Poyan_c的个人专页

今次再次幫襯呢間餐廳係因為佢出咗個雞煲二食套餐，鍾意打邊爐嘅我就試吓佢哋啲新嘢先！我比較鍾情尖沙咀分店，整體感覺都比較舒服，而且唔會有太壓迫嘅感覺，枱與枱之間有一定嘅距離，而且服務人員反應快，唔需要等好耐就會跟進你嘅需要！首先佢個雞煲有唔同嘅菇菌類，有冬菇片，秀珍菇，金菇，竹筍，雲耳，無論喺視覺上嘅五顏六色同味道都好豐富，我哋揀選咗少辣，而且佢隻雞煮得幾滑，唔會令到肉質好乾，啱啱好就上枱！呢個時候同時點咗佢嘅臘味炒飯，佢嘅炒飯粒粒分明，唔會太油，雞肉配上炒飯一流，額外惹味，個雞煲食到咁上下就可以叫佢加湯，佢會上埋二食火鍋嘅配料，配料架擺放炸雞皮，雞片，雞雜，雞塊，田園蔬菜（金菇，娃娃菜，蓮藕片，萵筍，豆腐卜）呢啲都係好掛汁既配料，假如配料唔夠，其實可以再order，整體嚟講，我覺得如果佢啲雞塊可以大少少，會有口感啲。最後叫多兩個甜品就大滿足，分別係姚姚脆奶同紅豆烏龍冰粉，脆奶外面就得鬆脆可口，入面奶味十足，唔會太甜，剛剛好，而紅豆烏龍冰粉就好清爽，食完濃味火鍋再食返清甜冰粉啱啱好中和返個味蕾，配料份量啱啱好！…查看更多

餐廳門口睇落細，原來入邊咁深咁大，而且真係坐得幾舒服，位置都幾闊落。當日俾咗四人卡位我哋，成張枱都可以放到好多食物，可以瘋狂地叫好牛肉！中庭亦有自助吧，熟食同埋甜品都好多款，趁住牛気10週年，今次試咗佢level 4 澳洲穀飼黑安格斯牛+SRF美國極黑牛放題+海鮮放題!!今次叫咗蕃茄湯底 ，所有嘅材料放入去都掛到濃濃嘅蕃茄湯汁，特別推薦佢嘅澳洲穀飼黑安格斯牛，一啲都唔韌，而且一口嚟講啱啱好，唔會好快就食飽，而雞肉同魚肉亦都好滑，個人覺得竹笙蝦滑亦都好特別，可以叫好多條都食唔厭！佢個海鮮拼盤 材料都好足夠，包括大虎蝦，日本帆立貝，青口，水魷，海參，魚片，墨魚滑，樣樣嘢都係我嘅至愛，大虎蝦食得出好新鮮，爽口彈牙！另外想推介喺個花膠，以為係好流嗰啲，點知其實都幾有膠質，一啲都唔薄，有少少厚度，我都食咗四五隻！另外，唔同嘅限定小食包括燒生蠔正常水平，食咗兩隻就夠皮！北海道馬鈴薯牛肉餅都炸得幾香口。最後，食埋個甜品：豆腐花，芒果布甸，自製吱吱雪糕，有香蕉乾肉配料，又幾match ，整體來講，食完有大滿足既感覺，開心👍🏻👍🏻…查看更多

