sinfor2001的个人专页

呢間野，其實唔係第一次食，之前係成日2個人食，今次4個不過經過今次，真係永久blacklist,無台，唔出聲，唔截人，我地行入去揾完無位，佢櫃檯就派籌比我後面既人，（我仲要只係係個櫃台前幾步）豆腐潤禁大間店，你已經見到我地無位，啲員工叫緊我地返出去等，你櫃檯個阿姐就唔好派飛比後面啦，比籌我時，我見到頭先羅籌既係3人，唔係2人，即係點都要等成張檯，（如果2人正常係會搭台，同我地4人唔同，我就唔會叫個阿姐叫返我地先）而且個櫃檯阿姐既做法，根本就有問題，見到禁，我同佢講：係我地先架喎佢：無辦法，唔可以係人地手上羅返張籌我：禁你一陣有台叫返我地先佢：唔得禁喎，number係佢地先我：禁佢地都見到，知係我地入先架喎佢繼續話唔得～就得我同羅左籌兩台人等，佢地3個，我地4個，都可以禁樣，勁，唔會再去！…查看更多

公眾假期，當然要去啲優閒啲既地方抖下啦，老公話好耐無去過赤柱啦，最後真係走左出黎!初頭想係美利樓食，但發覺得返兩間，而且無咩興趣，最後去左赤柱大街~花多眼亂底下，揀左間多人食既!小食：芝士通粉好creamy，我覺得芝士味可以再濃啲，因為得面個層焗成燶燶地既位置夠芝士味，不過都係好食既，只係我係芝士控，覺得唔夠即主食：美國肉眼扒14安+沙律配菜正正正正正，件扒好高質，側邊啲粉紅鹽好睇又好食加錢要既什菜沙律，都係用心制作既，啲蔬菜又香又甜下次可以試下佢啲墨西哥菜，我見好多人叫，本身我都想叫，只係老公中意食扒，所以無試，下次!不過餐廳環境比較嘈，佢開得啲音樂太大聲，可能政策黎，等你坐唔耐，快啲食完走!…查看更多

老公話好耐無食過，所以今日就決定食呢間黎補祝生日啦！老公要左燒牛肉麵牛肉大大件，個湯好好味，就禁睇碗麵會以為食完唔夠飽，不過食到得返一件牛肉同少少麵既時候，你會發覺原來已經飽左香酥雞扒滷肉飯老公話想食雞扒，但叫雞扒做小食，4十幾蚊，好似唔抵，所以我就叫左滷肉飯啦，我覺得個飯係好食既，不過件雞扒炸粉太勁，件雞扒無雞味，而且乾同唔滑，對件雞扒好失望小食要左魷魚每條都脹卜卜，好肥差，呢個無禁多炸粉，好好多加左兩杯野飲，珍珠另外加3蚊好濃，夠味，我杯香芋好飲啲，老公杯椰香味個味就有啲假唔及飲品店既好飲…查看更多

列車送餐有左好耐，不過我都係第一次食，原來望住佢車過黎，都真係會幾開心呢間應該都新開，架火車同條軌都好新淨但係個電腦板要禁好多下先有反應我地叫左兩個定食，個麵尌湯唔咸，好飲，沙律都好夠醬用機點餐，諗住無死，點知我叫三文魚親子丼，佢送左個三文魚海膽黎，即刻show埋order record佢睇，不過個員工係處理唔到既，要叫個高級啲既黎，重重覆覆講左3次，佢先羅走碗錯既原來啲少問題，係禁難處理另外一個係饅魚定食剩係睇食物，真係唔錯既，勁厚既饅魚，同好肥美既三文魚，料多，而且算靚既為泊車，另外叫多兩碟壽司，埋單202，真係抵食既，個三文魚親子食到我漏漏地，可想而知大件夾抵食，希望keep到…查看更多

