JanCwl's Profile

一直都好中意日本嘅舊式喫茶店，俾人感覺舒適，hotcakes同咖啡嘅香味充滿住整個舖頭，播住淡淡柔和嘅舊日文歌，好昭和，而find the way就做到呢種感覺，老闆們都非常溫柔humble. 同朋友兩人黎到walkin太多人所以等左唔算耐好快就有位。舒頭細細，坐嘅位置都係全bar枱但坐得好舒服，後面牆身可以掛衫同袋。 想試佢個hotcakes 同布丁好耐，hotcakes質地好鬆軟，重係熱住咁上枱，枱上嘅楓糖漿可以自己加，香噴噴軟綿綿好幸福～ 布丁好有奶香，質地綿滑，甜度適中，同埋一定係要襯埋高腳杯先叫得做昭和布丁heeh heeh.. 叫左杯latte, 啡味係偏濃嘅style, 啱啱好fit我中意啡味濃嘅人。 整體價錢算合理，可以慢慢食慢慢傾下計，又可以望住老闆們整嘢食好治癒～ 有時又會同客人傾下計，氣氛好快樂。下次會再黎:)…Read More

同朋友附近睇完場戲，帶咗佢黎呢間我食過一次已經好中意嘅斑蘭葉印尼餐廳。 餐廳門口擺放咗一d印尼糕點，所以唔細心d睇都唔知隔離就係餐廳入口。 入到去見坐位已經差唔多坐滿，睇餐牌時有d名稱確實係唔知用咗咩材料，所以問咗兩樣想食嘅最後揀咗黑果牛肉湯飯+珍多冰，朋友就揀咗印尼四大天皇飯+柚子蜜。 黑果牛肉嘅黑果都係第一次嘗試，老闆娘話佢係一粒黑色嘅果..hahaha 再問佢係點嘅味時佢話唔知點形容，當我飲第一啖湯時就明點解唔知點形容了，係獨有嘅味道，暫時未諗其他相似食物形容到佢，只係諗起屋企人煲到好濃嘅眉豆湯感覺。牛肉份量都好足，口感都幾軟，個湯重有好多其他香料嘅味道層次感好豐富，用黎撈飯真係不得了。配菜重有印尼嘅咸蛋，佢唔似我地港式咸蛋咁咸，咁就啱哂唔會搶左主角嘅味道。 老闆娘重教落側邊嘅青檸仔同芽菜仔可以放落個湯到一齊食，話唔係個個都中意呢種芽菜嘅草青味，但印尼當地人佢地就好中意咁食，我試完又幾中意係湯入面發揮咗一種小清新嘅感覺，重有咬落有小小索索聲嘅口感，所以全部落哂 側邊重有一小碗辣椒嘅醬汁，啱哂食辣嘅人，因為真係幾辣吓。 另外朋友叫嘅印尼四大天皇飯配菜有海南雞脾，見佢切咗件幾細心，巴東牛肉，沙爹雜菜，同埋又有一樣第一次接觸嘅食物，叫酸豆配埋魚干一齋食。 今餐學咗唔少嘢，價錢性價比非常高離開見舖頭出面賣緊嘅小食，有個斑蘭千層糕好吸引，一見到斑蘭嘅嘢就會忍唔住，重要係幾平，一盒有三件都係25蚊，外面薄薄一層焗到好似蛋糕底咁中間口感煙韌好香斑斕味。後悔剩係買咗一盒呀！！…Read More

