Vooodie的个人专页

今日喺尖沙咀行完街就同男朋友去左呢間裝修好有日式風格既餐廳食飯我地比個啤酒拉麵吸引住，好得意，啲拉麵係用個大啤酒杯裝住，本身以為係啤酒湯底，點知食落有d似蕎麥麵，好有驚喜，配合埋啲面頭既忌廉，食落好creamy，好夾。佢俾既芥末係磨出黎個種，幾有誠意A5宮崎和牛他他，幾香同幾重牛味，雖然未去到日本果啲入口即溶咁誇張，但喺香港食到啲咁既口感已經算唔錯！個醬汁微微帶點酸同埋有洋蔥碎，可以解解膩濃煮鮑魚豚角，豚肉煮得好入味，食落唔會好油膩，又唔會好乾。餐廳仲好細心比埋較剪比我地自己剪肉食，我中意剪成粒狀，男朋友就中意一片片咁食，兩個既要求都岩到。鮑魚口感爽彈，同埋幾入味，唔錯唔錯仲有叫到海產細味六杯蠔，分別有3隻唔同醬汁：泰式醬，雞尾酒醬同日式酸汁。佢既蠔幾鮮甜，配埋d醬食都食得出佢既蠔味，推薦！最後我地叫左兩杯飲品，做得幾精緻，舊熊仔冰做得好得意！岩曬打卡！…查看更多

次次食日本野都眼闊肚窄，好貪心所有類型既野都想試，今次又食到滿載而歸野菜條伴鯷魚醬前菜已經令人眼前一亮，第一次食呢樣野，青瓜蘿蔔呢啲清爽既蔬菜，蘸上鮮甜既鯷魚醬，配搭新鮮刺身盛合五款赤鯛、赤蝦、吞拿魚、油甘魚、三文魚都好鮮甜，加上刺身都好厚切，好有口感令和怪物生蠔🦪係我食過最大隻既生蠔，大過我部iPhone，仲要好新鮮惹味，依家都回味無窮鐵板原隻龍蝦🦞一上碟已經聞到好香，中間係起左肉既龍蝦，上面加左啲蟹子，啖啖肉好滿足；旁邊既龍蝦就好多膏，果然無令人失望；連配菜蕃茄仔都好甜煙燻秋刀魚兩個人每個人食夠$300，用$10就可以加，真係物超所值，仲要係刺身級既秋刀魚，必加！煙燻五重芝士pizza身為芝士迷點可以唔叫呢個pizza！芝士味極濃又唔會好膩，恰到好處巨峰梳打食日本野，一定要叫番杯巨峰梳打配合返～…查看更多

明爐烤魚bb辣係今晚既主菜，直接跳到結論就係好食加抵食。先講份量，其實細食啲既人黎講，2個人真係唔會食得哂。味道更加冇得彈，魚肉係鮮嫩既，但記得唔好太遲食，煲耐左冇咁滑。啲魚皮本身係煎到好香脆，加上本身既四川麻辣湯底係極惹味。個餐本身包左啲好易入味既配菜，例如豆卜，芽菜，仲要好好味好爽口既薯粉。萵荀係個四川辣汁入面浸住慢慢煲入哂味簡直就係一絕。我地另外加左以下配菜：美國肥牛唔會太肥但好有牛味，炸響鈴加上呢個湯底又係超正，自家制蝦丸啲蝦肉好爽口彈牙，鮮腐竹係好新鮮嫰滑同埋佢每片都好薄身，簡直係滑入口腔既感覺。以上既食物已經令到2個人極飽，因為呢度既野都真係幾足料抵食。…查看更多

