JenC2014的个人专页

今日喺Fashion Walk食午餐，先嚟一碟🧀 馬蘇里拉芝士條（Mozzarella Sticks），馬蘇里拉芝士（Mozzarella）加熱後融化，切開時有誇張拉絲效果，超長拉絲，簡直係視覺加口感雙重享受。除此之外，芝士條炸到外脆內軟，外層炸至金黃酥脆，內裡芝士半流心，冷熱對比強烈。黑松露芝士薯條（Truffle Cheese Fries），一上枱已飄來陣陣奢華香氣，黑松露香氣又獨特又高級，搭配溶化芝士，濃郁到爆。薯條外脆內軟，芝士奶香 + 松露野菌香，味道層次豐富，絕對係雙重邪惡。鵝肝煙肉牛肉芝士漢堡有豐富的層次感，鵝肝質地細膩、入口即化，帶有濃郁的油脂香氣，為漢堡增添高級感；配搭煙肉鹹香脆口，提供煙燻風味和酥脆口感，與鵝肝的柔滑形成對比；牛肉漢堡扒多汁鮮嫩，牛肉帶來濃厚的肉香和滿足感；再加上芝士融化後，增添奶香和綿密感，平衡整體味道。柔軟的麵包、嫩滑的鵝肝、多汁的牛肉、脆脆的煙肉，以及融化的芝士，創造出豐富的質地變化，每一口都充滿驚喜。這餐結合了「奢華感」（黑松露、鵝肝）、「經典風味」（牛肉芝士）和「刺激口感」（煙肉、馬蘇里拉炸芝士條），形成層次複雜、滿足感極強的美食，難怪令人一試難忘！配合舒適嘅環境，適合一家大細，或者三五知己來享受一番😋…查看更多

愛吃餃子的我，今日專程嚟到餃子專門店，首先來一碟至尊松茸餃，松茸香氣獨特，好似帶森林木質嘅香味，味道鮮甜濃郁，被視為「菌中之王」。松茸+豬肉餡混合，菌香同肉汁交融，咬落爆鮮。餃子皮透薄，包裹滿滿松茸粒，每一啖都係享受。 另一款，元貝豬肉餃含有元貝，鮮味極濃，豬肉餡油潤，鮮味層次提升。元貝絲嚼勁十足，豬肉嫩滑，一軟一韌好過癮。 蒸煮時元貝精華滲入湯汁，餃子咬開會爆汁。 仲有香煎軟心芝士餃，特別嘅邪惡拉絲，內餡用半溶芝士，煎香後切開有「流心」效果。仲有雙重脆感，餃子底煎至金黃脆皮，頂部保持柔軟，外脆內軟。 小食黃金皮蛋具有獨特風味，皮蛋（松花蛋）經過鹼化，蛋白如琥珀，蛋黃流心帶溏心，味道醇厚微澀。口感奇妙，我蛋黃綿密creamy，蛋白Q彈，配薑醋更提鮮。 配合飲品山楂雪梨水，清新解膩，山楂天然酸甜助消化，雪梨清潤降火，飯後飲超舒服。靠雪梨+冰糖熬煮，無添加糖，酸甜平衡，開胃消滯，適合搭配濃味餃子或煎炸食物。 …查看更多

今日嚟到一間專門食串燒嘅餐廳，首先來一碟燒白鱔，白鱔皮下脂肪豐富，燒烤後油香四溢，外脆內軟，高溫燒烤令魚皮脆如焦糖，肉質仍保持多汁。調味簡單，用小小鹽已能突出鱔魚本身鮮甜。一口牛肉粒，選用牛小排部位，油花均勻，入口即化，細細粒一口大小，啖啖肉感，滿足感強。厚切燒牛舌，口感獨特，厚切保留彈牙嚼勁，中心軟嫩多汁。部位講究，用舌根部位，肉質更厚實。串燒雞皮，將雞皮燒至金黃脆口，油脂被逼出，香脆如薯片。椒鹽調味濃郁，非常惹味。椒鹽雞軟骨，雞軟骨（膝軟骨）咬落喀嚓作響，食上癮。加上調味刺激，椒鹽+辣椒蒜末，鹹香微辣，細細件，慢慢嚼，越食越開胃。椒鹽燒賣，極具創意的fusion菜式，將港式燒賣炸至外皮微脆，撒上椒鹽蒜粒，惹味升級，外層香脆，內餡仍保持濕潤。我喺好多唔同嘅舖頭試過呢度菜式，唯一呢度做到外皮唔會硬、又唔會韌，真係脆卜卜，非常非常推介。非常欣賞師傅嘅手藝同食材配搭！…查看更多

