YeeeSSS的个人专页

Weekend 無野做，又找朋友到處食lunch。（6點後無堂食呀！P你個）。朋友話有間餐廳一直想去試試，我連食咩菜，等幾耐，乾不乾淨都唔知就應承左。好少去大角嘴搵食，果邊好似大部分住宅同工業大廈，點知原來那邊好多小店！況且呢一兩年，要找到有良心的餐廳、商戶都很難。我由太子落車之後，跟住Google Maps 行左20分鐘先找到呢間餐廳！哇，知道朋友比我早15分鐘就到了，都知道食良心餐廳要排隊，所以覺得自己好幸運朋友早到排住隊先。餐廳不設派籌，一定要緣著玻璃窗排隊，而且餐廳有【落場時間】，即係3點就關門。我哋由12點35分左右排到2點，中途服務員有出來遞出點餐牌，我哋用筆在上面落單。但是餐牌上有d misleading，因為貼著【售罄】，我就以為是那個便當售罄。點知原來是配的那個調味粉售罄！！個個人都要排隊，經過門牌都要影相。午餐的份量也不少，因為配菜很多種類，所以下單的時候你可以選要多/少/不要。我就不要了酸菜。但是很喜歡他們用了玉米同粉絲。雞塊件數都讓我驚訝啊，沒有看過食評之下就有驚喜。最後，我吃到最後一塊時，其實已經開始飽了。咬下去最後一塊雞的時候，竟然有點怪怪的感覺，可能是炸的不夠熟。我個肚比較敏感，所以就吐出來了，算了。後排的台灣腸不過不失啦，size就是黑黑的大一點囉！鳳梨冬瓜茶的味道很好，外面幾乎沒有看過這樣做。大部分都是檸檬冬瓜，所以就選了這個。讚啊！有良心的餐廳沒有很多，但是這間餐廳絕對值得等一個鐘！當然，疫症過後座位數目增加了，我一定會再回來的。但是之前就應該不會了。…查看更多

Weekend 的下午遠遠的去了赤柱散步，兩個人邊走邊看有什麼餐廳吃得過，無咁伏？主要因為這個地方不熟路，來得少，又怕因為太肚餓所以吃到地雷。一向我都覺得因應以上狀況，點都好，選最多人幫襯的餐廳就一定無死！怎知到行曬差不多成條靠海的街，最後比一個講中文拉客的阿叔 (65幾歲左右) 說服了我哋。這個大叔，這個年紀，在巴士站的第一間餐廳走來，都沒有一個講中文的侍應兜搭過我們，讓我們覺得阿叔好親切好貼地。另外，仔細看其實所有餐廳的餐牌價錢其實都差不多，不過因為阿叔深入的介紹了Lunch set 【份量很大，夠我們吃】的這句話，我們就上鉤了。兩個青年的男性，被另一個一個壯年的男性欺騙了感情......我們看了Lunch Menu 點了 Fish N Chips, 同埋 Rib Eye，餐飲要了紅白餐酒各一。肉眼扒點7成熟，來到都這個樣子，黑mong mong 咁。侍應一放低隻碟，我就拿相機影ga la，d 薯條擺得可不可以靚d ？西蘭花未煮熟，番茄就咁生上。Fish n Chips 應該都不會太伏，係o岩o既，不過求其la。我無comment 喇。至於兩杯酒，我都唔係太想用文字形容喇。最後，我哋眼看用餐的時候都有不少locals 來餐廳。但是比較少外籍人士。我係餐廳老細的話，我會比好高人工阿叔！完！…查看更多

買完跑鞋搵見到呢間之前經過過幾次都無機會食嘅 Burger.我哋見有4人枱坐咗1個人，搭枱坐另一邊。(嗰時仲未有1.5米限制)之後的人就都要等位或者坐high seat.佢係自助形式，出去叫餐，到牌仔響了就出去攞。2個人一人叫咗一個burger，加2個小食，夠了。我要了Beyond Burger，佢仲切開兩份俾我，朋友的avocado burger 就無切成個上。唔明點解。塊burger patty 我覺得有點重口味，可能因為想令你有牛肉味所以要咁。整體嚟講都好滿意嘅。如果佢價錢可以做到大眾化啲，我唔介意食多啲。小食要咗$12 sausage 同埋日式餃子。朋友話sausage 好impressive，因為好似真的腸，texture，味道令佢好高興。日式餃子就同真餃無乜分別，係個皮厚啲。本來想叫飲品，但係佢果茶賣晒，無乜其他想飲嘅嘢所以無叫飲品了。…查看更多

