~享味人生~^^的个人专页

今晚去了試馬祖， 食評好像不錯還是中伏了。我跟朋友18:00 進場，知道19:30 是90分鐘交枱的，期間都有不少人入座但沒有full house。湯底非常差。我點麻辣鍋只有咸味，朋友的養生鍋寫有桃膠也沒看見（可能是煮溶了， 但朋友也說之前吃過一間有桃膠是真的會看到有的）。因為朋友不能吃牛，所以我們點了豬， 豬的質素普通，外面能夾的食物種類不多，但還是可以接受的。員工加了兩次湯， 一次應該是味精水， 不是那個湯底加那種湯。 第二次是直接清水。 但還是咸， 味精應該太重了。我們吃到最尾左右有位員工說還有7分鐘（真的是19:23）， 之後馬上埋單， 19:23-19:30 常常經過身邊看還有多少在鍋中，還跟我們說吃完雪糕好走了。 19:30 準點來收拾，得到準許多拿一杯雪糕 （對！ 就是求他這樣） ， 他說只能吃三分鐘， 就真的19:33、 19:34 、 19:35 來趕我們走。 真的沒看錯，在19:23-19:35 期間總共催了五次。 是用催的，叫你快啲走， 望住我朋友吃！而外面還有很多位置。OK! 其實我們知道遲了5分鐘可能對你哋唔滿座既生意好有影響，要勞煩你哋趕我地走。放心呀， 無下次， 亦都會同所有openrice朋友講，如不能準時離開的請勿光顧。是一分鐘也不行喔！…查看更多

今次係我第三次食呢間食店，第一次看到員工在飲酒聊天，比較悠閑（只有幾枱客）。出菜的速度還好，點的是冬蔭公湯底，幾好食嘅，但返到屋企肚痛，有諗過係其他事引起⋯第二次買外賣，吃麻辣湯底，又係食完肚痛⋯第三次去食，員工定老闆定熟客？又係在飲酒聊天，只有幾枱客，出菜速度超慢，重點是，晚上回家又肚痛⋯⋯我不知道是水質問題，還是店的食物質素問題。 中伏了三次，食物味道還好，但真的，想支持也支持不了⋯⋯希望店舖可關注一下吧⋯…查看更多

上次來這裡等下午茶等了1.5小時， 至少看到有四至五枱熟客仔阿公阿婆，一黎到就被安排座位，過程中肯肯定無拎飛，可惜我們這些就要慢慢等，等到沒有熟客，有人埋單才可入座。唯點心水準不錯， 價錢也便宜！所以媽媽今天決定再來， 可惜這一次等了1.5小時也無起色，決定放棄。建議如果真的想去，要不你是熟客，要不就一點多拎飛，逛一下太古城，再兩點多上去看號碼，也不保證，而且要忍受著你看到熟客一直在你面前直行直過，看到有枱也先給了他們的氣。…查看更多

前幾天看臉書見到介紹， 有港女最愛嘅薰衣草仲有英式裝潢， 簡直啱哂feel!!!今晚約了好姐妹來這裡晚餐一試，在IFC的四樓，往時是我做part time最愛去的地方，買一個麥記就可坐在這裡欣賞海景吃薯條，好寫意😌今晚試了很多菜式必試的凱薩沙拉居然忘記拍照！真係好好食，啲雞肉好嫩，成個沙律夠味足料首先這個singature dishes 叫Green Fairy, 鐘意飲蘆薈或者green嘅大家都可以試試，好靚，影相一流😍味道上酒味不重，甜度適中呢個都好好食，個雞翼夠辣，個cheese 醬係好足料，啖啖cheese😍黑松露薯條，不過不失，比較喜歡黑松露醬汁點薯條🍟有點失望，太乾，不夠Juicy, 但價錢份量👍🏻👍🏻黎飲杯野欣賞下呢度真係好靚❤️❤️❤️…查看更多

其實我已經去過唔同嘅牧羊少年餐廳，每間都俾我一個好舒服嘅感覺，可以食野睇書⋯啲員工都好好。但呢間果位男員工，其實如果你係天生黑面嘅話，盡量就唔好做樓面吧！ 我行過黎係等位區等咗陣，你又扮睇唔到，到你真係行過黎啦，又勁唔耐煩咁問我咩事⋯⋯我想講既係，我企得係呢度等，會係咩事呢？即刻食都唔想食，啲野食幾好都無用，啲員工係咁嘅話～ …查看更多

