tsui2012的个人专页

去新加坡必食天天海南雞，雞肉嫩滑又抵食。喺香港圓方，都有間天天海南雞。餐廳走中高檔路線，環境舒適，裝修設計有心思。除左南洋菜式，仲癰好多特色中菜，好似最近爆紅既鴨屎香檸檬茶／手打香水檸檬茶。餐牌有列出十大招牌，每樣睇相都好吸引。我地兩個人叫左兩個主菜加一個湯飯，全部都好大份，仲有個爐熱住。古法肉骨茶有別於馬來西亞常見，湯底深色、藥材味濃既肉骨茶，呢到係新加坡式，湯底較清，淡淡古椒香，豬肋骨好軟嫩，仲有豬肚、支竹、豆卜作配菜，個湯清清地好好飲，加上近日天氣凍，瞬間比我地清晒。老街坊牛筋牛腩牛腩偏瘦，但唔乾柴，牛筋都夠腍，好入味，但食完又唔洗狂飲水。龍蝦湯炸雞油鍋巴雞油炸米同海鮮粒係上枱時，喺客人面前放入湯，龍蝦湯好濃，有帶子、蝦、龍蝦粒，炸米仲有少少脆，但雞油味就唔覺有。不過單係個龍蝦湯都已經好正。埋單每人2百幾，食到捧住個肚走，好滿足。下次再試下其他菜式。…查看更多

夜晚收工同朋友嚟左呢間餐廳食晚飯，一入到去見到餐廳佈置好有聖誕氣氛，環境舒適。用qr code 落單，menu 既價錢適中。我地果日叫左兩款pizza ,煙三文魚薄批（$178），黑松露雜菌薄批（$138），檸檬蜜糖雞翼（$53），芝士焗西蘭花（$63）仲有啲小食。兩款批都好好食，同埋唔洗等好耐就有得食，上餐速度有效率，啱晒啱啱收工肚餓咗好耐嘅人士。黑松露雜菌薄批既菇味濃，而且配料十足，唔會太乾或者太濕，味道豐富。唔會食Pizza嘅時候淨係食到餅底而冇配料。檸檬蜜糖雞翼同樣唔太乾，雞翼都係大大嚿，多肉汁。仲有檸檬上碟，影相一流。芝士焗西蘭花份量足，而且翠綠唔會煮太耐太淋或者煮到變色。再加上芝士同忌廉，味道好夾好食。餐廳整體感覺好，環境清潔整齊，唔嘈雜。食物賣相靚，多餐點選擇，而且份量十足。…查看更多

大食既朋友約我黎食放題，我見酒吧餐廳都有放題食咁得意，就同佢試下。時令生蠔串燒放題每位$438再加1雖然係餐廳係樓上舖，但唔難搵又幾近time square。燈光環境幾modern。黑糖麵包唔比OutXXXX差，有淡淡黑糖味，但唔會過甜。生蠔上枱時好IGable，出哂煙咁，可惜掛住睇，影唔切。生蠔超新鮮，又肥美，同buffet食既係另一level。個人認為不加任何醬仲好食。螺又係好大隻，勁彈牙，但又無話un到吞唔落。炸物賣相同一般大型日本放題質素差不多，但食落好唔同。芝士年糕比一般既再Q彈，芝士味再濃一點。脆炸春卷係以蔬菜做主調，比較低油膩感。串燒係即叫即燒，燒得幾香，又唔會太乾。澳洲M2牛肩胛配威士忌燒汁另加$98淡淡肉，幾有咬口，可以一試。…查看更多