其實知有呢間舖頭好耐，但從未食過，今日經過順便快食就搵咗佢。首先，門口正正常常，不過望入去地方都算大但得幾枱客，中午閒日附近又多寫字樓，樓下幾間餐廳都滿客，佢呢種客量狀態令我有小小擔心。入到門口冇人理你就求其搵個位坐底，話明意大利餐廳，先唔理正唔正忠啦，都冇理由係播大媽廣場舞嘅歌呱？茶記都唔會咁做啦，食慾已經大減一半... 跟住. 落單原來係有張點餐紙俾你寫.. Lunch set係 前菜+主食+飲品。 嗌左個沙律. 蕃茄海鮮意粉. 凍啡.. 話就話沙律.. 只係加左沙律汁嘅生菜，我明呢個價錢唔應該咁高要求，意粉先講賣相，已經冇乜要求，感覺就係炒埋一碟，意粉一大碟唔係多就叫好，根本就係求其，連個碟邊都勁多汁，個底多汁到水汪汪咁，唔講以為湯意粉，海鮮有蜆同魷魚圈，蜆有腥味..魷魚圈有雪味..汁太稀掛唔到麵.. 食落好似有d硬硬地有沙嘅感覺..... 意大利餐廳？連意粉基本都未搞得掂。凍啡要加4蚊.. 現成啡本來都冇乜要求。 唔講食物講服務.. 其實個女待應每擺底一樣嘢落黎都好似好衝忙好趕急咁樣就咁放低，唔明個場少人到5隻手指數得哂都好似好趕咁。最後，食完行左去收銀賣單，找錢佢都係背住我單手唔望人咁遽返d錢俾我。唔知佢係老闆定員工 ...當食物服務都咁差嘅時候，再平d都唔會再返黎食，賣單55蚊同區可以搵到更多好好食嘅餐。平而造到食物要求咁低真係唔係籍口，重要係依家呢個市道諗唔明點解可以重捱到落去。 更唔明嘅係.. 係openrice竟然見到咁多好評....…Read More

一入到舖重以為已經要收舖，因為order counter冇職員，等嘢食速度算合理，嘢食完全冇問題，但有個女員工傾計好很很很很嘈，把聲好煩，好影響坐係到食嘢嘅客，真係好難好難頂！後悔點解唔外賣走。。…Read More

行完山，友人話去不如今晚食阿甘蝦，先醒起一直知有呢間用阿甘正傳套戲取材嘅餐廳!!! 即刻勁期待! 6點左右到，都未算好多人，但都要等一陣位，等位期間門口有個影相位可以扮著住對鞋坐係櫈到影相，幾搞笑。 門口接待侍應都幾nice~ 帶左我地去可以望到山頂景色嘅位置~ 超開心!! 係今日嘅bonus 呀! 由日落望到夜景! 入面裝修環境都幾有海邊餐廳感覺，遠處有部電視一直播緊阿甘正傳。menu好多選擇，揀左一輪就決定要好吸引嘅阿甘蝦天堂! 有4種唔同做法嘅蝦! breaded coconut, grilled, crispy golden 同 tempura 4種入面我最中意就係grilled 同crispy golden, 燒得好香，炸得好脆口🧡每款都加左薯條係底，都幾飽。重有配咗三款佢地homemade嘅醬汁任你點~ 重叫咗豬仔骨燒蝦串LT. DAN'S SURF & TURF. 豬仔骨肉質欶滑醬汁野味啖啖肉~燒蝦串同阿甘蝦天堂個款一樣，太好食要加碼! 重有配埋薯條，加加埋埋真係太多食唔哂~ 叫左兩杯嘢飲， bubba's blue hawaiian 藍色幾清新~ mama's mango mojito 食完濃味嘢飲呢個就啱喇! 食完行出餐廳隔離有間原來係賣手信嘅小舖，見到有隻吸磁蝦嘅毛公仔即刻二話不說就買左，個樣太搞笑😂 重有好多其他貨品都好吸引~ 總括黎講嘢食環境氣氛都100分! …Read More

一直都對有花膠嘅麵情有獨鍾，下午時間黎到，職員都幾有禮。 呢段時間冇乜人等餐嘅時間都算快，叫咗碗好鬼補雞湯麵。一黎見到個餐配左個小食，配中華沙律係有d怪嘅。 第一啖就試吓個湯，雞湯鮮甜唔味精，又夠香，小小膠質口感，係有屋企嘅味道。 麵幼滑札實，整體同個味道幾夾，麵量都算多，冬菇先最驚喜! 唔係hea烚，食得出有炆煮過鮮甜入味。 花膠就瘦左dd，所以冇乜口感，又冇乜味道，好似重有d腥腥地。 魚肚有三塊，都幾大塊，比花膠更出色，同冬菇一樣都算入味，係有心嘅。 雞肉係雞胸位，切得夠薄，冇渣，但份量有d少。 食到底有唔少生菜，感覺幾健康。個匙羹幾好，「不」到底都重「不」到d湯。 總括黎講性價比一算ok啦，但勝在可以飲下湯大啖咬下魚肚，同會想再食佢嘅冬菇，清清地又多菜幾健康，職員又有禮。 下次可能會試佢嘅海鮮湯麵。…Read More