我哋兩個尋晚即興約食飯，結果揀咗呢間試下佢啲炸雞，睇相就知勁邪惡！！！睇個樣就知道好味道，炸雞本身既味好香口，不過唔算啖啖肉，骨位都算多個農夫包值得一讚，好脆，點芝士一流！😋可惜芝士味道比較淡，如果佢用隻濃味少少嘅比較好，而家炸雞既味完全蓋過芝士～ 呢度菜可以做得更好！因為剩係食炸雞好似好單調諗住叫個牛肉粉絲又無喎唯有叫呢個試下， 店員妹妹明明話好細舊（比左個正方形手勢） 點知黎到嚇死寶寶了！！！超大舊！！呢個仲要係regular，大份裝係double size...肉質外皮燒得唔夠，令到佢有啲「鞋」但食落去食到骨位又好好食喎！估佢唔到！努力食呀食 食呀食⋯⋯⋯我地兩個女仔諗住點都食唔哂⋯⋯⋯點知⋯⋯⋯⋯😂😂😂好大食😂😂😂😂…查看更多

在2016年的頭一天，去了九龍城的Pantry Bread & Pastries 跟朋友嘆了個下午茶～聽朋友說這裡的LEGO蛋糕很有趣也很好吃，趁假期專程來試一下！我們最愛的還是比較清新的口味，青檸或檸檬是最愛，所以我們分別點了綠色青檸LEGO蛋糕及檸檬芝士。蛋糕的外型很美，味道也很好吃，酸酸的感覺很開胃～店內的佈置很用心，感覺很舒服，坐下來談天最合適店裡也有售不同種類的面包，看起來很吸引，今天吃太飽，留待下一次再來蛋糕櫃 <3跟朋友聊東聊西時間過得很快，心情很放鬆，希望2016年能夠每天用這種心情去對待吧!…查看更多

近來喜歡上這裡, 以前是銅鑼灣的LCX, 現在改為Aeon + 12蚊店喜歡這裡的原因: 夠寧靜, 銅鑼灣比較少人的地方, 可以好好享受逛街吃飯的樂趣, 我覺得只有這裡 今天來到盛八食堂, 因為男朋友很愛雞蛋, 所以一直想帶他來這裡試試因為禮拜三晚9點的關係, 店只有一枱客, 男友一度問我是否打烊了... =="其實靜靜享受一餐晚飯不是更好嗎?這是我點的, 很愛大香菇, 蛋包飯是配很香濃的茄汁醬, 茄醬炒飯粒分明, 做得不錯~ 蛋包著整個飯, 而不是蓋面的, 味道及賣相都很好 <3男友點了咖哩牛肉蛋包飯, 咖哩微辣, 對吃得辣的人可能感到失望. 配料很多, 這蛋包飯是滑蛋漿蓋面, 明顯跟我的那個做法不同, 味道一樣濃, 好吃!這個很可愛, 是腐皮包溫泉蛋+沙律, 上菜時腐皮剛炸好, 吃下去很燙口~ 這菜的味道比較淡, 我們都吃完蛋包飯才吃這個, 感覺比較無味, 所以應該作飯前小吃比較合適~埋單不到300, 這個份量這個質素這個地段, 十分滿足!…查看更多

