finefoodbear的个人专页

瓏苑酒家以粵菜見長，菜式精緻講究，其中羊腩煲最為出色，喺必食嘅菜式之一。羊腩肥而不膩，湯底濃郁帶微辛香，配上腐竹，冬菇及馬蹄，長時間炆煮，味道層次豐富，極具冬日暖意。家鄉焗魚腸好有地道懷舊風味，魚腸處理乾淨無腥，焗得香脆可口，蛋香與蔥香交織，令人回味。鮑汁海參金錢鵝拳煲材料上乘，鮑汁濃稠入味，海參軟糯而有彈性，鵝拳膠質豐富，整體味道鮮香濃厚。呢度環境雅緻，2人有卡座，服務細緻，適合家人聚餐或宴客。…查看更多

近排都鐘意約朋友去AirSide，勝在夠方便，地鐵啟德站一出就到。上到Airside 7樓有間Cafe，見開業至今，評價都係唔錯。除了一般西餐常見嘅意粉，亦有德式/西班牙式主食，豬手仲係鎮店之寶🐷，第一次黎就必食。傳統卡邦尼意粉改用卷卷粉，口感更富彈性，醬汁亦更易掛上麵身。蛋香與煙肉鹹香融合得宜，味道略顯濃厚。燴牛面肉芝士黃薑意大利飯香氣撲鼻，牛面肉燉得軟腍入味，配上芝士的濃郁與黃薑的微辛，層次分明而不油膩。煎三文魚扒外脆內嫩，配檸檬牛油汁酸香開胃，帶出魚肉鮮味；薯蓉細滑順口，時蔬爽脆清新。…查看更多

金記中式晚餐，菜式樸實卻有細節，平日忙碌生活之中，收工食下茶記也是一個好選擇。豆腐燒金鎗魚取代一般以苦瓜伴煮方式，魚肉嫩滑又唔多骨，香燒豆腐吸盡醬汁鹹香，送飯唔錯。瑤柱海鮮蒸水蛋水蛋滑如布丁，加入蝦仁及蟹柳，海味與蛋香交融，鹹度拿捏得宜，是一款常見嘅香港住家菜。石澳生曬梅菜蒸菜心菜心爽脆、梅菜甘香，加入少量薑絲，帶出層次感，平凡嘅菜心都覺得特別好味。薑檸檬可樂酸辣解膩，蛋白杏仁茶則香滑清潤，最岩冬天飲。…查看更多

呢間餐廳環境舒服，氣氛輕鬆，食物水準都不錯。仲有韓國歌曲，滿滿韓國氛圍～沙律新鮮爽口，蔬菜脆脆的，配上清新的醬汁好開胃。蒜蓉包熱騰騰上桌，外脆內軟，蒜香濃烈。烤石斑魚肉質滑嫩，魚皮微焦帶香氣，味道剛剛好。龍蝦汁意粉香濃順滑，配上一隻大蝦。蜂蜜柚子茶甜中帶點果香，喝起來清爽解膩。甜品部分，曲奇慕絲蛋糕滑滑的又不太甜，配上曲奇碎口感更豐富；富士蘋果蛋糕酸甜平衡，果香自然。整體來說，呢餐吃得很滿足，讓人想再回訪。…查看更多

只此一家別無分店嘅牛魔王清湯腩，個個住喺灣仔區嘅居民應該聽過。位於春園街，經常座無虛席，中午仲要大排長龍。牛坑腩米粉，以坑腩部位熬煮，口感腍中帶爽，與米粉及清甜湯底配搭。牛坑腩充滿牛香與膠質感，好彩今日晏咗嚟都仲有得食。蝦籽牛爽腩雲吞撈麵雲吞皮薄餡靚，蝦肉爽彈。爽腩帶筋膜、煙韌軟糯與雲吞相映成趣；麵條均勻沾上香濃蝦籽，層次豐富。蜆介鯪魚球以新鮮鯪魚肉打製成球後酥炸，外脆內彈牙。配鹹鮮的蜆介醬一同品嘗，香味獨特。…查看更多