今日食咗LV.2精選牛肩胛，午市90分鐘放題，一人一鍋。湯底除咗有普通嘅豚骨湯、蕃茄薯仔湯、沙嗲湯、昆布鰹魚湯、壽喜燒、蟲草雞湯，仲有三款升級湯底，包括長野蘋果湯、麻辣鴨血湯、博多美人骨膠原啫喱雞白湯。自助放題區任食超過30款火鍋配料，食物包括羊肉卷、牛舌、半殼青口、帆立貝、魷魚圈、鴨血、枝豆、味噌青瓜、迷你甜薯、洋蔥圈、日式餃子、炸雞塊等等。日式牛肉火鍋放題（しゃぶしゃぶ放題）之所以咁好食，關鍵在於 高質食材、鮮甜湯底、自由搭配的滿足感，加上放題形式帶來的「任食暢快」，讓人一試上癮！靚牛肉油脂香濃，入口即化。放題提供美國或澳洲牛，油花分布均勻（霜降狀），輕涮幾秒，肉質柔嫩帶奶香，蘸上日式芝麻醬或柑橘醋（ポン酢），鮮味更突出。即使平價放題，牛肉質素亦比一般火鍋店高，食肉獸大滿足！ 日式服務與一人一鍋，衛生又自在；還有 自助飲品吧、甜品，整體體驗更完整。 這絕對是一家香港高質放題店！…查看更多

喺OpenRice入面想搵一間餐廳，約朋友一齊食飯，無意中見到銅鑼灣中心地帶，有間日本料理，裝修精緻，而且喺OpenRice訂枱食飯仲有折扣優惠。入到嚟餐廳，覺得座位好寬敞，而且舒適，見到餐牌推介三味精緻菜式: 「柚子風手切本鮪魚腩蓉」、「火炙厚切鮟鱇魚肝」同埋「黑松露煙燻帆立貝」，一定要試。接著來一碟「鹽燒仙台熟成牛舌芯」，牛舌好軟滑，熱辣辣，原來好大碟，好抵食。「吉列廣島蠔」揸到外脆內軟，蠔入邊好Juicy，味道鮮甜，炸生蠔配合蛋黃醬，好好味。「生燒白鱔」，串燒白鱔帶出白鱔嘅新鮮鮮魚香味，燒烤將油脂迫咗出嚟，好香口，熱辣辣，即叫即製，白鱔入口爽脆嫩滑，魚皮脆卜卜，加上少少調味，味道配合得非常好，好新鮮。食咁多脆卜卜又香口嘅食物，一定要飲返一杯「日本生啤」中和一下，生啤好新鮮，入口清涼又解渴，而且大大杯，非常推介。…查看更多

棉花糖和牛壽喜燒之所以咁好味，關鍵在於甜鹹交融的湯底 + A5和牛的極致油脂 + 棉花糖的創意加持，將傳統壽喜燒提升到一個更濃郁、更治癒的層次！棉花糖的魔法，儀式感滿分，棉花糖在熱湯中慢慢融化，當中的蔗糖與壽喜燒醬油結合，形成更圓潤的甜味，比直接加糖更柔和，且帶微微焦糖香。而且視覺效果吸睛，打卡一流，食慾大開！ 和牛的極致享受：入口即化，和牛油花細密如霜，肉質柔嫩，油脂甘香與壽喜燒甜醬超夾！ 仲有日本證書說明出產地，保証是來自鹿兒島的A5黑毛和牛除此之外，套餐包含一份蔬菜拼盤，有：豆腐、蟹柳、芋絲、金菇、冬菇、娃娃菜等等。來品嚐「棉花糖壽喜燒」，記得要必試「生雞蛋+ 吸湯蔬菜 + 精華雜炊」，這就是完美享受啊！飲品「檸檬汁菠蘿汁藍橙糖漿梳打水」及「熱情果薑汁蘋果汁梳打」賣相精美，打卡一流。…查看更多

