whwing的个人专页

話說上次已經嚟過一次慶祝生日，雖然食物一般，但員工好有心服務，我哋又幫我哋影相，所以今次再同朋友過黎。點知，非常！失望！本身已經訂咗想要求窗邊位員工完全沒有交代能否安排位置仲將我哋安排係出餐位本身諗住過嚟打卡影相最尾係完全影唔到靚相點影周圍都係人諗住嗌套餐擺碟會靚啲但最後因為張枱太細所以啲木盤襯花全部都拎走晒嘢食依舊一般員工亦冇特別服務最基本連廣東話都聽唔明同我講普通話仲有位男店員勁大陣煙味我叫套餐有禮物送又完全冇提過去到走嘅時候問先至俾同埋今日非常多人服務同體驗都唔好同一般快餐廳冇乜分別今次係同朋友慶祝專登寫低咗但唔知係咪因為唔係生日主題餐廳完全冇安排不論係擺枱個襯花又好定係推車上甜品都好全部都冇，滿心期待最後乜嘢都冇自問人均食$600都唔平呀想嚟幫襯嘅人，真係諗清楚！…查看更多

第一次黎食 冇特別期望似打卡餐廳風格 座位唔算特別闊落但book咗位 轉頭員工已經打嚟確認態度好親切 去到嘅時候安排咗卡位俾我哋同埋想畫碟比驚喜朋友員工都表示唔使擔心到陣時我哋叫咩甜品都會配上呢隻碟的🩷食物方面我哋三個人食但係因為怕食唔晒所以只係嗌咗兩個晚餐再加小食同甜品點知⋯⋯⋯⋯員工好好地送咗小橙汁同湯比我勁sweet～～～我哋飲咗薯仔湯，唔係味精湯仲有煙肉碎😋仲食咗羊架，連同配菜都好好味同埋焗飯，偏濕但味道OK途中員工都不斷幫我哋換碟去到上甜品嘅時間就驚喜啦！員工前後上咗三個甜品俾我哋佢個巴斯克麻糬蛋糕，仲要超級超級好食心太軟亦都好正🥰🥰🥰一定會再黎！！員工同食物都太窩心了！…查看更多

入座個男經理已經態度惡劣唔好禮貌 佢安排座位後另一名同事表示坐隔離靠窗都可以我同朋友就選擇隔離靠窗既座位點知個位男經理再行過時喝我地坐錯要調番位我地都明白可能人數較多要遷就但個語氣唔洗咁差囉😑佢同自己d同事又會笑到失控咁勁唔專業呢個真係負評至於食物方面款式都多但味道一般👎🏾的食物：心太軟勁油、牛肉同羊架都好硬冇鮮味、意粉勁淡、甜品放足全程冇換過變晒常溫、生蠔好淡、煙三文魚勁咸👍的食物：薯仔沙律等冷盤、果汁都ok不算太甜至於其他就一般餐具污糟 食物有塵完全唔值呢個價一定唔會再黎！…查看更多

由10年前讀緊書係禾輋街市，食到愉翠苑舖結業，一直都好掛住！間唔中就喺OpenRice search吓，竟然有意外收穫！見到喺石門開番即刻去買！係嗰陣未味！再比以前濃味咗，不論係汁、配料定係肉同麵都非常足料！唔係住喺本區都專登揸車過嚟食！大家都要試吓！我最鍾意佢嘅沙嗲雞肉同豬頸肉撈米線😋重點係成間鋪嘅人都好熱情同超級有禮貌🩷希望佢長做長有，生意興隆💵唯一缺點係佢得一張枱堂食，變相要搵地方自己食，不過佢一直經營嘅模式都係外賣為主。…查看更多

見人氣咁高，好似冇咩負評，又咁多人推介，專登過海過嚟食，由於座位唔多，等咗差不多1小時，滿心期待。🥰🥰入座之後，員工唔算特別友善，又成日扮見唔到我地，有少少無奈😮‍💨。食物終於黎到～就算燒咗一個鐘頭，塊鐵板都係唔熱，D 雞軟骨細粒到一毫子咁，食物又乾又無味⋯⋯好失望～所有肉都係一樣味，唯一較好食既係炸饅頭，但呢樣野根本冇技巧可言，本身叫佢只係打算飽肚少少。仲有個一蚊盲粉，純粹係一碗愛玉加d提子乾同山渣碎，唔好味⋯⋯⋯呢個價錢可以有好多好既選擇，唔會再黎，都唔推薦比大家。…查看更多

好好食既ribs, juicy！大大份！如果薯條有鹽就更好了！卡邦尼好濃味！意粉軟硬度岩岩好！員工超nice~熱情！平日黎位置任揀😍😍 好舒服！一定再黎！！滿足！…查看更多

之前食過刺身方面ok，朋友俾咗優惠券，只限晚市用，諗住今次試吓其他嘢，點知就瀨晒嘢。一入咗之前佢就已經問定我哋係咪用優惠券，唔知係咪因為咁嘅關係，食物質素特別差。今次我哋叫咗叫咗咖喱烏冬，啲汁係一兜黃色冇味嘅水，非常失望。仲有雞翼同牛舌串燒，又乾又冇調味咁樣，唯獨天婦羅係正常質素，所以建議大家下次叫熟食嘅時候要小心選擇。冇諗過平時好多人排隊有咁有質素嘅餐廳會變成咁，定抑或是其實佢嘅熟食不嬲都唔掂呢？但係冇咩必要我都唔會再試啦。…查看更多

叫左個叉燒烏冬，叉燒黑色，硬過石頭，店完話浸過係咁架wor! 之前食豬排又乾又硬，諗住呢樣穩陣d，都係奶野！我諗食完會有事囉，最後放棄左。我已經對食物冇要求，竟然挑戰我底線，嬲！…查看更多