ChunTsui9988的个人专页

今日帶住我媽媽11am之前到，因為知道食飯時間特別人多，所以特登避開。嗌咗田雞拼臘腸拼雞煲仔飯、椒鹽九肚魚、薑蔥生蠔煲、豉椒蒸魚雲，哇哇哇個個都好好味，夠火候、食得我哋好開心，因為呢排減肥減到完全冇胃口，連去旅行都唔似以前咁為食，今餐覺得好好味，食材新鮮、味道正宗，睇得出師傅係用心煮…..真心講句：咁樣嘅味道、咁樣嘅價錢、咁用心煮嘢，我諗香港應該唔係好多了啩，係我心目中我俾滿分💯。（Ps我最近都有同朋友上珠海食嘢，食咗兩餐，係好好味呀，不過夜晚返咗屋企飲水飲咗成晚，真係好恐怖）…查看更多

真正無意之中經過呢間餐廳門口，決定入去試，揀咗lunch Set黑安格斯牛側腹扒，象徵式得影著相，等食物擺入口，好食到只可以用驚艷來形容，嘩嘩嘩實在實在太好味了😋😋😋. 再看一看價錢，再看一看枱面的食物，再諗一諗佢啲質素，只可以用超值來形容…..馬上搵餐廳啲工作人員嚟了解吓，原來呢間餐廳係新開咗幾個月……都說香港飲食難做，這麼好的餐廳希望大家都去多多支持…..🎉🎉🎉今日實在太開心了🥳🥳🥳…查看更多

今早大概10:00到我入去去食嘢，一個客都冇，我坐低嗌咗一個上庄，一碗淨瀨粉、一碟菜。上着來一試，嚇死你，菜干、燒鵝鞋（大家要知道我Order 是什麼部分？上庄呀），淨瀨粉唔錯……最經典嘅喺門口收銀位個位女士喺廚房同師傅傾偈，這么近的距離佢每一句說話都係叫的，尾音長到，係每句說話聽到你都似用盡吃奶的力氣叫出嚟的…….請想像下當時的情景，整個餐廳得我一個人，嗰位女士係不停嗌（同師傅傾偈啲噪音，師傅係正常的），枱面啲食物質素差到咁，我即刻起身埋單走，盛惠193。所以講生意靜係好多原因，之前不錯的，點解而家變成咁？咁樣惡性循環落去真係唔係辦法，老細即係一殼眼淚🥲…查看更多

這是我吃過的全香港最好味的台灣牛肉面🍜，比台灣更台灣更更更好吃的……😋😋😋有食神朋友隆重介紹，雖然知道會排長隊，但細心考慮之後覺得對我來講寧願揀早段時間比較好啲，所以今早飛車去等開門了。去之前已經做晒功課，什麼都想試🫠🫠🫠一就座即刻Order了蕃茄牛肉牛筋麵、肉鬆蛋餅🥞黃金泡菜、花枝丸、台灣小香腸、台式炸大腸、醬油豆苗、再加一杯台式紅茶☕️…….（當然仲有一個大大的外賣盒）……此刻我覺得自己已經去了旅行回來了，12萬分的滿足！真係正到冇朋友！🤣🤣Nice sunday🌸🌸🌸…查看更多

今天在尖嘴貓朋友的推介下，特登11:15Am去到等開門,2個人order 著～～海鮮豆腐辣湯、鮑魚粥、炸雞拼盤、醬油蟹、燒豬肉BBQ(因為我唔食牛肉），食物非常有水準，特別係鮑魚粥同埋醬油蟹（蟹本身唔大，但係都好肥好多膏），有喺韓國食嘢的感覺…..今日我想講嘅係食物是真心的好，但是門口帶位嗰位高高大大的男士，由11:15見到我哋喺門口等（當然我哋早到唔關佢事），佢只係裏便晃來晃去，到咗11:30開門時間佢就去廁所，足足去咗10分鐘，嗰時門口應該有五六個人喺度排隊了，我就行入去問：請問你哋開門末？裏便啲人好緊張話我哋仲未開。因為我check咗時間係開11:30，我估可能有人同嗰位帶位嘅先生聯絡咗，所以佢出嚟嗰時用好厭煩的眼神啤住我……嗰種表情和冷漠嘅態度係我記憶中應該好稀有的……好彩當時服務我哋呢張枱嘅女仔非常好，如果唔係我朋友介紹就憑佢門口帶位嗰個態度我一早走咗，大把餐廳，又唔係得你一間…..我諗一間餐廳好唔好唔單單應該睇食物掛，老闆請到呢種人來做最前線的工作，真係….…查看更多

今日是我第二次去食，因為留在記憶之中的是第一次去食咗一個黑松露芝士厚多士，用驚喜都不足以表達我內心的感受，因為實在太太太太太好食了，我簡直唔可以相信一間茶餐廳可以有咁嘅質素的食物今日係初六，我11:00去到，因為要11:30先可以叫lunch，我就食咗一個芝士黑松露厚多士，到咗11:30，我又叫咗一個叉燒蛋飯（少飯），好食到......尖嘴貓的我可以將碟飯食曬（我平時因為減肥從來唔食飯，而家因為係新年，所以放縱自己）。茶餐廳嘅收費，食物就超過普通酒店的水准（雖然只是幾樣簡單的食物），在我記憶中，應該得呢一間。俾咗100分，加油啊！👍🏻😍🌈…查看更多