好耐冇去泰國玩啦，軒尼詩道呢一間泰國菜由泰國人主理，入到嚟連廣東話都聽唔到。最緊要係啲嘢食夠正宗。生菜包好辣好過癮，配返杯Shingha啤酒飲好gur。泰北香焗雞係無骨嘅，啖啖肉配特製醬，好味。千祈唔好錯過bb魷魚同埋冬蔭功湯蒸蛋，蒸蛋上面淋滿冬蔭公，非常之特別，創意十足。Mummum雞炒闊河可能係食過最好食嘅河粉吖，香噴噴，配料滿滿，河粉極之煙韌。見到甜品咁特別都忍唔住叫，鹹蛋果仁豆腐雪糕又咸又甜，沖擊味蕾。🧸評分：🧸🧸🧸🧸4/5🗺️香港灣仔軒尼詩道333-335號軒轅大廈地舖#mummum.thai #灣仔 #泰國菜…查看更多

今日喺灣仔QRE搵到一間令人滿意嘅花膠雞米線專門店～店舖唔算大間，但勝在方便及整齊企理，又有卡位，最緊要夠冷氣。花膠濃湯雞烏冬加魚腐花膠濃湯雞用花膠同雞肉熬製出嚟，湯頭濃郁鮮甜，花膠口感滑嫩又滋補，少有地可以配稻庭烏冬，麵條扁而幼滑，口感特別爽滑。胡椒豬肚濃湯雞米線加魚片頭胡椒豬肚濃湯雞米線係用胡椒豬肚同雞湯熬成嘅濃郁湯底，香辣暖胃，米線吸滿湯汁，配料通常有豬肚片同嫩雞肉，味道層次豐富，好適合冬天飲。追加白灼時蔬及鹵水雞翼，好飽好滿足！…查看更多

襟江酒家重現港式粵菜的光輝歲月，以百年歷史承載著香港飲食文化的精髓。餐廳環境古雅懷舊，彷彿走進老香港茶樓時代。招牌港式懷舊點心全以人手製作，皮薄餡鮮，散發傳統風味。薑汁雞包仔皮薄鬆軟，薑汁香氣濃郁，雞肉嫩滑彈牙。鴛鴦燒賣以豬肉與豬肚新鮮製作，口感鮮甜多汁。懷舊魚翅餃沿用古法，餃皮晶瑩剔透，內餡豐富，魚翅與鷄茸交織出細膩鮮香。雀巢芋角外層炸得酥鬆如羽，內裡香滑芋茸與肉碎完美融合，層次分明。香滑芝麻卷入口即溶，芝麻香馥郁甜而不膩，是經典港式甜點代表。黑芝麻糯米糍外糯內香，咬開爆出濃濃芝麻餡，帶來滿嘴香氣。…查看更多

西灣河太安樓地下喺唔少東區街坊週末掃街的熱門地點。鴻記極品雞蛋仔主打香港傳統美食，但他們並不滿足於傳統雞蛋仔做法，以創新意念令傳統味道煥然一新。他們首創心型雞蛋仔。圓潤的雞蛋仔外形變成了一顆顆心形，不僅可愛吸睛，更讓人一邊吃一邊感受到店家的巧思與用心。雞蛋仔烘得金黃香脆，外層帶著微微焦香，內裡仍然保持鬆軟彈嫩；熱辣辣咬下去，蛋香與甜味在口中化開，令人欲罷不能。除了造型可愛外，味道水準依舊保持傳統精髓，都能吃出香氣分層；而且老闆堅持現點現烤，確保每一份雞蛋仔都香氣四溢、口感完美。…查看更多

魅KTV的香港旗艦店落戶中環蘭桂坊，地段一流，唱完k仲可以去飲番兩杯。店內空間設計採現代美學與舒適氛圍結合，燈光氛圍可自由調教、隔音良好，唱歌時的音效清晰而立體。歡樂時光性價比高，包三小時任唱連一杯無酒精飲品。餐飲方面相當豐富，除了小食和串燒外，還有泰國菜和中菜可供選擇。酒精飲品、香檳及多款汽水一應俱全，對不同口味的客人都能照顧到。推薦他們的辣肉腸pizza，薄脆的餅底配上帶辣勁的肉腸，口感層次豐富，十分惹味。AI評分好正，為咗攞高分真係要認真唱下，🐻‍❄️&朋友都玩得非常投入。…查看更多