一到假期，只要訓晏少少就好多只要好少少既all day都要排長龍！今日又係，係屋企open rice定，不過去到兩間都排到打哂蛇餅，又係局住係附近求其揾間亂入今次亂入呢間，質素都唔錯唯一可惜係無熱啡，得可樂，柚子蜜，啤酒經典漢堡$68+汽水，薯條餐(唔記得幾錢，廿幾)汽水有片檸檬，即時正左啲薯條勁粗勁有薯味，不過唔好睇佢個杯禁深，比張紙頂到上頂，雖然好好味，只係數埋10條都無，我覺得唔好比個杯，就禁放係盤上面，感覺會良好啲個漢堡好軟熟，好多肉汁正餐牌上竟然見到有all day$98，即時surprise 左份量黎講，食開all day既我，覺得真係貴左，呢個價錢，連腸都係得好細既一條仔，沙律亦無汁！最好食係啲菇粒，其他無特別而且無餐加，亦唔跟野飲，餐牌上提供既飲品，亦同all day完全唔夾，水都無杯比！黎呢間都係食返漢堡好啦…查看更多

Yoho開左好多食店，不過得兩個人，真係好多間都好易會食唔哂，好似德國菜，据扒個啲，都係會勁大份，加上我地係速速食完走個種，當然係揀啲抵食啲架啦！見呢間好似幾特別，係葡國菜，又唔算貴，就入去試下啦！首先要講，佢個個辣醬汁，超野味，食落個味好豐富，所以我又飲汁啦葡式椰香雞呢個一上台，好香椰香味，頭幾啖係好食既，不過食多幾啖就開始覺得有啲漏啦，因為唔知係奶定忌廉啦，都幾重架！辣肉腸松露芝士豬扒包雖然都好食，不過食唔到松露味，辣肉腸都唔見有，啲芝士味就夠既，豬扒都好鬆化，ok墨魚餅香脆可口，唔覺得熱氣同乾，跟黎個汁好正，比我羅黎撈沙律食埋葡撻×2食葡國菜，唔食葡撻點得，個酥皮好鬆軟，而且有啲餅皮味，正！呢個後叫無影…查看更多

難得賣甩老公，同阿爸阿媽黎試新野，呢期其實一路想試，不過一都無黎，今次終於試到啦原先諗住食下午茶，不過原來星期六日係無既巨型魚堡呢個老豆既，切左啲魚柳黎試，好juicy，睇老豆個樣，應該幾好食，加左做餐，有薯條，薯條略為乾身，當你食完個魚堡，再食個薯條，唔止老人家，連我都覺得有啲over喉嚨痛硬墨汁海鮮麵呢個阿媽既，我試左少少意粉，超級好食，個汁超正難得連阿媽都清碟仲有個牛柳all day唔記得影呢個啲牛柳係正，因為我中意佢有少少黑醋汁，煙肉有啲乾，其他腸，蛋，薯餅個啲，都無乜特別啦！飲品方，我剩係知自己杯踏步朱古力正囉另外一杯係蜜糖檸檬水，一杯係芒果伯爵茶，唔係同老公食，無試阿爸阿媽杯野飲…查看更多

難得老公有興致，帶個仔去郊遊，不過其實純粹只係上車，落車食野，再上返車，好彩入去沿途風光明媚呢間老公話同車友過一次，要帶我去食好港式既all day，聽到我一頭慕水，話係餐肉，腸仔個啲！嘩，你禁講完，真心唔想去算啦，當同個仔去行去兩份英式all day我加1件薯餅+$5，老公加兩件薯餅+$15所以加兩件係有啲唔抵既！而即磨既咖啡係要+$20唔，即時覺得頹左，已經對佢既all day唔敢期望之但係，一上台，喂，又幾吸引，幾得意喎，老公直頭雙眼發亮，因為有廚師腸同梅林午餐肉，食落囗，雖然港式啲，起碼佢都係靚既港式料火腿好香肉味，濃邊煙肉邊脆心軟，蛋有蛋味，我轉左脆皮豬肉腸，直頭係爆汁全部野都整到岩岩好，正啊我咩住個B，店員係禁叫我地坐入面話有冷氣，驚我地熱，又校風又剩港式高質all day+港式人情味，正老公最後仲要加多碗凍豆花難怪我地既人均消費成日都高人地幾十…查看更多