媽咪生日一定唔可以待薄，當然要帶佢食好野啦！媽咪最鍾意食中菜，搵左好耐先搵到呢間環境舒服、食物有質素、又有海景睇既餐廳。生煎手剁蓮藕餅啖啖肉，爽脆惹味，而且唔會比人油膩的感覺香蔥海鹽馬友，外面煎得好脆，裡面既魚肉就好滑，食落口感一流，完全能夠體現廚師的功力跟住呢碟雞蛋焗魚腸我真係第一次聽、第一次食。媽咪食都好開心，即刻話好耐無食過呢啲懷舊嘢，連本身唔太喜歡食內臟既我都覺呢味菜好易入口好吸引接住係香蔥飽魚砂鍋焗飯，飽魚粒的份量好慷慨，幾乎每一啖都有飽魚，整個鍋都炒得好香口火焰鹽焗雞令人好有記憶點，名副其實的火焰雞，食之前已經有視覺上的享受；食落滿滿的酒香味配滑滑既雞，是味覺上的享受最後當然唔少得甜品啦，叫左咋喳，呢啲經典糖水媽咪肯定會滿意，媽咪一樣一樣料咁數出來——紅豆、芋頭、鷹嘴豆、腰豆...味道不太甜剛剛好…查看更多

本身煩緊同屋企人去邊度食生日飯好，想出街食飯又唔想去啲人多又嘈又逼既地方，最後係openrice見都有間中菜餐廳做緊蟹宴，因為呢期個個都食蟹，所以疊埋心水一於揀佢。食美軒係太子地鐵站向何文田方向行，唔算遠，但係隔一條街已經脫離左旺角太子既煩囂。餐廳座位幾舒服，好多卡位，屋企人/朋友黎聚會個感覺好好。今次預定左「金秋蟹宴」，打頭陣既係蟹蓋，酥脆外皮，入面係飽滿既蟹肉同埋幾種唔同既菇類，意外地配合，為成個蟹宴開左個靚頭。跟手黎左個臘味煲仔飯，真心覺得perfect 因為岩岩入冬，正正係要食煲仔飯既feel。臘味拼盤入面有：臘腸，潤腸，臘鴨，臘肉，同埋菜菜。我特別中意個臘腸，一入口淡淡的白酒香氣，呢種酒香既臘腸最適合配煲仔飯。然後就係其中一個最期待既-蟹粉小籠包，個小籠包用個「的色」既小籠裝住，一啖一隻，滿滿既湯汁，而蟹粉小籠包既精粹係，入口豬肉既湯汁+滿滿跟住湯汁出黎蟹既鮮味，交足功課。另一個重點就係雪裡藏龍，用炒蛋白包住蝦仁，味道清淡溫和，配埋紫蘇葉食個口感岩岩好一個斯文，一個爽快（香脆）。最後壓軸係蟹粉豆苗，好有趣。豆苗食得多，係我最喜愛既菜，而配埋蟹黃，食到蟹既鮮味，又有豆苗既清新，我未夠喉就唔覺意食曬。成個環境好舒服，推薦大家同屋企人或者中意中菜既朋友黎，細味都市煩囂中的寧靜，同埋品味今秋既「金秋蟹宴」。…查看更多

今日黎到第一個既感覺就係所有野都好靚！坐落銅鑼灣極佳地段無敵維港景，呢度個裝修同環境係舒適寬敞，豪得黎一啲都唔老土，啱哂傾計飯局。幾個頭盤都已經好有驚喜，包括酸辣魚皮，涼拌秋葵，蒜泥手拍青瓜。魚皮口感十分爽口，辣辣地當零食真係愈食愈過癮。拌秋葵既汁係一種幾特別既酸辣，作為開胃菜一流。手拍青瓜一向都係我至外，入口涼爽，蒜泥香而個汁夠酸辣，好食開胃。夫妻肺片呢度都做得好唔錯，肺片爽口又入味。開胃酸菜青鱸魚係今晚既重心主菜，魚片滑到不得了，直頭係跣住入口咁。伴底既麵線連酸菜湯一齊食都好正，所以就算份量唔細都好快食哂，因為真係正。黃金椰菜花都係一大推介。個蛋黃醬炒落椰菜花好邪惡但超級香口惹味。紅糖冰粉夏天食真係好爽，食完一餐辣野個人出左啲汗，脷又有啲麻既時候食，個人即時涼爽哂。荔枝養生花茶色彩繽紛，味道清新，視覺味覺都照顧到。食物環境氣氛都有，地點方便，傾計飯局又一新選擇。…查看更多