寶琳就係將軍澳綫最後一站，其實過嚟食飯都好方便。近日新開嘅茶意，在地鐵站口對面，新裝乾淨企理，收工返嚟又攰又唔想煮，食埋先返屋企，方便快捷。蒜蓉汁雞扒滑蛋包飯建議第一次嚟食試吓蛋包飯系列，配扒類或者鰻魚，醬汁甜甜哋幾好。蛋嘅份量起碼2-3隻，用上高質嘅蛋，好滑溜。黑椒牛柳粒飯唔怕辣既，就推薦試返黑椒牛柳粒，黑椒味超強，牛柳粒有牛味，配上沙律菜。一般套餐配熱飲，揀咗熱檸水同熱柚子茶，而見到二人餐仲有餐湯，下次再嚟試吓。…查看更多

臨近中秋節，介紹下些中菜比大家。一家中華菜館裝潢古色古香，今次嚟到掛滿燈籠，已有節日氣氛。一家三絲拌冷麵三絲拌冷麵有撈起之意，有意頭，撈起撈起。拌芝麻醬好夾，可自行加醋、豉油及辣油。蔥油白切雞招牌菜之一，蔥花多到滿瀉，佈滿滑雞之上。少見蔥油雞做到咁有特色，受客人喜歡。糖醋小排骨雖以小碗盛裝，但份量仍是不少的。酸甜開胃，肉質唔會柴。醬炒花菜茶樹菇呢個醬汁，再加上茶樹菇，令本身清淡嘅椰菜花變得惹味起來。鮮肉鍋貼五粒鍋貼煎得好靚，皮脆肉鮮。別忘了試茶飲，每個名都改到好別緻，包括有溫文爺爺（椰子芝士，伯爵茶，海底椰）同善良姨婆（蝶熱情果，伯爵茶，百里香）。…查看更多

由大阪開嚟香港嘅超人氣無限拉麵，7月先開業，食飯時間一般都大排長龍，今日早少少6點前嚟到試試，果然值得！特製和牛牛骨白湯拉麵湯底用牛骨，每日花上長時間熬煮，所以湯底濃到變成奶白色，濃郁之中又滲透著牛骨風味。配料有叉燒同埋掛滿碗邊嘅西冷和牛牛肉，亦有一隻蛋，估唔到一碗拉麵，都有視覺與味覺享受！牛骨麻辣叉燒拉麵麻辣呢碗就好過癮，店員話可以少辣，我哋唔算食得辣都覺得ok。叉燒變成麻辣即成另一風味。煎餃子一碟5隻，即叫即煎，沾上餃子汁吃。…查看更多

中環好多餐廳值得專程去試一試，好似呢間阿根廷扒房，主打熟成草飼牛，環境氣氛一流，有好多捧場客。牛骨髓配多士 牛骨髓賣相高級，又富含蛋白質、鈣質同骨膠原，味道奶油香滑，配香脆法包蘸食正！阿根廷一個月熟成草飼牛 肉眼扒經過約30天自然熟成，肉質更嫩滑，風味更濃郁。草飼牛脂肪較少，也更健康，熟成後口感細嫩又帶微炭燒香，烤起上來味道鮮明，又有層次🥩Side Dish揀咗燒烤抱子甘藍椰菜仔，份量都幾多。阿根廷紅蝦意大利粉用新鮮阿根廷紅蝦，加蒜蓉、番茄、羅勒葉同蝦頭熬製鮮甜醬汁拌意粉，蝦肉爽脆彈牙，醬汁味道鮮美，入口層次豐富🍤…查看更多

新森林呢間餐廳，好有親切感，以前想食吓西餐，都會嚟呢間焗飯專門店。開喺灣仔與銅鑼灣之間嘅呢間分店，受盡打工仔歡迎，平時lunch time都排長龍。焗之選系列好多選擇，可加配餐湯，小食及飲品。最鐘意叫鴛鴦飯，因為一碟有兩個味道。鮮茄肉醬芝士白汁魚柳鴛鴦焗意粉鮮茄肉醬建議配意粉唔配飯，另一邊係白汁魚柳，完全試曬兩個風味，而且份量都唔少。芝士海鮮焗黑椒雞皇鴛鴦飯黑椒雞皇比較特別嘅，辣辣地，食落又冇咁滯。海鮮有蝦、蟹柳及魚。鮮菌芝士焗西蘭花 健康一d冇加配炸物，反而叫咗焗西蘭花，估唔到咁大盤，順便食多啲菜！…查看更多