凍凍地想打邊爐，近近地去左新都城間牛魔食放題，用下果個每月任食$999 E-Pass優惠，因為呢個美國IBP件板腱只需加$39。呢間放題間中都會食，佢既牛質素好高，而且其他配菜比之前有更多選擇。今次揀左美國IBP 牛板腱套餐。牛板腱同肩胛位都屬於脂肪少既部位，唔係sell嫩滑，但我鍾意佢夠肉味同彈性，食多兩碟都唔怕肥，瘦身／增肌人仕啱晒。另外牛舌同羊肉都值得一再encore. 自取區有蔬菜/菇菌類/丸/麵/沙律，擺放都乾淨衞生。除此之外，QR code落單仲有好多小食，個人推介必點有牛摩飯、溫泉蛋、青口、帆立貝、魷魚仔、迷你甜薯同炸餃子。炸物特別出色，夠熱夠脆又唔油。甜品必食一定係自助乳酪味雪糕。值得再一提係牛摩較早前有個好抵既優惠，唔洗1千可以1個月內任食牛板腱餐放題，仲可以每次按需要加錢升級更高等級放題，夠晒彈性，同行朋友仲有折扣優惠，抵到爛。無論食量如何，食5次已經回本。不過唔知12月會唔會再出，一出必買，買到賺到。當日所見，都幾受大食既學生哥歡迎。…查看更多

朋友介紹呢間韓國餐廳有小型自助甜品吧。呢日係附近搵食，於是就請個朋友帶我黎食個午餐體驗下。除左酒店自助餐，第一次見有餐廳提供Waffle機比大家即整Waffle，仲要好整齊乾淨。睇住個Waffle熱辣辣咁整出黎，好玩又好食，極受大朋友小朋友歡迎。仲有幾款水果醬同牛油比大家揀麵包pudding望落去好吸引。拎左一小舊試下，食落有脆邊，又唔太甜，好食。Pizza揀左half half $165分別係Gorgonzola + Black truffle & mushroom餅底有兩層，好特別，幾有口感。芝士雞蛋卷 $135賣相好靚好繽紛，有種切蛋糕既感覺。滿滿既芝士，望落邪惡，食落又唔覺好飽膩，仲好滋味。招牌甜辣芝士無骨烤雞$205芝士拉到絲，甜辣平衡得幾好。辣度係BB辣。雞、芝士同年糕味道配合得幾好，年糕仲要係芝心。…查看更多

今日係Happy Friday，又係同飯腳同事們食飯既時候，見呢間餐廳係Openrice好似幾受歡迎，於是就決定黎食個午飯，輕鬆下。雖然唔係好大，大概有十幾張枱，但環境幾舒服同悠閒，有假日cafe既感覺。Lunchtime都full full 地。肉醬千層麵肉醬濃郁度恰好，麵既厚度係我鐘意既，有口感得黎，唔會太厚實。最正係熱辣辣，即叫即整咁，好有誠意。黑松露大蝦鮮手打麵上枱香氣撲鼻，味道幾有層次，首先係Cheese味，然後就有陣陣黑松露味。蝦真係幾大隻，自然彈牙得黎，又有d蝦味，絕對唔hea。門口有d隱蔽，但好近荔枝角站，行3分鐘就到。Lunch set 78蚊起，仲要有唔少選擇。Pizza都係88蚊起…查看更多

見呢間觀塘人氣小店有我住附近既朋友最鐘意既台式邊爐，於是就拉埋佢黎試下。食台式邊爐當然要整返杯台式野飲。大家都揀左仙草奶綠，我果杯係走甜少冰，朋友果杯係3分甜無冰，好貼心同個人化。仙草幾香滑，味道天然。我揀既蔬菜養生鍋好清新，有屋企煲湯既感覺。朋友既藥饍麻辣鍋辣度係X仔10小辣左右，咸度適中，就咁飲都無問題，有彈既鴨血豆腐，幾大眾化得黎又有台灣既感覺。雜菜盤每人一盤，份量幾多，種類仲要有成7至8款，例如有：金菇、白菜、雲耳、蕃茄、芋頭、白蘿蔔、粟米等...宜家出街食飯真係好少會有咁多菜食。望落同食落都幾新鮮。澳洲黑安格斯牛肩肉同美國Prime牛頸脊都只係套餐分別加$25同$40，食落有肉質彈牙爽口，絕對值得加錢升級。…查看更多

