laudd的个人专页

午市特餐～特製蔥油豬扒抄蛋跟飯/撈麵/薯菜+例湯+熱飲 $60， 每日都有得食。 最鍾意個豬扒唔會有好多粉醃，冇雪味，肉質、味道都好，加上有唔少沙律菜拌碟，啱曬平時少菜多肉嘅人士。但注意地方有限，啲凳排到背對背密密麻麻，正常身型嘅女士坐都好勉強，呢點最攞命。 暫時我去食過幾次，次次都係去食呢個餐跟飯XD…查看更多

之前喺lunch time經過两次，見附近食雲吞嘅舖頭唔多，今日就入去試食吓。見到有人食拌麵，睇個樣又幾吸引喎，咁我就叫咗個"蔥油肉絲拌麵+15隻小雲吞"$55。先講個拌麵，味道比想像中好食～唔錯嘅，小雲吞就正常發揮，食得都幾飽吓，可惜小雲吞個湯底淡而冇味(我本身唔鍾意食重味嘅)，都要自己加返啲辣椒油之類先得。 雲吞有好多款式揀，又可以揀淨雲吞、跟麵、跟飯。。。如果大家經過又想食雲吞之類，可以一試嘅。…查看更多

平時我好少過新蒲崗區，難得有事會過去，就早一日搵定有咩好食，跟住搵到呢間"安全稻拌飯"，被白飯泡菜海帶湯任飲任食吸引而去。 星期日中午12點1個人到，剛好有位，入座後，開始有人排隊。 我今次試咗個大醬排骨鍋$47，味道唔錯，份量都幾多。 白飯、泡菜、湯、水等都喺出面自助。 土地問題，啲位都排得幾密，可能一次要攞多啲啲份量，咁就唔使行多次。 正體十分滿意，CP值高，係個湯略嫌咸咗，亦只有咸味。 見到有其他食評提到，只可以即時網上畀錢，老人家唔識用，其實就算唔係老人家都未必識用，咁係可以問吓啲職員嘅，職員態度都幾好。 當日有位男仕攞住拐杖，坐低用手機點餐後，好似同職員講冇手機八達通點畀錢，咁職員就攞咗個手機嘟個位男士手上嘅八達通卡就ok。隔咗一陣呢個女職員仲主動問個男任需唔需要(幫手)攞湯、飯之類。 女職員嘅主動、貼心行為，值得一讚我有機會再去新蒲崗，實會再試吓其他食物。…查看更多

因為見到有優惠劵買，又喺附近做嘢，所以去試吓。 買之前已睇過吓其他人的評語，亦對香港服務人員不抱太高要求。 普遍Cafe消費都偏高，但職員對客嘅態度真係一般，佢只係問我揀邊款主食、甜品、飲品，落單後，又唔覆單，只問咗梳乎厘係咪一齊上，我原來話唔係，點知佢大我話～要等廿分鐘，咁我屈服，依家叫埋。 竟然喺意粉上後2分鐘，就上個甜品真係嚇親！ 咁我咪即時拿拿淋食曬碟意粉，以免甜品走樣走質素喇。由於食得太快，未能慢慢享受cafe慢活嘅環境。食物質素唔錯嘅，但咁嘅收費，同提供嘅服務唔成正比囉～今次呃咗我廿分鐘，其實前後我都只係用咗廿幾分鐘就KO成個餐囉，同我想像中可以放鬆啲咁食個lunch相差好遠，有啲失望！…查看更多

因一早知道今晚會嚟油麻地，又咁啱見到"鄰住買"賣老虎岩全日手工餐劵68折，即$39，所以買嚟試吓。我一入去，喺門口就問職員，用鄰住買劵係咪要scan咗先，佢話可以呀！ 點知scan完佢望一望入面，無位，會就叫我直行轉右上閣樓，當我行到去，見到黑忟忟，就問另一個職員(近出餐位置)，上面係咪有位，佢好愕然，我就指住前面收銀方向話，佢叫我坐樓上、出面無位？ 我可以坐出面。 跟住出餐嗰哥仔勁唔情願問收銀，係咪要開上次面(啲燈) 跟住收銀話係，仲企喺度(完全唔諗住上去開燈)，就叫我上去，我咪同出餐哥仔講，吓！ 未開燈喎，黑忟忟，我點去上？ 佢先行上去開燈 我上去坐低坐，仲聽到有人講"我鍾意黑忟忟呀"其實佢想趕客咪講囉，即場退返啲錢畀我就得咖喇！講返嘢食先:牛腩芝士蛋三文治～搭配新鮮嘅、幾好食嘅手工燒賣王～其實我食完三文治先食燒賣，唔係好食得出燒賣嘅味道黑糖仙草奶茶～正常，無咩特別總結: $39嘅話，都可以一試，但正價嘅話，我一定唔會幫襯，仲要個職員痴痴哋…查看更多

