愛吃的10號仔的個人專頁

疫情關係禁晚市堂食已經有一段時間，而家終於解禁喇~ 立即約朋友一齊出去食飯，心思思好想食炸雞，我朋友好就得我，我地兩個就去左銅鑼灣食下街同食炸雞。餐廳都幾方便，我地可以係樓下行下街攰先上去食。去到餐廳整體感覺都幾舒服，同埋都好注重清潔，防疫措施一啲都唔馬虎。我地一坐低就馬上送上杯水，有淡淡嘅檸檬味。黃金鹹蛋黃脆雞我地叫左呢款黃金鹹蛋炸雞，送過黎已經聞到香濃嘅鹹蛋黃香味，食落口味道更加濃郁，肉質嫩滑又多汁；炸雞表面鋪滿鹹蛋碎，炸雞外脆內嫩，鹹香惹味，我地兩個都好鍾意呢個口味，香而不膩。韓式海鮮煎餅份量非常之足料，煎得好香，而且邊位煎得好香脆，好香口，食落又唔會好重粉味，而且配料都好豐富，有魷魚、蝦、蔥等等。我地仲叫左士多啤梨乳酪沙冰同柚子乳酪沙冰，而且夏天咁熱，飲冰涼嘅沙冰就岩哂，配炸雞一流!…查看更多

放工好肚餓，於是快快地食完就番屋企，而家天氣好熱，入到去冷氣又夠，夠哂爽涼，悶焗感瞬間就無哂~呢到最出名就係丸同牛腩麵，我就叫左碗，牛腩米線$33(多蔥)，係尖沙咀食到呢個價錢，真係好貼地氣。好快手就黎左，見到都有多蔥花，好開心(利申:我係蔥蒜控)，最鍾意蔥花加埋湯一齊飲，腩汁湯有好濃牛腩味，幾清唔會好油膩，牛腩都幾多幾足料，有成六舊厚切，牛腩煮到好腍，好易咬又唔黐牙。米線滑LULU彈牙又唔會散收收，食完成杯都已經好飽。下次都可以黎食，又平又好食又貼地，而家係尖沙咀搵到呢啲小店已經好難得~…查看更多

食得西餐多，個胃口又少少滯滯地，夏天熱辣辣，一於轉口味去食泰國菜朋友之前食過話新泰唔錯，今次試下尖沙咀分店啦一於，門面有架篤篤車同一啲夏日熱帶樹木，好有泰國嘅感覺，而家去唔到泰國旅行就係到懷緬一下。入到餐廳,服務員安排坐卡位，幾寬敞，坐得都幾舒服。成個環境都充滿著泰國風情，好多侍應都係來自泰國。我地就開始揀野食，選擇都幾多喎~飲品先到，呢款菠蘿沙冰幾好飲不錯好喝，沙冰口感好綿，唔會有一粒粒粗粒嘅口感，入口即溶，菠蘿味道都幾突出。 椰青，好耐都未飲過喇，次次去到泰國一定會飲，味道清甜可口，幾解渴。之後就食蒜蓉包，外層酥脆內鬆軟，蒜蓉味非常之足夠又香，趁熱食就已經好滋味。朋友話食泰國菜當然要叫串燒啦~ 因為佢之前食過話好好食，要番兜再食，的確好正，燒得嫩香又juicy。泰式炒椰菜仔都到左喇~ 味道都幾好味又唔會好油膩，菜苗青綠帶微甜,有鑊氣。燒聖子皇，配料豐富，肉夠哂嫩厚又唔會有沙，好食。蒜蓉炒芥蘭，份量都幾足，蒜蓉好香，芥蘭又唔會有苦澀味，好清新~作為甜品控，晚餐最後當然唔少得食甜品~香芒黑白糯米飯，糯米飯煙煙韌韌又甜甜地，好好食，我自己就覺得黑糯米個味道更加出，而口感都係好唔錯。榴槤炸彈併芒果椰汁糯米，白糯米用左斑蘭汁染成綠色，視覺效果無得彈。榴槤炸彈脆卜卜，係流心架~ 所以食果時小心辣親嘴，榴槤味好香又唔會過甜，鍾意食榴槤嘅人係必食架~~…查看更多