唔係因為阿媽，都未必會去食美心翠園。因為疫情關係，好多餐廳都無開。3月中平日都算多客，我哋訂咗位，幾乎坐滿。我哋一家4位，叫咗1個小食，4個餸，再加白飯。食物味道不過不失，買位一點特色都無。但是上湯煎粉粿算是比較少見。$288晚市孖寶，條魚都幾細條，乳鴿OK。糯米豬 我們4個人叫了1/4隻，來到有6份(o舊)。$190的6舊糯米飯上面加6塊燒豬皮，係一d 肉都無既豬皮。好dry，即係$32一買一舊糯米飯加一塊豬皮......我其實之前都食過呢個菜，但係之前係乳豬皮連少少肉，可見今次真係唔同咗。我問一個waitress，佢叫我下次可以落單時寫個remarks 要啲肉。呢個勁好笑！原來有秘技！跟住個經理嚟咗睇下咩事，我哋如實同佢講我哋今次因爲呢味餸所以好失望。明明係招牌菜，而家變咗水魚菜。個經理力挽狂瀾，話廚房轉咗做法，但係佢哋兩個人講嘅嘢自相矛盾。佢offer 送我哋一人一個糖水，共4個，我哋緊係要！但食食吓，個女經理再過嚟贈我哋一句：「睇嚟你哋都好耐無嚟食喇？」嘩！！！！！！！！！美心服務果然一  流！…查看更多

星期日12:45 左右到餐廳，1點之後就好多人，要排隊等入座了。落 order 後，可以自己去拿水杯飲水，以及拿餐具。3個人，一人叫了1個漢堡，還有薯條和小食鹽酥菇。第一個來的是咕嚕雞漢堡，有點失望的是咕嚕醬不是整塊雞都沾滿，只在雞塊下面。而且雞塊隆起，令到上面的菠蘿塊很容易掉下來。三人分享就很困難了。軟腳蟹牛油果漢堡就OK，醬都同軟腳蟹配合得到。最後的未來漢堡，是 Vegan 的，裡面有 Vegan Cheese 同埋類似牛肉 texture 的 patty。漢堡都好夠 juicy，所以如果你不一定要食肉，可以試試。環境很乾淨，而且整間餐廳的佈局很有taste，十分值得推薦！！…查看更多

學如逆水行舟 不進則退，作廚亦如是。去了東涌找朋友食飯，商場大裝修，多咗一邊新翼。行入去多咗好多唔同嘅食肆，揀嚟揀去最終都去咗樂天王朝。兩人點了八色小龍包，油麥菜，咕嚕魚塊，水餃湯。四百幾蚊。八點多，唔洗等位嘅原因可能係價錢、可能係夜咗，可能係伏... 但食完我都覺得無下次了。首先，我之前去其他樂天王朝都可以唔要個前菜，但係今次我同佢講唔要，之後嗯咗一聲，佢冇收走，好似逼你要咁。我都費事再講。You win. 油麥菜冷盤，水餃湯都標準嘢，無得輸。但熱食就GG... 小龍包隔咗一陣就凍晒。咕嚕魚塊咬落去，嘩！咩魚嚟㗎？咁硬嘅？！入座時一半滿都無，走果時都仲未收鋪，隔離枱食完人走咗超過半個鐘都唔執枱咩玩法？你做到茶木咁嘅服務質素真係難得！應該以後都唔會幫襯呢間。完。…查看更多

在地圖裏看到這家店的資料，在沒有選擇的情況下第一次是這間。然而除了日式套餐之外，他也供應中式米線套餐，可能是因為多點選擇多點生意。七點定晚飯時間，沒有人排隊資源，店裏比較寧靜。不用等位資源，整體也算乾淨整潔。空間很闊落，枱和枱之間不會走不進去座位，桌子也很寬。兩個人點了一個套餐，再加四款小食。壽喜燒套餐一向也是大件夾抵食的選擇，也因為兩人並不太餓的關係才決定這樣選。除餐附送的沙律和綠茶不過不失，壽喜燒也是正常的味道，沒有很難吃，也不是特別好吃。反而小食之中，單骨雞翼比較特別，微微的辣味比起其他三款出色。差不多八時，反而人流更多。要注意。…查看更多