前排lunch去食， 開始放暑假會好啲，座位唔多，一眼望曬，平時開學時間，lunch time坐滿學生妹，亦有學生買外買，堆滿人，係入唔到去😅今次我點咗炸蝦芝士卷、义燒醬油烏冬、coke zero(套餐價$53)。炸蝦芝士卷～足料、好味义燒醬油烏冬～睇落幾細碗，我諗為適合女仔分量， 加埋罐汽水，係夠飽嘅。 張相影到啲配料十足，可惜實物唔係，如果多返啲配料會更好。環境～適合三五知己小聚，亦有啲打卡位可以影吓相留念整體CP 90/100 …查看更多

我喺附近返工都好多年，lunch間中會嚟食粥，今日諗唔到食咩，平時又唔好食粥，所以諗起呢間大師傅。 一入去，已覺好熱，我揀咗最入嘅位，諗住會好啲(同一時間有食客問職員係咩無開冷氣，職員表示唔係，只係個門經常開閂，走曬啲冷氣) 點知我未開始食，齋坐已覺好熱，就算最入嘅位，真係唔多覺有冷氣！ 再四圍望吓4部冷氣只開咗3部，近門口嗰部根本無開好喇！ 講返食物質素:艇仔粥正常嘅，但$29就貴咗啲，明白喺尖沙咀區，租金相對係貴嘅腸粉好滑，除咗豉油外，啲醬自己落，可以接個人喜好落多或少另外職員一貫態度唔慌好咁對啲客如果平時唔易出汗嘅朋友，可以去試一，包你食飽，好似沖完涼咁，成身濕曬！…查看更多

開咗咁耐，我第一次幫襯，見早餐去到11:30就去試吓。 11:00已有2、3個人喺度排隊，原來呢度可以用gulu app攞定位。 我一個人，好快就有位(搭檯，有隔板)。 我揀咗早餐C~辣肉碎米+炒滑蛋+多士+熱咖啡=$37先食個炒蛋，唔係熱嘅，微暖都唔係，好似室溫咁嘅溫度，扣咗好多分。 辣肉碎充滿香茅味，幾惹味 咖啡就一般，但一嚟到，見到隻杯口成條長長嘅咖啡漬，令我反胃，唔多舒服，雖然我個唔係畀人飲過，應係師傅落咖啡落去時整到咁。。。張檯比較細張，成個餐一齊嚟嘅話，會好逼。好似我咁食好快，食完蛋後，隻碟墊住碗米粉，杯咖啡後嚟，就有地方放。 啲姐姐基本都係有禮、幫手嘅。總括: CP值80/100我會再幫襯，希望下次個炒蛋係即炒、熱嘅！…查看更多

我係喺尖沙咀區平日食lunch四十零蚊就搞掂嘅人(當然係經我搜尋過，價錢係平，但食物質素都唔錯，有啲甚至乎好食嘅)，所以今次去幫襯廚尊，對我嚟講係有啲啲貴，好大部分係支持社企而去。我一出𨋢就聽到有位男聲講:小姐 小姐，我周圍望吓，個男仔真係叫緊我，仲好主動同我講，可以喺佢嗰度(收銀)落單。因為一出𨋢，就會見到有啲餐牌同埋一部自助點餐機。 我話想食粉麵，佢就同我介紹有3、4款粉麵畀我，我揀咗叻沙蝦之後，話要米線，佢就提議我試原裝嘅叻沙蝦麵，係油麵加米粉两溝，聽落都唔錯，就跟佢提議。嘢飲我就揀咗mocha，個男職員即時問我使唔使少甜，又幾細心喎！畀完錢，佢就同我講留意2號、5號檔嘅燈牌(2號係水吧、5號係麵檔)好喇！ 講返食物質素，叻沙湯底味道夠嘅，幾香、唔算辣，除咗有三幾隻中蝦外，仲有幾嚿細豆卜、幾片魚片，魚片爽口、有啲芽菜、一隻蛋，整體幾好食！ 但杯mocha唔多掂，我真係覺得嗰杯係mocha😅我好開心，喺香港，好少食肆啲職員咁主動、有禮、有耐性，而且佢哋都幾細心，所以今次用餐經驗有90分之高！…查看更多

難得過去鴨脷洲，預先睇吓附近有咩好食，搵到呢間"發仔記"，評語唔多，得4條，但4條都好評，亦見啲相幾吸引，所以就訂定位。去到舖頭一眼睇曬，大概6張檯，當時有3張已入座，另外3張已留座，無預早訂位就咁去，就試唔到喇！本來諗住叫蜆、螺等，但都賣曬，最後點咗:椒鹽鮮尤～椒鹽味比較少，要點酸甜汁，嗰汁係跟嘅，生炒骨嘅味道蒜蓉炒菜芯～正常表現蒸魚～我唔食魚，但家人食過都話好食，蒸嘅時間啱啱好，肉質滑蒜蓉粉絲蒸蟶子～蟶子新鮮、清甜，唔難粉絲蝦乾雜菜煲～啲菜、粉絲食落清甜家鄉炒米粉～好食，唔咸又唔油…查看更多

