Hakamotionless的個人專頁

同事介紹，好食平價泰菜炒河味道唔錯，食落幾香口，但水準有啲忽然，每次味道都有少少唔同，河粉係特別寬身，闊度似腸粉，幾有口感。附送例湯冬陰功，好濃郁好味，有少少creamy感，蕃茄味好出，少少酸，怕酸味都可以嘗試依個湯最常食係綠咖喱米線，creamy綠咖哩，味道唔錯，好香，少少辣味，cp值高，牛肉乾身，唯一食唔慣係泰國茄子，茄子份量多而大舊，入面水份多，整淡綠咖哩味道紅咖哩味道較甜，少少酸味，完全唔辣，入面有菠蘿，好特別而夾，令道菜更加好食，口感creamy。店內環境望落麻麻，衛生環境一般，睇落有啲好舊，少少暗。…查看更多

每次返工經過，聞到煲湯味濃郁，香，十分吸引。餐牌算多選擇，又可以雙拼。食落，湯味冇想像中濃郁，算清淡。份量較多，足以飽肚。牛腩雲吞各有幾舊，又大份，牛腩口感淋身，牛味就少啲，雲吞入面蝦幾爽口，味道唔錯，配菜白蘿蔔幾好食，少少入味，淋身，好清甜，河粉就一般，冇特別。整體來講，一般水平，唔會失望，但又唔會有驚喜。以價錢來講，唔使50蚊係觀塘工業區食午飯，味道和份量都對得個價錢，算係咁。店內環境睇落乾淨，少少迫。…查看更多

味道和質素不及以前，但性價比依然較高，平價壽司定位入面，味道算唔錯，會再頭。輪候時間較以前短，午餐時間都係等咗15-20分鐘。坐位舒服，空間大，間隔令人放鬆享受食物。…查看更多