今日黎左牛頭角港鐵站附近既呢間火煱雞煲任食，第一個既感覺就係呢度個環境係我見過同類型餐廳數一數二乾淨新淨既。佢仲設有卡位，適合三五知己一邊傾計一邊烚下烚下。食物方面雖然餐廳係叫主打火鍋雞煲，但我見佢餐牌上面其他種類散叫既野食都有好多，同3心2意既人一齊食都冇有怕。我同朋友2個人就選擇左$238 既套餐。個餐包括以下只供應一次的：前菜，3色刺身，海鮮盤4-6款新鮮海鮮，牛小排，精選甜品。另外以下就係無限encore 既：雞煲配三寶 西班牙黑豚肉 三寶丸 三色餃 紫菜響玲 炸魚皮 生根 自取菜籃重點推介：刺身係新鮮甜美既，雞煲就算嗌唔辣都香口而雞滑，精髓係三寶水魷，豬皮同牛柏葉，放落雞煲到入哂味。牛豬肉類份糧唔大但料靚精緻，另外呢度既丸類同埋餃類好好味，以為呢啲都係配菜質疑點知食落原來好有驚喜。紫菜響玲又特別又好味。蔬菜就好新鮮同埋好貼心，佢將啲菜分類同埋部份係一籃子既雜錦，方便懶人唔洗自己逐樣去拎。總括黎講，呢個餐食物種類唔太多，但每樣都係質素保證，呢個價黎講整體性價比係幾高，仲要係環境舒適乾淨冷氣夠，秋冬邊爐又多個好地方喇。…查看更多

今日應朋友要求入左黎元朗食飯，揀左heavy之選雞煲邊爐，但係正既。如其店名，呢間雞煲火鍋真係會令人想再來一煲。胡椒豬肚雞煲，個湯底本身已經好濃，雞同豬肚好快就入哂味，而且既份量一啲都唔細。火鍋牛肉拼盤有好多款火鍋牛肉集於一盤,包括有牛小排，封門柳，牛胸爽，牛面頰片，牛舌片，瀨尿牛丸，同埋加左生雞蛋好靚既新鮮滑牛。封門柳係特別正，口感好爽口，而且好有牛味。滑牛加左蛋槳又係好香滑。鴨血口感好爽滑，十分值得叫既一個配料，性價比很高。芝士爆槳牛丸牛肉本身好爽好彈牙，唔會太厚身，咬左一啖就已經見到芝士流出黎超邪惡。鮮枝竹新鮮枝竹質感好薄好有豆味，而且咁薄身令啲湯底個味就好易入哂去，係我打邊爐既至愛。炸響鈴呢度既響鈴做到好薄，炸到好脆，就算唔放落湯都脆到可以當薯片咁食。呢度每碟份量都唔算太大，貪心之鬼可以試多幾樣都唔怕。…查看更多

呢間大家都一定聽過，直接講野食。鐵板芝士蜜糖咖喱烤雞必須要先講，雖然鐵板既溫度真係幾高，但呢道菜一定要盡快食完佢，咁個味道先會係最正，因為啲芝士擺耐左會變硬。蜜糖同咖喱個味道冇諗過係咁夾，蜜糖令炸雞香脆既外皮甜甜的，但雞肉入面又充滿左咖喱香。加埋軟芝士食真係好邪惡但好好好正。鐵板芝士泡菜炒飯泡菜炒飯鐵板熱辣辣，味道小小辣，本來已經好香好惹味；軟身芝士令成件事再昇華左，個口感即刻變得creamy左好多，成件事豐富哂。食韓式炸雞梗係要配啤酒。呢日生啤既選擇有1664 同埋asahi，仲要做緊全日買2送1，圍返起50蚊左右一杯，我諗呢度附近既酒吧happy hour 都未必做到呢個價啦。…查看更多