陳鵬鵬潮汕菜館聽就聽得多，佢連續四年被大眾點評網票選為「深圳美食必吃榜首位」 ，即管嚟試一試！第一次嚟食感覺唔錯，同以往傳統嘅地踎潮州菜館比較嚟講，佢哋嘅餐廳環境舒服，座位之間唔會相隔得太近，而且沙田新城市呢一間舖頭亦都有圓台供應，適合朋友聚餐，自備酒水免收開瓶費同切餅費，咁就啱晒慶祝活動聚餐。欣賞佢舖頭有七樣嘢唔收費，唔收+1 ，餐前小食同茶錢，紙巾唔收費，如果食物超市同唔好味都可以唔收費（聽住先）哈哈，同埋最後嘅免收開瓶同切餅費！我哋叫咗幾樣主打熱門菜式：▪️例牌海鮮砂鍋粥▪️蒜蓉蒸貴妃蚌六隻▪️金不換薄殻▪️香煎䱽魚▪️金獎潮滷拼盤海鮮砂鍋粥材料有新鮮蝦，花甲，蠔仔配上有機大米煮嘅。非常之足料，而且唔會話有太多粥水，啖啖都充滿海鮮味道，個人最鍾意蠔仔，好新鮮！份量嚟講，夠三至四個大人食！蒜蓉蒸貴妃蚌，二人份量嚟講，每人三隻都好夠食，蒸到啱啱好唔會太老，成隻貴妃蚌都充滿蒜蓉味道金不換薄殻，呢個就第一次食，雖然佢嘅肉係比較細粒，不過佢比較濃味配上潮州粥一齊食嚟講啱啱好，純粹係比較麻煩😂另外，香煎䱽魚都煎得好出色，外皮夠脆夠薄，味鮮且嫩滑，唔會太過油之餘，醃魚嘅味道啱啱好，容易骨肉分離，睇得出事前功夫準備得好好！最後，金獎潮滷拼盤都係出色之選，包括鵝片、鵝頸、鵝血、廣章（潮洲豬肉條）、腩肉同秘滷溏心蛋，一次過試勻五個部分。店裏嘅滷鵝不留過夜，保證鵝肉鮮香入味，而且鵝片薄切嘅厚度啱啱好，…查看更多

舖頭門面好科幻，內裡座位足夠，分為兩邊大廳，環境同裝修同大陸嘅都差唔多，有冰粉自助吧，茶水自助吧，方便我哋自己按需求去拎嘢！今次叫咗一款烤魚兩款小食，由於唔食得辣，就揀咗古早沙茶醬烤魚魚身本身係寧波魚，整得冇魚腥味，配搭住沙茶醬，味道香濃，整體嘅份量都好多，配菜分別有蟹柳，豆卜，芽菜，鴨血，西蘭花，響鈴，最緊要就梗係扒多兩碗白飯啦！小食方面，叫咗嘭嘭小酥肉，絕絕指爆汁炸雞，小酥肉香脆可口，而爆汁炸雞係真係非常Juicy，入邊嘅肉質嫩滑多汁！最後食埋任食冰粉，呢個真係吸引，每位只係加$6，自助吧可以Taylor made自己鍾意食嘅材料尤其是而家炎炎夏日，食完濃味小菜，再食返碗冰粉真係透心涼，最後食咗四碗先埋單，性價比好高！…查看更多