最近悅來坊果邊行間，就去左入面搵野食，發現都開左好多唔同既野食行過一間食日本拉麵既, 望落啲裝潢都好傳統日式FEEL, 出面仲有好大隻多啦A夢，於是就比佢吸引左入去，啲座位都有啲似日本街頭既拉麵店風格，一入到去店員會幫你遞上日本茶，服務態度都幾好，有別於平時拉麵店自助風格。menu睇落都有唔少野食，除左日本拉麵之外仲有飯食套餐可以選擇，而我地分別揀左元拉麵同牛脷溫泉蛋飯元拉麵主要有叉燒同埋荀，可以話係最經典嘅一款拉麵，叉燒屬於半肥瘦，好軟腍，都幾大片，湯底就係豬骨湯，味道幾濃郁，而呢到嘅麵質可以按個人喜好選擇軟硬度，我就揀左適中，可以KEEP到彈牙嘅口感，掛湯力不錯。 牛脷溫泉蛋飯方面啲牛脷煮得好腍 好易入口同埋都幾入味，明顯有醬料俺製過，而且有一定厚度，食落口感幾豐富，而一隻溫泉蛋撈咁大碗飯都算足夠。由於呢個係套餐關係，會有埋前菜沙律、麵豉湯同茶碗蒸，個茶碗蒸入面有加冬茹同魚板，啲蛋都蒸得幾滑，食落仲有好清香嘅雞湯味，幾好食。…查看更多

天氣涼涼地啦終於，我同朋友就決定去打邊爐暖下。 最多放題和打邊爐既地方就一定係旺角，今次就搵左間個名幾得意既打邊爐餐廳 – 吞POT。價錢黎講算係中上，但係試過就知物有所值。今次揀左鴛鴦湯底，係我最鐘意既沙嗲湯底，同另一個我唔食既湯底(忘記了咩名)。入面既配料十分多,有木耳丶芽菜丶冬菇等等，同平時係屋企用既林錦記沙嗲湯底完全係另一回事!我地叫左佢既招牌響玲，特級美國肥牛，手打四寶丸同西洋菜，重有日本既廣島蠔。另外肥牛$198既分量同價錢相比係正常，口感似吉之島買果D頂級牛小排，如果比多少少錢叫高級D，相信食到停唔到口。之後黎響玲，超脆丶有6條!不過就唔建議點芝士響玲，因為會太滯食唔到其他靚野阿!手打四寶丸蝦，墨魚，黑墨魚同牛丸。同其他出面既手打丸唔同，食得出彈牙好多，最後我重叫多左一碟手打蝦丸，不過得6粒好似唔太抵食。兩人埋單用左大約750蚊，不過食到飽飽。食物質素高，相對黎講都叫抵食!…查看更多

慕名而來食片皮鴨，果然無令到我失望。好好食啊！有師父即場係隔離片俾我地睇。超級期待的！店員好細心介紹片皮鴨有3種食法，第一part 鴨皮可以點爆炸糖食，鴨皮入口即溶又夠香脆加上爆炸糖係口中既感覺，非常過癮！第二部分，可以點佢地自家製既芥末醬，芥末醬好夾鴨肉，唔錯！最後就係最傳統食法，面皮再加大蔥、青瓜同醬，十分正宗！第二道菜，係磯煮鮑魚，非常好食鮑魚鮮嫩彈牙，鮑魚吸滿湯汁，好夠味！主食方面有花蜜汁黑椒雞翼，外面有一層甜既花蜜味，雞翼表面有炸脆，裏面的都好夠味，唔會出現唔入味既感覺。牛油芝士焗大蝦🍤，愛食芝士既人一定要嗌呢個。濃濃既芝士包裹住大蝦，每一啖蝦肉都沾滿芝士，大蝦肉好爽口彈牙。金沙鮮魷魚，大大條魷魚沾滿了鹹蛋黃醬。 充滿香氣，不得了。另一個和牛粒乾煸口蘑，夠鑊氣，嘢味都不得了，真系令我食唔停口，麵食個度就叫左上湯蝦球伊麵，有好多蝦球伊麵又索夠上湯，好食！仲叫咗個菜食，係金銀蛋浸萵筍。有唔少既肉碎同金銀蛋，有湯浸住萵筍。好入味，萵筍切條，易入口又夠爽脆，唔錯今餐真係滿足到不得了，一定會再同朋友來食…查看更多