喺寶琳想食鐵板牛扒，第一時間諗起金鳳。平日晚上都坐滿，好受街坊歡迎。鐵板餐平均百零蚊，已經有齊餐包、湯、餐飲。每月精選晚餐仲有沙律同甜品。今次叫左個雜扒餐，有豬扒、牛扒、雞翼、火腿、腸仔，啱晒貪心既我。餐包見佢一路有用焗爐熱住，上枱微暖，軟熟唔乾。羅宋湯酸度適中，微辣，一般茶餐廳水準。鐵板餐有黑椒汁同蒜蓉汁可揀，上菜時侍應先喺你面前淋汁上去，咋咋聲，儀式感滿滿。豬扒同牛扒都厚切，冇羶味，肉質軟嫩，冇筋冇渣，唔錯。雞翼炸過，大隻juicy。薯菜有我鍾意既粗薯條，可惜比汁浸淋左。另外叫左個野菌牛柳，5成熟。牛柳比雜扒餐既牛扒高幾班，肉味濃好多，建議加生蒜，可以將味道提升多個層次。二百蚊有找食到呢個質素既鐵板餐，真係冇投訴，難怪長期坐滿客。…查看更多

行過見間餐廳咁快有萬聖節裝潢，又幾旺場咁，於是就約個中同朋友食個晚飯，順便交換下福岡手信。有個Corner比人打下卡，影下相，好有心思。平日坐底唔洗10分鐘，就見到最少兩枱慶祝生日，睇黎大家都睇中呢度既氣氛環境。估唔到Menu都有萬聖節主題。White Peach Red Dragon Fruit Smoothie蜜桃同紅肉火龍果既味道平衡得幾好，又唔會太甜，賣相又吸引。蔓越莓玫瑰紅棗茶叫左無糖，都好夠味，味道自然。店員仲好醒目咁主動加水，同比多個杯仔比我同個fd分享。蜜桃、巴馬火腿、水牛芝士沙律伴蜜桃油醋汁擺盤有花園既感覺，口感味道顏色都好繽紛。Be Leaf 小食拼盤有4款炸物同2款醬，全部都炸得好清爽，唔會好似係屋企用氣炸鍋咁乾柴。揀飲擇食既fd特別讚舊炸墨魚唔un，外層又夠脆，好正。我就最鐘意洋蔥圈，因為炸得好完整，唔會皮肉分離，口感最外脆內軟。鬆脆軟殼蟹溫泉蛋芝士忌廉意大利麵份量大而材料豐富，軟殼蟹真係做到鬆脆而不油膩。每條意粉都被芝士忌廉汁包住，好滿足。意粉夠彈牙，唔易斷。萬聖節都咁有氣氛，真係幾期待黎緊聖誕節新年會有咩裝飾同餐單。…查看更多

去得多傳統酒樓飲茶，開始鐘意發掘下公司附近點心小店，無咁悶。呢次就同舊同事個姪女(有d複雜)試下呢間係尖東既點心小店。先黎既午巿酒樓少有既燉湯：分別係金銀花燉龍骨湯(前)同蟲草花燉雞湯(後)。金銀花燉龍骨湯好足料，湯頭幾甜。蟲草花燉雞湯有雞都唔會大油膩，好清，感覺幾健康。牛肝菌蟹肉酥造型成隻牛咁樣，幾IGable。翠綠小梨子鹹水角造型又係cute爆，可以呃下炸得都幾乾爽，唔會油淋淋。牛肝菌蟹肉酥既牛肝菌幾香，蟹肉份量不多，但帶到少少口感同鮮味。翠綠小梨子鹹水角既饀幾新鮮，外皮微脆軟糯，不錯。沙巴鮮蝦燒賣皇有2粒或4粒咁叫，得兩丁友既我地可以留肚食多幾款。燒賣大大粒，蝦肉鮮甜，有Q彈既口感。招牌蝦蛟皇又係有2粒或4粒咁叫，好貼心。蝦蚊皮厚薄適中，唔會蒸到過龍，蝦肉同燒賣一樣咁爽彈。流心鵪鶉蛋燒賣個名好創新，實物更創新，仲好大舊。鵪鶉蛋蛋同舊燒賣以類似蒸水蛋既煮法混合一齊。食落啖啖肉，又係蛋既香味。…查看更多