話說呢間私房菜，之前朋友已經邀請過一齊食，不過上次唔得閒，今次再次邀請，終於有機會試到！餐廳嘅內裏環境骨緻，整體嘅感覺都好乾淨企理，成間餐廳分咗幾間大房，一間房嘅空間都可以好大，我哋今次一行八人，其實都坐得非常之舒適，好適合慶祝生日活動，成晚聽到隔離幾間房已經唱咗幾次生日歌。首先介紹吓個菜單先：🌟Set B2🌟1. 堂灼鮑魚2. 🛑椒鹽汁龍蝦腸粉底3. 手剁肉餅龍仔蒸蟹飯4. 橙味酒杯帶子5. 龍躉面珠燈鴛鴦剁椒🌶️6. 嫩滑肉汁乳鴿7. 金湯燴千絲8. 特色麵9. 時令拔絲🛑火焰叉燒一份$250首先佢會以鮑魚片刺身上枱，然後焯熟完個鮑魚，就會落芽菜煲湯湯俾大家飲，鮑魚爽口夠鮮味，然後就開始食主菜，我幾鍾意個椒鹽汁龍蝦腸粉底，龍蝦肉好彈牙爽口，腸粉沾滿晒成個椒鹽汁，唔會太鹹，不過有少少辣。另外，手剁肉餅龍仔蒸蟹飯都幾特別，飯嘅份量唔會太多，呢個菜式蟹蓋上嘅蟹膏，肉餅連汁又可以用白飯嚟配食，正！至於龍躉面珠燈鴛鴦剁椒，我哋當時就喺度諗究竟要有幾多條龍躉先可以有咁多個面珠燈俾我哋食呢？😂😂魚肉嘅口感好嫩滑，魚皮夠厚，最正嘅係佢放係底到索晒汁嘅粉絲，好入味！而且佢有分唔辣同辣，任君選擇。去到中間，有一個叫金湯燴千絲既小杯，其實係用南瓜湯配萵筍，可以清清味覺再繼續食！嫩滑肉汁乳鴿，都係多汁肉滑！海鮮特色麵係一個海鮮乾炒麵，麵汁會用一個玻璃壺另上，呢個略嫌海鮮味道太淡，但係份量十足。我哋額外仲加咗個火焰叉燒，一份$250，呢個叉燒係饅頭扁包配搭一齊食，幾欣賞佢有分半肥瘦同瘦嘅叉燒，都係令大家有得揀自己鍾意食嘅喜好。最後就係甜品時間，時令拔絲嘅外觀就十分吸引，亦好震撼眼球，因為拔絲拉到好高，梗係相機食先📸📸而內裏就收埋咗好多士多啤梨，再配搭絲嚟食，酸酸甜甜，有個完美嘅ending 🤪人均消費未加1，每位大概$650總括嚟講，感覺良好，成餐飯都食得好舒服，質素唔錯，會再去食！…查看更多

今次嚟到科學園嘅十和田食午餐，可能我嚟嘅時間比較早，餐廳剛剛開門，餐廳內人流唔算太多。今次主要叫咗兩個lunch set再加咗個茶碗蒸同中吞拿魚壽司燒灸刺身飯隻大蝦好鮮甜，其他嘅刺身火炙後外脆內軟，而且好新鮮，佢嘅飯底係醬油飯，基本上唔使再加豉油都已經好好味。另外炸雞烏冬，烏冬好煙韌，有手打嘅感覺，而且炸雞本身炸粉調味剛剛好，唔會太鹹，再點上我最愛嘅沙律醬，配搭每一啖嘅烏冬，感覺都好match，至於茶碗蒸上得快之餘，好夠熱，而且又有好滑溜嘅質感，唔似我哋平時喺屋企食嘅蒸蛋。嚟咗兩次都感覺成間餐廳嘅環境好舒適，而且望出去嘅景色都好靚，對住河景，尤其而家呢啲天氣唔會有好冷清嘅感覺，又唔會流晒汗，舒適宜人，喺衛生方面，感覺一貫整齊乾淨，而且侍應都好快手，一定再會返嚟幫襯！…查看更多

今次又去鬼金棒食拉麵喇，一諗起想食辣就會過去食，尤其係佢既濃湯掛起哂係d拉麵到，好惹味味玉辣麻味噌拉麵既辣麻味好過癮，味道軟硬適中，而且你可以揀調味濃度，將溏心蛋夾穿流心到拉麵上一齊食，口感非常好，而且增加味覺體驗。餐廳環境佈置有特色 ，而且衛生方面都非常整潔，提供紙質圍裙可以使用，避免濃湯彈到衣服上👍🏼👍🏼另外芫荽拉麵成碗都充滿綠色材料，好吸睛，鍾意芫荽既朋友應該覺得好吸引，而且味道好香！…查看更多