好耐無食泰國菜，今次約埋朋友一齊係銅鑼灣覓食。係金百利廣場搵野食，見到有泰國餐廳，加上價錢又公道，就一於試下。我地叫咗成3個小食，分別有泰式燒豬頸肉。份量好多啊，估唔到價錢唔貴，仲有咁多件tim!豬頸肉厚度適中，食起上來一d都唔「鞋」，仲好香tim第2個小食，就係朋友最愛既炸蝦餅，每一舊蝦餅都啖啖蝦肉，又夠彈牙，最緊要係炸得好脆，好香口，非常正第3個小食就係軟殼蟹春卷，春卷入面有軟殼蟹同配菜，春卷皮炸得好脆，裏面既餡調味啱啱好，軟殼蟹既脆非常吸引！再加埋泰式酸辣醬，十分惹味！主食方面叫咗 青咖喱雞。青咖喱一上檯聞到好香既咖喱味。未開始食已經覺得好吸引。青咖喱好處係唔太辣，可以比唔食得辣既人都可以食到，椰奶味好夠，最鍾意充滿椰香味既咖喱，雞肉嫰滑，係一個唔錯主食！粉麵個度，我地揀咗泰式乾炒河粉（揀咗牛）。河粉炒得好出色，味道同香味都有突出，特別有蛋香，幾有水準，乾炒好夠鑊氣！飲品叫左芒果汁，濃濃的芒果味，夾雜唔少芒果肉，新鮮芒果榨汁真係特別好飲再加上呢度用餐環境都幾好，有唔少特泰國特色裝修，令人好似置身泰國一樣，享受正宗的泰國菜！…查看更多

一早就同同事約好，放工要來食呢間餐廳，期待咗一日，終於食到啦，好滿意呀！餐廳裝修好有心思，有唔少掛畫。感覺好舒適！2個人，就叫咗個2人餐食，餐湯同餐包都係中上質素，餐包比較少見，幾特別，比較煙韌，唔似一般既餐包咁鬆散，頭盤，我地揀咗堅水牛城雞翼，非常惹味。每一隻雞翼都滿沾曬汁，辣味好夠。中意食雞翼，又食得辣既一定要叫呢個，食得好過癮。佢仲有配一個醬，酸酸地，有少少忌廉味，可以中和返d辣，怕辣既朋友都可以食到。主菜可以1人叫1樣中意食既，同事揀咗鮮蜆手打闊條麵，蜆既份量好多，手打既闊條麵更加有咬口同彈牙，加上個汁好creamy！ 勁like呢個我就揀咗我最想食既Parma ham pizza。嘩，有成12寸咁大，估唔到呢度既份量可以做到咁足。pizza底厚度適中，呢個厚度入口係最好配埋parma ham 加火箭菜，好夾！每一塊上面都有芝士，成個口感非常豐富！埋單仲有全單75折tim，好抵食餐廳咁近公司，下次聚餐一定會再揀返呢間！…查看更多

係銅鑼灣呢邊行街,行到攰攰地就順便搵間餐廳食埋飯,抖抖先.倆個女仔都想食日本野,係openrice search日本料理,就彈咗岩鹽出來.咁多like,實唔怕啦,就一於去試下!前菜方面,叫咗個乾果芝士沙律,平時係寫字樓都有食開水果乾,貪佢方便又健康.估唔到呢度有乾果整嘅沙律,第一眼就吸引到我order.沙律有新鮮水果加水果乾,再配菜,上面鋪了一層芝士.有配橄欖油.淋上橄欖油,再突出酸酸甜甜的味道.呢個沙律好豐富.小食就叫咗個穴子明太子玉子燒,正正方方一件上檯,表面金黃,好靚!切開見到滿滿嘅明太子同穴子.好正.穴子同明太子都好夾.令到普通嘅玉子燒即刻變得高級!另一個小食係朋友揀嘅,蒜香牛油焗雜菌,用錫紙包住上,蒜味同牛油味好香.錫紙可以保持溫度之餘又住鎖香味!唔錯!主食就叫個咗廣島蠔釜飯,上檯個陣有提醒沙漏一分鐘後就可以食,廣島蠔夠肥美，肉厚，份量又夠多，食完仲可以加茶做成茶漬飯，又係另一種風味！最後配埋芒果梳打，酸酸甜甜，再加d芒果肉。呢餐飯好滿啊！…查看更多