之前睇到啲post介紹，今日終於黎左試。呢度除左有得玩同做gym，野食一啲都唔差。呢日叫左2個set dinner, 屬於大推介系列，又好食又抵食！意大利火腿蜜瓜沙律通常跟餐沙律都冇太大期望，但呢度既沙律同埋湯都係好足料，好好味又抵食。Parma ham 加芝士本身就係絕配，蜜瓜同沙律菜都好新鮮煙三文魚沙律三文魚都算厚身大塊而且仲好新鮮，佢仲要加埋唔少既三文魚籽超抵食！值得一提佢配餐既香草餐包新鮮熱辣辣，一啲都唔hea架海鮮龍蝦湯呢個湯要加錢轉既，但我不嬲都好鍾意呢個湯，而今次加錢我都覺得好值。因為岩岩都講左，佢個湯都係超足料，個湯係好濃味，龍蝦同其他海鮮粒成碗湯都係，好高level, 好味意大利雜菜湯呢個湯相對清啲，但都夠哂味扒澳洲穀飼西冷燒半生熟澳洲西冷好有牛味，肉質都好嫰口，配上新鮮薯角好好味。香草蜜糖燒原隻去骨春雞好高質，春雞好大塊，仲要已經去埋骨非常貼心。加上燒到層皮好香，自然會忍唔住口食埋皮，同時間肉質保持到好嫰滑好juicy仲有甜品呢餐真係又抵食又好味，仲有野玩，爽呀！😁…查看更多

今日機緣巧合之下喺上環收工, 見到呢間似係食傳統港式茶記食物，但又好似好有自己風格，就同個同事入左去食早dinner*招牌蔥花滑蛋三併飯*點解話佢有自己風格呢，蔥花滑蛋牛肉/叉燒/蝦仁就好多地方都有，第一次見有三併option, 岩哂我呢啲貪心想試多幾款既人。炒蛋夠滑夠嫰之餘，佢三拼每樣份量都唔細，仲要好好食。牛肉入味而嫰滑，叉燒唔un又夠香，蝦仁都算新鮮爽口。呢間野選擇都幾多，芸芸咁多款入面做得招牌菜係有料到。*麻辣肉丁出前一丁麵配腸仔炒蛋奶油豬仔包*佢另一個菜都好有風格，就係麻辣肉丁煲仔麵。不過又於我又係貪心，想試埋佢個奶油豬，所以叫左另一個餐，碗麵就唔係煲仔上既。個肉丁加入麻辣都已經令個味好特別好香口，值得一睇既係佢啲肉丁唔似一般茶記果種好硬好實既方粒肉丁，佢啲肉丁個口感係好爽滑，好似食緊粟米肉粒啲肉粒個口感，別樹一幟。我估煲仔版本會因為熱啲，感覺再辣啲，下次一定要試下。又咁講，佢個奶油豬都好正，新鮮熱辣脆口就大大加分，所以都冇話後悔既。*瑞士汁雞髀雞全翼*For食完餐都唔夠既人，我強烈建議佢地加埋呢個瑞士汁雞髀/全翼，因為呢度既瑞士汁整得好好味。我自己都識整瑞士汁，但問心要調到個咸味同甜味最佳平衡，仲要夠香味一啲都唔易。要做到有品質保證，仲下下要搞一大輪既話，我會prefer簡單啲直接落黎食啦講真餐牌：…查看更多

*看似平凡，大有驚喜，性價比極高*呢間港式餐廳出品款式好多，重點係好多看似簡單既大路野，試過先似佢殊不簡單。*燒安格斯牛肉沙律配意大利陳年黑醋汁*呢個開胃菜絕對係健康得黎又好味，燒安格斯牛肉嫰滑而有牛味，連平時唔點食菜既朋友都成碗食哂。你冇睇錯，佢真係成碗咁上，牛既比例仲要幾大下，計落相當抵食。*邪惡黃金咸蛋醬露荀大蝦意大利麵*呢個名入面提到既內容，佢每樣都做到好出色，包括邪惡，因為我食完都仲想再食多幾啖。呢個意粉看似簡單，但佢煮到超好味，蛋黃醬，芝士加埋松露均勻地遍佈每一條麵，令啖啖都好重蛋黃油香味，配上新鮮露荀同爽口大蝦真係超好食！邪惡就難以避免架喇。*慢煮西班牙黑毛豬配黃梅果醬*Iberico 一向都係我至愛。呢度既慢煮黑毛豬完全滿足到我，豬扒煎到岩岩好唔，外面半焦香而內裡肉質嫰滑就當然啦，再配上黃梅果醬微酸帶出清新解肉膩感既效果，令食到後段都仍然咁想食。*雪糕西多士* 加 *香滑奶茶*聽人講甜品係用另一個胃，其實係真的。我地再encore 加多個正既甜品。係熱辣辣香噴噴新鮮西多士，本身已經好好味，加上雪糕慢慢溶落每一啖西多上面，一冷一熱，大滿足！😁配埋呢度又香茶味，口感又滑既奶茶，呢個結尾冇得頂。仲有其他都好好食～餐牌～…查看更多