最近突然間想食啲酸辣嘢，就諗起呢間姚姚酸菜魚，位於中港城一樓，嗰頭唔算多嘢食，每次經過都見到呢間餐廳滿座，食物質素應該有返咁上下，今次總共叫咗四款食物:等我分別介紹一下：麻辣香鍋麻辣鍋底 （3-4人份），配料最少叫五個餸，我order咗香酥豬扒，土豆，秀珍菇，四季豆同寬闊薯粉，一上到枱已經聞到佢既麻辣味，對於唔係好食得辣嘅人嚟講，小辣已經足夠。望住一大盆辣椒，對於食辣愛好者來講係好愉悅。香酥豬扒特別厚，咬落軟熟多汁，唔會好似柴皮咁，佢嘅秀珍菇，四季豆同土豆都係有炸過，所以係特別香口。另外，佢哋做嘅宮保蝦球都幾出色，酸酸辣辣，好開胃，蝦既質感好彈牙，唔係死蝦做的，另外配上臘味炒飯，有一番風味，臘味唔會太濃味，而且炒得乾身，粒粒分明成個炒飯嘅份量亦都啱啱好。最想講嘅係佢既凍檸茶係非一般茶餐廳嘅檸茶，可能佢加入咗青檸，飲落唔會特別酸，係帶點泰式嘅風味，而且我發現呢度嘅飲品每一台都有人order，我諗佢嘅特色飲品係幾好飲！…查看更多

今日喺尖沙咀附近做完嘢，想搵間舒服嘅店舖食個lunch，就嚟咗十和田，以往都食過佢嘅晚市， lunch time反而係第一次！其實呢間舖頭比我嘅感覺係好舒服同乾淨，位置唔會太擠迫。今日早食，未去到午餐嘅peak hour，所以坐得好舒服👍🏻👍🏻佢掃電話QR CODE點餐，基本上個餐單價錢都好合理，唔會偏貴，我揀返佢哋最拿手嘅壽司套餐 $108/1 ，套餐有11件壽司，入邊仲有我最鍾意嘅炸吉列蝦卷，佢嘅壽司係用醬油飯整，特別香，除咗刺身壽司，仲有卷物，啲紫菜仲好脆，仲有麵豉湯配餸，咁啱想飲啲熱湯，咁就啱晒！送餐時間唔算太耐，過咗半個鐘之後，開始見到人流越來越多，侍應都好快手，整體來講都好滿意，店舖入邊嘅洗手間都好乾淨。…查看更多

銅鑼灣新開嘅爆爆煱可以滿足鍾意自私食既火鍋愛好者Menu上好多口味都想試，今次試咗比較少食嘅湯底-爆炒燒酒烏雞湯底坐喺吧枱既好處係有靚仔員工幫手炒熟材料， service好好😏😏佢仲大推咗個台式炸蛋撈飯一流，但係記得要放喺湯底下浸暖1-2分鐘先配飯食另外再追加幾款台式小食，好有掃街風味😍仲有必食既M5和牛，口感嫩滑下次可以約班friend一齊去滾吓🍺🍺🍺…查看更多

估唔到科學園新開嘅餐廳越來越多，連十和田都係度開分店，正正開係club one 對面，我相信好多人去過嗰邊飲婚宴，地點易認方便。十和田舖頭嘅門面非常大，而且感覺好整潔，餐廳入邊嘅位置數量適宜，佢有好大嘅玻璃窗，望出去就係池景，日頭嘅景觀十分不錯。當日叫咗唔同嘅嘢食試吓新店嘅手勢，首先頭盤係麻醬蕃茄沙律，蕃茄好新鮮，而且係想用比較大嘅蕃茄，連麻醬一齊食感覺好開胃。跟住係蟹柳手卷同三文魚手卷，壽司飯係用咗醬油，材料新鮮，紫菜好脆，店員亦都好貼心地提醒我哋要食咗先，怕紫菜會變軟。小食方面，叫咗炸雞件同茶碗蒸，炸雞件表層炸粉一啲都唔厚，而且食落好新鮮，果然即叫即炸，調味適中，香脆可口，而茶碗蒸就係叫俾小朋友食，佢用魚高湯去蒸蛋，入口好滑。主食方面，叫咗火炙壽司拼盤，三色丼。火炙壽司拼盤都好出色，火炙部份入口即溶，而且每一件壽司飯都唔會太大件，正好可以令到眼闊肚窄嘅我試多啲嘢食。另外，好出名嘅三色丼，我嘅最愛係海膽款，佢嘅海膽新鮮，配上醬油飯一啖放落口，好有滿足感！另外既蟹肉丼，每一啖都好多蟹肉，連埋蟹膏食好似食緊一隻新鮮嘅松葉蟹咁，而吞拿魚蓉都唔錯，食完呢個三色丼已經覺得好滿足！最後味噌牛肉飯同鰻魚飯，兩款都好juicy，牛肉飯配上蔬菜一齊炒，特別惹味，但係一啲都唔會過鹹，而鰻魚飯既醬汁都令到食飯嘅胃口大開，唯一美中不足嘅係佢有細小嘅魚骨，小朋友未必可以咬到，不過整體嚟講都係好好味。如果你哋都會去科學園玩，可以試吓呢間餐廳，的確不錯👏🏼👏🏼👏🏼…查看更多