黃大仙呢間和氣食堂,一向都係我朋友嘅飯堂,因為佢一直都覺得係黃大仙附近少有嘅高質日本野,而且價錢亦好親民.今次朋友就帶我來試下!餐廳環境幾好,有足夠嘅檯,唔洗點等就有位了,有侍應帶位,服務幾好~~坐低就奉上熱茶,再慢慢揀野食.前菜方面,我地揀咗安格斯牛扒他他沙律,配黑醋汁!牛扒份量很多,底部都有唔少蔬菜墊碟.牛扒厚度適中,既有咬口同時又保持到嫩滑,配埋酸酸地嘅黑醋,幾高質嘅前菜!仲叫咗個黑松露鵝肝帆立貝卷,鮮甜嘅帶子上面有黑松露,黑松露味好濃,一淡一濃嘅配搭,好夾!咬開仲有鵝肝,鵝肝有煎香,不錯!主食方面，叫咗個鯛魚湯泡飯，上檯個陣先會倒湯，石鍋既熱力再加上熱湯淋住d魚片，魚片熟既程度啱啱好，魚肉同湯底亦都好鮮甜。之後食到一半仲可以加湯，就唔會食到凍咗既泡飯！中意食雞翼既我地，仲叫咗個千回火鳥，少少辣，表面燒得好香，做到脆皮效果，但係肉仲係嫰滑，好味見到有雪糕推廣,有雞翼同薯條再配一個雪糕甜品.雞翼好特別,係涷上架,少少甜嘅口感,又唔會搶咗本身嘅味,薯條炸得香脆有芝士係面頭,好吸引!牛奶芭菲,牛奶味雪糕好味，加上有一D草餅,脆脆,紅豆之類,層次好豐富!難怪朋友咁中意啦，呢間餐廳真係幾好食…查看更多

我偶然都愛跟老父到茶樓嘆一盅兩件， 但最近都過這間連鎖店茶樓，無論服務或出品都普普通通，，我忍不住寫評希望餐廳看到可以改善。那日，我和爸等到位，坐了很久，仍沒有招呼，開卡，侍應明見到我舉手但都沒有主動幫忙，，我忍不住叫親身叫經理開茶。不過普洱茶有一股怪味，不好飲，我改喝水算了！ 不過㸃心都是一般質素，燒賣肉散，味精重，流沙包的流沙不是不太流沙，一舊粉狀物，包質口感不鬆軟。以為炸物好吃㸃，㸃知又中伏，咸水角微溫，皮太厚，有一些油"益"味，加上入面D肉餡也不多，似食炸粉團。山竹牛肉，肉散成舊粉，擂沙湯丸是唯一最好吃，糯米團很煙韌，但那個擔擔麵，湯底竟然不太熱，麵貨太腍，那些醬汁味道怪怪，跟我食過好吃的擔擔麵差得有點遠！ …查看更多

一早同朋友夾好,約埋要食個豐富開年飯.就大家放工方便,都係來返旺角呢邊食飯.旺角創興廣場雖然好多選擇,但係都食返大滿喜,因為食過咁多間,呢間最掂!我地食7點晚市放題,2小時,都係$220一位,加一, 價錢合理,我直頭覺得抵食tim啦.環境又唔逼,3人又有卡位坐! Good!一坐低就叫我地最愛嘅刺身三文魚同赤海蝦,甜蝦.5分鐘左右就上檯啦,擺得好靚,仲有干冰效果tim,拿拿林影張相先.講返D刺身,三文魚厚度適中,但係依然肥美,新鮮!我地最愛嘅赤海蝦,甜蝦果然冇令我地失望!鮮甜,彈牙,好正!!仲叫埋壽司食,鰻魚壽司細細件,一啖過,又唔會話太多飯會容易飽!熟食方面就叫鰻魚食,肥美嘅鰻魚配埋鰻魚汁食,一流!仲有燒牛舌,外面燒得好靚.但係裡面嘅牛舌肉一D都唔干,仲好有咬口啊!中意食芝士同雞翼嘅人,一定要叫呢個人,芝士蘑菇雞翼,半溶芝士再配雞翼肉,冇得頂啊!仲食咗好多好野,天婦羅蝦同炸鮮奶啦，炸粉夠薄，唔會一口粉咁！最後仲食埋雪糕tim，絕對回到本,呢間真係我心目中放題首選~~…查看更多