7點左右2個人去食，都幾多人，d枱同枱之間坐滿哂人，基本上聽到哂大家傾緊d咩嗌咗超級龍卷風：飯太濕，包住嘅紫菜好快淋哂，d飯有d鬆散，中間嘅炸蝦都炸得幾脆。嗌咗幾款壽司：油甘魚腩算新鮮，三文魚腩好薄有d孤寒，左口魚壽司不嬲都係正嘅，呢到食算正常，火燒過勁香口，肉算厚，啖啖香油，帶子普通，算中等大粒，但普遍d飯都係濕。牛油燒粟米：牛油香粟米甜燒得幾香。味淋魚干：質地偏硬，幾熱幾香。👍🏻三河極炎活鰻：厚實，嫩滑又彈牙，啱啱燒起熱辣辣，實在太正!  明太子雞翼：幾香口，明太子份量都算多，雞翼飽滿，咬落多汁，小小辣，燒得幾香口。燒羊架，好so, 又硬，唔推介食呢個。…Read More

咁啱係旺角，又想食拉麵就搵咗呢間。第一次黎見舖仔細細，原來都幾多人排隊跟機。排緊嘅嘅時候已經諗好哂想食邊款，朋友揀海老，我就揀魚介。 入到去坐得都幾逼，要同人搭枱。 重叫咗兩款小食，黑松露蝦餅，同炸雞。魚介麵放咗條魚干幾有趣，湯底魚介味幾足，叉燒冇乜特別，切到好薄咁浪係碗邊，咁真係好咩，4塊變2塊厚少小重好啦，但咁都重可以叫做軟身唔鞋口嘅。麵質麵種都有得揀，味道ok, 不過冇乜特別驚喜，還好。 黑松露蝦餅平凡，只係加個黑松露沙律醬係上面，普通得黎平凡。炸雞都平凡，但肉質幾好，但外面脆漿炸到好硬。 總括係冇乜記憶點嘅一間但味道都ok嘅拉麵舖頭。…Read More

新開冇耐，外面望到好似裝修幾靚仔，又係我中意嘅日式昭和風，入去試下佢嘅咖啡同食物先! 坐位唔多，有時見外面都會有人排緊隊，咁啱今日早lunch所以唔洗點等。裝修都係復古味重，木質感，啡啡橙橙色tone, 吊燈幾靚，角落都係圓邊設計，中間位置放咗陪咖啡機好吸睛! 坐底有杯水，水杯好靚，好vintage。點咗份香煎三文魚扒全日定食，一般都係有埋湯同味素飯，但佢個set原來重有我至愛茶碗蒸! 上面重舖咗小小三文魚子，有心! 重有兩小碟配菜，好送飯! 三文魚煎得香脆，肉質欶滑，配埋檸角同醬汁，又係好送飯! 碗湯都唔hea, 雖然係麵豉湯，但就加咗連殼蜆肉🧡 見佢部咖啡機咁把炮，就叫咗杯latte, 試佢啡又試佢嘅拉花，啡味略帶Nutty，個拉花都ok~ 總括間唔屎試一兩次就夠嘅感覺，因為menu好似都keep住係個幾款嘢，呢個價位算貴，黎食佢嘅格調，同餐具裝修都算可。…Read More