鬼金棒出名食辣嘅拉麵，之前聽過其他人介紹過 ，一直想嚟試吓食，今日天氣凍冰冰，食碗辣面都係一個好好嘅選擇。一向鍾意食辣既我，揀咗味玉辣麻味噌拉麵，首先見到個湯底已經覺得好濃郁，佢係用咗好多材料，熬足8個鐘而成，食拉麵一定要試吓個湯底，果然冇令我失望，辣麻味好過癮，勝在濃郁，配合彈牙既拉麵，忍唔住keep住食。另外追加左增量叉燒，佢嘅叉燒煮得好軟熟又入味，基本上男士食兩件應該都好飽，份量十足！食到辣辣地，可以食啖玉米，口感格外清新！佢個溏心蛋都值得欣賞，咬開後極速流心到我既拉麵上，另外，整體嘅餐廳環境算係非常舒服，空間夠大，樓底高，佈置有特色 ，而且衛生方面都非常整潔，佢最貼心既係有一個紙質嘅圍裙可以使用，避免濃郁深色嘅拉麵湯底彈到衣服上，很讚👍🏼👍🏼鍾意食芫荽既朋友要去試下佢個芫荽辣麻味噌拉麵，睇相都覺得好吸引😍…查看更多

科學園呢個地方真係去幾多次都唔厭，只要諗起想有個地方舒舒服服喺假日嘅時候行吓海旁，就會諗起呢到！呢間餐廳嘅位置算方便，19W大樓2樓位置有lift直到， 泊 P4停車場行過去最近。一段時間冇黎過，去到餐廳門口已經覺得好舒服，上次黎食，係同而家個老公嚟拍吓拖，今次過嚟帶埋我個小寶貝，半開放式餐廳有個室外嘅area 仲可以俾佢踢吓波，親親大自然，同陽光玩遊戲，真係好啱一家人嚟食嘢🌤🌤今次試咗啲新嘢，泡菜豬頸肉炒飯，個人覺得連埋泡菜食係幾開胃，飯有d似risotto 質地，如果豬頸肉可以在炒得香口啲就更好👍🏼本人至愛既炸魚薯條🍟今次都有試到，基本上炸魚都係皮薄脆口，魚肉冇急凍味，而且薯條仲好充足，唔使再另外叫薯條食！美味拼盤，有四款食物，包括炸雞翼，炸豆腐，豬肉丸，炸魷魚圈，再配合三個醬，好抵食！最後就係BBQ豬肋骨，肋骨上既BBQ醬唔會太重味，而且骨肉分離，非常好，唔會食到d肉黐住晒係牙到，食到捧住個肚走🤩👍🏼🍃我仲想讚果到嘅員工服務好好，我小朋友跌咗啲餐具落地下嗰陣，服務員一眼就留意到，仲好主動幫忙清潔，而且當我哋有需要叫佢哋嘅時候，反應真係好快，嚟緊都會介紹多啲朋友去食佢哋嘅餐廳，除咗環境舒適，最緊要就係食得開心又放心！…查看更多

