jgyuhg的个人专页

首先一入場已經感受到地板黐立立 座位尚算可以 但係侍應講普通話唔識廣東話😅 幾款原本標榜有嘅刺身例如帶子都表示缺貨 但訂位前冇提前通知😅😅😅 食物種類比宣傳所講嘅少 出餐慢 任食Häagen-Dazs其實只係有士多啤梨味 熱食表現失望 刺身平庸 各位勿貪平 俾多少少食大喜屋更好 無謂比兩百幾蚊買難受…查看更多

朱古力咖啡蛋糕甜味苦味balance得唔錯，柚子大福造型非常可愛，好啱jellycat嘅粉絲到訪，外皮煙韌。店員老闆服務態度好好，認真嘅服務態度好加分👍🏻👍🏻👍🏻…查看更多

之前食咗一兩次酸菜魚冇問題先諗住返去食檸檬手撕雞都尚可接受 凍奶茶就飲到一陣好奇怪嘅糖漿味晚餐時間去到食完個檸檬手撕雞，等咗差唔多20幾分鐘先至上酸菜魚，點知個酸菜魚杰撻撻之餘仲要有浸餿味，顏色同埋質感都好似粟米濃湯咁樣。話返俾佢知有呢個情況，唔接受不特止仲要講返轉頭係食客問題，走嘅時候雖然肯唔計酸菜魚，但係找錢嘅時候竟然掉落地下，作為一間餐廳、服務業，會有咁嘅質素，難怪越嚟越少人留喺香港消費。而且衛生質素欠佳，光顧前請三思。…查看更多