去演藝睇show, 所以一早搵定附近有d咩食，就搵到呢間日式撈麵! 好似話世界各地都有佢嘅分店，一於試下有咩咁把炮先! 舖頭地方唔算大，簡潔格局，燈火通明，個人感覺場內燈光又真係太光猛😂 揀咗明太子忌廉撈麵，實在太中意食明太子，一見到就心心眼~ 撈埋落碗麵一定正! 重有叉燒，係切到一粒粒咁，肉質少軟，唔會硬柴。一野桔爆隻溫泉蛋，撈埋d蔥花水菜紫菜碎生蒜，同埋放咗幾條唐辛子絲，灑d魚粉，小麥麵底，一撈!d口水即刻勇出黎，一啖啜哂所有配料嘅麵，麵質爽滑又彈牙，再大啖咬d粒粒叉燒，一啖一啜咁好快差唔多食到三份一 ; 呢個時候原來重可以跟枱上面嘅東京撈麵4步驟黎試加黑胡椒! 即刻又有另一種風味~ 食到三份二又可以試加自家秘製香醋，醋味帶咗d清新感~ 邪惡嘅嘢要放到最後最後! 剩底嘅汁重可以用黎撈飯嫁! 癲。 其實同食沾麵一樣，但食呢個撈麵簡直係夾 “拉麵! 沾麵! 同撈麵於一身!“ 一次過滿足到三種享受。 其實重要重點講一講個炸雞皮餃子，點埋個芥末醬，一嘢咬爆，入面d汁係噴射式淺出，差d噴到對面個fd..雞皮好香口脆身，力推👍🏻 單骨雞翼就咸咗小小，但肉質都好juice👍🏻 總括黎講係會再番chur! …Read More

▪肉質飽滿卜卜蜆▪泰濃麵食泰麵唔少得一定係船麵，咁啱今日就有人帶我去試尖沙咀一間幾有特色泰式舖頭食! 2️⃣一見到有卜卜蜆就心心眼😍，梗係要試啦，而友人就叫左頂級安格斯牛肉船麵。3️⃣湯底可以自選船湯，冬陰功湯同清湯。我地就更係揀船湯啦! 個湯飲落香味都幾夠，唔算辣，個人比較喜歡辣小小同大量通菜碎嘅船麵湯底，可能因為咁，枱面都提供咗辣椒粉俾喜辣之人落爆! 4️⃣麵都有唔同種類揀，河粉，金邊粉，薯粉，黃麵重有埋湯飯，薯粉都吸引，不過最後揀咗黃麵，彈牙又掛湯! 5️⃣主角黎喇，中意食卜卜蜆勝在肉質脹卜卜，啖啖肉又夠鮮甜，一碗麵入面蜆嘅份量都算多，一d都唔孤寒! 6️⃣墨丸彈牙爽口，size合格! 份量有兩粒。7️⃣蘿蔔入味少爽口冇渣。8️⃣我個人又幾中意食秋葵，爽口清新，一碗伴隨住一條。9️⃣炸豬皮真係不得了，為呢碗麵增加左不少流口水分數🤤香口又脆卜卜，浸軟小小食重好味~ 見舖頭都有特登放咗d炸豬皮產品作零售。🔟想講隻辣椒粉都真係幾辣，相嘅份量足以夠我滴跑10k嘅汗，千其唔好真係落爆! 總結：食個陣下午時間冇乜人出餐都算快，職員都幾nice，重會俾個碗仔裝蜆殼，細心位! 味道算係中上，友人嘅安格斯牛肉肉質份量味道一般，價錢略貴。性價比一般，香港要發掘有船麵而又好好食唔算好多，但呢間都算可以! ------------------------------埋單 麵92+92+soda water$17 (如果有埋青檸就好喇) + 凍飲$8性價比 🧡🧡🧡🖤🖤辣椒粉✔樽仔可樂✔…Read More

手撕雞腸粉套餐行到攰攰地見到呢間豆花店，以為食糖水，原來都有小食，入面位置唔多，舖仔細細，店員都好有中氣。見佢有套餐揀，就叫左個手撕雞腸粉套餐，包埋豆漿，有凍有熱，有甜有唔甜。第一次食手撕雞mix腸粉呢類型配搭，配埋小小青瓜絲，腸粉有三條，出黎嘅份量唔算多，唔知實質一條有幾長不過所有嘢撈埋黎食加埋d醬同芝麻又幾野味，食完重想叫其他嘢食。最中意飲冇糖豆漿，覺得咁先最試到有冇豆味，不過都係冇乜特別豆漿，好在可以減去啱先食完嘅重醬感。…Read More