每次經過Aeon，都會望到呢間中菜館，心郁郁想去試吓，今次終於試吓佢嘅午市，成間餐廳嘅門面感覺比起一般嘅大酒樓高貴一點，裝修設計主要與藍綠黑為主，一去到，帶位姐姐熱情的招呼態度，以現時嘅服務行業來講，實在好難得，淨係個笑容都已經賺多幾分！一坐低梗係叫自己最鍾意食嘅點心，試吓呢一度嘅食物質素會唔會比起其他嘅酒樓唔同d首先講吓個鮮味蝦餃王，鍾意食蝦嘅我，一定會叫，佢哋嘅蝦餃王蝦肉充足，唔算話特別大粒，質素可以鮮蝦菜苗水晶餃，反而我覺得呢個好好食個蝦餃，佢啲皮唔會一夾起就好易爛，最怕有啲店舖嘅水晶教一教就難，餡料跌到成個籠都係，而且皮薄餡料啱啱好，加埋豆瓣醬食，口感都唔錯招牌灌湯小籠包，真係倒出嚟啲汁都有成個湯匙咁多，以一口小籠包來講都有85分，記得要趁熱食，凍咗就浪費咗，底度有一塊薄薄既嘅翠玉瓜都第一次見，唔錯唔錯酥脆芝士拔絲紅薯卷呢個反而覺得下次唔使叫，因為食到有少少酸味，唔知係因為個芝士定係咩味道，口感都係同軟番薯一樣，不過係炸過咁解，如果小朋友鍾意食香口野，呢個都係可以叫的！呢個黑金流沙奶皇包都係我嘅至愛，我覺得係必叫，入邊嘅鹹蛋黃流沙真係邊食邊流出黎，我都忍唔住食咗兩個，雖然嗰包似住咗喺個籠邊，但係賣相仍然都係靚嘅另外，屋企人好想食黑蒜醬油肉鬆炒飯，我個人本身唔係話太喜好黑蒜，不過佢切咗粒，酸酸Maymay ，都有開胃嘅感覺，醬油飯真係好香，成碟炒飯都係醬油顏色，炒得好均勻，粒粒分明，唔會有濕嘅感覺，真係酒樓先做到嘅效果最後仲有紅棗雪耳糖水，甜到剛剛好，唔太漏，紅棗仲要去咗核，係一個好圓滿嘅午餐，最後個肉鬆炒飯都食唔晒要打包😆😆😆…查看更多

每次經過海港城，午市都會見到排晒長龍，今次帶埋爸爸媽媽一齊去試吓呢間專食片皮鴨嘅上海菜，入到去其實整體來講個環境幾舒服，因為座位都比較大，空間感足夠，而且仲有戶外座位，對住個海景都幾正。入到去見到有一個餐單係三至四人餐，有yuu，優惠就可以享有七折，食物數量其實係好充足，但係費事打包，最後都係選擇散叫。首先叫咗個帶子龍蝦湯，雲吞鴨湯，呢兩個湯味道都好足夠，個人感覺龍蝦湯冇乜特別，正常味道，要雲吞鴨湯味道就比較鹹，雲吞反而幾好食！仲叫咗四川宮保雞丁，楊州小蔥蝦仁炒飯，宮保雞丁唔算太辣， 怕辣嘅人應該都啱食，麻辣味唔太重，反而食到酸酸maymay 嘅感覺，可以攞嚟送飯。試吓新嘢，仲有松子小煎雞米，餡料切得好幼細，口感幾好，反而係個包皮太硬，整體唔夠香脆。上海小籠包非常之多汁，做得幾出色！最後就係要試嘅北京填鴨，我哋叫咗半隻，平均每人食到三至四塊，如果要講唔好嘅地方，就係佢塊皮比較厚，淨係食皮都食飽，我自己個人中意係食薄皮啲，一口片皮鴨就最好！最後都食到好飽咁離開，唔需要打包。雖然 門口 多人 排隊， 本身用膳時間係1.5 小時，最後都可以 坐到超時，幾好👍🏼👍🏼今次食最主要有coupon，就會抵好多，如果唔係其實對比一般嘅上海菜來講，價錢係真係比較貴！間唔中食都OK嘅…查看更多