我很少接觸西班牙的事物, 沒有到過西班牙. 更少吃到西班牙菜多得以生日的名義來到這家餐廳, 地點在海港城Joyce 對面的大廈內, 現在大廈裝修, 有點不太好找我們一行三人早已訂枱, 我朋友亦比我先到, 待應很有禮貌及朝氣, 令整間餐廳的氣氛開朗不少~餐廳的裝潢很有西班牙味道, 橙紅色, 紅布, 鬥牛工具, 牛號, 牛鬥士 (出lift 會見到)  etc....因為設了最低消費每人400 (未計加一), 所以我們都想著要叫多一點東西 @.@ (其實最低消費400真的有點貴)朋友喜歡吃黑毛豬, 一邊點一邊說黑毛豬在西班牙有多美味多便宜etc...我們還點了海鮮飯, 乳豬及帶子 ~ 其中乳豬是看Openrice 覺得很美味所以才點的 上菜前枱上都放上大大的陶瓷碟子 (我還以為我們用餐是用它...結果點餐後收走了, 來不及拍照 )黑毛豬的確好吃, 朋友點了酒, 配上後更加一絕, 但價錢有點貴, 好像二百多還是三百多..我很喜歡這個, 賣相跟味道都很不錯, 有心思的菜式, 我們都說應該是用了北海道帶子 西班牙乳豬跟香港的那種不同, 皮是燒焗的, 不是那種硬綳綳的脆, Juicy Juicy ~ 豬肉不會燒得太乾, 吃起來也不會太咸, 不配醬料直接吃已經好好吃 對這裡的西班牙海鮮飯十分失望, 非常咸..海鮮味及做出來飯的顏色是合格的, 但不知它煮時用了什麼整個飯都很咸.. 另外如果用正常大蝦而不用有鉗的蝦會比較好....雖然我們最後都盡力吃完它...但真對這個十分失望最後待應認錯了我跟朋友...直接問我"蛋糕上得未"...場面是有多尷尬 hahahaPS: 切餅費每人HKD 25多謝朋友們的生日飯~ ^.^ …查看更多

之前經過登龍街已經留意它了.到前幾天在旺角看到同一間. 今天午餐決定要試了. 很幸運, 剛好有位置看到Menu, 猶豫在Full Day Breakfast 還是這個Meat Set (我忘記它真正名字 )最終決定還是它吧, 因為炸雞配漢堡聽起來就讓人食指大動 . Yum Yum 炸雞做得很不錯, 不是那種"KFC炸法", 好耐無食過咁嫩滑既炸雞 (有點像豪大大的小雞塊, 但做得更好)!漢堡比M記好吃多了, 比較軟身, 感覺像是自家製的.再加個waffle, 完美吧!!!! 最好吃還是Waffle, 要第一時間吃, 脆過Wedges 唔係講笑~ 有輕輕既甜美.因為我坐近廚房, 看到它用Olive Oil, 讚一個!再配以一杯 Iced Mocha, 我不太懂欣賞"Iced Mocha "到底有無咖啡豆味, 畢竟是一杯凍飲.... 我比較著重它冰得怎樣,它有沒有Cream , 有沒有Choco味. 在我眼中. Iced Mocha 需要有齊上述所有東西. 這杯很合我心意. Cream 上亦灑上分量適中的朱古力粉, 杯裡是碎冰, 味道適中,正!!這餐廳能讓我這樣當天留下食評, 再讚一個! 希望保持水準.亦希望下次能到旺角分店嚐一嚐 ~…查看更多

大家可以睇下我既食評, 好少俾負分.但今次因為店員既不禮貌及大話, 所以唯有上黎post 呢段文話說某團購網今日開放dinner buffet咁我就打去訂位啦, 佢張劵寫明話:7:30pm 時段於2012年9月5-16日不適用" , 因為我要訂9月20日,所以就無問題啦點知我打左好耐好耐成幾個鐘電話, 終於打得通啦.個女店員好唔客氣咁喂左一聲, 我就話我買左團購要book 位, 9月20日7點半既.點知佢話: 個個時間要九月二十五日之後先可以wo..但係我明明睇到寫住" 9月5-16日不能only"..咁我同佢講.佢check 都唔check, 即刻話" 個日full左啦無位啦"大話唔係咁講的我知道團購要早book,睇哂所有細則. 但係你地既店員都唔該有番D操守. …查看更多

因為下大雨三號風的關係, 又因為男同事們買外賣既關係.我地兩個女人仔決定左食唔使行得遠又有瓦遮頭既板長. (我地連傘都無帶)叫左兩個set. 不過不失...同事朋友說sushi 都係不過不失, 55蚊加一, 有miso soup,九件sushi, 算係咁我個個係味之定食, 有salad, 天婦羅,刺身, miso soup 同飯 , 66加一比較驚喜係個刺長我估佢唔到都幾好食~ 有三款,都好新鮮!! 但係天婦羅有個芝士既餅...個人覺得好難食PS: 如果男仔黎呢度set lunch 其實唔會好飽, 因為份量真係剛好, 可能男仔要食多個tea 先夠就係咁,...又一日....等緊八號風~~…查看更多

