yanyan0221的个人专页

喺觀塘東廣場一樓原來有個food court，有好多唔同類型嘅食店。今日天氣凍，一於嚟試吓養生雞米線。餐廳嘅米線價錢都唔貴，$60起就有交易。除咗食雞之外，仲有酸菜魚、豚肉、牛肉等等。🔹姬松茸竹笙花膠雞米線🔹有成七至八嚿雞肉，份量好多。雞肉嫩滑，配料亦都好多，花膠有三至四嚿、姬松茸都有唔少。湯底都算濃郁，配上軟滑嘅米線係非常夾，略嫌可以再熱啲。🔹酸菜魚米線🔹魚片嘅份量好多，爽滑得來唔腥，有驚喜。湯底夠酸夠辣，啱晒重口味人士。🔹椒鹽粟米🔹粟米甜，椒鹽味入味，值得一試。…查看更多

係繁華既市區，想搵一間清靜既西餐廳食個Brunch，Flames絕對係一個唔錯既選擇。雖然餐廳離觀塘市中心有少少距離，但星期日亦不乏人流。店內既裝修簡約，座位舒適，大部分以白色配綠植為主，令人感到放鬆。.🔹紅薯忌廉湯🔹由於係新鮮蕃薯製作而成，薯味相當濃郁，好適合作為餐前湯，暖一暖個胃。🔹黑松露薯條🔹薯條香脆可口，份量都唔少，配上黑松露粉，非常惹味，係大人小朋友都會鐘意既小食。.🔹蒜香蟹肉扁意粉🔹蟹肉濃郁，份量亦相當多，基本上掛滿每一條意粉，加上扁意粉亦相當彈牙，令人好滿足。.🔹意式辣肉腸薄餅🔹呢到既手製pizza 係我至愛，Pizza餅底有厚度有麵粉香，pizza食落辣辣地好惹味，滿滿的芝士很香口，鐘意食薄餅既朋友唔可以錯過。.總結，餐廳既食物係有水準，但價錢亦相對較為經濟，直得大家黎一試。…查看更多

紀念日豪食少少，經朋友推介去左食壽司之神，唔係日本果間，係元朗區既！呢間壽司之神原來已係香港開業超過十年，10年都屹立不倒，一定有番幾度散手。.店面大大隻招牌寫住壽司之神，水泥牆貼出menu,再有個木門，係外面完全睇唔到入面，私隱度好高，亦幾神秘。午餐由$480-$980,我揀左中間價位，$880 有15品。由於店面積唔大，最好預先預約，亦好比店準備食材。今日接待我地既師傅望落年紀輕輕，但原來都已經有19 年經驗。佢仲要一路準備食物，又一路分享佢對食材既睇法，食到美食之餘，又學到知識。由於廚師發辦係不時不食，所以每次都會有分別，有特別想食既可以預先打電話去問下有冇。連前菜到甜品有19樣咁多，唔樣樣講，揀啲我覺得印象深刻既介紹。🔹水雲醋物 🔹水雲係一種黏黏稠稠既海藻，好有營養，以醋物方式入饌酸酸地幾開胃。🔹兵庫縣生蠔🔹口感爽而鮮甜，肉質肥美飽滿，完全唔會腥。🔹鱈魚刺身🔹魚味淡但口感爽身。🔹 鱈魚白子🔹第一次食都要唞啖大氣先敢擺入口，師傅話係熟既令我有啲信心。入口柔滑順口，係完全唔腥，好creamy,配上香蔥幾清新，唔怪得有人好鐘意。🔹甜蝦蓉配蝦膏醬 鍋巴底🔹一啖過吞，除左食到甜蝦軟糯有膠質，仲有脆卜卜鍋巴令口感好豐富。🔹鰹魚刺身🔹魚味濃，炙燒完加啲柚子wasabi食辣辣地好特別。🔹鮟鱇魚肝🔹全餐最重口食物，口感好似鵝肝咁細滑豐腴，入口即化。因為比較heavy, 所以搭灑左啲柚子皮解解膩。🔹吞拿魚系列：中拖羅、大拖羅、炙燒腦天 、醬油漬赤身 🔹由瘦到肥美，甚至特別部位如腦天都試勻，水準都中上，特別係腦天入口軟滑無筋，魚味濃郁，肥而不油膩。🔹海膽系列🔹白海膽味道層次豐富、紫海膽有兩款一款較清甜，另一款較濃味。想講師傅比海膽絕不手軟，海膽既質素都好高。.Lunch 黎講食$880 唔算平，但勝在材料新鮮，食得又舒服，都值得再黎。…查看更多