位於銅鑼灣30樓露台，景觀開揚，非常舒適，飽覽獨特嘅香港夜景，好適合三五知己坐低傾吓偈，或者節日慶祝，影相打卡都非常出片。食物味美，推介「北京填鴨pizza」👍，呢個比薩嘅口味非常獨特，有中西合璧嘅感覺，餡料包括鴨肉片、青瓜絲、大蔥，配合正宗嘅北京填鴨醬汁，非常惹味。除此之外，香辣烤鴨意粉同樣惹味，意粉爽口彈牙，配合勁辣嘅醬汁炒過，非常香口，鍾意食勁辣嘅朋友，千祈唔好錯過。手工啤酒有多款口味，每杯味道獨特，全部有調酒師精心炮製，試飲手工啤酒套餐,可以任意選擇六款口味👍。每款啤酒都有自己獨有嘅名稱，非常特別，例如：「花魁」、「星仔」、「土豪」、「似曾相識」等等。出嚟飲嘢必須配合小食，推介炸薯條，配合千島醬，脆卜卜，非常香口。…查看更多

蘇三 23/2 -2喺銅鑼灣行街行到攰攰地，搵個地方坐低食吓嘢，你生活最鍾意食甜品，喺銅鑼灣怡和街圓形天橋行過少少，附近發現一間新開嘅甜品店，裝修得好靚，好有特色，非常精緻，而且充滿70年代嘅懷舊風味。睇吓餐牌，發現餐廳提供嘅甜品非常特色，冷熱都有，而且賣相非常特色，好適合打卡。今次我哋兩個人，總共叫咗三個甜品share嚟食。首先嚟一碗「華田火山布丁」，華田味道非常香濃，另外仲有牛奶嘅香味，下面係非常香滑嘅布丁。食完凍嘢，接住嚟一碗熱嘅「椰香鮮牛乳紅棗燉桃膠」，椰香味同埋牛奶味都非常之香濃，非常突出，配合用料十足嘅紅棗、蓮子同埋桃膠，非常滋補養顏。最後係「黑芝麻芒果冰蘇」，上枱嘅時候有膠紙圍住，造型好似一個生日蛋糕，店員教我哋慢慢拉開膠邊，記住開定相機鏡頭，拉開膠邊後，隨即雪糕同埋芒果肉好似雪山倒塌一樣，傾瀉落嚟，一定要要拍片做過紀錄，賣相好掂，非常出片，而且好足料，好多芒果果肉，非常鮮甜。入面嘅刨冰好綿、好滑，食落口冰凍又解渴。…查看更多

今日帶埋小朋友嚟到一間貓貓餐廳，一入到去就好開心，見到好多貓貓好舒服咁樣瞓晒喺地下嘅坐墊上面，餐廳裝修清新，設計好適合貓貓生活，中間放一個木架，旁邊有食物貓貓，上面都有床墊，貓貓跳上去休息，收銀台旁邊仲有飲水機，飲用流動嘅新鮮食水。店員仲不時會攞千層嘅拖把出嚟掃掃地面，整間餐廳都好衛生，簡直係一塵不染。因為呢度空氣好清新，店主非常注重衛生，就算小朋友有鼻敏感，都唔怕，絕對可以嚟玩貓貓。呢度有提供貓貓零食，可以自費光顧，然後引貓貓玩，除此之外，店入面都放咗好多貓貓玩具，免費比客人使用。貓貓全部都好乖，可以摸摸佢哋嘅毛。除咗有一隻掛住「公主脾氣」圍巾嘅貓，店員叮囑得知呢隻貓貓今日比較暴躁，建議唔好摸佢。店員都非常細心照顧客人。餐廳收費按時計算，同時亦都有提供客人用嘅免費茶水，仲有收費小食，例如：三文治、蛋糕等等，仲有手調飲品以及罐裝汽水，全部都可以喺自費區自助購買。總結，貓貓好可愛、好友善，食物好精美，而且好新鮮，大人同小朋友都玩得好開心。…查看更多