見open rice呢度有好多正評，點心大粒而好味， 所以上星期六慕名而嚟，預早訂定位，去到攞位就得，當時見到有唔少人喺度攞飛等位，好在醒目，一早訂咗位。被安排在喺較入嘅位置，而且我坐背住出面，所以唔係好睇到茶樓裝修、環境等。一坐低，睇吓餐牌，感覺熟悉，有米線，即時諗起幾年前喺尖沙咀食開晏嘅"豪隍點心"，雖然嗰間後面無"工坊"二字，我相信两間都係同一出品。可惜两三年前，厚福街間豪隍無做，我仲好記得當時lunch set揀一碗米線+一個點心+一個汽水/飲品，$5x，另加一，大概$62/餐，食物質素高、又豐富！好喇！ 講返呢間豪隍，事不宜遲，點咗十幾樣嘢，有：蝦餃x2 (2隻籠) 好大粒，啖啖蝦肉🉐燒賣x2 (2隻/籠) 好大粒，豬肉彈牙，有粒大蝦喺面👍🏻鮮蝦菜餃～好食，啖啖菜+蝦❤️高湯鮮竹卷～材料豐富，好味，但可能嚟咗，我唔係即刻食，啲腐皮吸曬啲湯汁，我食時覺得略嫌咸咗啲生煎蘿蔔糕～一貫味道，好食，但無特別鮮蝦腐皮卷～賣飛弗😋甜奶炸饅頭～有3個細饅頭，我無食，但睇嗰色水，炸得黃金，幾靚仔爽口滑蝦腸～皮滑、餡靚，蝦都係賣飛弗😋山竹牛肉球～大大粒，啖啖肉，唔錯！養顏紅棗糕～唔甜、有淡淡嘅紅棗味，幾清甜，唔會膩豉油蒸鳳爪～我無食，所以唔知味道點樣豉油時菜～無咩特別金湯黑魚片米線～唔錯！啲米線係腍身嘅，而且滑🆗只收茶介，免加一7個人食咗咁多嘢～$508抵食、好食，一定會再去食過！…查看更多

近一年嘅假期，我好鐘意去呢間韓樂食早餐，因為除咗近屋企、早餐截單係11:30外，食物好味、啱食、性價比高。 坐位、環境都舒服，姐姐啲服務都唔錯。 食物款式都唔少，最緊要係好啱我食！ 總之就讚喇☺️…查看更多

自從知道午餐$45包碗湯(仔)、汽水後，我間中lunch都會幫襯，食物有準，又抵食！ 但啱啱嗰餐嘅經驗就唔多好喇！ 我喺13:01落單，13:15見碟炒麵未嚟，就問個職員，咁啱問著嗰個似乎係話事人，佢應我並重覆我講嘅嘢完:叫咗好耐，啲嘢食未嚟(佢一邊行，一邊睇錶😒) 當時我已覺唔舒服，而且唔知佢有無入廚房幫我跟。13:24我碟炒麵終於到，又係呢個男人拎嚟，佢上手拎住托盤，上面有3碟一樣嘅炒麵，我見到佢行過嚟，我已即時讓開個位，諗住被佢放低，點知佢竟然成個托盤放喺我面前，示意我自己拎😠。咁我趕時間，又等咗咁耐，我惟有自己拎喇！ 快啲食完快啲走。 碟北菇豬片炒麵係有出煙嘅，但食落北菇同豬片都係凍嘅😣，得個麵底熱辣辣。 平時我食飯都快嘅，平均15分鐘就搞掂，今餐只食咗10分鐘😖，就要趕返工。綜合以上，今餐經驗幾差吓！ …查看更多

星期六11點幾，本來我諗住去另一間食早餐，可惜過咗11:30少少，無早餐食。 咁我就喺附近行個圈，睇吓食咩好，行到麵麵店，見未食過(其實佢開咗咁耐，我都未食過)，又唔使等位，就入去。行勻成間舖，剩返開揚嗰邊(會見到行商場嘅人來來往往)。一開始，我喺坐背位出面，面對收銀，食咗一陣(可能6分鐘)，就有3個員工經我身後嘅罅怱怱咁行入嚟間舖、再入廚房，我係明白咁行會係最快、最方便佢哋，其實行返外圍大門咁入廚房，都係行多10秒? 行大門唔使就住行，又唔會騷擾到食客，但啲員工完全無諗過食客嘅感受！ 後尾，我轉咗坐對面，望住啲人咁食，惟有拿拿聲咁食埋去😓埋單時，我有同職員反映以上情況，但講咗两句，對方回應:咩話？ (可能佢哋慣性咁行、咁打搞食客，所以佢哋唔覺有問題？！)我最後就話，其實嗰個個唔係路口，如果你哋係要用嗰度出入嘅話，唔該cut咗張檯, 唔好左住客人食嘢，食到我唔舒服、唔安樂😖！！…查看更多