一開lift 燈光已經暗暗地好有格調，樓底高，坐位闊落令人感覺舒服。係銅鑼灣$98 已經食到semi buffet, 可以任食salad bar 到大概十款沙律、熱食同甜品，仲有湯同飲品，性價比唔錯。唔夠既話仲可以加錢叫主食，最平$48 可以加意粉。.🔹Salad Bar🔹有5~6款沙律，好新鮮，特別係意粉沙律好飽肚，仲有吞拿魚多士。熱食有炸雞塊同薯條；甜品有有迷你泡芙同mini cake。不停會有人fill,而且星期日食都唔駛點排隊拎食物。食左2~3 round 其實都已經飽到7788。🔹粟米湯🔹Order 完就有人將湯送上，熱辣辣仲啖啖粟米蓉，幾足料。🔹英國頂級牛板腱配蘑菇燒汁（另+$158)🔹擺盤靚，五成熟既牛肉內裡仲粉粉嫩嫩，見到已經好開胃。大概有5片牛肉、配南瓜蓉同西蘭花。牛肉濃味又嫩，感覺有點唔夠喉。🔹香煎爐魚配粟米薯仔麵團配香草乳酪汁（另+$108)🔹鱸魚keep 到外香脆，肉質實淨得黎又滑。本身魚肉味道啖，所以同酸酸地既乳酪汁好夾。粟米薯仔麵團第一次食，賣相好靚，漸變黃綠色，口感煙韌。…查看更多

觀塘海濱附近有好多商場，有好多Cafe,啱晒放假過嚟Chill一Chill。因為離觀塘市中心較遠，人流唔算多，餐廳座位好闊落，裝修modern。餐廳週末menu選擇唔算多，有all day breakfast、沙律、意粉、扒同pizza等,價錢介乎百幾至二百蚊左右。🔹馬格麗特薄餅🔹Sourdough 餅底好有麥香味，煙煙韌韌，鋪滿酸甜既蕃茄醬、鹹香巴馬臣芝士、軟腍水牛芝士同羅勒葉，芝士控一定無法抗拒。🔹紐西蘭肉眼扒配薯條🔹八安士嘅份量都幾大，我要咗medium，上菜嘅時候熟到啱啱好，肉眼扒肉味濃，有炭燒味，伴碟嘅薯條都係剛剛炸好，非常香脆…查看更多

唔講唔知黃埔船入面隱藏左個美食廣場，餐廳數目唔多，但勝在咩野都有，今次試左間主打牛肉麵既店，話自己係食牛既響導，睇下係真唔係真。.🔹沙茶牛三寶熱拌刀削麵🔹一碗包晒金錢肚、牛筋、鹵牛面頰，係選擇困難症人士必點。天氣熱冇叫湯麵，叫咗熱拌刀削麵。成碗麵牛肉既遮住晒刀削麵，餸既份量好多，揀左椒麻醬，辣辣地好惹味。金錢肚、牛筋、鹵牛面頰都好平均地好味，鹵得好入味，腍度適中，刀削麵亦夠彈牙。🔹韮菜豚肉小雲吞🔹20隻都只係$48,勁抵。餡料新鮮，皮厚薄剛好，細細粒一啖一隻，湯底可以揀牛骨湯或豬骨湯，清清地。🔹口水慢煮手撕雞🔹冇諗過雞絲可以咁嫩，每條都好軟腍唔柴，配上口水汁同青瓜絲，酸酸辣辣得黎又清新，好豐富。🔹洛神花樣&白桃冷泡茶茶🔹估唔到food court 小店都有每日即製冷泡茶，仲要好多口味，特別推介洛神花樣，無糖又酸酸地，好開胃。.…查看更多

Chatterbox Café呢間新加坡菜餐廳已經係我wish list 入面好耐，知道屋企附近Airside開左一段時間，近近地仲唔立即安排！.餐廳既環境好寬敞，四周放有唔少綠植，令人心情愉悅，座位闊落坐得好舒服，枱與枱之間隔得遠，私隱度高，好適合情侶朋友傾計聚會。🔹文華海南雞飯🔹呢到既名物點可以唔叫，雞肉我特意轉雞胸。價錢唔平架，但雞肉份量好多，係平時既1倍。雞肉已去骨，而且厚身。雞胸肉居然咬落去非常嫩滑，完全唔會柴。黑醬油、鮮薑蓉及酸辣汁呢個標準配搭當然唔少得。雞油飯望落淡色，但味道香而且飯粒粒分明，又有咬口。隨餐仲有一碗鮮甜既豆腐湯，非常滿足，$138 係值得。🔹海鮮炒貴刁🔹有驚喜！首先海鮮係足料，有大蝦、魷魚、大大隻刺身級帶子，非常高質同有誠意。其次，上菜既時候仲係熱辣辣新鮮炒起，食到鑊氣十足，然後麵條唔油又鹹度適中，十分推介。…查看更多