今日去到尖沙咀The One商場，從來都唔發覺坐升降機上樓上，原來有好多好嘢。今次去到19樓食晚飯，呢間係高級日本餐廳，以鐵板燒同埋日式料理為主，餐廳非常寬敞，分別有幾個zone，每個zone各自都有吧枱，每個個枱都企咗一至兩位大廚，客人可以坐喺大廚面前，一路睇住佢製作鐵板燒，燒完即刻上碟，然後遞到你面前，保證新鮮熱辣，仲可以睇到大廚嘅高超廚藝。行到餐廳最入面，係超大玻璃窗，面對維港嘅美景，特別係夜晚嘅景色，配合餐廳暗暗嘅燈光，增添整個餐廳嘅氣氛，好適合2人約會，或者慶祝節日。今日兩個人，我哋揀咗「春日精選套餐」，套餐已包含菜單內所有食物，按人頭收費。套餐包括前菜：螺肉和魚春冷盤，螺肉非常爽口，魚春配合酸酸地嘅醬汁，非常開胃。接着，飲一碗熱辣辣嘅「蜆肉清湯」，當入邊有好多連殼嘅蜆肉，味道清甜。接着係刺身小食，包含季節性嘅白身魚、鰹魚、甜蝦刺身等等，新鮮又美味。第四味菜式係「海鮮煮腐皮」，入面包含蝦肉、帶子、白身魚、腐皮、荷蘭豆等等食材，腐皮非常滑，又入口即溶嘅感覺，海鮮嘅鮮味融入腐皮之中，呢道菜式好特別，非常推介。接着開始鐵板燒，先嚟一碟「鐵板燒蟶子皇配文也汁」，還有一種法國醬汁，香濃又惹味，配合爽口又鮮嫩嘅帶子，味道好夾。第二道鐵板燒菜式係「鐵板燒比目魚配秘製蕃茄醬」，比目魚魚皮燒到脆卜卜，魚肉仍然保留鮮味嘅肉汁，超正。之後係「鐵板燒美國牛肉薄燒」，香滑牛肉薄切，非常鮮嫩。仲有「櫻花蝦炒飯」，飯粒炒到好香口，有少少彈牙，好講究廚師嘅廚藝。整體食物質素好高，碟碟菜式都好好味，非常推介。…查看更多

今日喺尖沙咀H8呢座大廈入面搵嘢食，因為呢度出名好多特色樓上鋪，喺地下嘅招牌入面，見到一間韓國餐廳，於是就上去睇睇，發現餐廳裝修好靚，燈光暗暗地，仲掛咗好多星星燈，非常浪漫，座位舒適，而且寬敞，好適合情侶拍拖，或者一大班朋友聚會。今日我哋兩個人，叫咗一份炸雞雙拼（香蒜蜜糖味、甜辣味），炸雞除咗有炸雞之外，仲有三款配菜，分別係薯條、薯格、薯角。炸雞同幾款薯仔配菜都炸得非常香脆，特別係薯格，上面鋪滿調味粉，非常惹味。第二味菜式係「韓國辣湯麵」，韓國公仔麵粗身，而且彈牙，好有口感。湯底唔算太辣，配菜非常豐富，大大份，好抵食。接着係「海鮮煎薄餅」，用了十足，好多款海鮮同埋蔬菜拼埋一齊，澱粉質唔多，薄餅只係用嚟將海鮮同蔬菜連接成一片薄餅狀，好特別，配合調味，好好味。食韓國嘢一定要飲番杯凍飲，我揀咗一杯「熱情果梳打」，大大杯，好冰凍，非常解渴。…查看更多

