Garfield_bb的个人专页

腸粉好冇heart好難食腸粉$14/4條、魚蛋$10/6粒/腸仔$14/2條價錢收咁貴竟然比啲咁嘅野食人腸粉鞋、魚旦韌，個咖哩醬嘅味都好求其叫呀姐落多芝麻唔會理你叫佢腸仔碎上又求其剪一下咁簡單嘅食物都可以做得咁差加上呀姐態度又差…查看更多

好少打食評，但呢間餐廳真係太差一去到問有冇book位我地話冇book就叫我地坐bar 枱（吧枱好窄唔會擺到食物）然後我問可唔可以坐返大枱就叫我地坐住先當時差不多晚上10pm然後成餐飯冇人係我哋臨走先有一張枱Walk in完全唔明點解原先安排要我地坐門口擺唔到嘢食嘅吧枱刺身唔新鮮、怪味、師傅唔識處理筋位三文魚樣同口感都好怪油甘油成條係筋根本食唔到蝦亦唔新鮮未食過咁差嘅刺身其餘串燒亦冇特別，調味偏咸感覺冇心機做嘅一間居酒屋兩個人食左成千蚊劣食嘅一餐女侍應成日掛住㩒電話叫佢比杯水又比茶叫佢埋單明明回應左但等好耐原來冇安排要再叫多次先安排感覺好差嘅一間餐廳永不會再幫襯…查看更多

週末老公話想relax下揾間居酒屋飲下酒食下串燒，揾到呢間鳥捌，日本稱”雞”為”鳥”，所以我哋大約都知道呢道主打係串燒係雞，仲有好多日本都好流行嘅雞稀有部位食，呢一餐我哋食完都非常驚喜。【食物】我哋冇揀omakase, 因為都經常周圍去居酒屋食串燒嘅我地，大概都知道自己想叫啲咩同鐘意食咩，每一串串燒黎到嘅時候，我哋都覺得好高分，雞項目食得出係日本雞&有啲部位係新鮮雞，仲有時令新鮮魚生仲有好多種類Sake選擇【服務】一入到去就好似日本居酒屋咁好有氣氛，店員服務周到細心，幾個師傅好專心努力整理我地嘅食物，可能真係比較忙，少啲同客人互動，不過最重要都係提供到好嘅出品。【環境】係一間好開心嘅居酒屋，其他客人一般都係一路飲酒一路傾計等啲串燒，好開心，好似去左日本，又令我哋諗起深宵食堂要提一提，呢度絕對唔啱情人節又或者追緊女朋友黎架，因為呢度係一啲都唔浪漫，呢度係一間開心居酒屋🏮不過如果你同另一半都鐘意食好嘢又鐘意呢啲氣氛，就啱晒喇…查看更多

結婚週年紀念日老公揀左呢間日本鐵板燒餐廳食飯，去之前做左少少research, 知道老闆之前係由港島區一間高級鐵板燒出身，前身在錦田天空之城開業，而剛剛再搬到元朗這地址，之前的評語都一直非常有水準，所以我地都非常期待😍鐘情日本菜及有少少研究Sake嘅我地，呢一餐果然冇令我地失望，每一道餸都好有驚喜，食材講究，海鮮新鮮，師傅功架非常好，鐵板燒最講求時間控制及火喉，仲要同客人Social, 真係少d經驗都唔得！唔好以為鐵板燒只係可以將d食物放喺鐵板上炒熟，其實煎炒蒸燉炸，都可以由鐵板做到，可以蒸蛋，可以煮湯，可以將魚鱗炸到好似薯片咁趣卜卜。所以鐵板燒係我近年非常喜愛嘅餐廳類別，因為可以望住師傅整自己嘅每一樣食物，只係睇佢地嘅功架，都已經值回票價😊👍🏻食完呢一餐真係促使到我要寫下食評😋為佢地作一下鼓勵👍🏻✨…查看更多

我成日都要周圍發掘一d好食又好坐嘅地方同朋友聚會，誤打誤撞試下呢間開業半年多嘅潮牛莊，一行六人都讚不絕口，呢度價錢非常合理，而且位置喺最方便約朋友嘅地點-尖沙咀，我地已經約左下次再來😍貴精不貴多，要食就要食好野，呢度每一樣野都好新鮮，牛肉真係好好食，而且更係其他火鍋店好少會有嘅部位，鐘意食靚牛嘅我真係好滿足...仲有手打丸同手工水餃，每一樣都好好食。呢度原來係明星聚腳點（我上到黎先知），不過佢地更係坐vip房啦😁…查看更多

元朗好少有肉骨茶，揾open rice見呢度有就去試下，好失望，肉骨茶淡如水，只得豉油味。朋友另外叫左咖哩牛腩飯，咖喱醬汁都是水滴滴咁的，味道古怪。職員冇禮貌，食物不合格，元朗一大伏店。…查看更多

老公知我係日本fans, 所以生日都帶我去食日本野，估唔到香港有一間咁有feel嘅正宗日本浜燒料理，好多食材都由日本直送同鯉魚門漁民即捕上岸即燒，食材、服務、裝潢都非常有水準，而且價錢合理！浜燒其實係指在海邊或岸邊，將即捕回來最新鮮的食材就咁燒來吃，日本很多漁村附近其實非常普遍，而喺香港真係首間可以有咁嘅環境同食到咁新鮮嘅食材。…查看更多