身為麵之鬼，當然經常去揾好食既麵，黃埔既銘興都開左一段時間，成日都爆棚，終於有機會試下。🔹花雕醉雞🔹例牌一碟，係肶位，酒味濃，好入味，雞肉滑嫩。🔹熱拌牛展豬大腸刀削麵🔹餸係另上，麵同餸既份量都誇張地多，撈麵汁係由芝麻醬同擔擔醬混合再帶點辣，刀削麵彈牙得黎好掛汁，非常惹味。滷大腸好入味，牛展好爽彈。🔹麻辣雞扒湯刀削麵🔹雞扒份量好多，淋上麻辣汁同撒上花生粒同生蒜，係重口味人士最愛。🔹藕帶🔹食咁多重味道野可以叫碟藕帶解膩。爽脆得黎帶點酸辣好開胃。…查看更多

炎炎夏日係觀塘大汗滴細汗，諗食咩諗到頭爆，係工廈林立既地方居然有間咁文青既餐廳，二話不說要入去抖抖。餐廳樓底好高，座位好闊落，裝修簡約，完全同出面既密密麻麻大廈形成強烈對比。餐廳週末menu 一頁紙，選擇唔算多。睇清楚啲原來都有all day breakfast、沙律、意粉同pizza,價錢百幾蚊左右，可以接受。🔹蘑菇湯🔹餐點包只包汽水或茶，要湯或者甜品要額外加錢。當日既餐湯係蘑菇湯，入口濃郁又食到粒粒菇，係有誠意既。🔹新鮮黑松露蘑菇扁意粉🔹黑松露意粉冇人未食過，但新鮮黑松露就未必人人都食過。松露被刨成薄片灑係熱辣辣既意粉上，熱力將松露香散發出黎，香得黎口感爽脆，好特別。🔹海鮮香草茄醬薄餅🔹百幾蚊既海鮮pizza有大大隻鮮蝦、魷魚、煙三文魚，每啖都係海鮮，煙韌既餅底配埋拉絲芝士同茄醬，性價比高。…查看更多

朋友介紹了一間新開的餃子店「勁餃笑」，店舖的裝修風格是日系和風，店主可能是愛貓之人，因為店內不同位置都有大大小小貓裝飾。🔹黑松露粟米豬肉煎餃&湯餃🔹黑松露香氣四溢，餡料豐盛，會令人上癮，是必食之選。🔹椰菜豬肉湯餃🔹餃子都係隻隻飽滿，肉汁同湯汁的結合，令餃子非常鮮甜。🔹芝士辣雞煎餃🔹餃子香脆，外皮金黃色，餡的芝士拉絲，辣雞惹味，具創新之除，味道亦不遜色。🔹花膠雞絲湯麵🔹幼麵麵質非常彈牙，湯底以雞湯製作所以好香濃；配料份量多，有厚身的花膠搭配嫩滑雞絲。🔹麻辣雞絲拌麵🔹扁麵麵底非常彈牙，配上辛辣麻醬、嫩滑雞絲及爽口青瓜絲，清爽之餘又惹味，是夏日必食之選。普通辣已經很辣，不能吃辣的人記得要跟店員備註要少辣或不辣。整體來說，食物質素出色，店員的態度亦十分好，值得大家黎試一試。…查看更多

在灣仔工作時痴膠雞已是我的愛店，在離開灣仔後經常掛念它的味道，得知太子都有分店，立即找機會去回味。 🔹藥膳黃酒花膠雞米線 🔹這個是全店我最推薦這個的藥膳黃酒米線，雞湯湯頭再加酒香的加持，比其他米線湯底濃得多！麵可以選擇用鍋上還是碗上，夏天的話，我建議用碗上，不然吃到滿頭大汗。雞肉份量多，口感爽脆鮮甜。 🔹招牌花膠雞米粉🔹雞湯湯頭對比藥膳黃酒的會清淡一點，少了酒味，能喝到原湯底的鮮甜。雞件份量多，比黃酒的切得更大件，更軟滑，花膠有厚度！ 🔹手拍青瓜🔹非常喜歡這裡的青瓜，因為它的味道惹味，辣汁調配得很好，酸酸辣辣的，讓人停不了口。  …查看更多