今次相片說明一切. 見到好多人單拖黎, Bee Curry 果然是一間適合快食既餐廳.因為Yoga 堂時間未到, 去吃個輕晚餐確是不錯 分量適中, 對於普通人一定夠食..吉列蠔夠脆, 咖哩沒有很spicy, 少了一種日本風味 (因為以前成日買日本curry 包食, 印象中日本curry 係甜甜地既) , 飯係珍珠米 其他就不過不失~~食飽飽, 行陣街, 又到做yoga 時間~~^^…查看更多

話說N年前去過旺角既老富昌食過幾次, 近呢幾年都無去過呢間餐廳啦(因為唔就腳)見到佢開左係尖沙咀 (從街睇係一風堂隔離) , 就一心想黎試下...咁arm 今日就到時間, 就黎過下午茶啦^^ 我一直都覺得佢係一風堂隔離, 結果我行到一風堂...搵左陣都見唔到!!之後係新港兜下兜下...原來佢要係一個轉角位入去架..都幾隱閉...可能下午茶同埋間餐廳都好大既關係, 好似無咩人咁...睇一睇個餐牌就入去坐低啦~~見到有個叫泰式海鮮蛋包飯,好似幾好食, 所以就叫呢個啦..好平, 3x蚊又好想飲湯, 所以加左十蚊要個白湯都幾濃, 有少少料係入面, 不過不失!!蛋包飯係將煎好既薄蛋片放在上面, 當然有別一般蛋包飯, 蛋同飯明顥分開, 但入面既炒飯其實幾好食, 夠乾身, 亦都有少少蝦米魷魚之類既, 仲有個小小既salad 做伴菜,諗下...三十幾蚊有個飯仲有杯野飲...算係尖咀既平價之選!! (雖然個飯係較細, 男仔可能要食2個, 但女仔一定ok)呢個係餐牌, 都好多種類既野食...我個人覺得環境同食物點都好過pizza hut 既下午茶!抵食, full set tea 都係$4x . 喜歡靜靜地在尖沙咀享受一個下午, 又要便宜的, 便是這裡!…查看更多

成年都無人寫過呢間既食評...身為街坊既我.為你打打氣是日爸爸澳門嬴錢回來, 一於食餐勁既~~一家三口(細佬返工) 去越華會, 理由: 野食好食D( Compare to 明星 , 有海鮮, 近, 價錢公道)是次只係影左一張相..我地三個人食左:=====豉椒炒硯呢個餸係酒家係好難唔好食既, 所以所在焦點就放左係酒家有無抽水啦..即係有無好多有shell無肉既硯, 越華會呢碟都好好, 無咩呢個情況出現.同埋都幾大碟. 讚!=====斑球兩味斑球佢聲稱係"海斑",但爸爸話唔係,係人養既唔係野生..因為食得出既 ( 佢先係真正隱世食家).. 不過整體都唔錯, 又係分量大大既, 價錢同東涌一樣, 但我覺得呢度大份D,同埋好味D (迷之聲: 唔使自己俾錢咩都好食) 雖然係人養既,但魚都夠滑,佢兩味既烹調手法又係好穩陣,所以都食得好開心======八錦豆腐煲呢個有點失準, 我個人雖然唔多喜歡附近間"囍館",但不能否認"囍館"確實做得好D...呢度呢個煲太多芡汁啦..D菜呀冬菇都唔係太討好...個煲又唔係話好熱..=====霸王雞正!!因為好鐘意食雞~~ 我覺得呢個係最好食...因為之前食過蔥油雞,太多薑絲,令到雞既味蓋住哂,淨係得薑味!呢個唔會,因為上面係好多蔥, 好似平時點薑蔥咁,好香^^ 同埋要半隻雞真係俾足你,唔會淨俾雞胸,係有雞翼同脾...出乎我意料.^^=====蒜泥蝦我原本想食白灼但爸爸話蒜泥好D...個人覺得D蝦唔係好新鮮, 不過可以一試...記得要襯熱食,因為凍左會好油!!埋單 6xx , 但係打包左成盒餸俾細佬放工做宵夜...即係每人都係百零蚊.抵呀!…查看更多