kikoko1114的个人专页

舖面唔算大，但勝在枱與枱之間有足夠距離，唔會怕被隔離枱嘈到，晚市只做一輪，有足夠時間慢慢食唔怕被趕走🤣二人餐既前菜沙律，味道正常，但但但好大份🙊作為主菜都唔過份既size二人餐既小食之一，魷魚鬚及魷魚條。呢個好好味，又係份量大二人餐小食之一《白酒煮蜆》呢個有好濃既香草味，比平常食到既白酒煮蜆更濃，都係一句，勁大份量，話係二人餐，女仔4個人食都夠二人餐主食之一《BBQ醫燒豬仔骨》又係份量多，但幾好味，不過個人覺得個燒汁有少少過甜，如果喜歡偏甜既燒肉汁，應該會好鐘意二人餐主食《龍蝦汁海鮮意大利飯》口感係幾creamy,但個人覺得太淡味，話係龍蝦汁，其實食唔出，但海鮮份量都唔少，都OK啦Dinner set《香煎比目魚》呢條比目魚味道其實同係超市買既一樣，但魚皮煎得好脆好香口，如果配上其他汁應該會更好味（無味龍蝦汁）散叫炸薯條，大份，好味，無想過炸薯條都可以好好味😆哈哈總括來講，呢間餐廳算係抵食，雖然味道唔係100分，但份量夠大，環境舒服已經win win! 前菜絕對比得上主菜❣️…查看更多

呢間餐廳環境細細，位置都幾難搵到，但食物水準絕對出聚。特別是甜品，五星酒店水準都唔誇張，不單止賣相靚，味道更加無得挑剔，好讚呀。至於鹹點，個人覺得都好好味，特別是三文魚牛油果pizza, 餅皮唔太厚唔太薄剛剛好，配上牛油醬同加三文魚，再搭上火箭菜同紫洋蔥，好fresh，甜點以外既推介。唯一既挑剔就係等上菜等好耐，如果無時間或者無耐性等上菜就唔太合適，平均要等20分鐘先上到一樣菜式。餐廳環境唔算大，平民感強。三文魚牛油果pizza,餅皮夠脆味道岩岩好，好好味。蜜蜜豬手，好脆加埋蜜糖甜甜地都幾好味。本日既主角之一，dirty tiramisu.真係好味到一個點。朱古力脆脆班戟，好濃既朱古力醬再配上朱古力蛋糕，朱古力愛好者絕對要試…查看更多

呢間分店舖面唔大，座位都幾逼，如果想要同朋友慢慢食同傾下計就唔太適合。鮮忌廉野菌三文魚意大利粉，好creamy，都幾好味但份量唔算多，男士可能未必夠食。跟餐有餐湯同飲品，冰果茶都唔需要加錢，套餐$108加1，個人覺得合理。冰果茶，唔太甜，岩岩好煙三文魚炒滑蛋法國核桃杏脯包不過不失，不過係炒蛋內面加入杏脯肉又的確係幾特別，有新鮮感，至於核桃就完全食唔到，只係睇餐牌先知有核桃肉😅個法包唔硬，都容易咬🐒整體來說，OK㕸！…查看更多

呢間餐廳環境好大，比一般餐廳既燈光柔和，個人覺得係舒服嘅。點左重頭戲既特色小籠包，一籠有8種味道，有原味、蒜香，絲瓜，蟹粉，芝士，黑松露、川味（辣)和鵝肝共8種口味，當中個人覺得蒜香味和川味最好味，因為其他都好淡，唔係好夠味😅特別係絲瓜唔知想點。不過作為打卡用既話係幾好既🐒反而個三絲春卷好好味呀，值得推介，可能係新鮮炸出來，真係好脆好香口。至於冷盤小食既素鴨都好好味，少少酸酸地好岩夏天食，好開胃。整體來講，一份錢一份貨，如果對食物要求不太高既話係值得試既餐廳。…查看更多

早茶時段人流唔算好爆，但食物真心一般，可能比老人家打牙鉸既地方吧。點左馬拉糕，已經即刻起筷但個馬拉糕中間竟然係凍既。。然後蛋撻無咩味，唔知係咪為長者而設架呢😅鮮竹卷個人覺得正常，無特別，但身邊既老人家咬唔到😅話好似食橡筋咁。其他食物例如燒賣，蝦餃，鮮蝦腸粉都一般，雖然食到唔新鮮但未至於難食。但值得一提既係個餐廳環境，好傳統香港茶樓，特別係而家仲見到送食物既運輸𨋢，好似去返70年代咁，個人就幾鐘意。整體來講好懷舊。…查看更多

呢間店舖係正food court 門口，第一眼就見到在場好多食客都係食佢，就買來試下。果然叉燒真係幾好味喎，雖然唔係點左叉燒飯，而係叉燒卷，但舊叉燒真係好大份，感覺好似食左成條咁😅，所以份量真係冇得輸。然後叉燒好夠味同埋好淋，配上生菜蛋黃醬蛋餅又幾特別既😆呢個份量HKD45配埋可樂，個人覺得抵食。另外個拼盆就一般，唯一個脆脆蝦好味。雖說係food court,但成個場既裝修都幾特別，地方夠晒闊落，唔會坐得好逼，同平時食完好走啦既good court感覺唔一樣，呢度係可以慢慢食hea下既地方。呢樣讚👍🏻…查看更多

呢間係唔顯眼既平民點心店，就咁睇外表真係冇咩信心，但原來大件夾抵食。呢間點心店以牛肉自居，個人覺得的確幾好食，好滑，但未至於好出眾。反而傳統既拉布腸粉有驚喜，真係好滑😆2個人點左6樣野連茶位HKD170,價錢正常，但點心都幾大件，好飽。南瓜芋蓉小丸子真係好推介，好好味，喜歡甜食既朋友應該會好鐘意。由於忠情甜食，一定要試埋佢既奶黃包，但個人覺得一般，首先唔夠熱然後奶黃比較稀同淡味。餐廳細細，唔係可以慢慢坐同傾計既地方，食完好走啦。…查看更多

呢間餐廳環境真係一流，好闊落，一班朋友一齊食飯傾吓偈真係一絕。落單需要用QR Code order, 由選擇主菜單到小食都幾多選擇，對於有選擇困難既朋友要用好耐時間😮‍💨Lunch Brunch set HKD398，當中龍蝦墨汁麵要另加98蚊，如果想飲酒精類飲品再加2百幾任飲，以一個lunch來講唔算平，但勝在環境好，同埋食到平時少d機會食到既秘魯菜。如果幾個朋友一齊試幾個set,就可以全部食物都食到晒，值得一試。…查看更多

食物份量多，味道幾好。雖然沒有預約制，但星期五晚都唔需要排好耐，好快就可以安排入坐，唯等上菜要15分鐘以上。另外餐桌夠大唔會好逼，但衛生一般，枱面有水漬及痴笠笠，衛生需要改善吓。天麩羅冷蕎麥面好好味，蕎麥麵好有口感，配上山葵冷汁一齊食真係好心涼🤪，好岩呢個天氣食。另外個芝士年糕有驚喜，好濃芝士，比一般放題食到既size大，再加上點蛋黃醬原來咁夾，食完好滿足。天麩羅份量都好多，女仔來說可能食唔晒。…查看更多