尖沙咀的韓國餐廳開到成行成市，我誤打誤撞找到一間性價比不錯的韓國家庭式料理。餐廳裝潢好有傳統韓國家庭的味道，紅磚牆配木桌木椅，有點懷舊感覺。餐廳最醒目的是它的紅色大門，遠遠便可看到。餐廳的定價在尖沙咀區來說不算高，百元左右已有一份套餐，包括前菜、湯、飲品。🔹韓式辣豬肉石頭飯套餐🔹.甫上菜，滾燙的鍋發出”滋滋”聲，令人食指大動。石頭飯配料很豐富，有辣豬肉粒、芽菜、菠菜絲、生菜絲和生雞蛋，趁鍋仍熱立即將甜辣醬和配料拌勻，每一口飯都滿滿的雜菜和醬汁，辣豬肉入味，令拌飯味道更豐富。鍋邊的飯焦口感也十分香脆。套餐除了一些常見的韓式配菜例如泡菜、辣豆腐，涼拌海帶絲和韭菜等，還有一瓶小小的韓版益力多。🔹純豆腐海鮮湯套餐🔹店員把餐送上時湯還是超滾燙的，湯裡面豆腐份量挺多，豆腐十分滑，海鮮的部分有蜆跟魷魚塊。湯頭能嚐到海鮮的甜，比普通泡菜湯味道更好。總括而言，食物的味道不錯，價格合理，而且傳統韓國家庭裝潢令人感覺舒服放鬆。.…查看更多

Happy Friday 想chill 下，比我揾到間係尖沙咀瑞生酒店既西餐廳 - The Peral。餐廳走純黑路線，加上燈光暗淡，好有格調。The Pearl 有室外、室內枱，亦設置bar枱，方便剩係想飲番兩杯既客人。🔹吞拿魚牛油果泡沫他他配自製羅勒油🔹吞拿魚新鮮，配上牛油果泡沫、香菜同羅勒油，味道酸酸甜甜，非常開胃。🔹哈密瓜帕馬火腿沙律配巴馬臣芝士，松子仁及黑醋橄欖油汁🔹作為前菜黎講份量亦算很多，沙律菜新鮮、帕馬火腿鹹香十足，再配上爽甜哈密瓜，十分出色。🔹香煎牛風門柳🔹份量唔算多，但重質不重量。牛柳接近5成熟，嫩滑軟熟得黎牛肉味亦好重，再配上微酸既意式青醬，l唔會蓋過牛肉既味道之餘，亦令牛柳味道層次更豐富。🔹和風醬油大蝦煙肉扁意粉🔹意粉彈牙係基本，和風甜醬油滲入意粉之中，好似食緊醬油炒麵，呢款意日fusion菜好創新又會令人食上癮，另原隻新鮮大蝦也為整碟意粉加分不少。🔹Passionate Night🔹Passionate Night既顏色好吸引，入口好重果酸同提子味，好適合女士。🔹Refereshing🔹Refereshing係一種由茉莉花茶、青瓜、青蘋果同薄荷整成既飲mocktail，與Passionate Night好有強烈既對比。Refereshing比較清新，易入口，對於唔太鐘意飲酸野既朋友係一個唔錯既選擇。…查看更多

牛站係近來我既大愛，因為性價比非常高，人均258起 就能任吃120 分鐘！.牛站有三款套餐，我選了中規中矩的SRF美國極黑和牛片套餐。選好了套餐就可以用手機落單，配料超級多，自助區還有很多熱食。飲品選擇非常多，清酒更是任飲。鍋底有很多選擇，特別推介藥膳牛骨鍋和椰子雞鍋，湯頭味道濃郁，特別是藥膳鍋。以下是幾款我特別推介的食物：.🔹美國安格斯牛板腱🔹肉味濃，脂肪少，多吃也不會膩.🔹西班牙豬五花片🔹爽口彈牙.🔹肩胛肉🔹肉質軟腍，油脂較多，很推薦的一款肉.🔹麻辣小龍蝦🔹非常入味，麻辣惹味.🔹海鮮🔹沙白蜆鮮甜，蝦彈牙，墨魚爽口…查看更多

朋友大推既一間好有創意既Fusion 餐廳，話菜式好特別，餐廳位於灣仔既一個巷入面，唔係有人專門帶都未必會經過。餐廳既裝修充滿西式懷舊風格，入到去就好似置身於歐洲小餐館一樣，別有一番風味。🔹麻唔辣四川蜆🔹名就已經講到明道菜係麻但唔辣，雖然係咁，食落口都好有四川風味，等於麻味既牛油蜆，個汁仲可以用包蘸黎食，而且蜆粒粒大隻又鮮甜。🔹冬陰功大蝦意粉🔹繼頭先加左四川元素，今道菜就玩泰國風味融入意大利粉。冬陰功醬汁好濃好creamy，小小辣味令層次更豐富，扁意粉有咬口又彈牙，大蝦亦好新鮮，推薦！🔹酸菜魚🔹唔係呱西餐都有酸菜魚咁特別？正當我以為好似中菜咁一盤魚咁上菜時，先發現原來係煎魚柳配酸汁。魚皮煎得好香脆，魚肉保持嫩滑，醬汁食到酸菜、花椒、辣椒等等味道， 試完呢碟魚後真係完全顛覆左我對酸菜魚既認知，西式既菜 式，但用中式酸菜魚做醬，非常推介試下！總結，餐廳好有誠意去創新菜式，比到好多驚喜大家，有誠意既餐廳一定要支持。.…查看更多