本身唔係諗住食呢間，不過想食個間已經揾過兩次都揾唔到，算數唔再揾啦，真係網上多好食評語都無用，專登入黎揾佢食都揾唔到証明地段都係好緊要既！呢間一掉低架車，行過隔黎就係啦，加上用心制作，，老公話有下次我要左經典$68老公要左至尊$118連啲茄汁豆都煮過，煙肉仲蜜糖煎添，一般都好咸好乾，呢個正呢，甜甜地仲好軟熟牛角包鬆軟脆口佢整啲野，全部都好juicy 個人覺得要經典同素食都已經夠食，至尊多得制，老公話好飽無跟野飲既，我地另外叫左soda 藍莓+菠蘿$48好大杯同好夠味，唔會飲飲下溶左冰就淡哂，如果叫呢杯兩個人飲都夠，不過all day我中意飲咖啡囉榛子咖啡$28賣相合哂我河車，我最中意木木木木質餐具沖得好靚，夠哂榛子味，咖啡味又夠超like埋單3舊，有加一，不過我地今次真係嗌多左既，下次試下其他…查看更多

已經出街食到唔知食咩好既地步啦！係唔想肉食同勁食底下，揀左呢間，初頭仲驚唔夠飽，最後老公加下加下，又係抱住個肚走先講加既先炸雞好新鮮，而且估你唔到大大舊，唔油膩芝士年糕呢個我覺得虛左啲，同芝士味唔夠，尚可溏心蛋我唔食得，但賣相唔錯腩片我覺得好食過跟麵個啲豚肉，啲豚肉太淋，無哂口咬同肉味到講麵啦！老公要左黑松露老公話面頭堆松露未撈已經好勁松露味啦，正我要左柚子辛口老實講，太咸，超越左濃味，成為左要用咸黎形容，不過都好食既~就係禁，加下加下，好飽，埋單344…查看更多

想同老公試好耐，不過星期日唔開，所以老公無緣！今日同阿娘食，本身想試all day，不過阿娘唔好，所以陪佢叫午餐午餐有3款揀，我地揀左其中兩個三文魚意粉黑松露菇意粉賣想唔錯，而且清清地，細細碟，如果你好肚餓，就應該會唔飽，正常野！玫瑰鮮奶咖啡薄荷朱古力咖啡食呢啲杯野飲先係重點，杯咖啡又靚又正，佢用啲豆岩我飲，唔會過濃過苦，但係有咖啡味！唔飲咖啡既阿娘都無講咩，呢下真心比個good佢啲野飲不過飲品只得all day跟杯橙汁，餐牌上既咖啡要加18蚊！呢重樓底鋪，望門面真係估佢唔到，入面別有洞天，雖然無特別點裝修，但係有希臘小白屋風情，加啲植物，到位！下次試all day不過如果加埋野飲，唔算抵食…查看更多

呢間想試好耐，不過之前以為得pancake食，所以幾次都無試，今次睇真啲，就衝左入去啦！Burrata Chorizo Pizza個批都夠juicy，中間夠哂料， 而且超脆口，正，不過食到近批邊既位置就無料啦，立時乾左啲，不過用料新鮮，手工pizza，正Tom Yum Gong Risotto味道好特別，係正既，不過好濃，食多幾啖就會開始覺得咸，如果偏返酸少少可能可以中和返，除左面頭隻蝦勁香之外，飯入面都有好多蝦粒，而且唔細！多啲人食，每人分少少，會好啲The Pantry's pancakes其實食完兩個主食，我已經收左工！不過老公話：必食架喎，你唔係唔試下話，我自己食哂3件囉！所以都係叫左，呢個要等約莫25分鐘左右！好軟熟好香佢叫pancake不過似梳乎厘多啲，好彩無想像禁飽肚，如果唔係真係會食唔落正啊！下次叫一個主食，跟住一人一份pancake就差唔多…查看更多