係西九附近返工，見呢間餐廳環境正，有大玻璃窗同靚海景，於是就拉埋個同事黎食個晚餐。龍井茶擺蓋精緻，配埋窗外既無敵大海景，好有放假旅行cafe shop既感覺。個杯好靚，望下個底，係意大利製造。棗泥麻餅外層鋪滿芝麻，幾香口。裡面既棗泥少甜，夠乾爽，食成舊都唔膩。蟠枝瑞實外型成個壽桃包，大大個。入面既料係豬肉，類似叉燒包，但無咁甜，幾岩唔鐘意食甜野既我地。小籠包個皮既厚度適中，唔會太薄，搞到好易夾爛。充滿肉汁，脹卜卜，肉汁夠鮮甜。鹽水鴨+如意菜鴨肉質夠新鮮，唔老。如意菜咩都有d，涼涼地，無過重既調味。青荀蔥椒丸子麵丸子類似獅子頭走汁既健康版，肉唔會太散。個湯好青，唔油。麵就偏粗，浸得耐少少都無話好淋。…查看更多

識食同事話想試小店同粉麵，係Openrice見呢間小店幾符合佢既要求，於是就決定去食。雖然小店地方唔大，但裝潢幾有個人風格。配料小食選擇都唔少。有提大家唔好眼寬肚窄。孜然雞中翼$24即叫即整，熨口又唔油膩，咸度適中，可以一試！麻辣皮蛋$18麻辣程度屬於BB級，唔食辣既我地，都食到。皮蛋無怪味，冰冰涼涼咁，幾易入口。花甲粉有辣有唔辣，麻度酸度粉麵種類都有得揀，好個人化，有性格又有要求既同事都比Like。有成2X款配料，不比X仔少。每款都大大舊。其中最鐘意係花甲同滷水雞翼。花甲鮮甜有肉感。滷水雞翼滷到好入味，但仲保留到雞肉應有既肉質，唔錯。個粉好彈牙，又有口感，仲好爽口份量比X仔大，仲有個碗好保溫，岩唔大食又食得慢既朋友(即係我)。…查看更多

呢日午飯時間同飯腳們係佐敦搵食，見呢間中菜館好似係新開，於是決定入去一試。有幾多選擇，仲有午巿套餐。開胃雲耳$38幾大碟，4個人分享都無問題。微酸，爽脆又夠凍，夏天必叫。鐵板水晶粉$78真係用個好熱既鐵板上，咋咋聲，又係勁大碟，辣度係X仔小辣，唔食得辣既我地覺得辣左少少，但調味幾惹味，水晶粉好有咬口。小炒肉木桶飯$56，包罐裝可樂，可揀無糖。個木桶除左好睇外，仲有d保暖作用，食左成個鐘，仲暖暖地。肉係豬肉，薄片快炒，X仔10小辣，幾好風味。蛋黃四季豆$78齋睇都知每條四季豆都充滿蛋黃醬，濃厚度適中，配白飯食一流。紅糖糍粑$68有9大條，炸到熱辣辣，外脆內軟糯，紅糖甜而不膩，必叫飯後甜品。個人好鐘頭食呢度既紅糖糍粑，可以一次過KO3條。…查看更多