今日難得同素食朋友出嚟食嘢，我哋就係去食素食啦，再去好多不同的咖啡店中，找到一間原來一邊有不少素食的食物，而且還有我喜歡的咖啡，所以我哋今次過來試試。 咖啡方面味道都正常，不錯而且價錢都合理，但素食味道就整體偏淡，而且選擇性的素食食品可能太相似，所以味道均一有點失望，但這裏坐的地方都算舒服可以傾吓計都不錯。 第一次試食這個素食全日早餐，份量都大份，素食味道太似，如果有醬汁或多點不同味會更好，但腸仔吾好食。雜菌素什扒蕃茄意粉，雜菌都份量不少，扒份量都可以，待應有講沒有蒜之類，但味道真的太淡了，只是用滾水的感覺有失望。之後拿了二杯十分漂亮的咖啡來到，朋友叫的焦糖咖啡味道焦糖味偏少但咖啡味都有。而我叫的薄荷朱古力咖啡，薄荷味比朱古力重，咖啡都比較弱。…查看更多

那天午膳，跟同車 一次豪吃，因實在無幾何，來個京滬午茶。這間京滬菜高級菜招來，有點貴，但環境非常好。 我先嚐小籠包，坦白說叫合格，我覺得皮做得稍厚，亦不算煙韌，灌湯有的，但不夠鮮和多，是可以，但不是最好吃的。另外，生煎包，包質很好吃，肉饀不夠肉汁，沒有香味，平凡了一點。其實最好吃的是蔥油伴麵，粗身上海麵彈牙，掛醬佳，䓤炸得焦，盡出蔥香，加上老抽的醬油和少少豬油香和櫻花蝦的鮮，那香味和豐膄伴著上海麵吃，越吃越可口，簡單的蔥油麵叫人唾涎三尺，一定食番尋味!…查看更多

同完朋友去睇戲, 餓到不得了, 朋友即刻話帶我去食雞煲話食過好有雞味~ 跟住就拿拿臨衝去啦好好彩間餐廳唔算迫, 位置充足, 唔洗等好耐位.入到去就見到大魚缸, 裡面幾種品種都是出面少見, 令人感覺會更覺賞心悅目一坐低店員主動俾醬油架我地, 差不多有十種香料任簡, 搞完一輪混醬我地就即刻睇菜單啦~淨係雞煲都有4種選擇, 但今次唔想試重慶雞煲, 就試半隻雞既香辣雞煲. 一上枱望望個雞煲先, 除左主角雞之外, 仲有洋蔥， 辣椒，少少芹菜,所以好香, 店員仲提示我地而家可以即時食, 而家食就會最嫩滑~本身汁好濃, 雞味都好重而且又唔霞...朋友真係無介紹錯啊, 唯一一樣就係BB辣都幾辣下, 如果唔食得辣既人最好叫返走辣喇~食哂D雞之後, 食肉獸既我地梗係再加湯打邊爐, 我地再嗌左牛三朗, 個名好得意, 原來係有雪花肥牛, 牛頸脊, 牛柳粒,雪花肥牛花紋好靚, 牛頸脊肉味重,我個人比較鐘意食牛頸脊~但記得唔洗淥咁耐~ 至於牛柳粒, 因為厚身就要耐少少, 但係肉味最重, 都好好食啊~~仲嗌左手打四寶丸, 有黑墨丸,墨魚丸, 蝦丸, 牛丸, 打著旗號寫手打真係唔同D, 好彈牙而且食得出海鮮味~~ 如果多人食就可以嗌十粒果種, 最衰我無咁大個胃啦哈哈最後再叫左菜藍同埋稻底鳥冬就作個很滿足的完結了*我覺得烏冬都好好食*…查看更多