒了？今時今日食租食人工食材料，索價$15一粒是有點奢侈，但為了回憶還是值得花一點點錢（笑）至於你問，那麼你吃到回憶中的味道了沒？有時候，回憶就是回憶，過去總是最美好，光陰去了，就不能回來。怎麼強迫自己沉醉於過去呢？由食物到愛情，快樂永記取，悲苦深刻藏骨髓。

能這樣眺望銅鑼灣，這裡是小桃咖啡室。這裡有吃的，有喝的（還有吸煙區）有boardgame，漫畫，立即讓我回到中學年代的快樂時光。這樣的樓上咖啡已經不多了，現在的年輕人，大概是比較喜歡有VR的party room？還是一般可以叉電有wifi的cafe？我不知道，因為我遠離年輕太遠了。（啊啊，青春！）

作為樓上cafe，飲料款式多，用到的餐具亦見講究。帶酒精的皇室咖啡，味道不俗，外間亦比較少見。喜歡茶的，亦有各式花茶果茶選擇。

賣相當然也很重要，這個世代，不手機食先是沒可能的。凍朱古力，好像也不錯的樣子。

食物方面我覺得選擇亦不算少，但礙於樓上cafe廚房不大，製作亦局限於此類食物。我對樓上cafe的食物沒有太大期望，事實亦是如此。

比較像樣的有這個即叫即烤的現成pizza，有好幾種口味，咋看客去，我們點的墨西哥風情和最基本的classic一樣是辣肉腸，芝士，火腿，唔，總之味道不俗，就沒有刻意去深究。

all day breakfast似模似樣的，餐牌上的牛肉腸貌似豬肉腸多一點。

不要誤會，在我年輕的時候，樓上cafe的食物質素是非常不濟，所以有感小桃咖啡室已經是很盡力在有限空間和成本下提供最好給客人。醉意之意不在酒，我們吃罷就立即進入游戲mode了。時光帶走了我們當年的天真，但同時加深了我們的情誼，

超有藝術氣質的樓上舖餐廳，進內以為是畫廊，但卻有一張大桌球檯，有千秋，其實這裡是集餐廳和party room一身，小妹志在食好西，素聞這裡有高質fine dinning，不想跟人迫情人節，早一星期食就差不多啦！服務和高級西餐一樣，有服務生親自解釋每道菜的特色和提供意見，貼心之餘又不會過份熱情(令食客感不好意思不停給人監視的那種。)而用料上盛的full set dinner不過四百元，我不會說便宜，因為我不是有錢人，但節日喜慶，吃好一點基本上已經是這價錢，而靚料好味有服務又有靚環境，$400真心物有所值了！食罷有我亦有推介給溝女中或是熱戀中人仕，適當時候豪一豪是必須的。

set dinner有好幾款，對應的頭盤亦有分別。大蝦下是煙三文魚，包著蛋黃醬蘋果粒沙律，微甜和酸之間，開胃同時有創意。

一般晚餐則配巴馬火腿和哈密瓜，經典配撘，味道當然錯不了！

餐湯必試98%雜菌湯，手切數十款菌類，只有2%是水和cream，喝下的啖啖是菇肉，口感和味道都感受到真材實料的製作！

甘荀湯亦是十分濃郁幼滑的，西式餐湯一向是牛油/奶油比水多。一般的雜菜湯亦是非常足料！配上微溫餐包，我覺得已經很滿足了！

主菜先介紹一下dry aged的肉眼扒，餐廳特意用上dry aged製作，將肉汁鎖住，肉質嫩滑，雖為肉眼，中間有筋避免不了。手掌般大少，非常能滿足食肉獸一族！

配菜亦見用心，烤翠肉瓜和厚切薯條，外層好像略有糖化，吃到脆脆的外皮呢。切開牛扒看到好紅別太驚慌，這已經是五成熟，紅是因爲dryaged肉汁真的全鎖進內了！牛味好濃郁，幸福感爆標！full set fine dine如此高質，索價不過$400，公道說一句，真心不算貴的，值得推介！

一般晚餐其實都好正，這個意大利飯，和我一直以來吃過的有很大分別，相信在凡高以外吃不到。除了飯煮得內硬外軟外，醬汁creamy而不膩，飯之中混了不少香草，其中一款是茴香，非常的香，有一種回甘，不像莞茜的覊道，很特別，很回味！推薦大家一試！（上面的是鵝肝，給我老公包辦了～）

青口炒扁意粉，單是賣相就已經覺得很有氣勢！青口沒太多調味，大隻，而意粉炒得有獲氣，蒜味香而不過火，彈牙爽口。(慣性要加兩滴辣椒仔加點辣勁，超棒的！)

餐茶包基本咖啡茶，不過基本的咖啡亦是即磨級，不錯不錯！加錢亦有其他特飲，個人覺得如果是咖啡精，最基本的咖啡已經十分滿意。但不好啡之人選擇亦不少，尤其是花茶系列，用具很精緻！因我不愛花茶所以沒甚麼好說的，但深明此道的不防一試，不同的花有不同的功效，餐牌上亦有列明的啊。

甜品有芝士蛋糕和焦糖布丁，其實我已飽到吃不下了！芝士蛋糕好軟綿好好味。從頭吃到尾，食物用料好味道更好又有賣相，加上勤快貼心的服務，餐廳環境寧靜且有藝術氣氛，我評論為高質fine dinning，不用$400一位絕對沒騙人成份，抵！