每次經過都排晒長龍,夜d去冇乜人就試下。嗌咗個牛扒丼加嘢飲。等餐時間都合理，但d嘢食係凍嘅... d飯只係好微微嘅溫度.. d汁正常都係凍嘅.. 就因為咁..淋左係飯個d位連小小微溫都冇埋.. 配菜洋蔥都係凍..就連牛扒都係凍嘅!?? 小小熱都冇.. 究竟係咪我誤會咗個餐其實係凍食!? 雖然份量都夠，但唔熱黎講..份量幾足都冇用! 更何況係呢d咁凍嘅天氣真係好差嘅體驗..牛肉都冇乜牛味，好似只係咬緊舊肉咁，128蚊個飯，飲埋嘢加埋都140.. 我去隔離燒肉like好過.. 睇埋介紹重話係日本過江龍，睇埋d comments 原來都有人係覺得d嘢食唔熱餐廳重有食客係到，突然有個姐姐推住個高身綠色垃圾車係側門由餐廳中間係客人側邊經過.. 感覺好似去咗大排檔…Read More

其實經過好多次，又聽過朋友介紹好多次，終於都輪到燈籠滷味! 台式車仔麵，試試佢睇下同港式嘅有咩分別!1️⃣揀咗特選午餐B，包括有雞腎，雞翅膀，黑木耳，麻吉燒，西蘭花 + 自選麵。個餐一黎就見到滿滿嘅蔥粒同酸菜舖哂係面，望落顏色都幾豐富。2️⃣個湯底話說係租傳滷湯，用台灣總店直送秘傳配方滷湯，選用桂皮，花椒，甘草等幾十種中藥材，再用慢火熬煮，鮮味而帶回甘。碗麵嘅湯份量算少，唔似港式車仔麵咁大碗湯。3️⃣自選麵揀咗我最中意嘅油麵，粗幼適中，麵質爽滑，算幾彈牙，沾到d滷湯都幾入味，唔錯。面嘅選擇同港式嘅好相似，都係油麵，烏東，一丁，米粉米線個d嘢，重諗住會有板條個d台式麵揀。4️⃣滷雞翼都幾欶滑入味，size中等，唔會死咸，但份量得一隻。5️⃣麻吉燒原來係入面係芝士餡嘅魚餅咁上下，感覺都幾得意，好似食緊芝心魚蛋咁，份量有兩粒。6️⃣雞腎入味唔會乾柴咁，份量都俾得幾多。7️⃣其餘配菜加左大量黑木耳，同埋西蘭花，咁多菜感覺幾健康，而我本身又幾中意黑木耳。總結平日午餐時段去食冇乜人，職員都幾nice，出餐都算快，但味道未係好台灣感覺，性價比一般，但可以試下其他唔同國家文化嘅麵食都幾好。------------------------------午餐B $63 + 古早冬瓜茶加珍珠$16性價比 🧡🧡🖤🖤…Read More

又到左我中意嘅車仔麵環節，銅鑼灣數一數二嘅榮記點都要試一試佢! 今次嗌咗個兩餸麵加可樂。2️⃣一黎就見到個湯好深色，飲落好濃郁，有落最點精嘅蔥花。3️⃣今次揀左粗麵，個麵啱哂用黎掛湯，麵質遍軟，口感算可以。 4️⃣兩餸揀左韭菜餃，size算叫細粒，皮算薄，餡唔算多，有兩粒5️⃣另一樣嗌咗牛腩，質地幾軟淋幾入味，份量都算多食到尾都有幾多西洋菜係底，感覺都好似健康咗。總結出餐都幾快，職員都幾nice，味道性價比都高，幫襯多d有質素嘅小店，令大家可以繼續keep住香港地道美食文化! ------------------------------埋單 $39+ 可樂$9性價比 🧡🧡🧡🧡🖤辣醬✔…Read More