哈哈~過年前食，衣家先得閒寫，隔左禁耐，真係唔係好記得~朋友介紹~所以菜都唔係我點既，記得幾多寫幾多啦老板係韓國人好好客，明顯就雞同鴨講，但係都好好傾前菜~個新鮮醃泡菜，激正，食左3碟係新鮮醃個啲喎，唔係平時普通個啲喎，今次第一次食，到衣家都回味中海鮮鍋同個燒肉係set黎牛舌又係第一次食，好爽好，難怪個fd話必食，其他牛都好有牛味正個海鮮鍋係會等你燒完肉，再上，所以成餐餐食左好耐上次個fd食過話個八爪魚係會郁的，不過今日無郁湯好味炒年糕係我必食，唯一係我要求叫既不過呢個偏甜，僅屬ok,但個啲類似魚腐既物體，好鮮好正呢個唔記得叫名~豆腐定蛋？唔記得朋友話上次食好正，可惜今次落鹽重手左佢話好食，我一大啖食落去，嘩，差啲吐出黎，不過唔可以禁核突既，所以我吞左落去相信都係一時失手即呢間有下次…查看更多

好少可食韓國菜會覺得無心機寫，一個係韓國菜都中意食人今次竟然覺得唔得星期五外出食飯既人太多，得返一係1830，一係2030，最後卜左1830，限時90分鐘，無人等位可以繼續！一去到真係超少人，啲野食呢頭叫，個頭到，不過係唔可以話熱，慬屬暖除左部隊鍋海鮮部隊鍋呢個ok啦，都係個啲野，不過入面有通粉，笑左，連麵都要另外加芝士牛肉玉米片呢個係唯一覺得好食既，因為個醬好食芝士排骨有店員幫手卷啲芝士上個排骨度，卷完啲芝士成舊膠禁，排骨係無味既，除左漏之外，無其他野可以形容炒野菜唔，將啲菜炒埋一碟，真係得菜味大邱辣無骨雞3個人食，有2個覺得太甜，要左小辣（入門級），3個人都覺得完全無辣味雞腎呢個都尚算可以另外叫左2種野飲，西柚mocktail好苦，安排左我地坐最入既角落，超多飛飛，個fd殺左兩隻，有一隻跌左落我杯野飲度最得夠90分鐘，店員叫我地埋單走單，當時仲有好多未食，不過無所謂啦，反正唔好食，食剩左好多個朋友又無講得90分鐘食喎，早知揀2030啦，啊，唔係，係早知唔揀呢間啦，都唔好食…查看更多

如果可以比我揀一個國家既菜，以後日日食，我一定會揀韓國菜，個種甜甜辣辣，香口得黎，又覺得清清地既口味，真係好正不過衣家香港大部份韓國料理，都搞到好好濃味，食一次之後，成個月都唔洗再食今次呢間，好有住家韓國菜feel，清清地，易入口，而且韓國菜價錢黎講，係合理既，可以密密食都得老公食襯韓國菜，都話要食海鮮豆腐湯，散叫一個都成$168，最後我放棄我致愛既年糕，要左二人餐，$198有3樣野！炒牛肉香甜既牛肉同洋蔥，入口鬆化豆腐海鮮湯足料，飲完唔覺口渴，老公另外叫多左個白飯黎撈落去食雞肉石頭飯呢個老公覺得有啲乾，我覺得ok既，不過唔落辣醬既話係真係淡啲環境方面，細鋪仔迫少少理所當然係服務方面唔滿意，雖然有人幫我撈個石頭飯，但係都抵唔返明明我就拿住筷子食緊台面上面唯一一碟仲有牛肉係度既炒午肉，店員都係要收走，我已經“啊”左一聲，因為我罷明仲食緊，佢都仲可以羅起既，我真係一時之間，除左“啊”之外，唔識比反應近近地會再去試其他既…查看更多