今日喺銅鑼灣一間隱世海景酒店， 酒店入面有一間高級中菜廳，裝修非常豪華，座位寬敞而舒適，服務員貼心招待，舒舒服服享受一個豪華嘅中菜晚餐。晚餐套餐每個人頭計算，包含好多個菜式，有「江西豆腐」、「紫菜配合脆皮炸豆腐」、「金沙白飯魚」、「大宅佛跳牆」、「蟹黃銀針會肉帶」、「蟹膏蟹肉湯芡燴帶子」、「古月龍山花雕酒蒸蛋 虎蝦球」、「拔絲咕嚕肉」、「香煎一夜鮮麒麟魚」、「蝦子花膠濃雞湯 伴菜苗 手工拉麵」、「芋蓉燉鮮奶」。舖頭非常推介「江西豆腐」，豆腐又香滑又充滿黃豆味，好新鮮。除此之外，「佛跳牆」用了非常講究，有花膠、海參、鮑魚等食材，非常鮮味，營養價值十分之高。另外，「煎麒麟魚」亦係相當出色，麒麟魚嘅魚麟，焗到一塊塊豎起，而且脆卜卜，非常特色，連魚鱗都可以食，好有營養價值。…查看更多

今日搵到一間隱世特色西餐廳，裝修佈置得好靚，仲有隻啤啤熊，場邊仲有一張佈置精美嘅長枱，好適合成班女孩子嚟聚會，仲可以打卡影相。首先叫一個頭盤「芝士開心果無花果配餅干拼盤」，有幾款唔同嘅芝士，非常香濃好味，無花果同開心果一齊食，又另有一番風味。接着叫咗兩份主菜：「原隻烤雞」同埋「炸軟殼蟹牛油果漢堡包」。非常欣賞嘅係烤雞肉質鮮嫩，調味得非常入味，外脆內軟，內裏仍然保留Juicy嘅肉汁。飲品方面，揀咗杯「芒果沙冰」、「朱古力沙冰」，飲品全部都大大杯，冰凍又解渴。餐廳每日提供嘅甜品都有好多選擇，「開心果芝士蛋糕」係非常非常推介，非常香濃厚實嘅芝士同埋新鮮有濃味嘅開心果醬，配合一齊食，超級正！鍾意食濃味芝士或者開心果嘅朋友一定要試！另外仲揀咗一款抹茶雪糕，同樣美味，少少甜，好濃抹茶味同埋奶味，好正。…查看更多

今日搵到一間隱世特色西餐廳，大廈嘅大堂好似普通嘅商業大廈，餐廳嘅招牌並唔顯眼，乘坐升降機上到去，行到走廊最盡頭，終於發現呢間西餐餐廳，睇睇餐牌發現原來餐廳係食法國菜嘅，餐廳入面裝修佈置得十分簡約，感覺清新而舒適，法國菜嚟講價格非常優惠。嚟食法國菜一定要試傳統嘅「法式洋蔥湯」，仲有「法國蝸牛」，洋蔥湯偏向適合香港人嘅口味。蝸牛配合薯蓉，好惹味。主菜兩份，分別揀咗「牛肝菌意粉」同埋「紅酒燉牛肉」。牛肝菌味道非常香濃，燉牛肉係牛面頰肉，肉質非常香滑而且鮮嫩，配合紅酒一齊煮，十分出色，非常推介。今日嘅推介甜品係「雜果拿破崙餅」，超多雜果，配合鬆化嘅拿破崙餅，即叫即做，真係超好味。總結食物質素好高，係好抵食嘅法國菜，鍾意食法國菜嘅朋友一定要嚟試試。…查看更多

今日放咗工之後，喺尖東附近搵嘢食，跟紅磡呢邊有間地舖，見到餐牌推介「一周年慶二人餐」價錢唔貴，好抵食，所以就入咗去。餐廳裝修新淨，座位寬敞又舒適。入到餐廳，服務員服務非常殷勤，先會遞上一啲前菜、同埋茶。我哋order咗二人餐，食物包括：「老太太特色肥牛」、「老太太特色瘦牛」、「雪花牛肋條」、「香翁鳳梨牛扒」、「特味雞腿肉」、「白蘑菇」、「牛肉海帶湯」，仲有多款特色調味料。服務員非常貼心，佢會幫你剪肉、同埋燒肉，亦都會教你點樣燒得好食，燒幾耐先至熟，等等……整體食材非常新鮮，牛肉香滑幼嫩，最特別係白蘑菇，燒完入邊仲係好Juicy，好好味，非常推介。埋單並無收額外附加費，價錢合理，性價比高，兩個人食啱啱好，美味有好抵食。…查看更多