誠實豆沙包的个人专页

我11:30入座，睇住佢哋唔夠人做嘢。等到11:39，先至有員工俾張單我。我用Apps自己落單，11:41。嚟咗杯檸茶，然後見到其他客人已經食緊，而家寫食評嘅時候係12:14，我碗米線都未嚟。11:17，食物終於嚟咗。等到都唔覺得好食囉。…查看更多

去到見到餐牌，Lv.3有得免費加時30分鐘。既然有得慢慢食就試吓。呢間主打唔係肉， Lv.3 食到嘅卡樂 beef: 其實只係其他涮涮鍋放題店嘅 basic plan 精選牛五花，普通嘢嚟。如果以多食肉為目標嘅就唔好揀呢間。 但係海鮮類、小食類又幾好，會有一啲香港好少食到嘅魚片、魚滑。而且呢間有季節性蔬菜，我夏季去有水蓮，秋季去有鉛筆菇。凍飲都係普通嘢嚟，其他台式吃到飽都會有類似飲品，例如洛神花茶，紙包飲品，罐裝飲品。但係佢嘅熱飲就有特色，有各類茶葉，茉莉花、高山烏龍、青茶等等，自選茶葉入茶葉袋沖水。茉莉花幾香。甜品幾好，多款式，有愛玉可自己加配料，仲有豆腐花。唔似得其他台式吃到飽—最後用填紙方式，每人一客。…查看更多

今次係第四次去百芳池上便當，今次感覺很普通😐。食咗$92，好似食快餐：唔係佢上菜速度快，而係食材質素有快餐感覺。起初叫咗個桂花烏龍，收咗我錢之後話冇🙁桂花烏龍，咁我唯有揀同價錢嘅茶🧋，味道冇乜特別。碗麵係牛肉牛丸牛腩麵🍜，肉質係軟腍嘅，但係連同湯底都冇乜味道。但係如果你睇相，碗麵🍜個樣好吸引。仲有就係碗裏面嘅紅蘿蔔🥕。入口嘅時候係凍嘅😧。估計紅蘿蔔係預製組件再冷凍。但係煮麵🍲嘅時候，翻熱唔夠就加落碗麵度。…查看更多

今日食咗個火車頭河午餐，真材實料。餸好多款式，有肥牛、牛筋、牛腩,好夠份量，湯底飲左唔會口渴。最正係佢嘅凍檸茶少甜。有啲餐廳嘅少甜只係減半糖漿，其實都仲係甜甜地。呢間係減到中和檸酸，剛剛好。仲要走飲管，配合環保時尚，好正!…查看更多

如果不是因為趕車，我不會在鐵路站附近食。真係難食到...是快餐店的設計，但有時要久等才有餐。餐牌是「蕃茄濃湯螺絲粉」，其實是稀釋蕃茄湯。螺絲粉沒有味道，我平時已經食少鹽，仍然覺得螺絲粉好像用清水灼，粉糰一樣。以前食過一次「香煎午餐肉麵」，午餐肉係沒有煎過，好像從罐頭切片出來。最後一次光顧，只係玉子較正常。…查看更多

一直也喜歡食這間米線，這個牛魔王套餐我食了3次，原因👇1）個人不易接受正宗四川風味，這個港式米線的麻辣符合香港人口味，嗅到微麻香。2）食過一次正宗麻辣，麻痺到食不到食物原味，其實好冇癮。這間粉麵的微麻辣令人仍然感受到牛的原味，很不錯。3）餸的分量充足，在其他米線專門店消費$59，未必有這樣份量。但在繁忙時間食會久等。我17：34買了，等到17：49才正式取餐。期間取餐的叫號很混亂，有人站著等外賣說：「唉，等咁耐，早知唔食。」我聽到之後都覺得叫號取餐有點怪怪的，我持號碼788, 但叫號可以係783, 785, 781, 787, 789, 790, 786...雖然沒有訂明一定要順號數取餐，但久等而聽到這些叫號，也會懷疑廚房是否漏單。…查看更多