兩人在寵物街看見被鐵板吸引了進去。晚餐餐牌底於$100，還免加一。友人和我不約而同叫了西冷配雞扒。怎料份量大得我們都未能完成全部。預設的餐食只有薯菜（薯條和西蘭花），如要轉為其他炭水（飯、意）需加$10！有點貴！羅宋湯比花園餐廳的為濃，味道不錯。面包加熱得合時，能保持軟軟的。扒呢，牛肉就未必能比美百多元的，但份量搭夠，反而雞扒除咗皮較厚外，味道好好！不過如果晚餐吃飯不是A MUST，其實還划算得很。有湯、有包、有扒有薯條，還喝了熱飲同啫哩做甜品，只需$78。希望他們能賺得到，繼續維持下去吧⋯…查看更多

收銀處的接待員已按了我們的等候票號。我們行到收銀處對接待員示意已人齊。收銀員：枱未執好，請等多一陣。那邊張枱就係了。我媽眼看桌子清潔好，收銀員在忙收錢，就踏前了一步，想自己走進去。收銀員喝住：你哋等多陣，我會帶你入去，果張枱係你們就係你們的了，不用心急。我：我媽媽的腰傷了，不能先進去嗎？收銀員：我唔撳你張飛個號碼，你都係喺出面企㗎咋。所以你喺度等多陣。被那員工冷嘲熱諷完之後心情都沒了，三個人就叫了一個吐司和一碟沙朗牛肉飯。…查看更多

兩點多三點，來到這裡侍應放下兩個餐牌：午餐同下午茶的。好奇的問了一位女侍應午餐同下午茶嘅焗豬扒飯有咩唔同。午餐叫鮮茄蓉厚切豬扒焗飯；下午茶叫茄蓉焗豬扒飯。佢表示午餐大份啲。我問佢係咪午餐用厚切，下午茶冇咁厚，佢就支吾以對。咁算啦肚餓就照要午餐。點知佢嚟到，塊豬扒一啲都唔厚，遲到過我哋嘅隔離枱個女仔叫嘅下午茶豬扒飯帶豬扒仲厚！而且份量一樣咁大！即刻覺得有被騙嘅感覺。服務員俾人嘅感覺一啲都唔專業，兩個餐牌嘅食物有咩分別都講唔出。廚房又漏單，隔離枱遲過我哋嚟嘅人兩個下午茶餐都黎晒，我哋仲差個天使面，追咗兩次先至到。奉勸大家，有下午茶食下午茶，嗰啲多咗嘅份量真係肉眼睇唔出。…查看更多

晚上8點半左右去左尖沙咀咖啡弄，抵達嘅時候都仲要係樓下排左十分鐘隊。跟住上左樓係樓上一邊睇menu一邊等都等左五分鐘先可以被安排入座。一坐底就問佢每天限量嘅咖哩牛腩飯有冇， 一位短髮幾man嘅waitress快而準話飯冇晒，得返咖哩牛腩法包。咁都ok, 就咖哩牛腩法包連埋個雞肉披薩落咗單先。十幾分鐘後，披薩來了。食完個披薩，我追佢話有樣野未到。等多廿分鐘，有位waiteress話last order,我地就加多個香蕉朱古力窩夫，不過就同佢講食埋咖哩法包先上。隔左一陣，其中一個waiter話我地要每人最低消費一杯飲品，我地就叫多兩杯野飲，同追多次個法包。等到都唔知幾耐，佢拎張單黎，話要埋數所以要我地俾咗錢先。我同佢講有兩樣野未黎，再睇一睇張單，原來都冇落！阿媽話咁不如唔好要喇，ok咁就照埋單。過左一陣，有個姐姐同我地交代話法包賣晒，但同事唔記得同我地講。食物味道係幾好，不過原來披薩下面唔係一個圓形薄餅底，係一塊麵包！今晚叫左兩杯野飲，什果冰茶$58，柚桔冰茶$56，好貴！ 什果因為熱情果所以略甜，柚桔就略酸。不過都係有誠意，味道都算唔錯嘅！有兩樣野要留意嘅係：1. 啲staff好多甩漏，可能係新開training唔夠；2. 原來淨食野消費係唔得嘅，一定要一人一杯野飲！（其實好harsh,又唔一早提我地，如果黎晒三樣食物，點飲得落呢？連兩個人share一杯都唔得。）…查看更多