週末去咗元朗探朋友順便飲飲食食，晚餐朋友帶咗我去食中式串，串燒係正宗嘅四川風味，有提供唔同辣度選擇，小辣我同朋友唔係好食得辣都食得到，餐廳都好細心，有提供「小火爐」幫啲串燒保溫，讓食客可以慢慢食，最意外係串燒店嘅炒米粉同水果茶竟然好出色，呢間小店值得再度光顧。500ml Hoegaarden七點前生啤有happy hour優惠，食串燒點可以唔飲啤酒，二話不說先嚟兩杯生啤先。家鄉炒米粉 ⭐️⭐️⭐️⭐️⭐️朋友話炒米粉係必食之選果陣我有啲懷疑，覺得佢講笑，試過之後我都十分同意炒米粉係必食之選。米粉炒得乾身唔油膩，每條米粉沾到調味料炒得好均勻，配料有生菜絲、叉燒絲、炒蛋同蔥，配料雖然簡單但搭配得好好，叉燒同炒蛋嘅香味令到米粉嘅味道好豐富，生菜絲既可以增加口感又可以食起上嚟冇咁乾。茄子⭐️⭐️⭐️⭐️⭐️茄子熟得好透，皮肉好容易就分離咗出嚟，茄子肉嫩多汁，香甜嘅茄子燒熟稍作調味就已經好夠味，孜然香同蔥香令整體變得更惹味。秋葵+雞中翼+羊髀肉 ⭐️⭐️⭐️⭐️秋葵新鮮爽嫩，味道正常。雞中翼外皮焦香，雞肉嫩滑，孜然味更添風味。羊髀肉軟腍，羊膻味同孜然味係天作之合，似係東北食到嘅地道風味。芫茜⭐️⭐️⭐️⭐️⭐️芫茜打邊爐就食得多，燒芫茜都係第一次食，本身想像芫茜燒完之後會燶曬，結果冇燶之餘仲保留到原本嘅碧綠，味道都比想像中好，結果我哋食咗兩串。韮菜⭐️⭐️⭐️⭐️⭐️印象中燒韮菜係串燒嘅靈魂，每次食中式串燒都必點，呢度嘅韮燒同樣出色，肥美嘅韮菜燒完都仲juicy多汁，韮菜獨特嘅味道同孜然味係絕配，重口味朋友嘅至愛。北海道活元貝⭐️⭐️⭐️⭐️⭐️元貝煮完之後好多汁，加咗粉絲可以索咗元貝嘅鮮甜味，一啲都唔浪費，元貝大大粒，食落鮮嫩彈牙，最重要係唔腥。牛舌+菠蘿 ⭐️⭐️⭐️⭐️⭐️大大舊厚切牛舌食落軟腍，滿口都係牛脂香，孜然香同輕微嘅辣度令到油膩感減輕，牛舌香味大大提升。菠蘿燒後酸甜多汁，可以中和返肉食嘅油膩感，係最好嘅一道菜。水果茶⭐️⭐️⭐️⭐️⭐️去到尾段，朋友稍有醉意唔敢再飲啤酒，於是轉咗飲水果茶，綠茶底配以豐富嘅水果蘋果、血橙、火龍果、菠蘿，水果嘅香甜配合咗綠茶嘅清新，整體非常解渴清暑，結果好有驚喜。…查看更多

去太子食雲吞麵通常會食 “潮x園”，因為平靚正。今次無意中發現左一間喺花園街街尾既雲吞麵舖，有特色又好味，以後食雲吞麵又多個選擇。店舖整潔光猛，方枱設計坐得舒服。牆上掛左幾幅今昔香港對比照，再配上特色瓷磚，好有心思。粉麵每碗$38，可轉菜底，仲有幾款套餐配搭。聽完店員推介，揀左個雲吞牛筋雙拼套餐，$63。湯底好香唔過鹹，份量都幾多：有3粒雲吞，牛筋都有幾條。雲吞皮好薄好滑，餡料好足，蝦夠爽口彈牙，同豬肉比例剛好，唔多肥膏。牛筋軟腍入味，滿滿既膠質，正！粗麵口感唔錯，無鹼水味，魚皮同豆漿就一般。見佢餐牌仲有個黑松露雲吞，可惜去到已經賣晒，仲見到有客黎拎之前訂左既生黑松露雲吞，應該好受歡迎，下次一定要再黎試下。另外一提係店員服務態度好好，好有禮貌，加分！…查看更多