隨意找到這間新開燒肉店，試下啦。醬料：辣椒醬冇乜特別，偏鹹，可以不用。黃金醬係好味，但如果燒肉本身品質好，不蘸也可。岩鹽用作烤杏鮑菇、烤翠玉瓜調味係好好。食台式小食例如鹵水大腸、鹽酥___加檸檬汁,易入口。食物：牛肉係好味，香口。但每一塊都係小方塊，點牛肉類共3次,如果沒有88折優惠券,便算貴。澎湖蛤仔湯其實好像冬瓜粒湯，可以不食。厚切雪花豬厚肉爽口，要試。第三次點牛肉的時候已經飽飽地，最好牛、菠蘿梅花間竹燒嚟食，否則很膩。桂花烏龍味道很清，很配燒烤。果茶類少甜比較好飲。最後甜品點了愛玉珍珠，其實有點港式風味。點菜方式是先用手機照 QR code，期間會用到數據。食完出門才見到牆上有wi-fi明細！影低佢比大家參考。…查看更多

見到主題係日式爐端燒自助午餐， 所以去試試。爐端燒幾好味，有燒茄子、 大蔥、翠玉瓜、牛舌、雞翼、秋葵、 魷魚、鯖魚， 加烤肉汁更好味。但係，見到標題， 諗住日式爐端燒係主角， 誰知原來係“冰山一角”--- 中菜多過日菜。冷盤款式太少。 在官方網頁見到餐單有翡翠螺，但係去到冇。官方網頁見到紅豆豆腐蛋糕， 可惜不外如是， 豆腐味不夠濃。 Brownies 也沒有朱古力味。 好食的Movenpick雪糕是紅豆和朱古力。 做得好的地方是任飲咖啡奶茶檸茶， 自己調味。要改善的地方是： 一係標榜＂亞洲＂美食自助午餐。如果賣點是日式爐端燒， 比例上要做大爐端燒，減少中式點心粉麵春卷瑤柱時蔬四川雞煲……等等｡…查看更多

早了去到，可以先報到，預派枱號。個receptionist好醒目，幾秒便 spot 到相關資料，帶位的又服務周到，一流。食物方面主打榴槤。榴槤系列做得非常好：榴槤班蘭卷、 榴槤奶凍、 炸貓山王、 榴槤芝士蛋糕...都有適中的榴槤濃味。 如果好彩的話， 揀中的榴槤奶凍杯內有 一絲絲榴槤肉， 超級香滑。 炸貓山王要即炸即取即食， 放多一陣時間， 炸粉部分會變得太煙靭。主打以外的食品都做得很高質素。例如抹茶奶凍， 每一杯有濃滑抹茶， 不像普通餐廳做的 eye candy (外表好看 ,入口完全冇味唔夠喉)。 刺身方面， 下午茶時段提供四款已經很不錯， 每款小塊而厚切， 入口新鮮, 就知道一流貨色。 另有泰式風味 , 沙律區有酸辣粉絲 , 車仔麵有冬陰功湯底。 廚師仲好有心機， 厚冬菇墨魚丸仲會幫你切粒， 方便你一口一粒。 坊間一碗普通車仔麵冬陰功湯底現都賣到$40一碗, 現在喺酒店食乾淨衛生好多, 最後來一碗車仔麵就係大滿足。另外,侍應都好醒目， 每次都係等客人離開座位去取食物時來收碟， 很有效率。 整體都做得好好， 可以投The Market 開飯熱店一票。…查看更多

前後食了幾次雙拼麵餐，愈來愈難受。．開業不久，第一次食最正常，雖然點墨魚丸沒有墨魚丸 ，點米線出來是米粉。． 第三次食雙丸米粉，每款丸有兩粒，共４粒， 還可以。． 第四次食 湯底多了一層雞油浮面，感覺很油膩。． 第五次食雙丸米，也可能是最後一次， 不但有一層雞油浮面， 而且減了一粒丸。開業半年便這樣，以後不想再去。…查看更多