今日終於有機會試到呢間由細到大搭火車出九龍都會經過見到，慕名已久但從來未試既酒家。呢度出名既沙田三寶我都好想試。但因為得我同朋友兩個胃，我地又想試埋其他撚手小菜，所以我地揀左手撕乳鴿一試。奇香手撕乳鴿真係冇改錯名，一放落枱已經聞到果陣乳鴿既油香，到真係咬落啖啖肉既鴿身時候，果啲熱辣辣既肉汁帶出既油香更加係香到隔幾張枱都肯定聞得到。不得之了。鳳梨咕嚕肉咕嚕肉必須要送飯，鳳梨同埋桃肉既配搭又係一絕。兩樣都係超開胃，咁都俾佢諗到擺埋一齊原來咁好食。咕嚕肉炒到岩岩好，做到外脆內軟，酸度適中，開胃到白飯都食多碗。茄子牛仔骨煲呢個餸就超抵食。首先個煲係熱辣辣咁上香氣四溢已經加好多分。再黎就係茄子同牛仔骨份量一啲都唔細。更重要係2樣食材都做到好好味，茄子夠淋夠入味，牛仔骨當然都係好入味啦，肉質仲係嫰口易咬真係幾驚喜。簡單一句就係冇得輸啦。抵食又好食！…查看更多

上星期同同事係土瓜灣早左收工，大家都好肚餓，決定一齊食埋夜晚先返屋企。見到拉麵，大家思鄉病就自不然發作，於是又食金鶴睇到菜單上面主打既係佢既雞白湯拉麵。我地就叫左一個2人餐，2個主食，一個就係雞白湯拉麵，另一個要左慢煮厚切日本雞胸肉飯。小食要左一客日式餃子同埋炸雞肉。因為呢間另一樣主打既係燒鰻魚飯，所以我地都另外嗌多左串蒲燒鰻魚串，小試牛刀先。雞白湯拉麵果然係鎮店之寶。爽口不膩既拉麵軟硬度剛剛好，雞肉嫰口一啲都唔“孩”，豚肉大大塊而且肥瘦適中，2款肉都係口感滿分！加埋溏心蛋真係過足思鄉癮。然而濃濃既白雞湯先係呢碗麵既靈魂，浸左湯既拉麵同埋肉真係味道再昇華。我地忍唔住最後連湯都飲哂！慢煮雞胸肉飯令我打破對雞胸肉既一貫認知。以前從來唔覺雞胸肉可以咁嫰滑而且極有雞味！唔洗太多調味，呢款淨係食原汁原味就夠哂正喇個鰻魚串都係不得不推介，佢個鰻魚汁除左充分入哂魚肉入面，仲令到魚既外層燒到非常香脆。幻想到鰻魚飯一定仲好食，因為啲汁會俾啲飯吸收哂，下次一定要叫黎食！2款小食都好正，尤其係個炸雞。新鮮炸起熱辣辣，炸粉一啲都唔厚，呢啲質素真係係邪惡得黎唔後悔。…查看更多

喺荃灣搵食，見到呢間小店，聽講係正宗韓國人開既，又好掛住泡菜國，決定要試試佢～一開始先食個沙律做前菜，叫左Bacon salad，配料有蛋、橄欖、粟米、蕃茄仔等等，好開胃Cheese lover’s pizza 包左三件pizza，分別係牛肉、雞肉、蝦，三款都好食，肉好新鮮，仲配左酸蘿蔔，媽媽都話正海鮮煎餅就夠足料，配埋個醬料好夾五花肉蓋飯記住要趁熱食，五花肉一啲都un，切到好薄，易入口又好入味好掛住韓國既紫菜飯卷，可惜已經賣晒，比左個理由我再去食，下次要早啲去買！…查看更多