昨天第一次和朋友去，整體感覺不錯，干淨、光亮，服務也挺好。我們點了酸菜魚、肉夾膜、粉皮、豬耳，味道不錯，就是魚不滑，我想這一定是魚的品種問題吧，因為我成世人識未試過第一次食酸菜魚食到這樣魚的感覺。最最重要的問題是：食完之後整個下晝和晚上口渴到極點，要不停嘅飲水，搞到我夜晚瞓覺都要起身.....哈哈哈這間店除咗呢個問題其他都好啱心水🤩本來都想再去，但係諗到之後要不停地飲水真係怕怕😱…查看更多

睇咗YouTube介紹特登去試，一個人要例牌咖喱牛腩、馬沙拉牛脷、馬拉盞炒通菜、還要了一杯芒果奶，老闆驚夥計冇聽清楚驚我嗌多咗，特登出嚟叫我唔叫例牌，驚我會食唔晒㗎；我話唔緊要啦，我可以打包走㗎，佢話你叫set lunch啦，你想食嘅嘢我哋set裏面都有啊，而且係一樣㗎，你食咗好食再另外嗌啦......好就聽你呀食物上嚟隻隻餸都有水準，非常正宗👍🏻😋😋咁樣一間好味、抵食又有人情味舖頭真係要讚讚讚💞❤️…查看更多

我由港島去，地鐵轉火車再轉的士，成個幾鐘，試咗淨爽腩、油菜，哇哇哇，真係好食到飛起真材實料、一試就知道係俾心機煮、老老實實的一間好店。（唔似有啲鋪，收你貴嘅價錢比普通牛腩你，你問佢，仲要話有啲客唔識食，真係無語🥶🥶）。呢兩日我又諗起嗰日食到我心花怒放，又開始心思思啦，個幾鐘算咩，因為值得。怒贊…查看更多

做晒功課，今早終於去試這間YouTube介紹的藥材清湯腩，嗌咗一碗淨牛寶，（因為飲中藥嘅原因將蘿蔔改成菜）好期待.....試咗嗰個湯真係好正👍🏻👍🏻👍🏻但肉的部份不敢恭維，同老闆傾吓，為什麼分餐牌寫的牛寶（坑腩、爽腩、蝴蝶腩），俾我的最多三份一，其他唔係呀？老闆同我解釋了.....哈哈哈哈.....我都係堅信：無論咩行業、無論咩環境、最緊要係做好自己..... 我建議老闆做唔到餐牌上嘅要求可以取消呢個菜式，大家且行且珍惜🤕💪🏼🌈…查看更多

聽講「隨變雞煲」在銅鑼灣開新店了，昨晚終於去試了！哇，果然冇令我失望，因為是一如既往的好食，新店又有極新鮮的海鮮提供，環境又靚，坐得又舒服！我叫了至愛的酸菜豬肚雞，牛肉、墨魚丸、餃子、野生竹笙、淮山、萵筍，還有象拔蚌和靚蝦生食，沒有一樣令我失望。一間飯店新開做得好食唔容易，但係可以堅持咁耐都咁好食更加唔容易，好明顯這裏的老闆和員工係非常用心在做事！好開心有一間咁高質素、咁平民化收費的餐廳供我們選擇！加油呀！🤕💪🏼…查看更多

聽人講玖五又貴又不好吃，拖到今天才去試。查了是開11:30Am,我和女兒是第一臺客。招呼正常～不做作，我們點了三合一紅燒牛肉面&招牌三合一拌面、𠧧水大腸和豬耳、甜不辣、麻辣鴨血，一杯白百香果特調、另加一杯土鳳梨珍珠茶。一看之後一試，腦海里彈出的就是3個字「不貴、值」，大贊大贊👍🏻👍🏻所以今天又再次明白了一個重點：萬事要自己去經歷，千萬別光聽別人說！吃得非常🈵️意😁😉看得出這是一間用心做菜的店，是一位用心做事的老闆！加油呀🤩🤕保持高水準，香港太需要這種高質素的店，用心做事的員工、老闆了！…查看更多

未試過一個禮拜吃3次火鍋，這間真心好味！無論鵝腸、炸酥肉、魚皮、午餐肉，白鱔片,酸梅湯，還選四川火鍋好少食的海鮮，全部質素超班，有驚喜！大贊！😋😋天寒地凍，就算一個禮拜食三次火鍋會肥，都係覺得絕對值得！…查看更多

每次辛苦清空肚皮，腦海只想起.....雖然叫隨變🐔煲，但我不會變那些酸辣香味，已經把我鎖定了什麼米芝連一、二🌟 那可比雞柔嫩、重要是帯回久違的鮮香手做的餃子，一試難忘連帶醬料..黑醋、秘製辣椒油，配合得天衣無縫邊吃邊渴一瓶去脂減膩的紅花茶，這就叫錦上添花！🌺🌺我最最最愛的～～～隨變🐔煲！…查看更多