下午茶餐有黃咖哩牛撈米線便試下。預期是泰式咖哩，入口時椰奶味甚濃，似星馬風味。下午茶米線不多屬正常，但椰奶濃度甚高，食了７成已膩到飽。不是完全不好食，但與同一條街的米線專門店比較(下午茶餐$30，較多米線，麻/酸辣不易膩)，不膩較好。…查看更多

頭盤:青口非常美味，藍青口相對地遜色。炸蝦片配牛油果醬既出色又有特色。牛肉片也一流。凍蝦可以。沙律菜的和風麻醬汁最佳。細細杯的火龍果飲品是最有特色的 appetizer.刺身：三文魚很受歡迎，但個人覺得不是在酒店食會特別好味。吞拿魚、醋青魚非常有鮮味。有卷煙燻魚在沙律區取，有特色又美味。蟹籽和蟹棒宜配壽司飯(現場沒有)，因偏鹹。比目魚柳一定要試。甜品：朱古力蛋糕、榴槤拿破崙好食。榴槤奶凍、榴槤芝士蛋糕一試無妨。特色甜品：因綠茶心太軟而慕名而來，事實上係很獨家，又值得一試。但味道及不上榴槤系列甜品。榴槤撻也是心太軟，意料之外更好味。…查看更多

點了３道菜。前菜：焗栗子蘑菇味道不錯，菇味香濃，可惜同焗的蓉完全不覺有栗子，同伴也不覺得有栗子味。青口魷魚墨汁意粉是(傳說中的)推介菜式。傾向淡味，意粉質感有點怪，像焗了8成熟的 pastry而食了未熟透的20％。其實應該係熟透，不過入口有“麵粉”感覺。主菜：重量級沙律又是(傳說中的)推介。特色在於半個牛油果，清新。多豆。但是……作為主菜，怎樣“重量級”呢？實在參透不了。…查看更多

偶然遇到永留芳，門面其貌不揚，原來內裡可選擇的粉麵餸菜幾豐富，每款$2-$3。車仔麵湯底可選腩汁和加辣，味道恰到好處,夠味而不太鹹。除了一般車仔麵會有的餸之外，還有不是處處有的餸，例如牛腸，牛肺……麵底份量足夠。肉類的餸切得細件，但早餐夠食;只是菜就略嫌切得太幼細，有時找到菜絲，幼細到……可以攝牙縫。桌面有特色醬料，試下……原來係獨家味道，小甜，質感像腸粉甜醬和辣椒渣的混合，有微微辣椒香。既然是自家好味道，不是連鎖餐廳公式化味道，買一樽回家試下，支持小店生存！順帶一提，師奶級人馬煮食幾細心，門面客氣說話少講，沖咖啡就照顧到每一個細節。…查看更多

 有預約，餐廳 service 有效率，快靚正。食物精緻，款式相比其他酒店不算多，但飲食態度貴精不貴多的話，已經好夠食。Lunch buffet 的刺身普通，吞拿魚正常味道，惟三文魚無味。涼食的青口有鮮味。沙律菜方面，和風沙律汁有濃濃薑味，怪怪的。自選什錦魚生 + 微酸醋飯，勁正。當日13度，暖暖的更啱胃口。熟食的肉類味道恰到好處，包括牛仔骨、燒豬脾、鴨胸。反而西冷牛扒不及前面提及的好味。芝士焗蠔一流，淡芝士不膩，沒有遮蓋蠔味。生果普通，甜品以奶茶味 pudding 和法式焦糖燉蛋優秀。比較可惜的是，日航咖啡室的日菜只得一味是出色，西菜多款做得好。另一個可惜是，日航咖啡室沒有一道菜是綠茶味。…查看更多